坤記腸粉

營業中

休息中

成日經過都見到有人幫襯，以為好好食，點不知仲晒伏。腸粉係滑嘅，但啲麻醬係冇味嘅，而且腸粉係凍，第一次堂食腸粉會係凍嘅。墨魚丸係冇墨魚味嘅，朋友覺得粒墨魚丸係霉嘅，我又未覺得係，不過好明顯係唔好食。燒賣亦都出奇地唔好食，全部細細粒，完全冇口感。而且粒燒賣都係凍嘅，點解好似成間鋪買嘅嘢都係凍嘅？牛肉球亦冇牛肉味。又係唔知塞咗啲咩落口嘅感覺。生菜魚肉應該叫做最好食嘅一種食物，因為係即叫即整。好食唔係因為佢嘅味道，而係終於有一樣嘢係熱嘅。呢幾樣嘢就食咗$100。全部嘢都食淨至少一半，完全覺得自己冇食過嘢就走咗。😑

今日去咗好出名嘅坤記試吓佢嘅腸粉佢嘅腸粉真係好滑而且佢嘅醬汁都好好味唔會太過重味之後我再次埋去嘅燒賣同魚肉碗仔翅燒賣就正正常常配埋個腸粉食幾好魚肉碗仔翅，佢嘅料幾足夠一個人食咗幾樣嘢都可以飽幾個鐘🤣🤣

今日行經大圍，諗住搵啲小食天下肚先啦，咁經過呢間小食店，見到好似都好多選擇，就入咗去叫咗個燒賣，但唔知係店員定老闆，個態度好差，問下個份量就好嫌棄咁話寫得好清楚，咁好啦當你攰㗎喇。我叫咗個燒賣食，九蚊六粒，點知個燒賣係梅既

得知大圍坤記腸粉係老店，就去朝聖一下！店舖的姨姨好熱情，又唔係其他食評中講到咁差😂鎮店之寶腸粉一般，冇深水埗嗰檔咁好食，芝麻醬好稀，唔夠味。燒賣用陳記，個人覺得都係金龍最好食🫢魚蛋唔係用陳皮魚蛋，size比普通嘅大粒，但又唔會發到好大，都係比較鍾意食陳皮魚蛋。豆漿偏甜，近大圍小食嗰間賣豆腐花嘅豆漿嘅好飲啲。有別於大圍地鐵站出面嘅小食店，坤記腸粉勝在有位坐，但食物質素確實一般，未如傳說中咁好食🫣

1) 咖喱魚蛋 $9/7粒2) 魚肉燒賣 $9/6粒3) 招牌腸粉 $15/6條已有一段時間沒光顧坤記了, 今早腦海突然閃過腸粉和燒賣, 便來坤記吃個早餐。雖然坤記供應的食物均是我喜歡的類別, 如魚肉碗仔翅, 潮州粉果, 家鄉炒米粉, 豉油王炒麵, 粥品等等, 也許是情意結吧, 總是吃他們的魚蛋, 燒賣和腸粉。咖喱魚蛋爽口, 唯咖喱味道淡淡的, 不夠惹味。魚肉燒賣大小適中, 魚肉味道明顯, 彈牙有咬口, 質感依然不俗。招牌腸粉雖滑, 但有少少黏口。醬汁方面, 麻醬依然稀薄, 味道不足。豉油, 甜醬和芝麻只是酌量給予, 唯有自行加甜醬加辣醬。本人覺得吃腸粉, 醬汁所扮演的角色也很重要, 如醬汁只是一般, 光靠腸粉的滑, 不會另我有經常光顧的意慾。

呢間嘢啲食物味道難以令人滿意，口感不佳，部分餸菜甚至無法入口。無論是口味的搭配還是煮食技巧都令人失望，對於食材的挑選和處理沒有投入足夠的用心。整體的菜品口感乏味，難以享受用餐體驗。

