堡品牛腩 (已結業)

撲鼻而來嘅香味已經先聲奪人，我一邊咽口水一邊坐低，期待已久嘅五香牛雜煲終於出場嘞！煲底牛肚得嚟爽口得滑，牛膀腍得嚟又彈，每啖都香氣撲鼻，真正係食到停唔到口。啲炸魚皮又係外脆內軟，入口即溶，咬落去嘅聲音夠晒香脆。突然間，個五香味郁嚟，啖啖醇香，乜都唔使，就已經滿足到不得了🥣。然後，話說嗰啲墨魚丸同魚丸，真係每一粒都飽滿得滯，咬一口彈牙嘅感覺，真係好過癮！生菜又清新爽脆，完美中和晒五香嘅濃郁😋。最後，點可以唔提下呢個手打鮮墨丸同黑松露花膠水餃？大細心創造出嚟嘅味道，仲有啲安格斯封門柳，肉質鮮嫩多汁，幾乎係融化喺我口中，咁樣嘅美味，真係令人忍唔住一而再、再而三嘅夾😍！整體黎講，呢次食經真係一場舌尖上嘅盛宴，好彩今日攞到位，唔使排隊，做個美食獵人有時都要啲運氣，不過呢間店嘅美食確實值得每分每秒嘅等待！🍴

朋友之前去過堡品食過個花膠雞湯打邊爐話好正,天氣轉涼,就帶我去打返個滋補邊爐^^.店員安排左張大枱比我地2個,坐得好舒服,我地叫左個花膠雞二人餐,配料好豐富.超香濃厚花膠湯,一上枱,金黃色既濃雞湯.店員好nice咁話先試試個湯,一滾起已經聞到超香濃既雞味,忍唔住要即刻試下個靈魂,湯底鮮甜,膠質豐富,滋陰養顏,有半只雞,肉質軟稔,吸收晒湯,連雞肉都好有骨膠原,好食.花膠好厚身,真係好有霸氣,口感爽滑,滿滿骨膠原,食完仲有膠質黏係口既感覺.美國安格斯封門柳,份量超多,肉質好幼嫰,牛肉味濃,油脂分佈均勻,絶對係上等牛肉,牛魔王一定愛上.手打鮮蝦丸同手打鮮墨丸,手打系列果然口感非常爽口彈牙,鮮蝦丸好新鮮,鮮甜,2種丸都好出色,好味.黑松露花膠水餃,黑松露配鮮蝦,花膠,估唔到可以咁爽,更加帶出鮮蝦既鮮味,口感又爽彈,真係好正.白鱔係厚切,肉質肥美,刀工好好,完全無骨,勁,入口滿白鱔既油香,超級好食.響鈴質地鬆脆,索晒D花膠雞湯既精華,好正,打邊爐真係無得輸.食埋生菜同皇帝菜,淮山麵,真係大滿足,淮山麵都好有驚喜,麵質好爽滑.仲有個3.6牛乳奶凍,估唔到個甜品都咁出色,滑溜creamy,入口軟滑,

友人外地回港，相約一起打邊爐聚下舊，一齊食了花膠雞湯火鍋套餐，一食難忘，連花膠雞湯都好飲到清曬！不可不在落火鍋料前先喝超香濃厚花膠雞湯！花膠同雞件大大塊，職員會幫手剪。留返雞髀🍗唔剪拎住食最過癮😄美國安格斯封門柳，淨係見到花紋都知好野黎，牛味👍🏻油脂分布均勻，手打鮮墨丸同黑松露花膠水餃🥟都十分好食，彈牙唔重粉！黑松露完全升華左個味道，令水餃更滋味！自家響鈴大大件，時令蔬菜有茼蒿同生菜🥬加上爽口淮山麵！好既湯底令麵既口感升華左，唔食咁多碳水化合物嘅我都停不了🤣最後3.6 牛乳奶凍都無令人失望，奶味濃而唔會好甜，食完勁滿足😌！P.S.原價$988，特價＄788，早一天前訂，特特價$688

