土司工坊 (荷里活廣場) (已結業)

只得一小時的午飯時間，以快餐模式運作的土司工坊絕對是個好選擇。平日多吃煎蛋土司，今天有點餓，還是來客咖哩雞腿配厚土司😆😆近年也多了餐廳引入電子化的取餐提示器，由食客自行取餐，省卻了員工送餐服務，又可快速直接通知食客食物已準備好。才5分鐘，熱騰騰的咖哩端出來了，配上剛烘好的吐司。 姐，不，客，氣，了。咖哩汁泛起一層辣油，吃下是微微的辛辣味，大概南洋咖哩不是辛辣的吧。雞腿看起來小小的，實際上份量十足。咖哩的靈魂，一定是，薯仔。薯仔不是爛如薯蓉般，也不是硬如石塊。👍🏻👍🏻👍🏻👍🏻👍🏻👍🏻吐司已切為九宮格，進食方便。金黃的吐司沾上咖哩汁，口感更突出咖哩的味道。自我感覺較健康，沒有配油酥餅的油膩感和那份邪惡感。另外也有四塊豆卜，吸收了咖哩的精華，咬下濺出咖哩汁，吃到一半還擔心不夠咖哩汁。美中不足的是，配菜是秋葵 (個人不太愛吃)，若是西蘭花/洋蔥更佳。餐飲選了南洋咖啡，以淡奶沖(即不放糖)。對以機沖的咖啡沒多大評價，機器沖煮的水準不會有太多差異。想當年第一次喝，不知道南洋咖啡是以煉奶沖的，甜到喊😂😂自此，也學會走糖。也別怪港女點餐飲多要求，畢竟每人對甜的喜好也不同。能友善的提供人性化及彈性化的點

Toast Box是近5年流入香港的新加坡連鎖食肆, 主打的也是新加坡傳統美食。喇沙、娘惹、咖央多士等......新加坡民間名菜－喇沙, 最著重必然係湯底, 湯底香濃味美。正宗新加坡人會額外加入很多的調味例如魚露、醬油等。但個人認為已經非常入味, 每次為晚餐頭痛嘅時候, Toast Box都幫我解決疑難。但當然不是每一間也能保持水準, 以德福、將軍澳和寶琳分店為例, 湯底較稀, 缺少原有味道。另一必選－南洋紅茶走奶少糖, 因味道較像個人喜愛的台灣的古早味紅茶。

晏晝自己一個行荷里活，見到門口poster都幾吸引，海鮮酸辣湯底米線/公仔面，連嘢飲58蚊，都算幾貴下，但暫時未有更好選擇，加之之前食過其他都可以接受，于是放膽試下，叫左米線，熱茶。1 真係幾酸，米線分量極少，大佬58蚊吖，無係28蚊……2 米線煮得好冧，完全無口感，求其搵間米線都無差過佢，58蚊，諗諗下好肉赤……3 檸茶不嬲都幾好水準，但瑜難掩瑕……依間都食過幾次，感覺食親面，米線都好“伏”，飯同包就好好多，價錢都唔平，希望有d改善喇……食完都係唔飽，仲買多件斑蘭蛋糕補飛

本來睇戲前想食個早餐，冇左大食代既苛里活真係冇咩選擇，早得滯好多都未開，未去土司工坊食個餐肉蛋通粉，點知咁都出事，佢個茄湯㡳好油好難飲，而最怪既係加蔥花，成件事好唔夾，fail.而成個餐唯一既可取之處就係杯熱美祿了

Toast Box 是其中一間我至愛的連鎖餐廳。 餐廳主要售賣南洋風味美食。 與一般連鎖餐廳相比，Toast box 供客人選擇的食物款式不算太多， 但每一款食物也各具特色。 今天我和朋友來到他們位於荷里活廣場的分店吃下午茶。下午茶時間店內不算太多人。 餐廳以大自然木材為主調的裝橫， 寬闊的座位， 加上整潔的環境， 感覺非常舒服寫意。小魚雞腿椰漿飯: 介紹這道菜式，一定要先談談它的飯。熱飯加入了少許椰奶拌勻，有淡淡的椰香味， 但米飯沒有很重的黏稠感，是粒粒分明的。配菜為大量的花生和炸小魚，香口，但偏鹹。主菜為炸雞腿，可能是炸過頭了，外層有點焦，但內裡肉質還可以。星洲叻沙: 這道菜內容非常豐富，有鮮蝦(兩隻)、 魚蛋(五片)、豆卜(兩顆)、蛋(半隻)及大量芽菜。湯頭濃，有椰奶香味及微微的辣味。 好吃!推熱奶茶(大杯裝): 他們的奶茶是逐杯拉出來的，因此之故每一杯都非常香滑。茶葉也算上乘， 沒有苦澀味。 甜是採用煉奶， 因此沒有糖溶不掉積聚在杯底的情況。

一向對toast box 印象唔錯，同妹子黎左lee度食個早午餐，我叫左咖哩雞配厚多士，呀妹叫雞翼蛋公仔麵。但係拎餐果陣係O左咀.....lee個餐52大元個餐有一塊縮左水既"厚'多士，個咖哩得一個中size 雞腿同三舊仔薯仔,茶記食個咖哩雞飯仲多d咖哩雞。問個侍應其實係咪搞錯左？佢第一句就話，下，係咁嫁wor ,所有都係一隻雞腿就無嫁啦。大家可以再睇下件多士有幾縮水。真係無言。我之前食過第二間都唔係咁嫁！到底係個集團退步，定鑽石山間野d人太hea

