堅石燒 (已結業)

今晚去旺角銀座廣場LG的堅石燒，當然要食扒，豬牛羊雞魚任君選擇，叫了餐牌上第一款日本A4和牛肉眼蓋200g $298，都有好多塊，肉質非常嫩滑，一片一片慢慢燒，又好玩又好食，未食已聞到香味。另加$18享用自助吧，包括意粉、沙律、湯、凍熱飲品、甜品等，甜品有雪糕、果凍，任食任飲。怕食和牛不夠飽，叫了一個韓式豚肉石鍋飯$78，都好大碗，而且好足料。小食叫了泡菜餃子$28 有四隻，韓國風。食完肉都想叫個菜，芝士白汁煙肉焗西蘭花$28也不錯。

下班和朋友在油麻地買了玩具後，經過位於彌敦道銀座廣場地庫的餐廳，一間石板燒專門店「堅石燒」，它裝修風格走時尚地道的韓國風，內裡色彩主調鮮明，環境座位十分闊落，中間有一部大電視播放餐廳或韓食的介紹。餐廳有各式上等肉類選擇，以牛肉最為優質，牛肉有多款價位選擇，我很喜歡吃石板燒，因為將食材放在花崗岩石板加熱至心水熟度，可自由控制熟成度，又可以自行煮理，有得玩同時有得吃！餐廳的套餐可以在自助吧享用小吃，有沙律、飯、意粉、雪糕，及任飲飲品如可樂、芬達、雀檸、白牛肉湯等!先取了沙律，有車厘茄，粟米，生菜，火箭菜等，新鮮開胃，加上胡麻醬更好吃！主角來了，200克的日本A4和牛肉，十分大碟，有十塊左右，份量足夠，目測油脂分佈均勻，色澤鮮明，厚度適中切得厚身，口感十足，先在超高溫的熱石上以牛油輕輕掃面後，再將和牛每邊燒約十五秒，五成熟，入口即溶，富有牛味及肉汁，誘人的肉香令人胃口大開，享受原味！下一塊就加了些加岩鹽和黑椒，吃出另一番風味！另將香茅及車厘茄和蒜加上一起吃，更惹味！韓式豚肉石鍋飯，石鍋飯超級熱，配菜很多有粟米粒，白菜，泡菜，洋葱，蘿蔔絲等點綴，石鍋飯底部會有飯焦，香脆可口，豚肉份量多，加上經

銀座廣場LG 有間堅正既餐廳， 可以選擇的肉類好豐富日本A4和牛肉眼蓋，有200g 真不錯，切了有厚有薄，在預熱既石頭上燒，又新鮮，又好玩和牛肉和脂肪比例平均，燒好了現粉紅色，咬落好甘香，牛味十足，厚同薄食到唔同既口感韓式牛肉石煱飯香噴噴，少辣既泡菜加香嫩既牛肉，紅蘿蔔絲、芽菜，配合在石鍋上的飯， 味道好韓式韓式炸雞炸得外皮香又脆卜卜，有雞肉又有雞翼，肉質鮮嫩，肉汁鎖得好好芝士韓式年糕好味，軟軟既芝士拉絲，入口和煙刃既年糕好夾，少少辣既韓式醬汁好惹味自助吧有意粉，又有香脆既手抓餅，還有雪櫃內新鮮蔬菜沙律，可以自由選不同醬汁，配柚子醬，十分清新湯。有好多種類既凍熱飲品，甜品有泰國啫喱，和不同口味既日本雪糕，好味又好超值

