堅信號上海生煎皇 (眾安街) (已搬遷) 新店位置

街行行到攰攰地都會搵間餐廳休息食少少野堅信號今期用緊小丸子入面嘅配角永澤同學做賣點都真係幾得意個人物真係完美融合左落個產品度食包應該都係唔錯嘅選擇小小地又唔會太飽價錢訂價都好合理款式多店鋪主打生煎包亦有係枱面放左張紙教客人點樣食$36 生煎包4個賣相都幾好上菜時仲係好熱咬開都有肉汁味道都ok皮唔算太厚，但個包底都做到有焦脆嘅口感另外叫左個$28嘅雞絲粉皮麻醬都幾多下唔會唔夠醬攪拌但雞絲同青瓜嘅比例可以再多啲就會更加好另外仲有一個額外嘅menu 係小龍包$36 有4個小籠包皮做得ok,唔會太厚食嘅時後要慢慢將皮咬開避免湯汁彈到個口餡料肉味都夠加埋個汁食落都係合格之選咁樣兩個人食個tea$100都唔洗Cp值都幾高

堅信號上海生煎皇終於開咗黎荃灣啦，食上海野又有多個選擇，最重要係佢嘅生煎包好好食😛呢日就叫咗個午市套餐，可以揀一個主食、一個小食同埋一杯嘢飲。而家做緊櫻桃小丸子入面個永澤同學做主題，好得意呀😍堅信號厚切豬扒菜飯，呢個都係招牌菜之一，塊豬扒又真係幾厚身，我最鍾意係佢甜甜地嘅味道，加咗蜜汁咁，好好味。菜飯唔會好油👍🏻 份量都好夠食！厚切豬扒好好食😋😋講下個生煎包先，跟午市套餐有兩隻！啱啱整好，啲湯汁好多，熱辣辣好食！個底仲好脆呀😋我都係忍唔住買左呢個永澤同學套餐，實在係太太太可愛，唔捨得食呀！眼闊肚窄都係外賣返office tea time食😛個盒都好得意呀😍個人比較喜歡抹茶紅豆味，裏面有好多紅豆蓉，唔會太甜👍🏻👍🏻白色個隻係奶黃包，俾左同事食😆

琴日上網睇到堅信號出左永澤同學做主題的野食 身為小丸子忠實fans 今日就約埋朋友黎食晚餐 其實佢都有好多間分店 選左間同朋友最近的去食基本上食佢個晚市套餐都有齊主食 小菜 小食同野飲 兩個女仔小小地 再加多左2 個生煎包 同埋主角永澤同學包 成間餐廳都已經係永澤 花田主題 🤣🤣涼拌茄子 作為開胃前菜唔錯糖醋排骨菜飯 排骨煮到幾淋幾軟 都幾有咬口蠔油生菜 正正常常 生煎包上菜時係熱的 入面如果多d 汁更好 但如果咁又驚燙到 有d矛盾😂主角出場 綠色係豆沙飽 白色係奶黃包 望到已經心心眼 😍 食完好飽跟餐飲 茉香綠茶一杯 ～人均每人六十幾蚊 係疫情下的晚餐消費合理 又不失有d gimmick

我們這天喺荃灣眾安街想食上海菜，揀咗堅信號生煎皇。我哋叫咗ABCD晚餐，包括主菜揀咗秘製厚切豬扒菜飯，小食兩個生煎包，配鮑汁菜心，飲品就加兩蚊要熱豆漿。另額外加一碟雞絲粉皮。熱豆漿甜味啱啱好，飲落都幾香先來生煎包，侍應好細心提醒要小心熱，有湯汁爆出來。估唔到真係幾爆汁！食嘅時候真係要小心熱！生煎包趁熱食好好味。外皮好香脆，裏面嘅肉加埋湯汁好夠鮮味。菜心用上鮑汁，非常惹味，也有本身菜心的清甜豬扒塗上蜜糖，都幾香甜美味，配上菜飯食中和返肉味。雞絲粉皮醬汁足夠，撈勻之後食將好味整體來講這間店的上海菜不錯，應該都幾受附近街坊歡迎。我哋特別喜愛他們的生煎包，保持着新鮮製作，如果想點生煎包嘅話可能會要等一等，人多時佢哋賣完一朝等一段時間先出下一輪。