新加坡真係好多美食，上年去旅遊時几乎每朝都會食返個傳統土司早餐加杯南洋咖啡，我爸爸很鍾情新加坡，我帶他去旅行，他就每天都帶我去食土司飲咖啡😅。每個地方都有唔同特式，新加坡鍾意食土司，香港就去冰室茶餐廳食三文治，港式元素必定要加公仔麵之類，所以香港嘅土司工坊有麵餐😅。黎得就梗係食傳統野，於是我食T1傳統土司套餐，有一份咖央多+一杯咖啡+兩隻蛋。南洋熱咖啡-已經放了練奶，唔需要加糖，甜度剛剛好，炭燒咖啡味香濃。咖央土司 - 啖啖椰香味，多士夠脆。煎蛋 - 我鐘意佢唔係熟曬，仲有少少流心😋。整體好味，不過等呢件多士真係等好耐，等左二十分鐘都有，好彩星期日得閒，如果返工時間就冇咁好心情等喇。

This is my fav lunch dinner restaurant. I always love their curry chicken With roti. Always reminds me of my hometown when I have the roti there. Indeed for others food not really yummy too bad. One little warning for you guys who come here for coffee or milk tea. Do not consume whenever you see this lady making the coffee only go when you see one tall guy making it. Coffee from her sucks. We tried so many times just think last time might be a mistake. But no the fact is she don't even know how

次次黎TOASTBOX吾係食喇沙就係食咖哩雞飯今次決定改改新意思 試食呢個芝士朱扒炒公仔面($46)等左5分鐘就有得食 都算快就咁睇賣相吾錯 但比較POSTER個様就縮左小小水咁黃色芝士汁既芝味吾太濃 相對公仔面豉油味較重值得一讚面餅份量都夠大 足足有碗半面相對炸豬扒SIZE只有約手掌心咁大就細左D豬扒味道中等 炸粉厚度可接受整體味度約70分 以呢個價錢而言我認為喇沙食物質素更為高 始於都係新加坡特色美食做得較好

今日下午茶時間，2:45pm,在鑽石山荷里活無無聊聊，行到無野好行，搵個地方食少少野，靜靜地坐，等夠鐘去返工。起初見到38蚊，覺得好唔抵架啦，諗多陣，算啦，再搵第2間驚唔夠時間食，因為愈揀就愈揀得耐，選擇困難症先講下服務方面，落單位哥哥仔，一路同另一位職員傾計，好無禮貌，佢明明係有聽住我講野架，但結果我要repeat再講食乜飲乜佢地先俾飲品，我飲奶茶，俾個震震牌等拎食物，等左5分鐘啦，就有得拎，夠熱，真係即炸，但感覺油唔算乾淨，炸到都有點啡色。0架央漿好味，但難搽，攪到一pat pat咁食。um...唔會特別再食了。。。

行街行到腳攰、想坐坐，入去叫個多士。想饮奶茶但套餐包括2隻煎蛋、怕太飽吃不下，只單點一件肉鬆多士了,共16元。厚多士上搽上少量醬，鋪滿肉鬆，咬上脆脆的多士，新鮮熱騰騰的，下次會再試斑蘭蛋糕😏

個西多係唔熱同韌性十足，可能擺左係度幾個鐘，誘發左與眾不同既口感，咖央係點既，牛油係搽既，仲等我一厢情願以為係夾咖央。點解喇沙個粉係米線黎既，啲米線又好斷，湯底同唔濃唔夠咸呢兩樣唔係我食

土司工坊水準向來唔錯，加上自己都好喜歡新加坡野食，間唔時都會食下。今次黎到鑽石山呢間食，事緣周圍都人多，又趕時間食快飯，但呢間唔太多人，就即刻入黎啦！娘惹麵線，有少量豆卜碎，芽菜，半隻蛋，熟蝦，麵質好特別，少少彈牙，湯底微辣，好惹味。咖央多同煎蛋，前者烘焗得金黃，香脆可口，夾著牛油同咖央醬，簡單好味。薏米水健康又好味，拉茶都做到新加坡口味。

是日早上打風...但係12:40份落返做3號波...呢一刻...我緊係準備返工啦...好啦...2點幾返到公司無人...突然收到電話... 原來唔洗返...即打電話比朋友... 叫佢同我睇返套海低奇兵先...睇戲過後..大家都有D餓...就去左TOAST BOX 輕食一下..我叫左個傳統吐司套餐吐司中間有咖央醬及牛油麵包烘得外脆內軟再夾埋咖央醬及半溶既牛油夾埋一齊食,每啖都會食到呢3種材料既味道...一流!!!

來自新加坡的過江龍咖啡室，提供傳統南洋咖啡、吐司、和地道麵食，在當地大受歡迎，而在香港也開設了數間分店。這晚在電影開場前特意來吃個輕食晚餐。店內裝修風格與總店相似，以純白色為主調，簡潔舒適，同樣以自助形式點餐及取餐。<傳統土司套餐>吐司烘至金黃，入口鬆脆，中間塗滿一層以椰奶、雞蛋、及糖煮成的特製咖椰醬，再夾著一大塊鮮牛油，邪惡度和美味度同樣滿分！蛋可選煎蛋或半熟蛋，最後配上一杯香滑奶茶，由於沖泡時已加了煉奶所以甜度較高。<娘惹麵線套餐配炸雞腿>濃稠湯底集酸、辣、甜於一身，精華全被幼滑麵線吸收了。配料則有蝦仁、雞蛋、芽菜和豆卜。味道普通，個人不太喜歡。雞腿炸得乾身，偏油膩。<美祿恐龍>加了大量冰粒和美祿粉，喝下第一口味道較淡，攪勻後則散發著香濃美祿味。