土司工坊 (PopCorn) (已結業)

星期天嚟到Popcorn吃早餐, 點了肉鬆厚多士早餐套餐,包火腿通粉,兩隻煎雙蛋,再加薏米水，食物ok, 但每次等候時候都很長很長😪，需時30分鐘 不過這樣豐富的早餐只收46蚊，都冇say 啦。欣賞這個薏米水，真材實料，不是出面稀淋淋的。肉鬆多士是脆口的厚厚多士，他們是先放上煉奶，才放上肉鬆，一甜一咸的感覺很配合。可以選擇生熟蛋或是煎蛋，我較為喜愛這個有點"焦"的蛋！ 至於火腿通粉一般般啦！M1G:13]

今日中午去買叻沙麵餐，見到個牌寫住「炸魚蛋」特價$10，所以落單時叫埋魚蛋，點知俾完錢，張單寫住魚蛋要$12，我問點解，收銀話「跟餐」叫就要$12（甚麼邏輯！？），跟住我話你地應該要寫明或改價錢，未改到可收埋個牌，以免誤導顧客，點知隔離個經理話唔要可以退錢，一點「唔好意思」的態度也沒有！重要搞到好似我唔啱咁！老實說，差價 $2 係好少錢，問題係有錯唔改，理虧在先，重要用差劣的態度處理，以後都不會光顧此店！

鍾意食麵多過食飯的我，除左唔同種類既Pasta，仲好鍾意食湯麵，喇沙就係其中一樣喇！本身個人唔算好食得辣，鍾意喇沙既原因大概係個味道有少少辣得黎，又食到椰香味，覺得呢個配搭好正。平時去親土司工坊都必定會叫喇沙魚片好爽口彈牙，豆卜sok晒啲湯汁好淋好好味！不過略嫌米線有啲淋，如果再硬身啲會好味啲 整體黎講已經很不錯，好多餐廳既喇沙放得太多椰汁，係好重椰香，不過食唔到嗰種微辣反而覺得差左某野，而土司工坊既喇沙湯底係拿捏得剛剛好

天氣回暖，中午呢餐唔想食飯，結果去左食粉麵，但又唔想食潮州粉麵，所以去左食土司工坊，叫左完星州喇沙，貪佢夠野味。佢湯底少少辣，帶啲椰香，啲麵吸左啲湯都幾好味，餸雖然唔多，但隻蝦夠爽口，雖然蝦尾有売，而炸魚蛋都有魚味，食落唔會成口粉，個麵加埋啲芽菜，吸左湯、爽爽地，最好味係豆腐卜，吸晒湯底既味，而且豆腐卜亦無油淋淋既感覺，夠乾身。總括而言，餸同麵都唔算多，但味道唔錯，係份量細左啲，食完未到晚飯會肚餓，而價錢方面，以$60左右包野飲算係咁，另外佢杯咖啡甜甜地幾好飲。

收到朋友通知，這家星加坡集團推出限時優惠，比正常套餐更化算。有著數，當然要試試。下午來到這商場，就順便在此Tea一Tea。付款後，要自行尋找座位。平日的下午，客人不多，很快找到梳化座位。熱榛子咖啡　　　套餐指定飲品是熱榛子咖啡，有奶又有榛子味糖漿。但是自己飲開走糖走奶的Americano，所以覺得這杯熱榛子咖啡超甜，完全嚐不到咖啡原本的甘醇，或者苦澀味。早知就要求職員走榛子糖漿！    厚多士～肉鬆　　　厚多士上鋪滿肉鬆，再加少少煉奶。按道理，以肉鬆的鹹來襯托煉奶的甜，是足以令到這塊平淡的厚多士，變出鹹中帶甜的口味。  現實的口感：好乾身。厚多士是乾的，特別是邊沿位置，硬掘掘。肉鬆也是乾的，而煉奶卻是高粘度。整體入口乾爭爭。 味道：最重要的是，剛剛嚐過超甜的熱榛子咖啡，只覺得這厚多士没有甜味，只得鹹味。只能說，幸好這是十八個大洋！就因為超平，所以不會要求太高。

