堅離地冰室

營業中

休息中

餐廳名夠晒特別😆好有香港本土風情，但係餐廳食物價錢就好貼地，晚巿套餐最多都係百零蚊，已經有餐湯，主菜同飲品。餐廳設計懷舊復古風，牆上貼滿黑膠唱片，復古海報，整過感覺好有味道。🥫酥皮羅宋湯餐湯可以升級做酥皮，立即試下先。酥皮即叫即焗，熱辣辣，好香牛油味🤤羅宋湯幾多料，酸酸甜甜。🐮威靈頓牛柳估吾到冰室都有威靈頓牛柳，好高級😍酥皮好鬆脆，勁香牛油味。牛柳叫了五成熟，一切開已經見到肉汁，肉味好濃肉質軟腍😍👍🏻🐤新奧爾良燒春雞即時烤焗，需時20分鐘，但絕對值得等待。雞肉真係好嫩滑，烤汁好惹味，微辣，令雞肉味道昇華👍🏻🫘紅豆冰🫘咖啡紅豆冰滿滿的港式味道，紅豆份量多，吾會死甜，清清甜甜好正😋🌟總括嚟講，下次經過堅尼地城一定會再黎呢度，價錢貼地，食物高質，食完飯仲可以去附近海邊散散步😆

呢次去咗呢間新新地既堅尼地冰室食晚餐，喺一間比較走西餐路線又好抵食既餐廳，值得經常幫襯餐廳環境舒適，座位唔迫，坐得好舒服。裝修簡單又有特色，令人心情放鬆**威靈頓牛柳配薯蓉**講真，$140就食到高質威靈頓牛柳，性價比超高！牛柳夠厚，五成熟啱啱好，外面嘅酥皮又香又脆，牛肉仲保留住少少粉紅色，入口唔韌，又好牛味。中間仲有蘑菇，成件事好夾。薯蓉撈埋燒汁，食落好滿足👍🏻**香煎帶子刺身南瓜義大利燴飯**呢個$105，仲送埋酥皮羅宋湯，真係抵食！帶子半生熟，火候控制得好好；南瓜燴飯清甜又creamy，食落好有口感。加埋香濃嘅酥皮羅宋湯，味道啱啱好😋

呢間位於堅尼地城既堅離地冰室,價錢一d都唔 “離地”. 而且稱得上係cp值幾高既西餐廳,值得推薦！煙三文魚沙律($71): 沙律菜新鮮,仲有唔少香脆麵包粒. 當然唔少得大大快新鮮煙三文魚啦. 😋炸水牛芝士條（$55）: 水牛芝士炸得酥脆, 又唔會過於油膩. 水牛芝士味道比普通芝士較為清淡又有拉絲效果, 味道啱啱好唔會太滯.香煎帶子刺身南瓜義大利燴飯($105) 配酥皮羅宋湯: 帶子半生熟,火候控制得好好👍🏻 南瓜燴飯清甜得嚟又creamy. 係道偏清新既主菜. 配上香濃既酥皮羅宋湯, 味道上都好均勻.😋威靈頓牛柳， 外脆內軟 酥皮好正 牛肉味濃郁 再加上幼滑嘅薯蓉 好快清晒

🎉 堅尼地城堅離地冰室🌟 **脆皮德國鹹豬手**濃郁的德國風味的鹹豬手，外皮酥脆，內里肉質鮮嫩多汁。與芥末燒汁的完美結合，帶給你前所未有的味蕾享受。在咀嚼的瞬間，香濃的肉汁與微辣的芥末交織，讓人欲罷不能。🌟 **酥皮羅宋湯**這道酥皮羅宋湯的特色在於其獨特的酥皮，薄而酥脆，與濃郁的湯底完美融合。🌟 **清新蘆薈百香果**想要清新一下？那就來一杯蘆薈百香果吧！蘆薈的清涼與百香果的酸甜完美結合🤩🤩