下班跟朋友相約在這間燒肉店吃韓式石鍋飯和燒肉。餐廳位於人來人往的旺角大街上，位置非常方便。內裏座位多，入口處附近設有自助區。石燒扒選了日本A4和牛肉眼蓋200g ($298)，份量頗多，足夠兩人分享。牛肉的生熟可按個人喜好製作，可先將隨附的牛油塊塗到鐵板上，炙熱的鐵板可足夠燒三四回生牛肉，注意小量油濺起。蒜蓉片和辣椒片在燒過後更香口，放在牛肉上一起吃，更能提升牛肉的鮮味。石燒扒加$18可享用自助吧的飯、意粉、沙律、湯、凍熱飲品和甜品，選擇多樣。一盒盒沙律放在雪櫃內，以保持新鮮。我倆都非常喜歡喝這款大醬湯，湯不會過鹹，而且加了大量配料。配料以菇粒為主，厚肉菇粒非常爽滑，這些配料為本身平平無奇的大醬湯增加吸引度，比現場的其它飲品吸引。韓式厚切鰻魚飯($98)，個人覺得比鐵扒更吸引。厚肉鰻魚，配上各㮔新鮮爽脆的蔬菜配料如芽菜、紅蘿蔔絲、甜白菜和粟米粒等，味道上十分豐富，可嚐到各種蔬菜的甜味。飯粒粒粒分明和飽滿，沾點鰻魚汁吃，味道更香。飯的份量很多，再配一兩份小菜，兩人分享吃也足夠。牛油焗野菌($28)份量足，上桌時傳來牛油的香氣，拌野菌新鮮爽滑，拌飯吃很適合。焗釀大蘑菇($28)比野菌更爽滑

A4牛夠滑，必試，唯一唔好係d煙無野吸去，好臭雞石鍋飯正必試，多配菜，芽菜，泡菜，蘿蔔絲都好味，個汁仲正，好食到想買佢個汁番屋企炸雞麻麻，但個汁幾得意，有酒味，又甜又辣牛石鍋飯多洋蔥正，肥牛正常，重黑椒味，都係雞石鍋好食d豬太乾，無肉汁，size 比想像中細上次食過湯烏冬，差！可以唔試

食燒和牛，我比較喜歡用石燒既方式可以由自己控制熟成度，朋友喜歡7成熟，我喜歡3成熟，如果由廚師主理的話，好難掌握每個人喜好的生熟度，會浪費和牛既品質這間在旺角比較有名氣的石板燒，位置雖然有點隱蔽，在地牢下，但亦很容易找到，落樓梯已見可愛牛牛歡迎你內裡裝修比較時尚韓國風格，橙/黃/紅色做主調，色彩鮮明，地方亦夠闊落Menu 多選擇，有石板燒，石鍋飯等選擇，另加 $18 包自助吧，任食任飲飯，意粉，小食，飲品及甜品，好抵呀日本A4和牛肉眼蓋 200g (必食！）食石板燒，必定點靚和牛，日本A4和牛，油花分佈均勻，只需每邊燒10-15秒，4成熟，一食入口即溶，肉汁鮮嫩，太正韓式厚切鰻魚飯石鍋飯，一上枱熱辣辣，鰻魚夠惹味，配上鰻魚汁撈飯一流芝士白汁煙肉焗西蘭花濃濃白汁芝士鋪滿西蘭花上，香濃芝士蓋過西蘭花，芝士配角竟然夠搶鏡焗釀大蘑菇香濃美味，大蘑菇焗得恰到好處，沒有焗得太乾身，正柚子沙冰好好味呀，夠清涼甜品有雪糕，蒟蒻任食心滿意足的一餐，識食石板燒一定要點和牛，自己掌握必定滿意