下午先有呢個包，服務員很好，主動幫我扣實。個包要蒸，所以要等一陣間。抹茶紅豆包都幾甜，無抹茶味，奶皇包應該都ok，有個盒，食唔曬可做早餐！杯豆漿係暖既，唔熱唔冷，幾岩夏天飲。

今日同家人去荃灣行街，系千色店附近買完電話，就喺附近食埋晚餐，一條食街見到永澤同學，就決定入去食下～我叫左：1. 雪菜黃魚濃湯拉麵2. 上海生煎包 (兩件)3. 永澤同學餐 • 永澤同學奶黃包+抹茶包（外賣）• 凍豆漿• 永澤同學鎖匙扣1. 雪菜黃魚濃湯拉麵• 脆炸黃魚有2塊，即叫即整！外脆內軟，調味適中，唔會蓋過魚嘅鮮甜味• 濃湯係魚湯底，鮮甜而不腥👍🏻• 拉麵彈牙爽口，唔會過「淋」2. 上海生煎包 (兩件)上菜時，店員好貼心提醒我：小心湯汁，會燙傷！我先咬開小小，倒d湯汁出嚟，曄 估唔到有一匙羹滿！生煎包外脆內軟！係個好好食嘅appetiser，加埋黑醋黎食就更加開胃😊3. 永澤同學餐 • 永澤同學奶黃包+抹茶包（外賣）永澤同學包個外型好可愛！完全唔捨得食！包上嘅圖案加上包形，真係十足永澤同學😻• 凍豆漿夠凍，好香豆味• 永澤同學鎖匙扣好可愛嘅玩具！

10點去到間餐廳，專誠食永澤包啦，點知⋯⋯話11點先有喎，甘想食生煎包，話係招牌喎，張張台都有人叫，點知又話要11點先有，連招牌包都無。其實今時今日，all day breakfast 都全日提供，賣包係上午10點都賣唔到，真係7仔都好過你。就算餐廳環境再佈置得好，都浪費。台台客人都有叫生煎包啊，無台有得食！！！

今日(29-8-2020 Sat)同老公陪爸爸買手機,買完就食晏,我哋嚟未食過嘅呢間,諗住3個人可以坐兩張相鄰嘅枱,點知咁啱冇,要分得幾遠,冇辦法啦,限聚令人數冇增加返.我就同爸爸坐啦,我哋要咗兩個套餐,就係$62.00嘅外婆紅燒肉湯麵,配雞絲粉皮,凍豆漿;$54.00嘅芝麻醬五彩拌冷麵,配堅信號生煎包(2個)同凍豆漿.嘢食好快到齊.1. 堅信號生煎包(2個)呢個幾熱,個底煎得好脆,冷不防一咬落去,啲沙汁爆晒出嚟,嘥晒添.皮嘅厚度適中,內裡豬肉juicy亦唔太鹹.味道:4分2. 外婆紅燒肉湯麵顏色對版,口感鬆軟,OK.3. 凍豆漿唔夠凍,有啲失望,味道就唔會太甜.4.-5. 芝麻醬五彩拌冷麵同雞絲粉皮都係正常冇問題.我老公就要咗$60.00嘅堅信號厚切豬扒湯麵配京汁茄子(冷),加$18.00要迷你蟲草花雲吞雞(盅)佢食咗雞膇後,就食唔落雲吞,拎咗俾我哋食,都係屬正常冇問題.味道平均分係3.8, 抵食係2.5分服務:好好,好有禮貌.

