塔門仔海膽燒 (已搬遷) 新店位置

身為海膽迷 見到有新鮮海膽既餐廳一定要去試下！海膽焗多士（四件）每一舊多士 上面都有海膽香脆多士同芝士十分夾再加上海膽令味道上左另一個層次！食個海膽汁焗扇貝真係必食扇貝勁大隻扇貝大到好似iPhone 6 咁海膽汁香濃 經過烤焗之後更美味扇貝肉厚而且好大粒但仲保留到扇貝本身既鮮甜味天然既鮮甜味同海膽汁好夾好好食招牌海膽炒米粉炒飯比較乾身上面有一大片海膽撈埋一齊食時 飯粒配上海膽味好幸福樽仔紫貝天葵好好飲 味道獨特食完咁多熱氣野飲佢下下火最岩

親愛的父母要試新嘢， 於是點選了塔門仔海膽燒，由於有公事在身，要等到三點多才同他們吃午餐，真抱歉。大方是做生意成功秘訣之一，因店主送了粟米湯給我們享用， 雖然似罐頭湯， 但粟米粒就像爆炸糖一樣， 咬落去時便會發出卜卜聲。塔門艇仔銀針粉，28元。 有冬菇絲，雞蛋絲及蔥粒， 但味道一般，偏淡。但配上其特製之菜脯， 味道就完全不同了，非常好吃。蒜香炒花甲王，68元。 花甲不算大隻，但勁多蒜，好香。流心海膽大啡菇，48元。面層有一塊芝士，芝士面上有少少海膽。 一切開，內面之海膽好流心，芝士味好濃，喜歡芝士的人士不要錯過。海膽炒飯，68元。 雖然好味，但不覺有海膽存在。最後整多杯紫貝天葵飲先。 酸酸地好清涼， 有消滯感覺。

位於佐敦佳佳甜品隔離新開左塔門仔海膽燒，聽個名就知主打本地海膽。食日本、加拿大海膽食得多，今次黎試下香港海膽係乜味道。餐廳坐位不多，沒有豪華裝修，但勝在服務周到。一坐低就介紹我地今日有乜海鮮靚。黎之前我都做哂功課，點左海膽汁扇貝。扇貝好大隻，可以兩個人share食。扇貝口感偏淋，焗出黎香噴噴。與海膽汁、沙律醬味道好夾。蒜香炒花甲一上枱已聞到好香蒜蓉味，花甲夾雜左雞脾菇，味道惹味。招牌海膽炒飯上面有好大舊海膽，海膽味濃，炒飯炒到金黃色，粒粒乾身夠鑊氣最後飲埋杯自家製塔門柴貝天葵涼茶就飽哂。有山楂味，酸酸地開胃解渴。唔使成日飲汽水咁唔健康。所有食物即叫即整，但等候時候無特別長。兩個人叫左三樣野已夠飽。每人$150

之前已經聽聞有間塔門海膽燒係佐敦，今日終於有機會去試下。叫左個芝士海膽多士黎食。見到個顏色已經忍唔住想食曬佢，個味道好香！一入口，首先有陣好濃既芝士味，之後海膽既鮮味就出黎。好新鮮，服務員話呢度既海膽係西貢新鮮運過黎。唔怪得海膽冇果陣石油味。呢度食既海膽同日本食既真係可以比。因為夠新鮮，仲有陣淡淡既海水味，好正！之後叫左個蒜香花甲王。原來唔止海膽新鮮，花甲都好新鮮！如果要比較，個人比較鐘意花甲。除左新鮮，仲食到陣鍋氣。口感好彈牙，食到陣好香既酒香味，而且花甲係大隻既。久聞不如一試，今日終於試左呢間海膽燒。呢度既海鮮，得兩個字，新鮮！

辣汁炒花蛤王$68啲汁好似食雞煲個種咁，有啲麻有啲辣。啲花蛤就好大隻，老闆話係家人係塔門拎貨，所以好新鮮。好惹味。海膽汁焗扇貝$78雖然佢得一隻扇貝好似有啲貴，但係哩隻真係好大隻，啲肉好鮮甜，啖啖肉。個汁都好好味，好濃海膽味。就算2個人share 一隻都好抵食。另外我同朋友就再叫多左個薯茸。都係海膽汁，佢嘅份量比我想像中多，都幾飽下。野飲就叫左紫貝天葵，係老闆娘嘅媽咪煲嘅，好有愛啊。整體黎講，肚餓去食個宵夜都好正。

小妹真係好愛食海膽... 呢晚要到油尖旺上 OpenRice見到呢間「塔門仔海膽燒」即刻同朋友衝過嚟！！！呢度與日本料理店唔同 雖然無華麗花巧嘅裝潢 無日韓海膽... 但有日日由塔門新鮮運到嘅靚海鮮～～小妹急不及待同朋友點咗海膽炒飯同老闆娘極力推介嘅海膽扇貝！由於海鮮要即煮即上檯鮮好味 要等大概15分鐘先有得食等候期間 先來一杯大大杯嘅自家製熱紫貝天葵 適合清熱解毒 味道和酸梅湯相似海膽炒飯終於來了！第一次食炒過嘅海膽 外層微焦 而且佢黏黏的唔易散 同啲飯撈勻之後 仲係會食到一舊舊味道香濃嘅海膽飯炒得好爽～～ 除咗海膽 裡面仲有雞蛋 翠玉瓜 蔥花 洋蔥等佐料之後有超大隻嘅海膽扇貝 大過小妹的手掌 上檯時實在太驚喜了！半透明嘅扇貝肉上面蓋了一層洋蔥粒和沙律醬 最面頭還有烤過嘅海膽汁！扇貝肉本身已經鮮嫩可口 加上惹味嘅海膽 令小妹同朋友食到一滴汁都無剩！順帶一提 好似6月尾開始就會有海膽刺身賣啦