收咗工約朋友近近地去呢間堅離地冰室食 佢介紹話呢間冰室嘅晚餐抵食兼好高質 今日一於試吓有幾高質😋🔸威靈頓牛柳配意粉唔係好多餐廳有威靈頓牛柳揀 下一個，而且價錢仲要非常實惠 講緊都係$140（連加一）就食到威靈頓牛柳😳😳 件牛柳非常厚肉 而且外層嘅酥皮非常香 牛柳嘅縮到可以自己揀 我就揀咗七成熟 切開仲有少少粉紅色 但係完全唔韌 而且食落去超重牛味酥皮中間仲夾咗少少蘑菇 成件事好夾🤭意粉撈埋燒汁食真係食到好滿足🔸 法式鵝肝煎牛柳配黑松露野菌燒汁配薯蓉強烈推薦大家要試下一個薯蓉！絕對唔係用粉開 係食得出有一粒粒嘅薯仔撈埋芝士同埋少量牛油 非常值得一試牛柳味道其實同個威靈頓牛柳好相似 係煮法唔同 上面鋪咗一塊鵝肝 食落真係非常之肥美個黑松露野菌燒汁好能夠帶出個鵝肝味 成餐飯人均消費都係大約$130 食到咁嘅質素嘅牛柳真係物超所值 仲要送埋嘢飲同埋羅宋湯😯另外要讚嘅係員工服務態度好好 會嘗試同你傾吓偈問你嘢食好唔好食😁

店名叫做堅尼地冰室，但係店舖裏面嘅食物價錢一啲都唔離地 。今次叫咗一個燒雞，同埋一個鐵板雜扒兩個人叫咗兩個菜，冇諗過份量咁大份最後食唔晒。價錢每樣嚟講百零蚊真係好抵食，以前係堅尼地城食嘢嘅時候覺得坐低入到餐廳食嘅時候都會覺得要洗好多錢好貴，冇諗過呢個價錢可以有咁大份嘢食，簡直係物超所值 。重點係呢一個份量嘅嘢食，呢個價錢嘅嘢食仲要係幾好食。首先就係燒雞，燒雞一啲都唔乾身或者唔柴，脆皮得來隻雞好多汁，非常之推介 。至於鐵板雜扒，淨係塊豬扒食完已經覺得好飽，因為個份量好大份，食呢個豬扒一定要配佢本身俾你嗰個汁 ，完全可以昇華到 。除咗嘢食覺得正，另外一種味道係唔係咁容易食到，嗰種就係叫做人情味，店舖裏面嘅侍應非常之有禮貌貼心，而且仲要係對住啲老街坊，非常之好，呢一種小店真係喺香港小之極少 。

約咗人喺西環食晚餐 經過堅尼地冰室諗住食簡簡單單一個晚餐就入咗去食啦 估唔到入咗去臥虎藏龍係好似一間Cafe咁樣裝修 有黑膠唱片啊酒樽啊，書本咁呀 環境都幾chill而且CP值高晚餐都係八十幾至130幾蚊再加一就有飯或者牛扒食 先加到錢叫咗酥皮羅宋湯 酥皮湯好耐冇食過啦，個皮好香落去點住啲湯一齊食 非常match美國穀飼肉眼扒 配黑松露野菌汁好大塊 切開都有肉汁 點啲黑松露汁好滋味 跟餐薯菜係餐廳自制薯蓉點黑松露汁都吸引法式鵝肝煎牛柳拼黑松露野菌汁法式煎鵝肝都俾得幾大方煎牛柳都係好有肉汁跟埋薯蓉好啱食再點返杯特飲蘆薈百香果同鹹檸檬 又潤喉又解渴堅離地冰室 (西環)西環堅尼地城卑路乍街22號地舖#堅離地冰室#冰室#hkfoodblogger #hkfoodie

我今日放工後，約同好友去位於堅尼地城卑路乍街22號地舖的堅離地冰室食晚飯，環境舒適，懷舊裝潢，播著懷舊音樂，坐得舒服。我點左個 法式鵝肝煎牛柳配黑松露野菌燒汁套餐$133，好友點左個 威靈頓牛柳套餐$128，餐湯係羅宋湯，餐飲係凍西洋菜蜜及凍檸檬茶。套餐可以加$10升配意粉、飯或薯角；餐飲亦有多項選擇，釋隨尊便。法式鵝肝煎牛柳配黑松露野菌燒汁賣相不錯，牛柳係厚切，五成熟的牛柳煎得皮香肉嫩，牛味濃郁；鵝肝味濃香口；威靈頓牛柳包在脆皮內，好特色的製作。

