回味工房

營業中

休息中

呢間既早餐有十幾款，睇到小妹眼都花。有好幾款餐好吸引，不過今日low carb day，所以要左B5。佢既蛋有三種煮法可以揀，而水煮蛋最健康，即刻揀左。沙律同多士都分別走左醬同走左牛油，所以大家望落去可能無咁吸引。早餐有沙律菜值得讚！不過啲菜既青味有少少勁。雞扒好大塊，都煎得幾香幾滑，唔肯定不過好似有少少孜然味。水煮蛋有兩隻，煮得熟左少少不過都仲係流既！多士就略嫌太硬身，咬左一啖就無食了。反正low carb早餐都唔可以食太多麵包。注意，外賣要加一蚊的。

中上環打工仔既飯堂係中上環返工既上班族一定好煩惱每日食啲咩好小妹發現係一條細入面 - 機利文新街, 有一間小店, 係專食喇沙同西餐.—傳統喇沙 $78配料十足, 有雞絲, 蝦, 螄蚶, 魚片,豆卜同雞蛋. 聽講個螄蚶係泰國空運嚟, 好新鮮最緊要係個湯底, 好重椰奶味, 辣味適中, 都幾出色😌成個喇沙不論個湯底同配料配合得好好, 絕對要嚟一試.📝📝小評語:舔舔脷指數: 🤤🤤🤤🤤 .除左喇沙之外, 餐廳都仲有其他特色推介紅酒燴牛尾, 墨魚麵同羊架都不妨一試呢個價位係呢個地區嚟講算係抵食, 雖然地方小小但仲有一個閣樓, 絕對適合一大班人聚會同傾下計

是日見工時間完全OVERRUN原本約了朋友LUNCH也放飛機了去到勝香園發現要18號才開門大概是放最長農曆新年的食肆自己一條獨丁随便覓食，便走進這小巷的小餐廳蘑菇餐湯沒想過蘑菇湯如此足料，每啖都食到大量蘑菇蓉是有誠意的蘑菇餐湯煙三文魚蕃茄墨魚麵 $75醬汁味道有點似千島醬，但更香更濃味墨魚麵沒有很香的墨汁味，軟硬度一般，沒有AL DENTE的口感但煙三文魚的份量不少，而且也有不少三色椒絲和洋蔥，用料份量真是不手軟總括而言，味道未算很出色，但也是有誠意的意粉份量頗細份，但由於醬汁很濃，食完小小一份已有飽感和膩感服務方面，雖然侍應外表和行為是MK的感覺沒想過對食客是彬彬有禮，的確人不可貌相CP值不算高，但LUNCH沒有IDEA的話可一試

Lunch時間黎食。叫左個澳洲西冷扒紅酒汁。其實個味道係未到出色，但都唔錯既，紅酒甜甜地，都幾開胃。但係個份量真係好少，食完都仲係有啲肚餓，仲要75蚊，雖然中環黎講都係合理價格，但係份量可以多返少少

5塊雞賣$68的lunch set, 油水得好過份。見圖中，無影到既係包熱飲，油飲，菜一碟，飯菜都ok, 係雞既份量小得驚，5件，係得5件.... 抵唔抵食見人見智，5件仲要包骨，係嚐雞骨既時間，係食到雞味。我試探性問一問店員賣$68的set 海南雞飯是否就係呢5件雞，店員回覆：師父切既，係咁架啦。肯肯定既語氣，令人語塞。值得一試

每次去新加坡工作，我都會食好多叻沙。因為香港我食過好多餐廳嘅叻沙都覺得唔好味。有時癮起，我都寧願煮百勝廚好過。今日咁啱見到呢間餐廳有叻沙，仲話螄蚶係泰國空運到港，就入去試吓。因為喺香港失望咗太多次，我無影相就開始食個傳統叻沙! 竟然好好味，真係可以拍得住新加坡嘅水準! 湯底好鮮味，唔太辣又有椰奶味，螄蚶好新鮮! 雖然蝦似急凍，但味道ok。雞絲，豆腐扑魚片都 ok。個湯底真係無得輸! 我一定會再返去食!P.S. 門口張相係食完決定要食 Openrice 影的。個叻沙9秒9食完無影相。

在同一條街食過回味及喇沙王既喇沙老實說2間都不太出色。後者沒有蝦味也沒有喇沙味。而回味既喇沙似係用了百勝廚即食喇沙再加上檸檬葉及花奶既味道。 其實只要用啲蝦頭蝦殼炒香再加即食湯底便可以做出碗對得住這價錢既喇沙。可惜店無甘做因為食到既蝦都係無味似是冰鮮貨。 今日點了墨魚丸喇沙, 墨丸既粉質太強完全吃不出墨魚丸的味道及感覺。明白租金人工都貴但做食物既真係要有心,如果唔係好快被淘汰。總結來說2間店都一定無下次。

每次想吃喇沙都會來這家店，這是我吃過香港最好吃的喇沙。這店不大，分為兩層，中午時候一般12:15分過後就會報滿。午市套餐包括飲品不到$80，在中環算非常划算。特別推介食喇沙，喇沙湯帶有甜味，粉面可以可以配檬粉，油麵或米粉。

中環中心側邊有條細街，叫機利文新街， 有間小食肆，外表冇乜特別，但佢嘅牛尾令我一吃倾情。舖面細細，但原來佢仲有一層閣樓雅座。先嚟個蘑菇湯，比预期中超水準，個湯濃淡適中，唔會水汪汪，唔會傑達達， 仲食到啖啖鮮味嘅蘑菇粒， 好好味呀!到戲肉啦，最令人掛住嘅喺呢度嘅紅酒燴牛尾， 牛尾經過幾個鐘頭炆煮， 肉質淋甜，嗰汁一入口就食到有紅酒、洋蔥、紅蘿蔔同埋蕃茄嘅鮮味，食完一次就會掛住，就好似日劇美味關係的女主角對美食嘅思念!呢間餐廳另一招牌菜係叻沙，下次要試試!

