回憶客棧 (富臨門大廈)

營業中

休息中

深水埗出名多平靚正美食，我本人好鍾意食花甲粉，行過見到有串燒同花甲粉食😍😍，價錢又唔貴，諗都無諗就入咗去！😝😝⭐️招牌花甲粉可以選擇多芫茜😍！入面都幾多花甲，隻隻都大而且鮮甜！仲有金菇做配料，粉絲索晒花甲嘅鮮甜，好入味👍🏻👍🏻食完唔口渴，唔會有味精，唔錯！⭐️椒麻魚皮呢個無得揀辣度，只有中辣！我唔係好食得辣，所以都覺得幾辣！🥵但魚皮好爽脆，而且好大碟，唔係度度有得食，所以都唔錯😋😋⭐️燒茄子好好好好大碟茄子，上碟個時有啲嚇親😂😂燒得好香，好好食！😋😋⭐️大大塊雞排燒到啱啱好，唔會乾柴！好juicy🤩⭐️雞腎爽口唔韌，值得一試！仲有得叫酒，可以一路飲酒一路食串燒😊😊

係深水埗玩具街買完玩具畀孫仔後，周圍行吓搵野食，見到嘉頓附近有新店，有花甲粉和串燒，花甲粉仲要係我最喜歡的粉絲，當然要試下。餐廳有酒bar和梳化位，雖不是好大，但闊落舒服。花甲鮮蝦粉、花甲鮮魷粉（$62）可以要求多蔥，多芫荽，開心。花甲數量適中，粉絲浸飽湯汁好好食。鮮蝦粉有3隻大蝦，相對得幾個魷魚圈的鮮魷粉抵食。小辣的湯底較不辣的惹味，不辣的都很鮮甜。串燒燒茄子（$32）好大碟又惹味，必食。燒秋刀魚（$28）魚較瘦和少肉，但燒得靚，不乾柴。燒翠玉瓜（$13）鮮嫩有汁燒韭菜（$13）味道好，不過韭菜有渣。

位於深水埗附近，黃金電腦商城後面的後面嘅青山道，有一間新開嘅舖頭， 入面有花甲粉同埋串燒食。 今晚畀朋友放咗我飛機， 咁我唯有自己一個嚟食啦 Orz一入去一定要嗌，舖頭最出名嘅花甲鮮蝦粉（HK$ 62），我要咗中辣, 仲可以要多芫荽,多蔥花，真係太適合我口味啦。蝦同花甲都好新鮮，粉絲都好入味，又香又辣。花甲鮮蝦粉用錫紙包裹住，去到枱之後再自己打開，熱辣辣，好新鮮。 串燒要咗羊架（HK$ 38）我揀咗中辣，好香羊肉味，有孜然粉味，同香辣味粉。

喺長沙灣嘅花甲粉專門店終於開分店啦，講緊嘅就係喺回憶客棧。佢哋喺深水埗開咗新店，我哋呢啲花甲粉迷就一定要嚟試吓先。招牌花甲粉＄48湯底係用咗少許清酒、金菇和薑，可以有效辟腥之外，仲可以帶出花甲嘅鮮甜味，再將煮熟嘅花甲同埋粉絲再用錫紙包裹，喺上檯打開錫紙嗰一刻，一股熱騰騰嘅蒸氣同其鮮味亦都隨之一齊湧出。呢度用嘅花甲大隻，肉質鮮甜，而爽滑粉絲索哂花甲同埋湯底嘅精華，勁好味。茄子 ($26)茄子燒嘅火候控制得宜，保持鮮甜軟腍，一絲絲茄子肉入口已經融化，皮肉好易分離。而表面鋪滿咗大量蒜茸同孜然粉，蒜味勁濃，蒜茸愛好者必點。雞排（＄28)：切成六大塊，燒得皮脆肉嫩，肉汁滿滿，最後撒上孜然粉，勁惹味。燒雞泡魚乾：而上菜時魚干仍然保持溫熱，令魚乾少少軟身，食落帶點甜甜的，令人不能自拔地一條一條不斷地放入口中。牛油金菇：用原個錫紙兜上檯，入面有滿滿嘅牛油香，而金菇嘅中間仲有蒜茸，令金菇嘅味道變得更加豐富。燒豆卜：燒得夠乾身，夠香脆，撒上孜然粉，更加滋味。