喜見呢個商場有生氣，有食力㗎，話說呢個商場有段好長時間好靜局，而家成為食肆 都係畀我一個好大嘅响受，落到堅石燒嚟 ，坐低 一啲都唔簡單，地方大，卡位多， 一格格好似包箱咁，隔離睇唔到你，好有情調，坐低叫一份澳洲和牛m9和牛肉眼200個gram $280 韓式厚切鰻魚飯$98 芝士牛油焗粟米$28焗釀大蘑菇$28 兩位自助吧 都係$36加一$526，人均$260消費好滿意，個半鐘好寫意。澳洲和牛m9和牛肉眼200個gram一個人食有點壓力， 兩個人食要加埋其他就啱啱好，聚焦嗰個火山岩石板，由頭燒到落尾都係吱吱聲，呢個賣點近排好興，搞到我都有啲，心思思想整返件石板返返歸，自己嘆下先，和牛好味唔使講，燒得啱唔啱口感就自己調控，自己控制呢個賣點非常好呀!韓式厚切鰻魚飯$98 厚切鰻魚，口感滿滿唔使講，加埋啲醬汁本身已經係好出色，話說嗰件石板燒到滋滋聲 ，跟住仲搵啲鰻魚飯，落去抄埋和牛肉汁，撈埋一啖，仲可以燒到有啲飯焦添，石板燒嘅感覺真係一個好嘅設計呀!啖飯 又熱又香又汁醬多，白飯都味飯呀!芝士牛油焗粟米$28焗粟米加牛油，粟米粒粒脹卜卜，已經好得人鍾意，再加芝士撈埋上去炒炒下，唔單止呀佢仲有少

勁吸引，沿着樓梯落到地庫餐廳，一開門已看到自助餐的位置，一邊飲品，一邊意粉薄餅，有飯有湯，還見到雪糕櫃。餐廳座位寬敞，有隔開座位屏風。點了餐後，店員提醒要帶口罩到自助餐區取飲品。雪濃湯，有牛粒和白蘿蔔，湯味好濃郁，好好飲。日本A4和牛肉眼蓋，和牛肉質柔軟。牛肉放在熱石上燒，咋咋聲，加了蔥蒜牛油，好香。和牛好有牛味，滿口牛肉味和油香，真係好味道。韓式厚切鰻魚飯，飯和芽菜白菜泡菜醬汁撈勻，連同鰻魚一起食，有鰻魚汁的甜和泡菜辣，味道不錯。焗釀大蘑菇，蘑菇厚肉，多汁香口。韓國炸雞，一點個醬，就係韓式味道。

已經encore左無數次，自問食過咁多間石燒牛，呢間真係最抵食。唔食牛嘅朋友放心，呢度都仲有其他肉類選擇。價錢豐儉，部份肉仲可以自選重量。如果想半自助餐形式，都只係加$18就可以任食沙律、湯、意粉飲品、雪榚同甜品。1️⃣美國大理石牛(300G)價錢雖然係最經濟(份量揀中間重量300g)$108，牛扒油脂分佈得幾平均，幾有牛味，肉質唔錯，而且又唔韌，整體幾好。不過就係多少少筋位，介意有筋嘅朋友可能要留意。2️⃣石燒雞扒雞扒上枱時已經有7-8成熟，只需要輕輕用石灼灼個雞皮已經好脆口同夠熱，蘸燒烤醬或韓式辣醬，都好夠味。3️⃣飯、意粉、沙律菜意粉:有用蒜同牛油煮過，唔係水煮意粉。誠意十足，味道都好夠飯:軟硬正常沙律菜:用玻璃樽裝放係雪櫃，保持到菜嘅新鮮同衛生讚。4️⃣韓國芝士年糕以小食$28來講真係冇得挑剔咁多，但個人覺得唔係太夠味，所以我地自己加咗啲韓式辣醬好肉好似好味d😂總結：食物整體質素真係唔錯如果唔係都唔會encore左咁多次。如果要挑剔嘅點就係，所有食燒肉嘅舖頭都係，地板好油，如果小朋友同老人家要小心。同埋員工反應好慢，叫咗買單都有5分鐘都冇人理我哋😵‍💫😵‍💫