【中西區】【堅離地冰室】成日同同事食飯，係時候都要同返朋友食飯。今次約咗浣紗娘喺堅尼地城食晚飯，都好耐冇過嚟呢邊搵佢食嘢。雖然呢間餐廳個名係冰室，但係夜晚係供應西餐，仲有扒鋸，啱晒我呢啲食肉獸。叫完嘢食，侍應就畀咗兩碗「羅宋湯」我哋，幾有港式風味。我哋 share 食，首先試 $109 嘅「脆皮德國鹹豬手伴芥末燒汁」，加 $10 要埋「意粉」，個豬手幾好，皮夠脆，肉又香。意粉口感亦都好好，廚師煮到啱啱好咁嘅。之後試 $128 嘅「威靈頓牛柳」，件牛柳都唔錯，而佢唔跟任何嘢嘅話，係配「薯蓉」嘅。我覺得個薯蓉唔錯，浣紗娘就話好正，仲叫我加大篇幅寫佢有幾好食，其實佢奶香夠，裏面嘅薯仔粒都做得好出色，難怪佢咁興奮。餐飲佢加 $8 試完「凍檸樂」仲加 $48 試「白酒」，佢話啱飲。我自己就試加 $8 嘅凍「清新蘆薈百香果」，都係好嘅選擇。。。（地址：西環堅尼地城卑路乍街22號地舖）@kennedy.cafe#1amfoodie #foodie #hkfoodie #thatfoodiething #food #instafood #globaleats #dessert #foodpics #f

堅尼地冰室雖然個名叫「堅離地」, 但係價錢同野食選擇都相當貼地! 呢度嘅晚餐以西式食物為主，有意大利粉、牛扒、豬扒燒春雞等等。價錢由$70至$130多元左右, 選擇都幾多而且價格親民! 呢度嘅裝修有啲似返咗去80年代嘅舊香港, 帶一點懷舊風情之餘又不失摩登嘅感覺。威靈頓牛柳 - 本人係第一次食威靈頓牛柳, 估唔到咁有驚喜! 酥皮做到酥脆嘅口感而且充滿牛油香味, 威靈頓牛柳嘅精髓在於酥皮同牛柳之間嗰一層黑松露蘑菇醬, 咁嘅價錢有呢個質素真係喜出望外😍牛柳焗到大概五成熟肉質非常軟腍, 肉嘅顏色帶點嫩紅, 熟成度掌握得恰到好處👍🏻 另外要大讚佢嘅意粉，係幼身而且彈牙嘅意粉, 一D都唔馬虎! 配埋秘製黑松露紅酒醬汁真係絕配! 我哋真係好鍾意食牛, 身為牛魔王嘅我哋決定點多一客肉眼牛扒試一試! 好鍾意佢嘅薯條舊式茶餐廳必食嘅鋸齒薯條, 上碟時熱辣辣即叫即炸! 牛扒有成兩大塊咁多, 煎到啱啱好五成熟肉質嫩滑而冇血水, 超水準之作😊 性價比極高!另外推薦大家加錢升級做酥皮羅宋湯, 食牛扒加酥皮湯, 真係所有兒時回憶都返晒嚟!👶🏻 晚市套餐加$48就有一杯紅白餐酒, 有時想平平哋同另一半或者朋友鋸下扒

堅離地冰室 @kennedy.cafe 📍：西環堅尼地城卑路乍街22號地舖🚗：堅尼地城地鐵B出口 步行4分鐘📞：+852 9223-1776💲：~HKD150/head for dinnerFood quality✔️：香煎刺身帶子南瓜茸燴意大利飯、蘆薈百香果、羅宋湯👌🏼：日式蒲燒鰻魚蛋包飯配櫻花蝦、炸水牛芝士條、凍奶茶總結：😋作為一間冰室但售賣西式意粉🍝/扒類 但飲品就似返茶餐廳 混入西式元素嘅冰室 非常特別😋見大家都推薦帶子南瓜茸燴意大利飯 有三大粒帶子 飽滿又煎得剛好 南瓜茸超足料每啖都食到洋葱蕃茜嘅香料味👍🏼😋見飲品有蘆薈百香果呢個選項緊係即係叫 幾清新啱哂夏天飲💕😋跟餐有紅湯 呢啲各間茶餐廳都售賣嘅嘢 呢間好足料幾好飲🤔作為一間冰室連日式飯都有真係好特別 鰻魚都幾大條鋪滿成個碟 不過整個蛋包飯較普通 尤其同帶子嗰個比🤔炸水牛芝士🧀同奶茶都係正常😨有蚊滋 衞生可作改善