生煎包脆口多汁酸辣湯酸辣調教得剛剛好蟲草花雲吞雞湯,兩粒雲吞一舊菜一件雞紅燒肉菜飯,菜飯好夠味,紅燒肉得四塊仔四川擔擔麵,外賣麵同湯分隔開嘅.但我覺得比起之前食咁多間上海菜的擔擔麵,我覺得這間不是太好,偏甜味冇咗花生醬嘅味道（純粹個人意見）,但我個仔就鍾意食,本人就真係覺得麻麻

今日第一次試呢間餐廳，外賣apps見到佢有抗疫套餐都幾抵食就試下。叫左兩個套餐：一個係四川擔擔麵套餐，配兩個生煎包、4粒紅油抄手、豆漿。另一個係秘製厚切豬扒菜飯套餐，又係配兩個生煎包、另有鮑汁生菜加豆漿。呢個價錢黎講，整體食物都OK，送到黎都仲熱，生煎包配埋醋。四川擔擔麵唔辣的，好似甜甜地咁，食唔到辣既朋友都可以試試。豬扒菜飯既飯量唔算好多，但豬扒算多。生煎包都OK啦，外賣黎講都仲算熱熱地。至於紅油抄手我就覺得普普通通啦。

味道幾好，生煎包好好食，好有肉汁，我仔仔好鍾意食，果然係招牌，另外，出色嘅係麻辣鳳爪好夠麻又夠辣。整體價錢便宜，質素OK。惟咁個份量就細啲，我叫咗四人份量，算剛剛好。

唔知點解呢幾年流行食生煎包，荃灣有一間米芝蓮推介嘅祥興記生煎包好出名，今日路過見到另一間，就喺呢間堅信號。外賣左四個生煎包，微微焦香嘅外皮上面灑左啲芝麻，賣相幾好，但係明顯啲包唔係隻隻一樣大，一家四口打交咁點算呢？生煎包好講究多汁，底趣。呢間嘅底普通脆，唔算特別脆，又未至於唔脆。外層嘅包唔算好口，可以接受，但係肉質真係唔算多，對比祥興記，祥興記既會多汁好多。至於舊肉，葉得唔會太鹹，但亦都冇乜鮮味，不過不失。總括來講，如果係價錢一樣，我會買祥興記，不過有特價試下新野無壞。

早上來到荃灣，時間充裕，找個地方休息一下才可走更遠的路。走過眾安街，堅信號新開張不久，可以。早上就只有一個侍應，頗踢腳，招呼量體溫落單出餐收錢清潔，雖說上限半滿，也太累吧，就只有香港的飲食業能如此，加油。坐下放上紙袋供收納口罩。其實好小成本但有心做好。早餐其實得幾款，但做多不如做精。豆漿先上，是帶甜口味，一般交貨。厚切豬扒麵。一上台有點意外，豬扒也太小家吧？但一食其實不差，厚是厚鬆肉粉也落跟，還好處理得幾好，無雪氣無鹹味，除了鹹甜也帶醋酸，應該炸過再上甜醋之類。麵是即煮，也不求其，放麵整齊，廚房對自己有要求，食客就會回頭。麵身是正宗上海麵，配搭豬骨湯。有煲過，湯頭清甜回甘，少許味精。份量稍少，但早餐其實食飽不如食好。整體而言，質素中上，埋單29元，一切也成正比，經過附近，不妨一試。

剛剛吃了一盒生煎包，步行約20分鐘，還是暖暖食物。如用微波爐叮約10秒，媲美現場味道。超過20秒會湯流失，味道大打折扣！注意供應時間是上午11時起才供應，請留意！

荃灣終於有得食坐底既生煎包，比門口吸引到， 原來仲有好多主食，小食今晚行完街好夜先嚟食， 肚餓緊要食多啲。一坐底侍應姐姐比左個紙袋我地放口罩，好貼心的服務。主食：豬扒擔擔面-$62，豬扒好淋味濃，湯面夠濃東玻肉-肉味好濃，唔油小籠包-可以接受，無乜驚喜生煎包-招牌好味，不過我臨收工去無咁夠熱雞絲粉皮-粉皮好爽， 麻醬味濃，雞絲普通總括嚟講，荃灣食店係多左選擇，想食生煎包絕對可以去食，坐得舒舒服服的一個好選擇