坐忘 (已搬遷) 新店位置

一段時間冇嚟食，一晚嚟咗天后呢間食野菜咖喱飯同埋牛油烤雞咖喱飯，平時食開豬軟骨，但幾次食完都覺得好似食緊煲完湯嘅豬肉之後就唔敢再叫住。而黑芝麻牛肋係好味嘅，不過今晚想試新嘢。坐位預咗係坐得迫嘅，因為始終間舖極細，所以冇問題，問題在於食物質素，我唔清楚間餐廳係轉咗手定點，牛油烤雞野菜得幾款野菜，得幾件紅蘿蔔脆玉瓜薯仔，完全唔係以前咁，而所謂嘅牛油烤雞只係煎雞，唔香完全冇味，要靠咖喱汁先食到，最後食凈一舊仔。其實小店本應支持，但唔該可唔可以維持番正常食物水平，一個飯唔平架，依家變咗性價比低了。

是次朋友帶我到佢成日去開既「食堂」。呢日天落住毛毛雨，我地就係天后站行過去。大約7pm左右，店入面都幾多人，係門口等左大約5分鐘左右就入去啦。入面位同位之間較迫，我地就坐左係近收銀既位到，隔離係一張擺外賣既枱。一入去已經聞到好大陣日式咖喱味，雖然餐廳提供除左咖喱以外好多既食品，但見大部分食客都係食緊咖喱飯，所以我都叫左豬軟骨飯。咖喱幾香，同平時既日式咖喱無異；飯份量唔多，幾岩女士食，本身仲擔心會唔會太大份食唔晒。咖喱飯最忌少汁多飯，多汁多飯或多汁少飯，總之飯夠撈黎食就最好。豬軟骨好似係佢既招牌，煮得非常腍，好易就咬得開，入口即溶，非常好。另外配菜都非常多，應該都係佢signature之一，友人話非常健康。呢個就見仁見智，食肉獸或者覺得菜太多，肉可以再多d。菜既質素就一般，同普通日式炒雜菜差唔多。賣單二人total ＄120左右，計埋野飲。

平日翻工係付近，食飯專登11:30去食費事咁多人，我地兩個人一入到去，見到一個人都冇，個侍應竟然話要等齊人先至比入，仲要係有同過佢講我哋兩個人食住先，都唔俾入！ 最後，我地唯有唔等埋個位朋友！入到去依然係黑口黑面，唔想做你生意咁! 真係好唔明點解啲員工咁差態度係咪因為多人食? 叫左個燒烤雞沙拉，正常喇，舊雞dry dry 地，沙律夠多菜。同埋叫左個咖喱豬軟骨飯，啲飯偏硬，同d咖喱唔夠結。總括如果想食餐開心安樂茶飯真係唔好去呢間，辛苦買難受😣，希望老闆會睇到會改善下

以前住鰂魚涌，時常幫襯，搬來天后，想說同間店應該質素都一樣，想不到豬軟骨一點都不軟爛，還有一整塊硬的，肉也給的很小氣形狀難看，蔬菜也給得很少！還是回鰂魚涌店食！店員態度也不甚友善，態度是無所謂，但食物質素差就覺得缺點太多了吧

：「素以一菜不重喫，初訪嚐定食（頁10），更是軟骨不足。唯當日大腦倏忽叫囂著需要豬軟骨，故越洋過海，二訪驚為天人，多巴胺噴薄而出，世間一切再與老饕無關。」《製》#坐忘《號》#豬軟骨野菜咖哩飯（走咖哩）《貝》$69《案》✎「其為人也，發憤忘食，樂以忘憂。」——《論語》✎其為人也，安坐而食，方樂以忘憂。《品》▫️冒煙，冒煙！不論主菜或追加，奉桌皆熱氣騰騰！▫️霧靄氤氳，未食已心頭雀躍，一試溫度熨貼入心。—————————————————————————【軟骨】♦️豐而美，極慷慨！♦️呈啫喱狀，扽之如腩肉危顫抖動（頁2）；♦️軟得幾乎一夾即斷，需運陰勁。♦️用匙羹切割，肉斷而骨絲連，更黏附匙羹（頁3）；♦️膠質如漿而不膩，含化於舌尖而黏口——老饕如入無人境！♦️細膩可人，牛筋不能比。♦️肉中亦摻雜厚厚膠質，只輕觸飯粒也牽絲（頁4）；♦️更喜提原條軟骨（頁5-6），心下已淚流滿面。♦️養顏之益不得而知，忘憂之效立竿見影；♦️立即追加一份（頁8-9），不料軟骨更多⋯⋯—————————————————————————【肉】🔸炆煮至軟淋，卻不會一夾即散；🔸微微撕咬而肉絲分離，優秀。🔸醬汁味入骨肉，滲透肉絲之間，咀嚼而釋出

