四海遊龍 (已結業)

原本只是打算跟太座吃碗粥便算，但轉頭又想，光是這樣又怎能滿足 ? 沒有送粥的小吃總覺欠了些甚麽似的在這兒外賣一客鍋貼回家伴粥吃。拿到回家時已是凉了一些，吃這些東西還是要堂食比較好...結果就是鍋貼的底變得淰得很，滋味全失了....但再吃進去，便發覺肉餡沒有很多汁，是乾巴巴的；皮也是硬得可以....心想 : "就算是堂食，這也不會好吃到那裏了"....早知如此，便寧願破例油膩一點，買粥的同時再外加一份炸雲吞好了

星期日去, 想不到原來在大街, 店內地方很大, 坐下找遍menu都無8蚊5件鍋貼, 相信已換了新menu, 叫了全場最貴既牛肉麵$30, 湯底好濃, 像有藥材加入內, 另叫了酸辣湯, 不錯, 蒸牛肉餃子跟一包醬油膏, 其實是用黃豆...等製造, 但味道有點淡, 沒有叫他們的招牌甜品-雪綿冰.埋單70幾元

剛剛搬去土瓜灣唔係好耐~要摸熟下0的地方~所以就摸左入呢間四海遊龍…同sheep叫左一碗淨水餃, 酸辣湯同埋鍋貼~我都鍾意食台式既鍋貼~同埋酸辣湯~因為年頭去過台南, 試過一間好細好細既街坊舖頭~果度既鍋貼煎得好香好好味~呢度既都唔錯, 幾夠熱而且都煎得岩岩好~同埋八蚊五隻真係幾抵食~台式既酸辣湯同上海果0的唔同~有蛋花紅蘿蔔果0的材料~顏色偏淺~我覺得酸味較重, 而辣味就唔係太覺有…但當然不及我晌台南飲果碗咁好味啦~而水餃就普普通通~不過好奇怪既係水餃果個湯底好似台灣牛肉麵果0的湯底~所以食既時候味覺有少少混淆, 唔知自己到底係食緊水餃定係食緊牛肉麵…..係牆度見到有一張雪綿冰既poster, 睇落幾好味咁~但係好似太大碟, 所以有機會先再黎試啦~

這家分店停業一個月，以為佢會關門大吉。點知真系再營業。今日返工即時再去試一次，沒有令我失望。整間店光猛咗，員工亦都積極咗(可能因為唔系舊個D)。菜單亦都改咗，減少咗菜式。廚房內重有一位男廚師主理，大大加強我的信心。起碼唔系每樣野整好曬系到再執埋一碟比你。我即時叫咗我的最愛"牛肉麫"同埋酸辣湯。酸辣湯不過不失，牛肉麫就好OK喇!首先D麫系有彈力架，唔系以前個D煮好曬軟綿綿的麫。牛肉亦都大大件，26蚊值得。

已經第二次去食了。今次都係食鍋貼同雪綿冰鍋貼八蚊有五隻，味道ok~ 而且夠熱雪綿冰試了士多啤梨味，好好味，冰好似唔覺有香蕉味，味道甜甜似落有煉奶，冰好滑服務態度都有所改善，都會主動提出幫助一定會再去食

一場來到土瓜灣繼續四處遊逛,從欣榮花園走到碼頭那邊,原來也不是很遠,還發現到白宮冰室,天氣再涼一些定必造訪!! 在土瓜灣道見到這間台灣鍋貼專門店,趁著胃胃還有丁點空位,單點一客著名鍋貼($8/5隻)好了。買票後回座位等店員叫號碼,等候期間聽到頗為開放式的廚房裡,店員叮叮噹噹的在煎鍋貼,又不是鐵板燒表演,為什麼會那麼吵?? 新鮮煎好的鍋貼的底部金黃香脆,樣子跟在台灣見到的一模一樣,外皮又是薄得很,只是將它一反轉,油份多得將鍋貼變成油令令的,反而底部就乾爽得一滴油也沒有,而且又相當香脆,尤其那些脆邊邊最為美味;餡料用上豬肉、椰菜和青蔥,肉餡打得很碎也有點鬆散而且沒有什麼味道,淡淡的要蘸上所附的醬油膏才可以;只是那醬油膏味道不算很好,曾經在中山北路某早餐店吃過蛋餅早餐,那醬油膏味道咸得來味道很讚,這一小包的就被比下去了。吃著吃著相當懷念通化街夜市那檔一口煎餃..........由於今次在比較飽肚的情況下去試,味道一定不會覺得很好食,下次應要再試一次才可作實,很想試其蛋餅和雪棉冰

因為咁0岩係土瓜灣附近教水, 就諗起好似有一間食鍋貼幾好味0既店鋪, 就去試下. 0個名叫做<四海遊龍鍋貼專門店>, 我叫0左個下午餐, 不過出餐0既效率就慢0左d!!! 1. 鍋貼8隻 + 紅豆雪綿冰 ($16) ~ 兩樣0野個賣相都好正喎, 尤其係個紅豆雪綿冰, 不過食落口就......有d失望, 其實d 冰好得意0架, 好似綿一樣, 仲有d紅豆都好味, 只是服務員係落紅豆之前, 唔知加0左d咩落去, 令我食落去有陣怪怪的甜味!!! 至於鍋貼就真係可以一食再食, 個皮煎得有少少脆, good. 個餡料味道都不錯, 加上醬膏+醋+豆板醬, 惹味!!!P.s. 其實鍋貼同餃子主要有咩分別呢???整體評價：鍋貼可再食!!!