Chocalate同🍓經常光顧的店，不知午餐或晚餐吃什麼就會選擇來吃這家，選擇多，味道都不錯，很乾淨，還有🍫最愛的朱古力饮🥤，🍓最愛的薏米水，次次必飲1.星洲喇沙蝦+蛋+魚餅+豆卜 +豆芽很濃郁的喇沙湯底，🦐有剝好蝦皮喔，好貼心，五片魚片，豆卜都很好入味，有一層紅紅的油在上面，但不會很辣，不會偏甜，湯汁調的剛剛好🍫同🍓都最愛吃他家的喇沙，也試過很多其他家，很多會偏甜，或椰奶放太多，所以還是最鍾愛這家的味道2.美祿朱古力&熱薏米水最香濃的美祿，Chocolate喜歡所有朱古力的東西很多美祿味道很清淡，他家的味道特別特別濃，喝起來就知道料夠足🍓最愛薏米水，一定是熱的♨️味道微甜，，很多薏米在裡面，喝下一杯暖暖的；薏米有祛濕氣又美白的功效，健康又養顏還有一些不同口味的吐司和新加坡特色蛋糕，之前吃過忘記拍，這次沒有點，味道都很棒

之前食過呢間喇沙已覺得有陣怪味😣😣😣諗著畀多次機會佢啦，一樣有陣。。。洗潔精味。可能因為湯底欠缺魚露，又冇椰汁味，只有檸檬味，所以覺得有陣洗潔精味料。料有2隻蝦，size okay; 細細片魚片（好似將街市長方形果款 half cut 咁但好薄)；好少牙菜，半隻烚蛋，同豆卜。喇沙嚟講，真心覺得佢難食👎👎👎👎👎👎👎寧願食出前一丁set都唔想再食喇沙！其實佢咁多bad comment, 管理層應該正視下，唔好再揞埋對耳仔！

下午茶，最岩就係食多士加杯熱飲，今日就叫左兩個餐，叫左奶醬多同Kaya多餐，餐飲就叫左熱咖啡。奶醬多外皮好脆，熱熱地好好食。Kaya多最重要係塊牛油少少凍，夾埋個Kaya醬正爆，最後飲埋杯超新鮮既咖啡，一絕！

晨早起床, 義氣當頭, 完成了TEAM WORK化妝工作後, 就出番去近近地的將軍澳Pop Corn內的TOAST BOX醫肚了。發現一樣現象，其實香港人都好早食早餐，是否早起鳥兒有蟲吃了嗎？將軍澳來了幾次，發覺找食店真的不易找，還是自己不熟此地？？太早了，感覺身體每個部分不是自己的了，只想快點吃完，可以回家休息一下。其實好想點份多士吃下的，但是原來自己忘記了跟收銀哥哥要份多士什麼的，完全錯了的事！奶茶Vs美綠：很喜歡飲奶茶及美綠，見到美綠，就揀美綠先。奶茶我下次先點你喇

土司工坊我都幾鍾意食既,不過食黎食去我都只會食佢個喇沙, 不論中午去食lunch, 下午去食tea,定係夜晚既dinner,都係叫佢既。 仲有就係好鍾意佢杯美祿恐龍!食個晚飯68蚊黎講,真係平, 仲要好飽既,因為會飲晒佢啲湯。間間都係入去時係門口有個收銀, 係嗰到點餐,比錢, 有叫野飲既話,會叫你拎埋杯野飲先, 而收錢既人,就係沖茶水嗰位,所以條隊好慢既。拎完野飲比個牌你,野食會有人拎上黎。一上黎。。我傻了眼, 我叫撈麵嗎, 所有餸都掂唔到湯既, 見到感覺像白灼, 而食落都當然係啦,仲要凍既。。。另外幾朋友都係叫呢個,忍唔住,有個出左去問佢拎湯。而啲湯望落好濃,但食落淡而無味。好唔開心。好彩,我杯美祿恐龍無偷工減料,唉。。真係飽得唔開心唔會再黎呢間分店食lu

