城景閣

營業中

休息中

吃過不止一次城景閣這一家有生蠔任吃，價錢又經常做特價，所以我會來選擇吃。不過今晚，我應該不會想再來了，因為這個生蠔是苦的，又有殼碎。我吃過10蚊一個的生蠔，都好吃過佢很多。我和朋友都決定下次不會再來

3rd Nov, 係兩公婆的 "私奔紀念日" .... 就在 1995年 的今日，十幾歲的她逃離了娘家和我開始一起同居 , 過新生活 ~當年的點點滴滴 , 一切的苦與樂 , 至今仍歷歷在目 , 記在心頭 ~時間好快過 , 咁就25年 ~在這特別日子 , 我們食自助餐慶祝一下 .... 雖然不是高級酒店 , 但不論是服務同食物都十分不錯 ; 食物款式都算應有盡有 ....紅酒、白酒、啤酒任飲 ~每一位食客都奉送日式磯燒鮑魚一隻 , 味道甜甜香香 , 不錯吃的 ~生蠔 , 是即叫即開 , 每人每次有兩隻 , 保證新鮮衛生 ~麵包蟹 , 蟹蓋的蟹膏非常甘香鮮美 , 而且供應源源不絕 , 保證吃得到 ~parma ham & cold cut, 各式海鮮、刺身壽司 , 品質全都不錯 , 還有一些廚師特製的特色冷盤都頗有驚喜 ~熱盤的款式選擇多 , 菜式就比較偏向中式化 , 然而味道都算過得去 , 是中規中矩 ; 當中筆者最喜歡吃的就是香煎黑椒牛舌 , 牛舌的肉質軟綿 , 舌味濃香 , 讚 ~甜品的款式又多又好味 , 當中以忌廉蛋糕的味道尤其出色 , 甜品實在太多款式 , 我都試不完 ~還有極受

在openrice搜尋, 發現一間城景閣的酒店食肆, 今日和我朋友嘗試下, 價錢唔算太貴, 結帳時都係460蚊左右, 食屎環境都算唔錯, 地點都非常方便, 地鐵a出口直行到第一條街, 便到城市國際酒店, 入到酒店搭扶手梯,上1/F便到城景閣。下次可以再試。

酒店早餐嚟講價錢唔算貴 $68但係份量偏少 每樣都細細舊最唔明係點解要放炒蛋係塊包上面.........搞到塊包淋哂 食唔落口其他野食亦唔算好食 冇特別調味 十分普通如果係路過 真係唔使入嚟食

踏入小弟及太太生月及 週年紀念,所以網上訂枱享受海鮮餐!九月同十月酒店都係以蟹做主題 !首先享受個大會供應燒鱈場蟹腳配柚子汁, 之後就食埋生蠔丶凍蝦,冇嚟咁耐水準依然keep得到!之後就食個雜菜沙律開個胃先, 之後就食熱葷 有燒羊架丶燒羊肉丶 迷薄餅 及印度咖哩, 香芋炸雞等等。最後再嚟碗烚油菜及咖啡雪糕! 再慢慢嘆番兩杯白酒

揀呢間慶祝老公生日，貪佢有生蠔同紅白酒任飲。是晚提供紐西蘭生蠔，不是即開即沖洗嗰種，係預先已開好，每次只比2隻，都幾大隻，creamy，頗滯肚，故即使愛蠔嘅我倆只能食半打便要stop了。有沙律，cold cut, 熱葷，粥麵，但款式偏少，無咩嘢可揀。甜品款少，還好有movenpick 多款口味雪糕。酒方面，白酒好飲過紅酒。服務方面，基本茶餐廳咁啦，環境亦似canteen。優惠價黎食，埋單每位500多d,已包加一，性價比偏低，若唔食生蠔就更低。個人認為食高級放題會更好。(疫情下，每次要戴回口罩出去取食物，餐廳好應該提供口罩袋。見有好幾位食客可能貪方便，就咁拉下口罩至下巴黎食，這樣更加不衛生吧！)

有4位free1位，午餐價錢食晚餐自助餐抵平均360一位有蠔有蟹有蝦有龍蝦，真係抵到爛，龍蝦喇唦龍蝦鉗任食，生蠔/焗蠔任食，生蠔開定唔夠鮮但味道可以既，焗蠔重有兩隻味所以我食左3轉，龍蝦每位晚餐半隻都ok ，麵包蟹蟹膏好味，好快只剩下無膏蟹爪無人拎，但出到8點就無refill有點可惜，長腳蟹又係有驚喜，味鮮夠大，其他食品熟食長輩級非常滿意，甜品M字頭雪糕8隻味重有加埋雞蛋仔/窩，老婆大人囡皇帝都大讚，雪糕哥哥會講咩味好食咩味新返，平時5星酒店自助餐先有服務值得讚既

