回味工房

營業中

休息中

今日一行6人去左中環回味工房食喇沙, 餐廳位於中環機利文新街地舖. 有上下2層, 地方唔算大, 但勝在好味.同事們分別叫左: 墨汁墨魚丸, 蝦, 豆卜濛粉, 燒豬頸肉, 蝦, 豆卜油麵,  魚肉春卷, 蝦, 豆卜油麵.墨汁墨魚丸, 蝦, 豆卜濛粉: 墨汁墨魚丸彈牙, 墨魚汁入哂味, 真係好好味. , 蝦又爽又彈牙, 新鮮, 唔會煮到好老.燒豬頸肉, 蝦, 豆卜油麵: 燒豬頸肉好多, 好滑, 好爽, 肥瘦適中, 真係有幾多可以食幾多. 魚肉春卷, 蝦, 豆卜油麵:  魚肉春卷雖然浸林左, 但材料夠哂多, 另有一種風味最最最重要係: 個湯一定要飲多幾啖, 呢間 喇沙,湯底係食過咁多間喇沙最好味架

午餐想不到吃什麼，又會到最愛的回味工房。吃我最愛的喇沙。因為時間比較早，所以人還沒有很多。我們上了閣樓坐。我點了魚肉春卷、蝦和豆卜。同事點了燒雞扒飯。午飯時間上菜好快，呢頭落單嗰頭就送上。同事的燒雞扒大大件，可以切開很多塊。而我的喇沙保持一貫的濃味道。橙紅橙黃的奶白色，滿滿的椰香，豆卜已經吸收晒湯底！魚肉春卷也是啖啖肉，很足料。粉的份量也多，食完成碗男人都會覺得飽！跟餐附送的飲品味道都濃郁，我的奶茶同事的檸茶，絕對唔係Hea底之作。所以這裏總不會令我失望。

因為先前的工作，在中環附近一條食街有印象，翻查後原來叫機利文新街，這條食街充斥著許多白領朋友前來吃飯，我剛巧遇著人數最多的午飯時間，前來探路，最後選定這間似乎主打叻沙的新加坡菜餐廳。本來我也在叻沙的各種款式中猶豫不決，直至看到（煙三文魚蕃茄墨魚麵），心裡立刻說，今天是要這款了。入座後，鄰座OL們清一色吃叻沙，好吸引，特別是油麵叻沙，看了就口水直流，希望我要的墨魚麵也不遜色。煙三文魚蕃茄墨魚麵（＄７６）配熱奶茶：來了，聽到吃叻沙的鄰座OL們馬上竊竊私語：（哇果個墨魚麵幾靚喎！），我也表示同感。大塊煙三文魚配上切片芝士碎及疑似芝麻菜苗作點綴，雖然吃到一小部份冷冰冰的，可是好味墨魚麵是墨魚＂汁＂麵，我以為是真的用墨魚打出來的麵條，直到我剛翻查英文，寫道Squid Ink Pasta，好吧。但精彩地方在墨魚麵的配料：蕃茄混合芝士的醬汁及洋蔥。初時以為為何蕃茄醬是這種橙色，直至試味時，有種酷似千島醬加芝士混合的醬汁味道，配合洋蔥香味，我覺得可以配兩份麵來吃，實在十分滋味

Came to Affinity Kitchen as boyfriend said he heard the laksa was really good here. The menu is in English and Chinese. There is no 10% service charge.  They offer sets that all include a drink. The place doesn't appear to be very big but they have an upstairs dining area as well. Boyfriend had the  Spring Rolls, Clams, Tofu Pot with Rice in Laksa Soup ($56). The soup  was very rich and flavorful. There were numerous little clams found along with lots of tofu puffs to soak up everything. The spr

真係未試過飯都未食完就想打食評適逢匯豐信用卡外賣自取有優惠諗住食好少少叫咗回味工房嘅西冷牛扒飯同意粉滿心歡喜咁打開蓋個樣都好似唔錯點知........第一個敗筆嘅地方就係餐具(自問唔係環保L 有時唔記得走餐具就會照用)當你擺塊牛扒喺個膠蓋上面首先支叉係叉唔入塊牛扒到你要切嘅時候 把刀亦都唔利支叉變晒型都未切到一舊呢個時候會覺得叫飯比叫意粉好起碼喺飯上面切唔會切到碎晒相信老闆好用心良苦地想培養更多環保L第二個敗筆嘅地方係唔夠汁圖中嘅西冷牛扒飯已經好好雖然底下全白飯意粉嗰盒真係不堪入目啲意粉dry到一嚿嚿 唔係好散到而落到去意粉度嘅汁 望落去似牛扒嘅肉汁多啲第三樣就係塊牛扒完全冇醃過冇黑椒冇鹽重點又唔係靚扒所以食落去冇乜味成個餐最好味嘅反而係蘑菇湯其實曾經堂食過佢嘅喇沙係唔錯嘅雖然價錢唔係平估唔到今次留下咁深刻印象深信短期內唔會再幫襯更加唔會再食呢間嘅牛扒飯

中午食飯時間，係中環都有好多特色餐廳，今次就去食個星馬菜Lunch set既選擇都幾多，有飯有意粉有叻沙，總有一款岩你食個湯底好濃郁，尤其椰香味濃，而且愈食會愈辣，十分惹味，好似到差唔多成碗湯都飲哂入邊有雞絲, 魚片, 蛋, 豆卜等等好足料，豆卜仲吸哂湯既精華好正不過呢到最吸引我就係佢有螄蚶，傳統既喇沙係有螄蚶不過香港冇咩地方有螄蚶好肥美，而且食落好鮮甜，配埋叻沙湯好正總括黎講：係中上環呢個價錢來講算係有質素，不過位置坐得迫少少同食完就會趕人走咁