堅係鐵板燒。首先上咗一塊熱熱的石頭 就係用佢嚟煎上頂級和牛 一塊一塊自己 沾建議每次兩塊就最好 牛肉的紋理好呢 一啖咬落去就食得出係a4級 咬落牛肉味豐富 脂肪和牛肉的比例恰當好處 而且用堅石燒的石頭 直銷即食好鬼好味唔夠喉再叫多一嚇a4和牛之後就叫咗一嚇新鮮的鰻魚飯 有大大條鰻魚 配上粟米 同埋即炒鰻魚飯 鰻魚好 新鮮肥鰻魚汁好鬼嘢未用嚟撈飯就係最啱之後叫咗一盒炸雞小食 炸粉好薄好脆 鎖住雞肉的肉質 配上韓式炸醬 真愛成為佢哋啲和牛係的確係上等貨 脂肪同盟你恰當好處之後就嗌多一嚇薯仔青口 青口好 新鮮 一啖咬落去充滿海水味 新鮮的感覺呢度有好多醬汁 而且飲品同埋雪糕都係任叫

今晚我地去左油麻地既銀座廣場食燒肉位置好方便，油麻地站A1出行兩分鐘，係正條彌敦道度！近排食得任食既多，今次揀間散點既，食少d，但食得高質d都幾多選擇，豐儉由人首先齊有牛、羊、豬、魚然後份量亦可按食量選擇g數，牛肉亦有多款價位選擇，確實彈性得多除了燒肉，亦有石鍋飯及小食！價錢我覺得算幾經濟！最最最經濟係，每人加$18，就可以享用自助吧，即係任食沙律、飯、意粉、抓餅、雪糕，及任飲飲品、湯我地點左一碟200g既日本A4和牛肉眼蓋$298有10-12塊！目測已經見到油脂分佈好靚厚度適中，唔會太薄一放上去，陣油香味聞到都流曬口水入口啖啖油脂香，肉質嫩滑，每一片都係享受韓式厚切鰻魚飯$98鰻魚好大條，厚切但口感分明唔會似好膠小食：牛油焗野菌$28牛油味唔係好出，但醬油味就好夠，菇都好多呢個飲飲既雪濃湯好好湯，好夠味，又夠熱，飲左兩大碗夜晚無口乾過，安全小食炸雞都抵食，$28有成6件埋單$540有找！無放題咁多款，但一樣可以食到好飽，淨係個A4和牛足以值回票價

久不久有睇蕭山嘅YouTube，去到旺角突然間諗起堅石燒，一於碰吓運氣等吓位食晚餐。堅石燒 在地庫，自成一角，好有韓式風味，電話訊號收得差記得上Wi-Fi，獨立座位防疫措施做得好而且私隱度高。店員推介這裏有平靚正的和牛，點餐記得加 $18 自助吧，任食台灣直送香椿抓餅、汽水咖啡任飲及任食沙律、意粉很受歡迎，好抵食！日本 A4 和牛肉眼蓋 200g $298 年青勤奮的店員先奉送已燒熱的大理石板及金碟，A4 和牛肉眼蓋 200g 份量也不少，配襯了香茅、車厘茄、生蒜。A4 和牛肉眼蓋 油花分佈均勻、色澤鮮明、紋理清晰，我急不及待夾起放堅石燒，還有黑松露牛油增加香氣，每片牛肉都切割得厚薄適中。大理石板溫度夠熱，一燒香味突出，聞到誘人的肉香，果然食慾大開，自己控制燒至理想的熟度，逼出油份，第一口先吃牛的原汁原味，肉質嫩滑，入口即溶，好味到極致。韓式厚切鰻魚飯 $98用石鍋盛載熱騰騰的鰻魚特別厚切，鰻魚汁味道香濃，熱辣辣的拌飯，配搭各種韓式蔬菜，味道唔錯。鰻魚入口魚皮香脆，肉質軟滑彈牙，韓式醬汁甜辣惹味， 份量多超好食。焗釀大蘑菇 $28超級 juicy 的大蘑菇， 釀入餡料加上芝士濃香，惹味