今次出發去"土瓜灣偉恆昌"的"四海遊龍",食台式食物~(先講這間店,原於台灣的,以前我與老公在"台北市晴光市場"附近住時,也經常去"四海遊龍"買鍋貼吃~因此,才想來試試,我去新食肆之前,必定會先去Open Rice先看食評的,見到土瓜灣總店的食評好差,但~~為了安撫一下老公的"思鄉病",我老公是台灣人,好~就試吓吧~~看看差成點??)__________________________________叫了兩個牛肉麵------>>>老公說大約7-8成似,我個人覺得,湯底都OK,但~仍與台灣的有分別,在台灣吃牛肉麵時,我必定連湯都飲埋,因為,台灣的牛肉麵既湯底好濃,且有"酸菜"可比您自己夾來配食,湯好有肉汁味~但~香港這間,有牛肉味,但~不太夠濃~所以,湯都沒飲~但~說不上差~香蒜雞扒---->> (不是台灣地道小吃"香雞排"啊~),味道一般,不算很好,也不能說差~鹵水拚盤---->>(豆腐好入味好正,其它的雞翼,鹵水旦,豬手都一般,不會很差)最後,當然少不了甜品--->>雪綿冰~我幫女兒選了"百香果"味~都幾好味~

我住响附近, 之前試過幾次, 不過應該唔會再有下次!佢推出咗新的早餐menu, 仲有半價, 尋日試咗，不過我覺得好蝕．因為:1. 員工: a. 朝早買外賣的人多數都係趕返工,但除非閣下好得閒, 否則千祈唔好去, 因為真係等到一肚火. 員工懶懶閒, 做野好慢, 有d '做又36, 唔做又36' 的感覺b. d staff 的醒目態度真係...... 已經用電腦出單俾廚房, 但整野食個阿姐要人同佢confirm 3 次先知個客要乜b. 我要2種食物, 但由我俾錢到攞到外賣要等10分鐘, 比正常慢好多. 我完全睇到佢地的製作過程, 仲要係慢鏡.明明有兩個staff, 但要等第一個staff整完第一樣野食, 第二個staff先開始整第二樣野, 火都黎!2. 食物質數a. 魚鬆旦餅: 旦同塊粉皮冇乜味, 淨係靠ｄ魚鬆有少少鹹味, 好淡!b. 牛肉燒餅連豆漿: 牛肉係牛肉麵個ｄ牛肉, 燒餅似超市有售的嘉頓意大利包, 個包冇烘過, 好乾好鞋口, 全個包連料係凍的c. 之前試過其他: 牛肉麵 - 牛肉連汁ok, 但麵吸唔到湯, 冇味; 雪花冰- 可唔可以唔係蕉味呢? 鍋貼 - ok, 但偏油, 要係剛

見到呢度有刨冰，忍唔住又黎試左。牛奶冰係香港真係少有，其實個樣都幾似台灣果種雪花冰，而有香蕉味既刨冰係台灣都係有既，細細個果陣就成日食到，我估係落左香蕉油，坦白講，我好憎呢種味﹗同埋係台灣，有香蕉味既刨冰係古式刨冰，同雪花冰係完全不同既種類，唔應該放埋一齊囉。

都係俾廣告吸引去試牛奶冰及鍋貼, 鍋貼都可以再叫, $8 (5件), 牛奶冰有點貴$15, 因為份量唔係太多, 個次叫士多啤梨牛奶冰d士多啤梨汁真係好少, 記得台灣牛奶冰冇生果墊底, 咁佢有幾塊蘋果食吓收$15算係咁,但我寧願要多些牛奶冰.

由於去完台灣後念念不忘士林夜市的牛奶冰,偶爾經過土瓜灣的這間四海遊龍,看到門外hard sell台灣馳名雪綿冰,於是即刻入去試一試,睇下係咪真係好似台灣ge牛奶冰咁,入到去,d店員都好懶懶閒,而鋪面ge裝修就真係幾似台灣/大陸ge餐廳,雪綿冰有10幾款口味,但係我都係揀左最穩陣ge士多啤梨同水蜜桃,1拎完就即刻食,點知第1啖就 太奇怪喇d味,d冰有香蕉味,可能我唔太接受到香蕉味既野食啦~而且d冰睇落去都幾濕...o係台灣食ge時候絕對唔係咁ga..然後又冇啦啦有舊梨墊底..好唔搭調$15 係平,但係... 唔會再食囉..或者下次可以試下d鍋貼ge..

試左兩味:1) 牛肉麵 - 牛肉'同麵質還可以, 個湯就十足牛肉即食麵d味粉整出.2) 鍋貼 - 賣相唔差, 但唔熱, 直頭係 room temperature.No next time.

好兩日經過，食左。環境非常有祖國情懷，但是來自台灣喎，係台灣咁多年都未見過呢間既﹖真奇怪。同埋超多人打尖，唔知做乜鬼。叫左餃子同牛肉麵，餃子皮有少少黏牙，不過餡唔錯，有肉汁，都算煎得幾香，係多油左少少。牛肉麵都合格，湯底濃，不過牛肉唔夠腍。不過$8有5粒，真係時光倒流九十年代，重想點﹖近排真係幾興台灣野。

我食左一客鍋貼($8/5隻)，酸辣湯面($20)，涷咖啡(+$5)鍋貼剛剛煎起，皮薄，有小小肉汁，唔點醋都好味．酸辣湯面，不是我喜歡的味道，但面質我好鍾意，夠大碗！涷咖啡OK！呢度係冇餐，如要飲野涷熱都係加5蚊，下次我會食水餃！PS:服務員態度良好，充滿笑容！