今日嚟到天后呢邊搵嘢食 平時好少過黎 周圍search下行吓行吓見到呢間 喺門口睇吓個餐牌先 晚市都係around $65至85 一個飯另加$5至10有埋嘢飲餐牌選擇好豐富 店員話豬軟骨係比較受歡迎嘅招牌 我揀咗慢煮豬軟骨日式咖喱飯 朋友揀咗生姜炒牛肋條湯烏冬 （芝麻味湯底）等咗5分鐘左右就上菜 好快手 個慢煮豬軟骨嘅肉都唔算太乾 軟骨部位經過7小時慢煮後已經變到非常淋滑 ，feel 到食咗好多collagen😍咖喱唔算好重咖喱味 比較清淡嘅咖喱 配咗好多好新鮮嘅蔬菜 白飯係用珍珠米做嘅 入邊有少少粟米粒同埋番薯粒 令個口感更加豐富份量啱啱好 有菜有肉有飯 好均勻嘅營養 值得一提嘅係呢度冇用味精 好正嘅comfort food 朋友對於佢個牛肉烏冬都好滿意 我試咗啖湯底 有好香嘅芝麻味埋單平均每人$80有埋嘢飲～ 抵食！

🍽🍴🍽🍴🍽🍛🍛🍛🍛🍛🍴🍽🍴🍽🍴🍽-呢間係一間由日本人開嘅，主打日式家常菜飯嘅餐廳，今日lunch time嚟試一試佢🤓-🥢 豬軟骨七小時煮野菜咖喱飯$69 🆗-豬軟骨有四大嚿，啲豬軟骨已經一早煮到好淋好入味，雖然有一嚿比較瘦而且整得比較鞋口，但係其他都做到肥瘦平均、入口即溶嘅口感，而且仲充滿膠質👍🏻豬軟骨個汁就好似整得鹹咗少少，不過拎嚟送飯都唔錯🌝-🥢 椰香烤雞野菜咖喱飯$64 🆙-呢個椰香咖喱汁比較甜啲同埋咖喱味都重啲，食落會比豬軟骨嗰個汁好食👍🏻雞肉件件都好大件，總共有四、五嚿，肉質都好滑👍🏻野菜嘅份量都有好多款，夠晒健康！-🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 8/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10服務 𝗦𝗲𝗿𝘃𝗶𝗰𝗲 7/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8/10整體 𝗢𝘃𝗲𝗿𝗮𝗹𝗹 7.5/10-🍽🍴🍽🍴🍽🍛🍛🍛🍛🍛🍴🍽🍴🍽🍴🍽

☺︎︎ 𝘀𝗹𝗼𝘄 𝗰𝗼𝗼𝗸𝗲𝗱 𝗽𝗼𝗿𝗸 𝗰𝗮𝗿𝘁𝗶𝗹𝗮𝗴𝗲 𝗿𝗶𝗰𝗲 𝘀𝗲𝘁 ($68) i must confess, their pork cartilage was really soft, flavourful and succulent. the set includes soup~ which makes it feel like having 家常飯 making our lunch more filling! however, i didn’t feel at home:< (read below to see why) scrumptious food but service is meh. might visit the branch in quarry bay someday! 9/10------------☹︎ 𝙖𝙩𝙩𝙞𝙩𝙪𝙙𝙚 their food is good, i saw many good reviews on camper’s but i feel the need to say this. before we stepped in, we s

坐忘again🤣覺得質素比起幾年前差左😢一如既往嘅多人，一如既往嘅逼🙈豬軟骨咖哩烏冬軟骨嘅比例少左，亦都無煮到咁腍咁有骨膠原感覺😞同埋啲肉好嚡😔😞😞烏冬偏淋無咬口牛肋骨燒汁定食無乜牛味其實😞但好鐘意呢款啲菜！🤩尤其係南瓜茄子蓮藕！南瓜好甜🤩蓮藕好爽🤩廣島蠔野菇定食無試到啲蠔比唔到comment，但啲菇好食👍texture 啱啱好，唔會太淋/太硬，有菇香，雖然望落去唔係好appetising，但食落係ok 嘅🤣🤣Conclusion: 肉真係一般，但菜好高質🤩飯都係（珍珠飯粒粒分明🤩🤩）

日本來的老闆注重健康，無添加，無味精，多菜少油。第一次食叫左豬軟骨野菜咖哩烏冬 $76，原本咖哩飯係$66，轉烏冬要加$10。兩大件慢煮豬軟骨無預期中腍，反而有點似牛腩般鬆化，軟骨部份亦似牛筋，有點入口溶化！野菜有脆玉瓜，椰菜，西蘭花，紅蘿蔔，薯仔，西芹及豆，非常豐富！不過唔係有啲硬，好像煮得不夠耐。至於咖哩烏冬，味道幾好，烏冬彈牙，咖哩汁多到好似咖哩湯咁，平時最愛撈汁既我竟然覺得太多…雖然各方面有進步空間，但整體感覺其實唔差，是一間我想再光顧，再試其他餐點的餐廳。