放工途經呢間餐廳 便同朋友入去試試日本A4和牛肉眼200g 油脂超豐富嫩滑 牛肉放上石板度燒 即使冇搽牛油都唔會黐底 加少少鹽 配埋個白飯已經好好味韓式鰻魚石鍋飯本身以為石鍋飯會有飯焦食 呢度嘅石鍋飯純粹喺用石鍋裝住嘅飯lol 鰻魚份量正常 配料有芽菜泡菜等 味道不過不失韓式炸雞炸雞新鮮炸起脆卜卜 雞肉仲有肉汁韓式芝士年糕我最鍾意食韓式年糕貪佢qq彈彈好有口感 而呢度嘅年糕加咗芝士同泡菜醬去焗 味道更加惹味另外出面有自助沙律吧 每位只需要加$18就有超多嘢飲嘢食甜品選擇 沙律 汽水凍飲沙冰 蒜香炒意粉 手抓餅 仲有雪糕任食 當日雪糕有港式奶茶 玄米茶 朱古力 三種口味 黎得一定要加 因為真心抵 蒜香意粉仲好香添

美酒佳餚有時是治癒身心的良藥，在與友共聚輕鬆吹水的場景下服用，效果更佳 因著生活瑣事而心情不佳，友人得悉後提議見個面、鋸塊扒，相約在蕭生的堅石燒 在政府規例下我們隔枱坐，聊天時有幾分似唱山歌，時而聽漏，時而聽錯，倒添歡樂每位加$18（原價　$30）即可無限享用自助吧的沙律、餐湯、意粉、飲品及雪糕等 正好想吃沙律消暑兼墊胃，見自助吧價位相宜（係出面食沙律都唔止），當然順便加碼 熱石登場，是時候「咋」一「咋」佢！生手，為免痴底，以牛油輕輕掃面後才開始 還原基本步，選擇排第一項最大路的美國頂級牛小排，圖其既有肉又有脂 眼前這一碟剛好集齊偏瘦到偏肥的牛小排，由瘦嚐起，嫩中帶實，不失嚼感 其實沒有太多精細高超的烹調步驟，燒一燒，加鹽加椒，享受原味已經足夠 其後加點焗釀大蘑菇，釀餡滿滿保菇身水分，並有奶潤調醬，焗芝鋪面更添香 除沙律杯外，亦可任飲是日餐湯，自助飲品吧尚有汽水、咖啡等可選 蒜香意粉也是任食項目，香氣柔和不嗆，意粉仍然彈牙，又不會太過油膩 飯後甜點有本地品牌CocoBerry雪糕，常見的雲尼拿、朱古力味都在場，不過不僅於此 店方不定期會換上菠蘿椰子、港式奶茶等特

蕭生除咗時代冰室 仲有堅石燒都好出名都好有人氣 晚市都要等陣位Menu除咗石燒扒仲有石鍋飯同韓式小食另外每位+$18可享自助吧自助吧有沙冰、汽水斟 仲有白飯、沙律同台灣抓餅雪濃湯好好飲好足料 湯呈奶白色 以牛骨熬成 香醇濃郁 另加上蘿蔔更顯清甜日本A4和牛肉眼蓋 200g $298和牛充滿油脂感 幾乎入口即化 但缺乏肉味自己加上鹽同黑椒調味 再加上燒肉汁😋👍🏻韓式厚切鰻魚石鍋飯 $98鰻魚好厚身好肥美 大大條🙈 鰻魚飯喺石鍋飯夠晒熱石鍋飯亦好豐富好多配料 各種配菜例如泡菜都好開胃食到底有少少金黃帶少少黑色嘅飯焦😻 十分焦脆韓式炸雞 $28炸衣脆口但偏硬 雞件嫩滑夠juicy 再配上韓式甜辣醬😋韓式煎餅 $28呢個有少少失望 煎餅帶煙韌口感但冇脆香嘅狀態煎餅味道亦比較酸 個人唔係幾鍾意甜品亦有得自己拎雪糕同啫喱