約咗朋友喺附近食泰國船麵。早到咗就周圍行吓成日都會經過坤記腸粉，平時又冇特別想試。因為早幾年舊居嘅腸粉舖執咗，咁就好幾年冇食過腸粉啦。今日突然間心血來潮，就試一試佢啲腸粉係咪真係咁好食。嗌咗腸粉燒賣同埋粉果，另外有個混帳嘅怪習慣就係少豉油多麻醬多芝麻。無可否認，佢個腸粉真係好滑，但係就欠缺咗米香。麻醬嚟講，亦食唔出芝麻香味。基本上個混帳配合唔到腸粉嘅質素燒賣就好一般，實在。粉果還可以的，但係如果裏面啲葛可以爽口啲就好啦。電子對住每一位客人買腸粉嘅時候都會詢問要唔要豆漿，話每日新鮮自己整。因為一陣間要食泰國麵實在放唔落一樽豆漿，下次有機會試吓去豆漿得唔得。

位於大圍的「坤記腸粉」一直以其正宗的港式腸粉而聞名。這間小店雖然不起眼，卻一直保持著濃厚的人氣，每天都吸引著大批食客前來品嚐。走進店內，便能感受到濃郁的食物香氣，令人食指大動。「坤記腸粉」的招牌腸粉絕對是一道令人難以忘懷的美味。腸粉薄如紙，卻帶著彈性，入口即化。配以醬汁，更能提升其風味。腸粉的包裹感和醬汁的搭配絕對是一種絕妙的美味體驗。而且，這家店對於醬汁的調配非常用心，讓人吃得一口接一口。值得一提的是，「坤記腸粉」的腸粉的價格也非常親民，是一個價廉物美的美食選擇。「坤記腸粉」的服務態度也令人印象深刻。儘管店內總是人滿為患，ONE MAN BAND卻能保持高效的工作節奏，確保每位顧客都能及時品嚐到熱騰騰的腸粉。這種用心的服務態度讓人感受到店家的用心與熱情。「坤記腸粉」這裡，你可以品味到純正的港式美食，同時也體驗到了一種溫馨的用餐環境。無論是當地人還是遠道而來的遊客，都能在這裡找到滿足自己味蕾的美味。

剛剛行過去買腸粉 問望唔到腸粉價錢就問老闆娘腸粉幾錢 我聽到佢就話10蚊 我話要1份 之後仲奇怪點解10蚊切咁多 之後我係度搵價錢 之後卑50蚊老闆娘 找我35 我問佢唔係10蚊咩 之後佢話冇10蚊 咁我話12蚊呢？因為餐牌寫住小份12蚊 佢又唔出聲 一副無賴嘅樣對著我 我真係無語到無嘢講 唔想同呢度黑心老闆講咁多 正常人都會話卑你知道小份幾錢大份幾錢 想賣多啲嘢想呃錢就同我講啦 我卑多啲你o唔ok啊？野食又唔係好好食 還說老店 真係無語😊

成日都聽講大圍坤記嘅腸粉好好食😋去到嗰頭踩單車就梗係過去試吓啦！😚嗰日係星期六晏晝嘅時間嚟嘅😆魚蛋燒賣腸粉魚蛋份量就得六粒，性價比唔高。係比較爽口嘅質地，唔係平時食嗰啲陳皮魚蛋🥹份量比較少，得六粒，唔太推介😢燒賣嘅質地就比較粉，份量就正正常常，都過得去🤣而腸粉就真係確實唔錯嘅😚都幾滑身，醬汁比得都多👍🏻但醬汁都好稀🥹就算落好多都唔太夠味咁😂如果冇咁稀都幾唔錯的😍整體就覺得冇咩特別，冇必要特登過去食🤣經開都可以去試吓呢啲老定號嘅😆好食： ❤️❤️🖤🖤🖤抵食 ：❤️❤️❤️🖤🖤

記得中學時期應該十幾年前成日來呢度食野因為佢夠平LUNCH 或有時放假都會來食甘耐無來發覺價錢貴左，甘通脹要加價都明既，不過加加埋埋都幾蚊 TOTAL $41今次叫左腸粉與炒麵及豆漿，腸粉依然係甘滑，但醬料既味道淡左炒麵和豆漿就無咩特別