深水埗多嘢食應該個個香港人都知🤣但好食既花甲粉加串燒應該唔係個個地方有！仲要係好食，我睇番啲相都回味緊啊🤣🤣🤣外面裝修好文青估唔到係食呢啲嘢🤣🤣招牌花甲粉湯底我揀左中辣，味道好惹味，粉絲又索哂啲湯，絕對無令你失望🥰🥰🥰最緊要花甲又新鮮！要讚既位就係！一粒沙都無呀！好難得出面既餐廳做到呢一步呀😚😚串燒-韭菜味道好有內地既感覺🥲好好味，啲椒鹽粉落我岩岩好啊🥲好滿足，好難係香港搵到呢種口味了茄子我未食過一間咁重本，會有咁大條茄子，又多蒜蓉又多汁🤣🤣，完全唔Hea啊🤣如果大家想食花甲粉，誠意邀請食呢一間🤣絕對唔會嘥錢同埋浪費時間！

飲酒🍺唔少得下酒菜，平時都係食炸物例如薯條🍟、炸雞🍗，容易增磅之餘仲好熱氣搞到爆曬瘡，今次俾我搵到件下酒好物同大家開心share 🍻😎~~🌕藤椒魚皮 $58少有唔熱氣又襟食嘅送酒小食！望落份量唔多但魚皮爽脆而且厚身，每一片都咬多幾下所以好襟食；只有中辣🌶一種辣度，又有花椒在內，可幸麻同辣都只會留係口腔同嘴唇👄，唔會嗆到去喉嚨，單食一兩片係容易接受嘅，不過辣度稍會累積，好彩有啤酒救命🛟，食幾片就飲一啖解辣，可以叫佢做啤酒小偷！🌖招牌花甲粉 $56 花甲吐沙吐得好乾淨，而且全部都無死開曬口，一盤嘅花甲數量唔多，可考慮加配；粉絲爽滑唔易碎，吸滿湯汁好入味～下次再食可以考慮加底或者加配蔬菜🥬，好好利用惹味嘅湯底。🌗安格斯牛肉粒 $32 有點overcooked，肉質較乾較韌🙈。🌖羊架 $38 無多餘嘅肥膏，羶味唔算太重。🌖鰻魚串串 $18 日式鰻魚串，走軟滑路線，醬汁唔會太多，體現左乜野叫到less is more 👍🏻。🌖扇貝 $38@生熟度剛好，會唔會燒到收晒水，蒜蓉份量夠大方。🌗豬仔嘅肉 $12 薄薄一片，孜然味較重，係有少少脆口又唔柴嘅豬肉片🐷。小店除左有賣啤酒之外其實仲有好多choi

深水埗呢一間主打花甲粉同港式串燒嘅小食店 價錢真係相當親民😍環境又舒服 同朋友收工食吓野就啱晒😌.📌招牌花甲粉 $56 加底$9叫咗多蔥, 多莞荽同清湯😛花甲粉入面有八隻花甲 全部都好鮮甜😚入面仲有啲金菇同埋蒜🍄🧄米粉好吸湯 不過湯就有少少鹹🤏🏻最鍾意係️用左錫紙包住個花甲粉 令佢一直都暖笠笠 唔錯❤.📌燒茄子 $32每次食串燒必食茄子🍆大大條又夠厚肉 個醬好惹味 面頭嘅蒜, 香蔥同孜然粉 令茄子更加香🧄🧂茄子質感軟淋 有入口即溶嘅感覺 可惜就比較油膩🫣.📌錫紙蒜蓉娃娃菜 $18娃娃菜好清甜 不過都係有少少鹹🥬.📌豬頸肉$16豬頸肉肥肉位較多 食落好有油甘香 而且仲好爽口彈牙🐷個孜然味好香～.📌羊肉 $28羊肉串肥瘦均衡 食落去一啲都唔騷 但肉質就有少少偏硬🐑個孜然味都係好香～.📌大大塊雞扒 $32雞扒好嫩滑 個皮脆卜卜🐔加埋面頭有少少蜜糖咁甜甜地 好似bbq咁🍯再加左少少嘅孜然粉作調味 好香好夾🥰