今日趕時間食午餐，得呢間吐司工房可以有得坐，就入去啦。我本身對麵包類無乜興趣，所以一路都無試過呢間野。不過原來呢度都有其他選擇，咁就俾個機會大家，試一試佢。今日想食啲香辣野，叫左個娘惹麵線套餐。樣就幾靚仔，食落就明白做人唔可以以貌取人嘅道理。唔可以話難食，但唔夠香，又唔夠辣，量同質係有啲失望。仲有碗嘢有啲乾，唔係好夠汁，蝦又得兩隻，無蝦味。咖啡我覺得有啲甜。環境就同一般快餐店無分別，買完自己搵位。呢個價錢呢個質素，大家自己衡量一下。

同同事食lunch~ 佢話想食喇吵~ 去左Toast Box~環境:有4人枱, 有梳化椅, 店唔大, 但枱都算唔少, 有些枱未收餐具, 亦抺得不太乾淨.... 平日經過呢間Toast Box, 我覺得裝修好靚, 入去嘆杯茶好似幾寫意咁~ 到真正坐低去食野, 發現店在扶手梯下, 途人行黎行去, 望住自己食野, 感覺唔係想像中咁寫意....食物:見同學讚好佢個叻沙, 我都照跟叫左星叻沙套餐~因為飲品得咖啡/茶揀, 我唔太好呢兩款, 唯有好sad咁叫左杯熱檸水, 原來糖係職員代你落,  雖然環保, 唔駛用包裝糖, 但糖量難啱每個人口味~真係櫈都未坐暖已經上菜, 超快~ 個叻沙聞真係好香~ 第一二啖飲落都幾好味, 濃濃的椰汁味, 但再食多幾啖可能就"純左".....味道唔係存留好耐, 魚湯味唔太重.... 最唔開心既既.... D配料係唔熱既.... 我都明白配料係一早煮好, 再放返上去個米線上面, 但係咪應該都用D熱湯碌一碌, 有少少溫熱呢.... 配料魚片、蝦、豆腐都係合理份量, 但無咩味, 主要係靠個叻沙既味.... 實在有點失色...米線都算多, 但偏淋, 還是可以接受的程度...賣相

服务超级差，又慢又差……店员爱理不理(•́へ•́╬)有本事就不要做这个咯，选择都不能好好说。店员完全破坏了我一整天的心情，当着顾客的面对顾客品头论足，可以稍微有点职业道德吗？？而且，前面没有单，一个外带吐司做10分钟？？做的慢就算了调调笑笑一点都不上心，再也不会来toastbox。恕我冒犯，但请勿冒犯顾客

對toast box一向都冇咩特別既感覺既，不過我諗之後都未必會再尼啦!係商場行到攰攰地，諗住搵個地方坐低hea下，食少少野，refresh一下。咁岩就經過呢間toast box，見野食都ok咁，就坐低叫左少少野食。環境就算ok ge，座位都算闊落，坐得都算舒服既。叫左一個雞翼蛋麵，美碌同斑蘭蛋糕。雞翼蛋麵冇咩特別，以咁既價錢，我寧願食其他野啦美碌直頭就冇味，勁少粉，勁多水斑蘭蛋糕算比較好，都算幾香，味道都ok都係果句，我諗之後都未必會再尼啦!

天寒地凍，當然想要熱辣辣的食物啦！放假來到這家星加坡餐廳，點了熱的～Laksa配南洋咖啡。　付款後，先取南洋咖啡，找個座位。等了大約十五分鐘，職員才送上Laksa。　星洲Laksa視覺：湯底少，米粉浸至發脹。而二粒蝦肉外表雪白，很明顯是後加上去的。手感：碗邊不熱，湯底又少，没有足夠浮力，所以米粉粘到實一實。要用點加度，才可以筷子夾出米粉。嗅覺：因為不夠熱，香氣未能有效散發，鼻子感覺不到Laksa的香味。味道與口感：米粉軟棉棉，很適合老人家囉！湯底淡而無味，魚片的味道仲濃過湯底。好聽Ｄ講，即是：呢個Laksa湯底可以完美地襯托出魚片的鹹鮮味！蝦，長期雪藏貨，所以無期望。不過蝦肉本身帶少少鹹味，都濃過湯底囉！　既然是星加坡企業，當然是星加坡效率～慢慢來，慢慢做。員工對客人禮貌正常，不過食物卻退步了！　湯底好杰而且味道淡！以前食過星洲Laksa好好味嫁喎！！