城景閣

營業中

休息中

不用500元連加一的價錢，食物品質很不錯👍🏻基本自助餐有嘅食品，紅白酒任飲，生蠔，刺身，很不錯，還有movenpick雪糕，好抵食👍🏻👍🏻👍🏻好多大酒店都唔會有movenpick雪糕！先前試過四位其中一位免費！

餐廳環境舒適，早上寧靜適合慢慢嘆早餐。咖啡奶茶☕️果汁🍹齊全，尤其係奶茶佢係港式個隻淡奶野食方面有中式有西式任君選擇，啲種類都係啲早餐食開啲大路野咁啦，款式唔會話好多，整體quality都唔錯。自助餐最好係可以自己mix and match 個中西合璧小籠包白粥炒面炒菜可以配牛角包炒蛋腸仔加埋漢堡扒，超級滿足。佢哋啲bakery都有好幾款揀，我個陣人唔多所以可以用個焗爐烘熱佢好熱辣辣。收尾仲有yogurt 同水果

食物差 全蟹宴冇味道。生蠔同分魚服務員態度差。又唔比泊🚗一D都冇酒店水準 甜品算係最好。連生果都唔新鮮。唔會再去唔會再去唔會再去 伏伏伏伏伏伏伏伏伏。好多直升飛機✈️

前晚到城景閣食自助晚餐，據友人介紹性價比高，而我身為貪食月巴妹，梗係趁放假試一試，即使紅日假日食晚餐，經OpenRice 或 官網訂都唔洗+1，呢樣抵讚🥰 與友人一坐低，梗係先去排生蠔🦪，人流唔算多，唔洗點排都拎到，但每人限拎2隻生蠔，又拎咗刺身（三文魚），又拎咗蟹腳，現場食物供應唔算好多，有炒飯炒麵炒菜有蝦同埋炒蟹，有即炸天婦羅同埋米線供應，飲品方面有紅酒🍷白酒🍶任飲，我個人就簡咗橙汁，正常發揮，點評下主要食材：生蠔🦪：肥美鮮甜，唔臭唔腥，幾好味😋三文魚刺身：有驚喜，肥美好味蟹腳：有肉汁唔咸，正常發揮 炒蟹：意外地好味，炒得好香好食中式燉湯：有屋企味道，暖胃一流甜品：選擇都尚算多，雪糕係movenpick 朱古力好味😋————————————————————————環境：⭐️⭐️⭐️⭐️食物質素：⭐️⭐️⭐️⭐️服務：⭐️⭐️⭐️⭐️地點：⭐️⭐️⭐️⭐️⭐️————————————————————————一人價錢：$468 免+1 ，兩人合共$936 總括來講，CP值高，可以再次回頭，地點鄰近油麻地地鐵站A 出口，非常方便，以價錢400幾蚊一位，本來冇咩期望，食物好味有記憶點♥️有驚喜🥰

第一次去呢間酒店食自助午餐👉見到價錢比較經濟💰加上地方近油麻地嘅地鐵站 行2分鐘左右到🚶➡️預先book左位 侍應好好 安排咗近窗口嘅位俾我同朋友😁坐得較舒服 較多中式美食同熟食🥘🍲🥙沙律🥗 中西湯🥣 壽司刺身🍣都有 海鮮類就唔多 得鮮蝦🦐青口🦪墨魚仔等 另外pizza都有🍕啲甜品同cheese cake🍰好食 👏最正係有Movenpick雪糕🍨任食😋性價比高 🟪最值得讚賞係侍應收碟比較有效率😁當出去拎完嘢食返到黎已經收哂碟👏可以方便到食客慢慢享受美食👍

跟staycation 食埋佢個早餐自助餐，餐牌寫住價值$100蚊。早上時段環境舒適，位置闊落。款式好多選擇，中式西式都有；中式有炒麵粥小龍包牛肉燒賣，可惜都唔夠熱….行個圈拎到埋位已經凍左，小籠包皮更加太硬乾柴了。西式方便更加多選擇，香腸肉類有好幾款，不過不失，中規中矩。炒蛋只有一款，而且無即整煎蛋🍳等等…面包有牛角酥杏仁酥等大類，可以接受。奶茶☕️竟然有港式奶茶夠地道，咖啡☕️果汁🍹都係任飲。

最近工作壓力有啲大，所以想係weekend放縱一下自己，去食buffet察餐勁雖然呢個buffet係主打海鮮，但一入去就比佢啲熟食吸引走左hahaha羊架同咖哩羊超好味，夠林又唔會太酥好正，忍唔住係咁encore。牛柳粒同焗蠔都好味，早啲拎頭個round最新鮮，第二round開始放耐左好似冇咁正了。海鮮喇沙入面有龍蝦，夠哂誠意叫左走面留肚食甜品甜品都有好多選擇，重點當然係movenpick 雪糕，超多味揀

晚餐自助餐由6:30食到9:30，慢慢食慢慢嘆。由於我哋準時到達，大部分食客都未黎，所以個個檔位都唔洗排隊哈哈哈先由冷盤同海鮮打響頭炮。有生蠔大大隻，海水味幾夠，肉質都好厚，不過呢就略微少咁啲鮮味，中規中矩咁啦。魚生有好多款式任君選擇，我就揀左乜都要左少少，試多幾款呀嘛都幾新鮮，唔洗點太多豉油都可以。食食吓經理送上每人半隻芝士焗龍蝦，配上磨菇醬釀入左，同埋少少薯蓉係個底，味道好夠，但肉就縮左少少水