因為同學介紹，就隻身黎試下什麼吸引。一個人食怕唔會有位，好彩等左5分鐘就有位了💛💛我本身好想食同學介紹嘅咖哩飯，但心思思又想食黑椒。。。🤪🤪最後我都係揀左黑椒燒汁牛肋丼🤣🤣佢個黑椒汁堅好食牛肋肉堅淋身，食落味道口感都好豐富。。。雖然牛肉係好淋身，但係都好有咬口，好味到我差不多食晒成個飯😎😎😎，其實佢哋個份量都好多好足夠（可能我細食啦😅😅）。。。唯有下次有機會先至再試吓個咖喱🍛☺️☺️

同另一半去staycation 梗係要去附近搵吓正嘢食啦 今日就走咗嚟呢間坐忘試吓啦餐廳位置喺維園附近 十分方便 入到去 空間唔算大 算係一間比較逼嘅小店 不過黎得呢啲舖頭都唔係食環境架喇 係食佢嘅味道 都預咗所以唔緊要————————-豬軟骨咖喱烏冬豬軟骨煮得啱啱好 啲肉夠腍 入口軟滑 配合個咖喱令佢味度更出————————-雜菌茄子牛肋咖喱飯呢碟野賣相就好普通 但係味道搭救 佢個咖喱本身擁有非常香濃嘅底味 配埋雜菌茄子呢啲蔬菜 感覺好健康之餘食落又有豐富既口感

嚟到天后，試吓呢間人氣日式餐廳，不過都幾多人，排咗都差唔多半個鐘先入到去，餐廳地方唔算大，人就好多，感覺有啲迫豬軟骨7小時慢煮咖喱烏冬，日式嘅咖喱非常香濃，旁邊有好多蔬菜做配菜，都幾健康，仲有半隻糖心蛋，豬既軟骨炆到好鬆軟，好容易就可以咬碎晒，d肉超淋，因為個咖喱都幾厚身，所以啲烏冬都可以掛到啲汁，每一條烏冬都充滿着咖喱汁，啲烏冬應該都係日式烏冬，都好彈牙，餐湯係蔬菜湯，十分清甜，應該冇落味精，$69食到呢個算高質嘅烏冬，性價比算高

ғᴏᴏᴅɪᴇ ᴛɪᴍᴇ 今次食咗坐忘💛佢既豬軟骨一直都好出名，終於有機會一試🤩豬軟骨七小時煮咖喱飯🍛($69) 一共有兩大舊慢煮七個鐘既豬軟骨慢煮七個鐘，真係好淋好入味，係好出色既豬軟骨🥰軟骨位都超淋😚用匙羹已經可以將佢解體🙈另外，仲有好多菜，好健康😆咖喱係日式咖喱，甜甜哋，好送飯！佢既飯仲要有啲南瓜蓉溝埋一齊🤪豬軟骨胡麻湯烏冬($69)豬軟骨同樣好出色🥳有三塊豬軟骨🥰胡麻湯唔會好重味，有啲芝麻味😆糖心蛋都煮得啱啱好！烏冬好煙銀😛不過配菜就少啲，得少少椰菜絲😣如果多啲就好啦！仲有其他野食都好似好吸引，柚子炸雞都好吸引！下次要試吓😝📍 坐忘 (天后)天后電氣道127號地舖

今日搵食搵到天后, 坐忘呢間餐廳座位唔算好多, 星期日晚上6點鬆d去到都要等一陣位! 餐廳其中一個賣點就係強調食物無落味精, 連醬汁都係自家調製, 岩晒注重飲食健康嘅人! 而且一入到餐廳就已經聞到好大陣咖哩香味, 所以唔洗左諗右諗, 首先一定要叫佢嘅咖哩食!!豬軟骨七小時煮野菜咖哩飯賣相十分吸引! 豬軟骨份量絕無手軟, 勁大舊! 而且真係煮到超腍, 冇牙都食到, 哈哈! 而且咖哩汁勁香濃, 配飯食一流! 仲有, 佢嘅米飯好有誠意, 唔係普通白飯咁簡單, 係金黃色嘅粟米蛋飯! 此外, 配料超級豐富, 好多唔同款蔬菜, 有薯仔、翠玉瓜、西蘭花、椰菜花、豆角同紅蘿白, 好健康!忌廉湯烤雞野菌烏冬呢款亦都係驚喜之作, 湯底好香牛油雜菌味, 烏冬係扁同幼身少少, 但保持到口感! 烤雞有3件, 件件都好大舊, 雞肉幾嫩滑! 而其他配料份量十足, 有好多雜菌、洋蔥同煙肉! 食到好滿足!!呢間小店十分推薦大家去食, 食物質素超有誠意, 想食得好味又健康, 坐忘係一個好選擇!!