經過佐敦見店員介紹所有海鮮都是即日從西貢取貨，不叫任何批發，確保海鮮質素。叫了幾款小食海膽汁焗扇貝1隻78元在大扇貝（分開三份）鋪滿滿海膽汁配上芝士加而焗，都不會太濃味蓋過扇貝鮮甜香味。流心海膽大啡菇1隻48元海膽配在菇上，雖然容易被菇味道掩蓋，但配上激多會流心芝士，不過不失。塔門艇仔銀針粉28元一碗銀針粉算是兒時回憶，不是很到地方會煮，還配上鮮甜的湯，還可選擇加上菜譜，把無味粉帶出和更有口質。

行經佐敦，開左間新餐廳叫海膽燒，經了解後餐廳係堅用海膽黎做不同菜式，咁特別，就去呢間食。店員推介海鮮，因為所有海鮮每日新鮮取貨，而海膽係由自家養殖埸取貨，包保新鮮。海膽汁扇貝扇貝大大隻，扇貝肉大大粒，而且好鮮甜彈牙，燒到剛好，非常juicy，多汁，加埋海膽汁，更加鮮甜，提升了扇貝鮮味海膽炒飯係大廚推介，全店signature~ 既然推介，緊係要點一個試下。海膽好香，而且好甜，每一粒飯都好分明，好乾身，果然係推介海膽汁燒虎蝦大大隻虎蝦，虎蝦經常食，不過用海膽汁燒就第一次食，虎蝦啖啖肉，而且好甜，再加上海膽汁，更加鮮味，好特別，好美味雖然全部菜式都用左海膽，但一d 都唔覺得over 左，海膽同海鮮味道唔會夾得啱啱好，好夾好正

星期4放工同同事去左佐敦附近食野,去左一間串燒店入到去唔算太多人,好輕鬆可以坐低我地叫左幾樣野食,因為之後仲要去飲酒,費事食咁多海膽多士,好多海膽汁,個多士又夠曬,而且好熱,所以好好食食起黎好脆,好正海膽帶子,又係有好多海膽汁,流到出曬黎,帶子都幾香,連埋汁食好好食雖然幾好食,不過D招牌食物都唔平,所以之後叫左唔係好多野食

這間餐廳主打海膽，而且海鮮係從西貢運送店舖，今晚我當然要品嘗海鮮湯底配合，銀針粉好似薯粉，粉條爽口蘆筍卷起豚肉味道清甜，不油膩豬頸肉肉質爽口，配上海膽汁加添碟上色彩，味道一流一刀切進菇入面芝士流出，一口海膽汁焗在菇表面，鮮甜度是無可口非的扇貝新鮮，芝士汁與海膽汁混合，帶出鮮甜口感必試難忘多士脆面內脆外面海膽汁，菜式新穎天氣炎熱，店鋪為客人調整手打奶茶，奶茶以三四款荼包合成，不會太甜茶濃郁非常同時天葵飲料是鎭店之寶，涼荼消暑解喝，入口似酸梅湯與利賓納的濃度，清新解渴，而且樽是店鋪獨家制循環物料

佐敦地鐵站附近，開左間專食燒物，並以海鮮燒最出名，見到個餐牌同每日推介既海鮮非常吸引，再加上美女店員話所有海鮮都喺西貢取貨，海膽直頭自設養殖場，包保新鮮好食，好!今日晚餐一於食呢間海膽燒。海膽汁焗扇貝Whao~ 扇貝成隻手掌咁大，未上枱已經傳黎陣陣海膽味，聞落已經好香，食落更加一流，海膽汁既鮮甜同扇貝既鮮甜，互相輝映，兩種既鮮味加埋一齊，遠遠多於兩倍既鮮味，絕對值得一試蒜香炒花甲王花甲王大大隻，而且花甲肉都好大隻，入囗非常鮮甜，而且好滑身，因為大隻既原故，好有咬囗，加上陣陣蒜香味，味道好夾好正塔門招牌海膽炒飯本身我唔食海膽，主要原因係怕腥，但係呢個炒飯一d都唔腥，而且好甜好鮮，海膽肉令整個炒飯好鮮甜，而且炒飯炒得好夠乾身，每粒飯都沾上少少既海膽既鮮甜，果然係招牌菜蒜蓉燒虎蝦大大隻虎蝦，肉厚新鮮，燒到啱啱好，一咬，好鮮甜多肉，啖啖肉，口感豐富，ichiban~ 紫貝天葵食燒物就緊係要飲涼茶啦，係咪真係可以減少熱氣就唔知，但呢支紫貝天葵好清甜，一股涼浸浸既清流喺身體流動，正整體食物新鮮有質素，用海膽汁整海鮮好特別，而且好夾，絕對要試