堡品牛腩喺近石門站京瑞廣場出面 地理位置好方便 之前同朋友都嚟食過覺得好好食今晚再嚟 試下佢哋今次推出 <全新花膠雞煲> 好想嚟試下 佢哋揀嘅雞 雞皮夠黃 雞油夠香的麻黃雞 雞湯與雞油的黃金比例 雞油完美結合雞湯 入口鮮香濃郁 輕輕的黏口感覺 食到濃湯中滿滿的骨膠原。湯底裏面有勁多花膠配料有多種食材封門柳味道好濃鬱 食得出係好新鮮 放入湯底約20秒就可以加上啲火鍋醬料 真係好滿足手打鮮蝦丸 好彈牙食得出 粒粒蝦肉非常新鮮手打鮮墨丸 墨魚味好濃鬱 口感好彈牙 好鮮味黑松露花膠水餃 係自家仔拍皮薄餡靚 黑松露味道好出新鮮白鱔 食落好新鮮 比較少食呢個白鱔 冇乜骨好彈牙 呢度坐得好舒服舖頭近地鐵站有容易搵店員 服務又好地方 又乾淨 坐得好舒服

今晚過來石門食晚餐，見天氣涼涼地又可打邊爐。叫左個套餐超濃特花膠雞套餐有肉類選一款，手打鮮蝦丸，手打墨魚丸，黑松露花膠水餃，自家製炸響鈴，時令蔬菜，烏冬及3.6牛乳奶凍。超濃特花膠雞湯，原來個湯底系用左成隻雞熬成，打邊爐前先飲飲返半碗湯先，雞湯好濃郁又好鮮甜。美國安格斯封門柳，牛味香濃，肉質又唔韌，湯底濃郁連醬汁都可以唔使點都好夠味道。手打鮮蝦丸和墨魚丸，蝦丸啖啖蝦肉和墨魚丸好彈牙又爽口好好味。黑松露花膠水餃，水餃皮又唔會太厚，咬落黑松露味幾香濃又有蝦幾彈牙。花膠大大片店員幫我地剪細細塊送入雞湯煲，花膠夠淋又入味。炸響鈴索雞湯的精華好入味。蔬菜和烏冬吸收湯的精華。3.6牛乳奶凍又唔會太甜，奶味香濃。

平時食開佢嘅tea set知道佢開左晚市即刻黎trytry原價$988 預早一日訂平300蚊😳姐係未食已經賺左$300！(強烈建議預早一日訂定😂)今日同侄仔食呢個花膠雞湯火鍋set超香濃厚花膠雞湯佢個湯係濃到好似粟米湯咁係濃到有少少誇張！足足有半隻雞！花膠亦唔洗怕係假野因為staff會係你面前幫你剪開再放入湯入面(雞都會幫手剪埋)美國安格斯封門柳而家出街打邊爐即酒樓肥牛已經好耐無食！呢個封門柳 脂肪唔多但肉味濃！再加埋個超濃湯底其實唔洗加其他醬汁都ok手打鮮蝦丸、鮮墨丸食食下突然聽到bom bom bom以為發生咩事😂原來係撻緊啲蝦丸同墨丸新鮮撻 想唔彈牙都難黑松露花膠水餃我無問係咪自家製，不過食落去個種新鮮程度我估都係自己包既水餃因為都好鬼大粒！記得煲耐少少🤏🏽自家響鈴4 件Staff拎黎既時候提我地少心熱本身有少少R頭，點知佢話…岩岩炸起！又係新鮮整😳😳😳佢既口感好似有間連鎖既豆腐舖個啲響鈴相信好多人食過，但都係買完拎返屋企先食但呢到再新鮮啲，真係即炸即食！新鮮白繕點睇係咪新鮮其實好簡單佢仲有少少血絲就証明又係新鮮野！入口好爽脆！好想再叫多碟但已經飽飽地！時令蔬菜、讚岐烏冬啲肉類都

今日經過石門做野，見開咗咁多餐廳忍唔住叫老公過嚟食飯😝 行到京瑞廣場一期二樓見到呢間舖有花膠雞煲，即刻覺得好正咁，即刻入去食啦！呢個二人餐都幾多野食，最吸睛梗係兩舊大花膠同埋金黃色嘅雞湯！等湯滾起左先飲一碗湯，雞味超濃郁，應該熬左好耐，全部精華都喺晒啖湯入面，感覺好滋補🤤 跟住職員就剪細舊花膠擺入湯度煮，等多陣先食得花膠。先食新鮮炸起嘅響鈴，仲係暖暖地，好香好脆口，浸落湯淥3秒先食仲有濃濃豆味！我地揀左安格斯封門柳，牛肉味濃，唔會太肥太漏，份量都好多！手打鮮蝦丸同鮮墨丸，好彈牙，蝦丸味道比墨丸更突出。湯入面已經有原隻芝麻雞，就算煲耐左肉質都無變鞋，仲好嫩滑！新鮮白鱔唔係薄切，係厚切架，啖啖肉之餘仲係無骨！黑松露花膠水餃入面非常足料，帶有爽口嘅感覺，仲有淡淡嘅黑松露味，絕對係皮薄餡靚！食完烏冬就食甜品3.6牛乳奶凍，口感順滑，奶味好濃，有啲似日本便利店買戈隻牛乳奶凍，每人一杯有啲唔夠喉🤤🤤