最近到大圍區走走,發現呢間 decades-old 的腸粉店「坤記腸粉」，於是就入去食個下午茶。點了腸粉、燒賣、碗仔翅和凍豆漿,總花費約港幣七十五元。腸粉真係滑嘟嘟，啲醬都好正。燒賣就正常發揮啦。碗仔翅是經典的味道，夠熱，喺枱上邊有紅醋同胡椒自己落但凍豆漿稍有些遜色,冇乜味,或許店內生意太快導致豆漿新鮮度欠缺,若能放慢步伐或許口感會更好。整體而言,坤記腸粉的傳統小食令人驚喜,腸粉和燒賣尤其值得一試,下次還會回來。

平時都聽人講過坤記腸粉😙咁啱見到唔算太多人就入咗去試吓啦👻但係味道來講就有啲失望嘅🥹🧊咖喱魚蛋燒賣腸粉 $33❄️咖喱魚蛋 $9 6/10份量來講就得六粒，以$9呢個價錢來講有少少貴🙈咖喱汁味道唔太足夠，完全唔辣🥵，魚蛋質感太淋，本人就鍾意食陳皮魚蛋多啲🤣❄️魚肉燒賣 $9 7/10份量都係得六粒，覺得可以再多啲🙈呢一隻係魚肉燒賣，正正常常，不過不失。但太重粉感🥹❄️腸粉 $15 7.5/10聽人講呢度最出名嘅就係腸粉，的確腸粉嘅味道係唔錯嘅😙質地比較薄身，質感都幾滑身👍🏻😍。但係份量都好似有啲少，叫咗六條，但係份量都好似平時叫四條咁樣🥹同埋醬汁都比較稀身，冇乜味🙈😅🧊兩溝（魚肉碗仔翅）$23 4/10平時小編都好鍾意食碗仔翅同埋魚肉🥰，今次見到都嗌咗一碗試吓😛點知真係好失望🥹都明白呢一度唔係出名在碗仔翅嘅，但係我覺得碗仔翅嘅味道真係唔太好😅太稀，又冇乜味咁樣🥲衛生又唔太好，見到店員將隻手指插咗喺我哋碗碗仔翅度送過嚟🥹，個碗嘅側邊有癡立立，有啲碗仔翅嘅汁痴咗喺嗰度😢😢唯獨係個魚肉都算正正常常🤥總括嚟講，我覺得呢一間舖頭嘅腸粉係可以再試嘅🤓但係其他就真係有啲失望🥲以前味道可能都唔錯，可能今日

竟然係沙田區中環咗咁耐🤣都未食過坤記腸粉抵打抵打🤣🤣舖頭細細真係幾唔顯眼竟然可以打出名堂 其實真係幾佩服叫咗個中份量嘅腸粉其實都幾好食嘅腸粉幾滑身爽口醬汁就要左花生醬、豉油同辣醬醬汁乜太大嘅驚喜～另外再叫埋生菜魚肉魚肉係幾彈口嘅（純屬個人口味）但我真係好唔鍾意啲魚肉咁多蔥多蔥到 我唔係幾食得晒 （本身我完全唔食蔥）個湯就冇乜味 所以我落咗好多胡椒粉呢個我應該唔會再叫啦～成餐都唔係俾咗好多回憶我所以經過會食 但我唔會刻意再嚟～

Hello 大家好👋🏻！今日同大家分享一下「今餐食啲乜！」嘅「隨心食評」今日我嚟到位於大圍出名嘅「坤記腸粉」，區內街坊嘅老字號。美食攻略：腸粉滑溜，魚肉燒賣好味，最鐘意佢哋有好多小食加，仲有我最喜愛嘅蘿蔔又好入味，混醬一齊食一流。美食指數：5🌝最高味道：🌝🌝🌝🌝🌚環境：🌝🌝🌚🌚🌚服務：🌝🌝🌝🌚🌚賣相：🌝🌝🌜🌚🌚