嗌左兩個套餐，套餐奉送餐湯及熱飲。羅宋湯有好大嚿牛肉，酸辣又甜。❤️意式白汁芝士海鮮焗意大利粉海鮮有青口、蝦和魚，夠新鮮。意大利粉配熔芝士，「芝」味十足！❤️威靈頓牛柳嗌左七成熟。加+$10轉配白飯。威靈頓牛柳外層的酥皮滿口酥香～配牛味香濃、肉質軟腍的牛柳，讚👍🏻！還有西蘭花🥦、翠玉瓜和紅蘿蔔🥕配菜。餐飲嗌左兩杯凍檸茶(+$3)走甜。檸檬夠新鮮夠酸，走了甜的凍檸茶真是消暑佳品👍🏻❤️。

格局係冰室同茶餐廳但擺放左好多懷舊唱碟，仲有d得意既電影相，滿滿既懷舊氣息，酒樽，書籍等等既圓形牆架好別緻，好似去左另一個地方同時空甘。餐廳服務態度幾好，職員會用心介紹食物，上菜速度都好快仲不停幫我地收走唔要既污糟碟，職員好落力同細心咖啡紅豆冰係呢度既特飲，入面既紅豆真係好甜同好粉嫩既，而且用冰杯裝住。牛扒份量大，但口感好似落左好多鬆肉粉甘，建議佢唔好落甘多同留意食材既新鮮程度，鐘意佢既粗身薯條炸至香脆。

同朋友約咗喺堅尼地城食晚飯🍽️🍽️佢就帶我嚟咗呢一間堅離地冰室🏠真係相當有驚喜😍羅宋湯酸甜開胃，但有少少微辣🌶️💜威靈頓牛柳配意粉💙威靈頓牛柳我哋揀咗三成熟🥩🥩香脆嘅酥皮包住三成熟嘅牛柳🍖🍖牛柳相當Juicy 煮得啱啱好❤️❤️❤️肉質非常之鮮嫩😍外脆內軟嘅口感真係超正🤤🤤🤤配上香草意粉同埋少少蔬菜🥦加上餐廳配製嘅醬汁真係一流⭐️⭐️⭐️💛新奧爾良燒春雞配薯蓉💚燒春雞要預返大概20分鐘⏰⏰即叫即焗🐥🐥上枱時熱辣辣而且味道相當之香😍😍😍相信用咗唔同嘅香料去烤焗🍗🍗而且雞肉鮮嫩多汁🥰薯蓉放喺雞嘅下面❤️❤️吸收晒雞油🤩🤩🤩令到個薯蓉更加惹味😋😋而且份量豐富真係超級抵食👍🏻👍🏻👍🏻🩵清新蘆薈百香果🍹凍檸茶☀️☀️蘆薈百香果夠晒Fresh🍹🍹百香果果味濃郁!🍋🍋凍檸茶茶底都好香濃😌😌係我鍾意嘅口味🩷🩷😅

【堅唔離地嘅平民冰室找尋高質牛？】見到間餐廳名「堅離地冰室」咁得意，今次收工就過嚟堅離地城度覓食！呢間平民嘅冰室竟然都有高質嘅牛食？？🔶美國西冷牛扒配黑松露野菌燒汁$106唔係講笑，塊西冷牛扒真係大過我塊面！！😎除此之外，肉質嫩滑多汁，搭配上黑松露和野菌燒汁，與牛肉的鮮美味道相得益彰。🥩🔷威靈頓牛柳 $128真係冇諗過冰室都有威靈頓牛柳食？！而且都相當高汁！威靈頓牛柳以優質的牛柳肉和蘑菇🍄‍🟫作為餡料，外皮包裹酥脆可口的麵包皮。外脆內嫩，肉質細嫩多汁，以平民冰室嚟講相當有格調且出色！呢個牛柳我就配搭咗餐廳最聞名嘅薯蓉！薯蓉濃稠順滑，係舌尖度融化哂🤤。奶香和奶油的細膩味道恰到好處地融合在薯泥中，為整體增添了醇厚的風味。**以上套餐配飯/意粉/薯菜，包餐湯同飲品。**📍：堅離地冰室 (西環)西環堅尼地城卑路乍街22號地舖.......#西環#港島美食#堅尼地城#冰室#威靈頓#西冷牛扒#foodiegram