夜晚去左石門京瑞一期二樓打邊爐，試左個花膠雞煲湯底，用的係黃麻雞，湯底好香好有雞味，非常正！所有食材吸晒湯的精華！打邊爐前可以飲左湯先之後先食烚其他野食。我哋叫左個火鍋套餐，前一日預訂$688。呢個套餐的食材全部都好真材實料，雞嫩滑，花膠長度長過一隻手掌。響鈴即叫即制，送上黎時係熱同脆架～墨丸蝦丸和水餃都爽脆彈牙。格斯封門柳好嫩，一定要叫黎試！白鱔新鮮好有鱔味。最後食菜和淮山面，完全吸左湯底的味，十分好食～食到尾聲，仲有個好滑好香牛乳奶凍！員工好有禮貌，食材真係樣樣新鮮，用心安排，冷氣足夠,諗不到係石門都可以食到有水準的火鍋！

立冬過後梗係要補一補，網上見到這個套餐優惠做一天訂購更加平$100，和老公試一試。【超香濃厚花膠雞湯】好香濃的雞湯味道，加錢更可以加湯的時候仍然用原湯底，味道的濃烈完全令人覺得喉嚨順滑，大塊的花膠剪成碎片很快便吸滿湯汁，配上雞件，滋潤又好吃。【美國安格斯封門柳】一片片的封門柳煙靭度適中很適合打邊爐。【手打鮮蝦丸】皎潔的鮮蝦肉淥完後又彈牙又爽口。【手打墨魚丸】墨魚丸質地結實得來又有墨魚的香味。【黑松露花膠水餃】黑松露味道比較搶，還有鮮蝦肉。【自家響鈴】不用淥已經可以放進口裏，香脆又重腐皮味道。【時令蔬菜】有我最喜歡的冰菜打邊爐至愛。【新鮮白鱔】一條條手指般大小，味道幾突出。【3.6牛乳奶凍】滑溜溜的飯後甜品既冰凍又不肥膩。

石門而家好多野食,今次去到一期就見到呢間晚市主打火鍋既堡品牛腩,除左一人邊爐外,仲有花膠雞煲,有散叫有套餐見到二人餐做緊特價一於就直接叫呢個花膠雞湯店員放底後已經聞到濃濃既雞湯味花膠雞湯用左麻黃雞去煲所以見到湯底都幾金黃色店員先叫我地慢慢嘆個湯先之後店員再黎幫我地剪開塊花膠幾欣賞呢度用嘅花膠平時喺出面食嗰啲,雖然有時可能size真係幾大塊,但係冇口感可言但呢度既花膠有驚喜,咬落有味之餘仲有槳住嘴嘅感覺而個湯底前後後都飲左差唔多2，3碗都冇覺得好口渴,果然真材實料而雞件食落都好嫩滑美國安格斯封門柳200g雖然唔知200g有幾多,但係見到碟既份量一D都唔小,幾層疊埋封門柳係屬於牛的橫膈膜肌肉,牛肉味極為濃郁, 切得厚薄適中,簡單灼一灼就已經食得手打鮮蝦丸手打鮮墨丸一睇就知道真·手打兩款丸都好彈牙,蝦丸仲見到蝦粒口感好豐富黑松露花膠水餃黑松露香配上原隻新鮮蝦包成入口齒頰留香新鮮白鱔最正就係呢個白鱔了肥美適中,唔需要任何調味已經好好食重點係 冇骨😄自家響鈴新鮮即炸黎到時已經忍唔住成左舊先另外嗰啲再索埋啲湯汁食，超正時令蔬菜淮山麵3.6牛乳奶凍好濃奶香味, 又唔係太甜