有日同仔仔去完深水埗玩具街，媽媽又要發掘下附近有咩餐廳食下野 就發現呢間中式居酒屋🏮哈哈😆點解咁叫佢呢 因為入邊裝修好似居酒屋但食既野都就係川式串燒同花甲粉招牌花甲粉熱🔥辣辣上枱 ，打開錫紙包裝，花甲大隻係沙係底既粉絲吸收哂所有花甲精華鮮甜無比而串燒都非常滿意，雞皮香脆，牛舌爽口，豬頸肉香脆。燒生蠔同茄子🍆都係勁蒜重口味送🍺啤酒一流🤣另外嗌咗多蜜糖甜甜既墨魚丸，司華力腸，燒到脆卜卜嘅豆卜，俾仔仔獨自享用一星期俾佢解放一次食到佢舔舔脷

喺門口見到呢間舖頭唔會覺得佢係食花甲粉同埋串燒！因為個樣有啲似食日本野🤣但個裝修我覺得好靚😌😌完全係我杯茶🥳🥳🥳🥳最令我意外嘅係啲嘢好好好好好好食要講好多次😜😜😜😜花甲花蟹粉一見到個份嚇親我今日好多蟹😂仲有花甲好鮮，小小沙都無😜非常好又難得啊！湯底選擇咗中辣，味道好入味，粉絲索哂啲湯😜😜😜串燒全部係熱辣辣，好好味道，椒鹽粉同佢地自家製既粉好夾，好正🥲好難係香港仲有咁有誠意既鋪頭了！特別想講雞軟骨同埋鰻魚，最難忘🥰🥰🥰因為我看每間舖頭都一定會食呢一個，但呢間我可以話最好食😜😜相信我好快又食😉

要求人转台，又唔跟返点野食比人，半个钟有多追咗又唔马上跟，食物上到台真系好小气，酒店食都冇咁精致，问咗服务员，然后话系咁啦。👍都知食烧烤系烧，但烧浓点食呢?可能伙计都系老板来的手机不离手，打机（王者）大家可以点下脆玉瓜，娃娃菜之类。

喺香港想花甲粉除咗自己整，喺出邊真係比較少有小店有得食～最近朋友介紹咗喺深水埗新開嘅回憶客棧，又晒花甲粉、串燒、仲有埋Bar 可以配生啤！試完覺得回頭率幾高😍環境：深水埗新開呢間花甲份串燒店，裏面係用暗木色同黑皮為主，可能因為新開感覺非常企理乾淨，而且bar位整齊放咗好多酒又加多咗少少氣氛～小店內坐嘅位置算多，而且大部份都係卡位，每張枱都幾大，算係少數坐得舒服嘅串燒店世一佐酒小食：雞泡魚乾 藤椒魚皮（ 中辣） 平時真係好少好少串燒舖可以有晒呢兩款佐酒小食！！再去雞泡魚乾同藤椒魚皮！😍😍😍雞泡魚乾整好係又香又熱又脆，放多陣煙煙韌韌，每嚼一下都好入味，配生啤super match!!魚皮質感厚但咬落超爽！而家都好入味～生啤 Asahi $68花甲粉 $64新鮮上嘅時候真係出晒煙好吸引，揀咗金菇娃娃菜配花果粉，粉絲超索湯，花甲大隻肥味夠鮮！好味😋串燒 $82金菇肥牛肥牛又薄又Juicy，調味啱啱好，值得再叫～鰻魚串串意外地外皮燒得好脆，估唔到咁好食，厚肉得嚟嫩滑入味羊架我自己都幾鍾意食羊，覺得羊架都做得幾好唔會好柴，調味又唔會over,所有嘢都恰到好處，好香，味道豐富～燒茄子茄子都笑得好好，