是咁的，因為閨密生日我原本喺酒店網站訂咗枱食自助餐晚餐同佢慶祝。之後發現原來酒店做緊特別優惠，只喺每人比多約一百蚊，就包晒一晚豪華房、自助餐晚餐、任點任食早餐！嘩，咁抵當然馬上上網訂房。訂完唔使3分鐘，就接到酒店電話，問我時間幫我個自助餐訂位。咁我解釋事情經過，酒店就自行幫我同餐廳講返。跟住我家姐知道有咁正嘅優惠，就叫我幫埋佢訂兩間房，最後我哋就一行6人高高興興嚟個本地小休。我哋4點半到酒店，入大堂前職員會先同我哋探熱，check in時亦要填報健康資料。見時間尚早，上房休息一陣，6:30pm落去食晚餐。我哋三間房都喺高層同一層，房間比想像中大，有2支免費蒸餾水；牙刷、牙膏、拖鞋、梳、浴帽都有齊。本來想瞓一陣，但同閨密幾個月無見，傾吓傾吓咁就夠鐘食飯。估唔到餐廳都full house，不過座位執過無以前坐得咁密。店員交帶我哋每次出去攞嘢食時要戴返口罩，但久唔久都會見有人起身行咗出去唔記得戴口罩，店員或廚師們都會禮貌地請佢哋戴返，大家都好合作。已經有兩三年無嚟過，我覺得食物質素無變，仍然好好，唯獨是無咗小龍蝦同藍莓芝士蛋糕，有啲小失望。必食生蠔、沙律、煙三文魚、麵包蟹蓋、羊架同叻沙。當晚

本身想去朗豪坊果度食自助餐，但由於果間要六百幾蚊位，夫人話貴，所以揀左呢間，我兩個大人加一個歲半大BB，畀左張四人枱我取餐區範圍細，款式唔多，走左一兩轉都好似已經無乜嘢啱心水再食，無奈之下唯有攞多幾次刺身同生蠔，夫人亦略為感到失望，幸好有絲苗白飯同幾款蛋糕可以餵BB，加埋一成五百幾蚊位黎講，食物款式真係太少，寧願食返某連鎖日式放題餐廳，仲無咁貴，而且無一片片切出黎果d烤牛肉，令人失望，應該都唔會再去下一次

老婆生日，城景閣有4送1優惠，又有紅白酒同啤酒任飲，決定黎試試，因為我本身唔太鍾意食自助餐得一杯餐茶，好似食得唔夠盡興。Openrice訂枱可以揀6點呢個時間，上到去話6:30先可以開始食，感覺有小小奇怪，但唔緊要啦，同小朋友去完廁所settle down都差唔多。野食水準中上，海鮮方面，生蠔因為唔係即開，所以唔使點等，每次兩隻，我試過拎隻大碟過去佢會俾4隻，大大隻，味道唔錯。蟹腳都係，唔太咸又多肉，淨食呢兩樣都夠回本。其他熱食同刺身不過不失，甜品方面佢有小量榴槤野，鍾意食既就岩哂。啤酒係獅威，有小小失望，白酒飲得落，唔太差。總括黎講，$500左右一個有咁既質素，值得encore。

蟹迷留意!任食蟹既機會又黎啦😂城景國際9月份推出十蟹盛薈‧海鮮自助晚餐，推出多款以蟹做主題既菜式，餐廳環境寛敞，食物種類亦多元化～一黎到都會為每位客人先送上岩鹽照燒北海道圓趾蟹伴蟹籽千島汁，為蟹宴打開序幕😆凍盤區有得任食法國膏蟹同加拿大鱈場蟹腳，亦有美國及紐西蘭生蠔、荷蘭藍青口、大大隻既澳洲凍蝦同各式日式刺身等。沙律區有一大圈，要開胃不妨過一過黎😝熱葷有北海道帶子蟹粉紫玉杯、蟹粉芝士焗三文鰈魚卷、懷舊鮑魚螺海參雞酒煲、海膽醬牛油梨飛魚籽焗釀蟹蓋、花雕話梅亞拉斯加皇后蟹、黑松露蟹肉燉蛋、芝士/煙肉焗蠔、水蟹粥等，將蟹完全融入係菜式裏面😂仲有鐵板燒、天婦羅、叻沙呢啲菜式。又黎到K最期待既環節😆，佢地既甜品櫃有成兩大個嫁😙，有麵包布丁、朱古力蛋卷、原個雜果忌廉蛋糕、朱古力泡芙咁，另一邊既甜品區則主力以榴槤做主打，有榴槤梳乎厘、榴槤角、榴槤葡撻、榴槤糯米糍等，令K幾有驚喜。最重點當然係任食Movenpick 既雪糕，味道有成7、8款可以揀，超級正!