全新堡品牛腩雞湯翅火鍋絕對是一道讓人垂涎欲滴的美食佳餚！從湯底到配料，每一個細節都展現了無與倫比的精湛工藝和用心。首先，讓我們談談這令人驚艷的湯底。全新堡品牛腩雞湯翅火鍋所使用的湯底完全是用新鮮雞熬製而成，經過長時間的熬煮，使得湯底充滿了豐富的鮮味和濃郁的香氣。每一口湯底都彷彿帶領著我們回到了傳統的雞煲翅的味道，仿佛在品嚐著家庭溫暖的美味。而配料方面更是令人驚豔。嫩滑的牛腩在湯底中煮至剛剛好的口感，散發出肉質的鮮美與柔軟的質地，每一口都能讓人陶醉其中。加入了新鮮的翅膀，更是為這道火鍋增添了獨特的風味和口感。無論是牛腩還是翅膀，都能與湯底完美融合，讓每一口都充滿了驚喜和滿足。全新堡品牛腩雞湯翅火鍋絕對是一道展現了廚師精湛技藝和對食材的極致追求的美食佳餚。每一口都散發著無法抗拒的誘人香氣，每一口都讓人留戀不已。這道火鍋絕對能夠滿足你對美食的所有期待，給予你一次難忘的味蕾之旅。無論是與家人共享，還是與摯友共聚，全新堡品牛腩雞湯翅火鍋都能為你帶來一場美味的盛宴。別再猶豫了，趕快來品嚐吧！成個湯底用新鮮雞熬製，鮮味濃郁絕對做得出還原100分雞煲翅味道

樓下樂園太逼人，行過見呢間無乜人，店面企理入嚟試下叫左一碗牛腩麵，—碗坑腩麵麵質爽滑，湯底清澈無乜油，味道濃郁，配埋d蔥芹好正牛腩好淋，普通牛腩有驚喜juicy鬆化，反而坑腩略顯乾小小，但都好食小店質素完勝樂園，會再encore

中午，若當天不想吃太多，食麵是最好的選擇。昔日有一間我經常食的，但在疫情後結業了。然而，幸福地，我在京瑞廣場內找到一間新的牛腩麵專門店《堡品牛腩》。其中的兩個工作日，真係唔係幾想食飯或食漢堡包啊，就一於來，食碗牛腩麵。首次來，我要了一客雙沙雲吞麵。首先，湯底有輕輕的腩汁已經是令人歡喜，因為這樣會直接令到湯底濃濃香香。雙沙就是崩沙腩同牛沙瓜。崩沙腩是半肥半瘦的，近筋位有煙韌口感，腩肉亦非常之爽口。牛沙瓜口感獨特，似食緊豬肚但有濃濃的牛肉香。雲告就一般了，那大地魚味不是太足夠。再次來，我點的是牛雜魚餃麵。小腸、牛肺、金錢肚同牛膶。味道濃郁而且又非常之腍，可以說，好味過好多出名既街邊牛雜店。魚皮餃意外地出色，外皮香軟煙韌，內心的肉餡又香甜鮮美。再加上爽口的麵條同香濃的腩汁湯底，不得不說，這是非常之好。果然是非常之好的牛腩麵，中午不想吃飯時，便會令我想起牛腩麵，若我想起牛腩麵，而人又在石門的時候，這《堡品牛腩》是我的首選。

不過濃不過咸湯頭，選了多蔥令湯味更清甜，好像也有少許芹碎香。盛載一碗滿滿崩沙腩牛筋河，除了河粉還可選擇粗/幼麵、米線、米粉。崩沙腩河只需58元已包一罐冰凍入心嘅汽水，只是還想吃牛筋，就決定加多12元。河粉滑溜易夾，到了主角崩沙腩，一碗有5、6件，件件都有半吋厚，呢個厚度幾有咬口，果然廚師推介，入口好有牛味，既不太肥亦淋滑不韌，好食到唔捨得食晒。牛筋都好出色，有成4-5件，豐足飽滿嘅一餐(又要減肥啦🙈)。

最近新開，想試好耐，咁啱經過咪一試😋叫咗招牌雙沙牛河碗粉一嚟到，就已經知賴嘢😅「生菜」好多舖頭都會犯相同錯誤，就係放生菜入碗粉度🙅🏽‍♂️大錯特錯！生菜係湯底殺手！生菜可以去除湯底的油膩感，但牛腩粉湯底係講求腩汁的濃郁味，如果極致係可以做到黏口效果，生菜一放落去即刻byebye👋🏻而家得番啲味精味，食完好口乾…..所為雙沙 - 崩沙同沙瓜。我唔可以話佢唔係…不過同我去食開果啲老店好似唔係好同囉🤔 肉總算係炆得冧嘅…河粉 - 普通過普通，無特別總結： 呢幾年石門開咗幾間牛腩粉，呢間算係比較差… 最好食反而係執咗果間😅果間開喺個無人行嘅位，可能無乜人知有間舖喺度