今日lunch去左買個豆卜，魚肉春卷喇沙檬粉～份量比較少，食完希D唔夠飽，但湯底出眾，椰香濃烈，食完都忍唔住飲多兩啖湯，明知肥都忍唔住。下次有機會就會試下佢既小食。

Guess the price of the salad!! You can never get it right, because it is waaaaaay-tooooooo-cheeeeeeap!!!!! This salad is T13 as it is listed on the menu, have a look at the price. You'd be o-m-g! This is a tea set, but the time is until 18:30, in which is good for a quick dinner! Food: ****/***** (the food quality is very good, the greens are very fresh and so as the smoked salmon)Service: *****/***** (the lady owner always look angry and mean, but the staff are very pleasant. I ordered the chic

某晚四條腿辦工完畢去了中環一小店晚餐叫了兩個set dinner首先是磨菇忌廉湯 頗香濃吃得出粒粒磨菇蓉 有驚喜點的是大蝦鮮茄墨汁意粉都好足料 有五六隻大蝦 雖然吃得出是雪藏貨 墨汁麵都頗濃 醬汁偏甜 雖然不是小妹😃杯茶 但其實真心不錯小妹這重口味女孩點了傳統喇沙餐廳說螄蚶是由泰國進口Size有點細 係我第一次食螄蚶感覺還可以 不抗拒另外還有雞絲 魚片 蛋等等 很足料順帶一提 喇沙頗辣 不吃得辣的朋友注意但小妹就覺得很ok

第一次開post 因爲入面個呀叔服務態度極差！我地5個人入去食，未飲完杯野就收走個杯趕我地走。一話未飲完，就掃番個杯俾我地。唔該改善下。。。本身又一定要我地分開錯，明明就可以搭枱！以後都唔會再尼！

今日要去搵牙醫，自己一個又唔知食咩好就去食喇沙啦！你知啦，中上環lunch時間好難搵食... 呢間係朋友知我鍾意食喇沙而推介既~ 我之前同我男人黎食過一次，因為個次係星期六日尐時間就唔洗排，但今次係星期五，所以就算一位都等左15分鐘佢既喇沙好味在有螄蚶，其實螄蚶個味都唔係人人鍾意，我細個都唔ok, 可能因為怕污漕，但越唔俾就越想食，所以漸漸又覺得佢好食，由其襯埋落喇沙!由於選擇困難症發作，所以揀左呢個傳統喇沙 $80，凍飲加3蚊

中午食飯時間，係公司附近搵到呢間特色餐廳，就快快手試下。餐廳門面睇落細細間，原來樓上仲有一層可以坐。12點鐘餐廳未算多人，我同同事上左去樓上角落位置坐底。食品選擇唔算好多，主要係唔同味既叻沙同西式食物。同事點左個海南雞豆卜叻沙，我就點左個煎魚柳天使面配香草汁。天使面個香草汁就真好正，香濃香草清新味道配埋濃濃忌廉既配搭簡直一流! 個煎魚柳煎得剛剛好，外脆內嫩，鹹味剛剛好。同事話個叻沙都好好味，佢話次次來食都食呢個叻沙，個湯底好濃好好味，可想而知一定好好食，我下次都要試試! 個雞都好滑好嫩，真係唔錯呀！ 埋單平均每人70零蚊，Ok啦～係中上環呢個價錢來講算係有質素。食完下午1點出到來，門口已經好多人排晒隊，有質素既餐廳多fans。

呢間餐廳要等人齊先可以入座,其實都幾合理,此終中上環區租金真係幾貴.但係我地12:50入座,計埋行上樓上,叫野食,12:53分落單唔算過份吧.大約13:05先有野食,13:25已經比人叫一次食快D,好多人等緊,當時野都未食完13:30又叫一次快D,未食完既野又問收得未13:35又叫一次快D,今次差野飲,飲埋已經拿拿林走計入座45分鍾,計落單40分鍾,計食野30分鍾,點都唔算過份吧,洗唔洗叫三次咁多?落到去問收銀姐姐其實你地限時幾耐佢又話冇限時,到我問計埋落單45分鍾唔過份下話佢就話應該半個鍾(30分鍾)你咁趕既你咪門口貼住30分鍾囉,洗唔洗係咁嘈.價錢話貴唔貴,但話平都唔係平囉最後公道講返句,野食OK唔錯既,但係咁既態度同限時就好有問題...

通常多人排嘅餐廳都唔會差得去邊，今日又有一次印證左呢個道理啦。話說好耐冇見嘅以前工作上嘅夥伴今日約食飯，來到而家多國菜餐廳。我叫咗新加坡風味喇沙，湯底唔錯喎，仲有螄蚶添，螄蚶嘅味道係好重，唔鍾意嘅朋友可能會嫌佢腥，但係我覺得佢撈埋喇沙汁就好好味啦。以後都會得閒再嚟食喇沙，價錢OK，位置都方便，就喺中環中心隔離姐。

我同朋友12:35左右到，佢搭8左右d野嚟，13:03就趕人走，我已經快手飲埋就走，走緊佢都要繼續講，明明已經起身走都仲要繼續講，話我地食好耐，出面好多人等，真係火都嚟埋，我陣唔係係到hea,使唔使咁呀，咁harsh應該係門口貼住用餐時間半個鐘呀嘛，我唔會再去食，又唔係話好平，野食水準正常，唔算平，中等價，一個喇沙麵大概70蚊，但食到要受氣就無謂。我一直都冇寫評價，今次真係嬲得濟，就算華星，東南亞催極都叫有禮貌，對客對到咁不如唔好做生意啦。