下午茶訂座的話有優惠，預先落訂又有得平，變成人均唔駛200嘅high tea,所以就黎試下啦右上桃汁鴨胸，幾正，味難得地夾。但係中間嘅蝦餃勁厚皮。其他一般。中間左邊係日式冷麵，極鹹下方左邊蟹柳蛋沙律勁夾勁好食。其他一般。黎嘅一大重點，榴槤甜品。左邊榴槤梳乎厘，勁香，但唔重味，啱輕度榴槤好。中下係榴槤布甸，極濃榴槤感，我唔算重度榴槤好會覺得over咗...其他一般。右邊炸脆卷，裏面有榴槤忌廉，係呢轉榴槤類入面我覺得最好食果個，隻味唔太濃又夠喉。下面榴槤蓉撻都唔差，不過都係啱重度榴槤好多啲。其他一般。臨走食movenpick,當中最正係朱古力，濃味得黎雪糕入面有朱古力脆塊，相當正。以唔駛二百人一個人黎講其實算係好滿足

榴蓮主題，梳乎厘，蛋撻，不是太濃烈，平時不吃的我，也吃了兩件，龍蝦一流，美味鮮甜，配上芝士蘑菇，簡直是絕配，紐西蘭蠔入口即溶，美國生蠔肥大好肉，吃完一隻再一隻，買4送一更是實惠經濟。

一早book好枱全家食”榴連x芒果Tea Buffet”@城景國際酒店. 下晝三點半開始我地三點三就到了, 夠鐘入場嘅場面我真係嚇左一大跳, 所有人熟悉地報上訂枱編號後爭相擠入內, 當時我唸: 入到去應該係一番撕殺, 實會有搶食物嘅狀況出現. >坐低後去巡下有咩食先: 甜品, movenpick雪糕corner, 三文治, 熱葷, 燕窩粥, 粉麵檔, 仲有最排長龍嘅海鮮.>當日有三款海鮮, 青口, 蝦, 八爪魚🐙. 睇黎我係俾剛入場嗰幕嚇左一嚇原來大家只係心急入座: 香港人真心高質守秩序!! 無人一下拎超多, 拎完亦會將鉗傳俾下一個, 食左一輪海鮮, 質素好好呀新鮮好味👍🏻.>個人覺得燕窩粥係一大亮點, 艇仔粥面有一大羹燕窩, 夠哂足料👏🏻.>留返個肚食甜品同雪糕係必須ga 🤩, 即焗榴連Soufflé, 榴連雞蛋仔, 榴連布甸, 榴連拿破倫, 芒果mochi, 芒果卷蛋, 斑蘭蛋糕, 芝士蛋糕.... 幾乎每款都試匀呢, 仲有四款味道(芒果忌廉, 朱古力, 士多啤利, 雲呢拿) movenpick雪糕無限loop超正🤪. >Remarks: 要

位於油麻地地鐵站附近，交通方便。是約埋朋友聚餐的一個好地點。來吃自助午餐，餐廳內一邊是開揚的玻璃窗，光線相當充足。一個長長的長方形空間，食物區分有冷盤：煙鴨胸、煙三文魚、凍什肉，沙律：沙律菜、粟米、薯仔沙律等。刺身：三文魚、吞拿魚等。壽司：蟹子壽司、加州卷、太卷等。兩款湯：野菌忌廉湯，用大量野菌打成，香濃滑。中湯亦清甜。熱食有懷舊式蝦多士、釀雞翼、即焗薄餅、煎餃子、芝士蝦伊麵、炸腐皮卷、野菌䐁肉焗紅蜆、咕嚕肉、燒羊脾、芝士焗大蝦、皮蛋瘦肉粥、擔擔麵、湯粉麵焯菜，熱食種類相當多。凍海鮮有蝦：隻隻蝦都是彈牙的、墨魚仔、青口，都很新鮮。甜品分兩區：一區是冷藏一口甜品：芒果布甸、泡芙、芝士蛋糕、茘枝涼粉配乳酪爆珠，窩夫、自家焗脆皮雪糕杯：可任加雪糕球，皮脆鬆化，正。另一區有水果、糖水、蛋糕等。飲品有橙汁、綠茶、熱茶、咖啡等任飲。收費$207 (成人已包加一），仲有長者、小童優惠，由12N - 3pm，有足夠時間吃和傾過飽，而且食物無論味道和新鮮度都不錯。以這價錢的自助午餐也算抵食。