自上月中起加入中環嘅上班族群，就激起喺中環區搜羅大小美食嘅熬情❤大多數上班族只有一個小時午餐時間，要等電梯等位食飯再要等野食黎，等下等下剩低十來分鐘真正進食，所以個多月來都主要食唔洗排隊的餐廳。今日只有我踉另一位同事食，所以到大排長龍的餐廳一試究竟。如常的有廿人人龍，霸氣姐姐手寫”飛仔”俾等候顧客，不過由於有樓上雅坐，我們兩位很快入坐，再毫不猶豫的點了兩碗招牌叻沙來的招牌叻沙果然名不虛傳，咖哩叻沙椰香辣風味撲鼻，聞到已經想食配料使用雞絲、血蚶、豆芽、蝦子、雞蛋，以香料和魚烹調的湯味道濃郁。只怪我忘了說要油面，他自動來了檬粉。血蚶已自動去殼，方便進食。湯底份量充足味濃少油。雖然$78 在中環午餐選擇眾多，但回味工房的招牌叻沙食過回味，難怪姐姐可以這麼霸氣驕傲了~! 

香港整叻沙整得正宗同好食嘅真係唔多，朋友話附近有間叻沙做得幾好，於是過去試試。Lunch 時間去到門口見到好多人排隊，要等成十張枱，不過好彩唔趕時間，難得黎到，等下都要架啦。今日點左個傅統叻沙，認真不得了，一睇就覺得d料夠晒豐富。配料包括有雞絲、蝦、螄蚶、魚片、豆卜同雞蛋。黎到飲飲個湯先，椰奶味算濃烈，但又不失叻沙湯底應有嘅惹味，辣味適中，單以湯底計，已經好高分。至於d配料，比較出色嘅可以話係個活螄蚶，果然泰國空運返來係唔同d，非常新鮮，咬落好爽脆，完全無異味，只有清甜嘅味道留在口裏，呢種大概就係齒頰留香嘅味道。雞絲切得好幼，配合個粉一齊食，更有合感。豆卜吸收湯嘅精華，非常惹味。魚片彈牙有魚味，全部材料都有水準，配合得好好。呢個傅統叻沙強烈推介比大家，就算等位食，都係值得，保證一試難忘。

打工仔日日要諗食咩😂（雖然平時帶開飯多，但偶然都會出去食下）碌碌下OpenRice 見到呢間回味工房，見d喇沙幾惹味甘，於是就去左試試了～去到已經排左唔小人係門口，好采樓上甘岩有位先唔洗等甘耐😭店鋪好細，要逼住坐！我就嗌左碗魚肉春卷加蝦既喇沙，唔會好辣，岩我口味，不過份量就細左小小。我朋友就嗌左碗卡邦尼通粉，哈哈個碟勁大但份量同喇沙一樣甘小！不過味道係幾好既！總括而言，等餐時間比較耐，份量比較小，但味道係不錯的！

話說小妹聽同事講呢間嘅叻沙都唔錯食，所以係某個炎熱嘅lunch time 就試咗呢間。因為一開始落單嗌咗個傳統叻沙，跟著上餐都幾快。跟住我想d參巴醬，個後生仔攞咗俾我，跟住個auntie就當住我面同個後生仔講，要加3元㗎！之後，我就直接同個auntie講，咁唔洗啦，之後佢就欏開咗。 我望曬成間鋪都唔見有告示話要收錢。勁失望唔係唔捨得俾，而是應該寫係d當眼位置俾人知道。而唔係上到黎先俾說話我聽。搞到我令到個後生仔難做人。總括來講，味道係OK，不過呢次經驗真係好失望

中環吃喇沙的地方不多，這間算是不錯的一間。星期五跟同事共3人約12:45到達餐廳，拿了票要等約15分鐘才能內進。餐廳有2層，我們被帶到樓上用膳。由位坐位緊張，一開始要分開2張枱坐，一張2人，另一個同事要坐另一張枱，待食客埋單我們才能重新一起坐。第一次光顧當然是點傳統喇沙，可以試齊多款配菜。喇沙很快便送上，一看就覺得很豐富。配料有雞絲、蝦、螄蚶、魚片、豆卜及雞蛋，麵條則選了檬粉。湯底味道正統，惹味又帶點辣勁。每款配料都很好吃，特別是螄蚶很甜，又滑又有咬口，不愧註明是空運過來。湯麵份量亦足，吃完一碗很滿足。

今天有空去試一下這家，新機利民街的西歺廳，回味工房，叫了个番茄芝士雞肉意粉，他們的蒜蓉蕃茄汁做得十分出色，未上桌已聞到香味！味道很棒，加配了个青檸薏米水帶來清新的感覺！下次試西冷牛肉番茄意粉/卡邦尼也是不錯之選！西餐廳也有青檸梳打喝呀，隔壁叫了個喇沙湯麵，除喇沙湯底以外還有司暗配的，驚喜驚喜！