圖片很吸引但實物有段距離，沒有一味是令人回味的。款式選擇不多，要強行選最好味的要算是雪糕，明牌來的😘，環境尚算接受，位置也很方便，就是食物未能滿意😒，本以為甜品會有酒店的水準，但最後是失望的，如果要5星評分，只能給一星。

2021年6月6日誠景洒店誠景閣訂枱6點要到6:30才可以開始食 8點已經要埋單唯一直鑽地方服務收碟快食品生蠔夠凍夠味見識到3-4款口味卷蛋甜品現在香港洒店自助餐真古怪

身為一個榴槤迷，一聽到個名就想黎，係正常ge😂但我勸大家吾好帶甘大期望黎。。。3點開始，入去半個鐘到未夠，就會有人叫左你埋單先可能驚你睇到d野食吾食就走😂200幾蚊一個人。。海鮮有蝦同青口，偏咸，冇中湯西湯，只有碗仔翅和綠豆沙，味道一般，冇出面小食店好味，有沙律同火腿，有幾款卷物壽司冇刺身。壽司好伏吾好食！完全係凍冰冰喺雪櫃拎出嚟。其實熱食都吾熱。。。有牛雞串燒，魚柳，菜，牛柳粒，炒蘿蔔糕，仲有炸紫薯餅，多士，etc....野飲係有橙汁，咖啡同埋，冇咩味ge柑橘綠茶即煮區有泰式船河同埋燕窩蟹黃粥，個名係咪好好聽呢，但係4點未夠佢就話冇河粉，得返米粉，而個粥就似係白粥， 唔知啲燕窩同蟹王係邊。。。甜品算吾錯，多選擇而味道ok。榴槤雞蛋仔同榴槤梳乎厘唔推薦，榴槤3.6牛乳布甸最好食，仲有榴槤蛋糕，榴蓮糯米糍， 榴槤班戟捲，榴槤葡撻， 榴槤燉蛋，味道都吾錯。芒果野我冇咩點試， 最後有movenpick 雪糕， 有四隻味可以選擇，係朱古力，士多啤梨，雲呢拿同埋焦糖。

人的胃容量有限, 這地方有我喜歡食的三文魚生, 多種壽司, 湯, 海南雞飯, 新鮮水果如菠蘿, 西瓜, 多類甜品, cheese cake, movenpick 雪榚等, 食物新鮮, 性價比算高, 當然lunch buffet 咁平不要expect 有生蠔食啦, 我很滿意啊

疫情期間相信好多人都想住酒店當仲去咗旅行,今年復活節我都唔例外 所以復活節都要嚟staycation一晚 ,食個豐富 buffet晚餐 及精神早餐, 其次仲有個好玩嘅就係可以響三點半左右到二樓有甜品師傅教整拿破崙餅 ,之後就可以DIY跟住整拿破崙餅仲可以攞走架!今次主題係鮑魚所以入座後會送焗鮑魚一客, 小弟每次嚟都一定要食佢嘅 凍蝦, 因為肉質爽脆,其次就係沙律菜,今次我就落橄欖油 ,今晚我仲食咗兩碟先至 熱葷,咁先冇咁罪惡感😂

因為疫情無得去旅行，露營又太熱，今次復活Join 酒店2人Package， 包酒店雙人豪華房 + 海鮮自助晚餐 + 早餐套餐, $1,200 + 10%，全費$1,320, 平均每人$660。 總括值得一試自助晚餐款式多，應有盡有，座無虛席， 食物主角係生蠔、帝王蟹腳、魚生， 另每位客人送一客黄金焗釀野菌鮑魚(唔似食擦膠)。 帝王蟹腳鮮甜好味，生蠔肥美新鮮夠凍，冇鹹水味但我鐘意，食落口感好Creamy， 有啲大隻到要分兩啖先食到。雖然人手配給但長期有供應，基本上唔使排隊， 回本不二之選。其他值得推介嘅有魚生夠新鲜、 水蟹粥鲜甜、雪糕&窩夫、 鐵板燒魷魚。款式太多，好多嘢都未試已經飽晒，整體味道OK而且擺盤好靚，據悉復活節優惠淨價$428其實都好抵下。除左燈汁、紅白餐酒仲有多款Movenpick 雪糕。唔推介食物: Pizza: 餅底唔夠乾脆有啲林。 燒羊架: 可能太大件， 感覺乾身而且肉有少少鞋。當晚雖然座無虛席，但座位因疫情算係闊落， 食物refill速度都好快, 所以 完全冇爭食嘅感覺， 最怕又要排隊又要爭食 ，所以今次食呢餐好舒服。

疫情期間市道唔好飲食業受到好大衝擊，但係 我覺得都未至於衰到冇嘢好食啩？唔知呢間嘢係太少人食所以冇評價定openrice 無人follow？原先睇見有啲食評都ok所以一試點知今日去到超伏，預咗二百幾蚊七折冇生蠔但係都未至於乜海鮮都冇只係得個魚生🤦‍♀️ 其他都係普普通通嘅熟食和沙律， 就連甜品蛋糕一心諗住酒店都唔會衰得去邊結果都係超級勁普通，😖我諗唯一冇伏嘅都係Movenpick雪糕，超凍唔會話溶曬嗰隻。講真其實有好多地方放題或者酒店自助餐二百零蚊都可以食到好正嘅美食，或者畀呢個價貴些少已經有生蠔有龍蝦食，衰啲嗰間至少都有蟹腳吖，唉！中伏~冇下次😤