食店: 🐡回憶客棧 @ 深水埗有了你 即使平凡卻最重要～簡簡單單食串燒已經好爽～而且花甲粉一啲都唔簡單～高水準！張梁點餐👦🏻👧🏻整體評分（10分滿分）：8️⃣$56《招牌花甲粉》食評💬：加咗底$9、加咗咗娃娃菜$8、加5隻花甲$15，花甲大大隻好新鮮，蒜蓉粉絲聖子相信大家都食過，就係呢一隻味，然後粉絲同娃娃菜索晒啲味每一啖粉絲都係呢隻味，湯底好鮮甜好正！$32《大大塊雞扒》切成六片，燒得好香口，雞肉嫩滑～$38《鹽燒基圍蝦》一碟4隻都有蝦膏，大大隻，肉質爽～$16《燒燒賣》大大粒嘅燒賣，一串4粒，配埋啲辣粉食幾惹味～

終於食到花甲粉啦😍話說呢條癮都頂咗好耐 知道回憶客棧喺深水埗開咗新分店 又近咗 放假即刻衝去幫襯🏃🏻‍♀️帶點懷舊嘅木系裝修 播住耳熟能詳嘅音樂 好有氣氛 仲有精心設計嘅吧枱位置 令人忍唔住要飲返兩杯🍻▪️招牌花甲粉好好味啊🤤湯底好正 清澈但濃郁 加咗蒜蓉同辣椒 辣辣地好惹味🌶粉絲索晒湯汁 不得了🍜 花甲夠新鮮 我哋仲追加左墨丸同娃娃菜 粉絲仲加咗底🙊好豐富▫️雞全翼好大隻好多肉🐔皮脆肉嫩▪️豬頸肉唔乾唔硬 油脂充足 滿滿肉汁🐷▫️安格斯牛肉粒肉味濃郁🐂入口都幾嫩 ▪️扇貝又係好大隻 仲好厚肉🦪上面嘅蒜蓉粉絲亦都係重點❤️▫️ 鰻魚串串味道唔錯🐟口感都軟腍

🇭🇰Hong KongAverage expense:$150-200+📍Address: 回憶客棧呢間舖頭雖然細細地，但係食物好多選擇，而且價錢非常抵，比一般嘅串燒店平，店入面仲播住流行音樂，客人食得好輕鬆～最推介嘅係佢哋招牌花甲粉，個份嘅份量大到可以兩個人share食，花甲好新鮮，尤其是個湯非常好飲！肉類串燒方面，羊架、豬頸肉、安格斯一口牛、鰻魚串串都好唔錯！用咗孜然粉，食完之後唔會太口渴，調味唔會落得非常重手，可以食得出材料嘅原味，食完之後唔會不停咁飲水，同埋最推介係蒜蓉茄子同埋牛油金針菇，用茄子超級大份，而且好啱鍾意食蒜蓉嘅朋友，調味好濃郁！

深水埗多野食就係人都知而家今日就得到個朋友指點帶我黎左深水埗食花甲粉都唔係我第1次食錫紙花甲粉架啦不過呢間除左有花甲粉之外,仲有串燒燒烤同埋生啤飲好適合一大班人過黎飲酒吹水呀我同朋友都叫左2個花甲粉其實花甲粉即係粉絲我就叫左個普通既, 而朋友就叫左大蝦花甲粉有大蝦🍤3隻 花甲都有一大碗重要冇沙!!!!真係一粒沙都冇!所以廚師真係好有心思架之後再叫左幾串串燒做side dish有香蒜鮑魚仔x2夠哂新鮮 肉質彈牙香甜有 燒鰻魚, 燒雞腎同埋燒豬頸肉燒鰻魚有2件, 醬汁都好好食而燒豬頸肉則係細細粒 雖然係易入口但係都唔係幾夠食但係我都會帶埋朋友過黎再食多D串燒同埋飲下啤酒既~