塔門仔海膽燒 (已搬遷) 新店位置

昨晚8點一行三人左右去到女店員問有冇book 位我答冇 佢就話今晚full哂太失望了 我地山長水遠嚟到就係想試下呢間好彩我地係門外再門另一位靚仔佢話室內逼啲 室外空曠啲我地揀室外 佢就立刻叫人開枱比我地（女店員望都冇望過個環境就叫我地走 呢點希望佢留意下 明明有位）入正提我地先嗌個牛油金菇 好有驚喜 食落去唔似平時果種有咬口 很爽而且好香濃 海膽焗香菇 海膽味濃但質感似醬多啲同菇都幾夾芝士年糕同放題食嘅一樣 不過不失海膽炸雞 都唔錯 海膽醬可再多啲海膽焗青口 好juicy 好想再食多件 海膽翠玉瓜 本身好期待呢味但食落淡而無味蒜香燒茄子好辣 燒得唔夠淋 炸蒜救左呢道送最失望嘅海膽炒飯諗住佢咁大件海膽實好正啦 點知食落去口感好怪 唔似食海膽 但炒飯幾香嘅 粒粒分明 呢個唔會再叫另外叫左4罐可樂 埋單$456下次再試下佢其他野食口

串燒就食得多，海膽燒就第一次一坐低，老闆娘就介紹這裡的招牌菜海膽汁焗扇貝：海膽汁被燒得金黃色，入口味美加上厚肉嘅扇貝，口感一流，真是值得為它寫篇食評呢再試個流心海膽大啡菇，賣相一流切開真的很流心，芝士醬，海膽汁都流晒出嚟，再加上厚肉嘅冬菇，真的很得別呢厚切生煎牛脷，燒得剛好，皮脆肉嫩，入口牛味香濃，咬一口便立刻想飲返杯啤酒呢食燒烤，飲返杯，真係超爽辣汁炒花甲，花甲肥美冇沙，用秀珍菇一起炒，秀珍菇索晒啲汁，好正

逛街期間看到了一間很多人餐廳，進入之後發現原來主打海膽，可惜同行既人對海膽不是太大興趣，所以選擇了其他食物，價格都OK。塔門紫貝天葵$28喝出親手煲的，沒有添加很多的糖，味道就是剛剛好甜甜酸酸，完全是健康之作。蒜香炒花甲王＄68這個價錢的花甲數量也有很多，每一粒花甲都很肥大充滿蒜蓉味，吃起來也特別鮮甜，明顯是新鮮的。牛油炒雜菌＄58主力是雞髀菇和冬菇，牛油味很香但是菇味不算很出眾，反而留有一些淡淡的菇草味。塔門艇仔銀針粉＄28銀針粉可以添加辣或者不辣的菜譜，增加鹹香。銀針粉的湯底選料不錯，吃起來也有芫茜的香味，銀針粉的口感比較爽身。當日好FULL唯有坐在街上，感覺比較熱但是也有風扇，感覺還可以！

今晚和好朋友到來吃海膽，因為我倆都是極愛海膽的。因為沒有訂位的原因，所以在門外等了15分鐘。首先叫了這兒最出名的海膽炒飯。海膽的份量不少，而且飯也炒得很乾身，正！之後叫了海膽大啡菇，蘑菇的確很大，而且燒得很juicy，好想encore!!!!由於沒有燒生蠔的關係，所以我們改叫了兩隻大扇貝。燒扇貝沒有甚麼特別，不過不失。這裡還有串燒，下次可以再來一試。

話說係友人fb睇到呢間以海膽為主題既餐廳，一向愛嘗鮮既我點會唔試下，所以就打電話預訂位置，大約7點鐘到，坐底無幾耐就全院滿座，果然係海膽熱潮下既名店！老闆娘親自落單，介紹我地食海膽扇貝，不過最近對扇貝無乜興趣，所以就無試，海膽多士$38～非常吸引，沒有失望，熱辣辣，非常脆，咸咸甜甜帶點海膽味，又有奶油味道，非常美味！海膽炒飯$98～炒飯炒得很乾身，看得出火候功夫，海膽雖不多，卻很新鮮，完全無鱣味！正！雞皮串燒$28～口感同預期中有所出入，是燒得軟軟的雞皮，有點鹽燒味道，味道都唔錯！汁燒豬頸肉$48～大大份，啖啖肉，份量很足，燒得岩岩好，外脆內軟，很juicy,燒汁味道夠，很入味！食完超級滿足～😋店鋪有位置有點少，不過老闆娘好熱情，而且話之後店面擴充，可能有樓上鋪，有時坐得會更舒服～食物份量都算大，如果要食多種類可能要人多再來～

放工後又唔算好餓，係佐敦搵野食一D都唔難，選擇多的是，所以最後揀左串燒店做我地既晚餐，又可以飲下啤酒暢談。哩間店出名食海膽，不過我同朋友都麻麻地海膽，所以我地叫左一個炒飯同幾款串燒，夠哂我地兩個女生食豚肉炒飯: 用穫仔載住，炒飯內有豚肉同雞肶菇片，豚肉片肥瘦均勻，飯炒得幾香口同有穫氣吉列芝士章魚餅: 一份有兩件，章魚餅切開一半，芝士流哂出黎同味道幾濃，口感彈牙同帶有強烈章魚味道，啱哂我依個芝士控,。豚肉蘆筍卷: 豚肉卷住蘆筍一齊燒, 豚肉冧身有肉味，配蘆筍一齊食口感好夾，沾少少麻辣汁，又正又惹味 京蔥雞肉串: 燒得剛剛好，鎖到雞肉既肉汁，質感嫩滑軟身，配埋京蔥一齊食，好香口，另外再沾左幾滴燒魚汁，我同朋友都幾喜愛哩款串燒，鐘意食蔥既朋友必定鐘意秋葵: 秋葵係以鹽燒方法燒，睇落好似無燒過, 但入口一D都唔會乾身，唔錯

店舖小小的，得幾張枱，背對背坐有點迫，老公同朋友仔都不約而同的坐到腳抽筋，真攪笑！首先點咗兩隻法國生蠔，1隻南非生蠔試吓先，兩種食落都新鮮，法國的比較肥美，海水味濃啲。南非大隻啲，但味道較淡。所以之後再encore 多3隻法國，都係新鮮肥美👍🏻海膽多士 & 海膽🍄🍄， 兩款食物都將海膽混入沙律醬，完全食唔到海膽味。海膽燒扇貝，看上很吸引。食落又係一口沙津酱味道，完完全全食唔到，聞唔到海膽味，又再失望👎🏻👎🏻 如果呢個唔係叫海膽燒，可能會更好。客人本著吃海膽，海膽燒而來，但每次都混合濃濃的沙律醬，實在另人大失所望！決定放棄什麼海膽燒，索性正正常常吃個冇海膽嘅燒大蜆，終於有返啲心情！鮮甜，火喉剛剛好，加埋蒜蓉，好香，正👍🏻燒牛舌，有辣有唔辣兩種選擇，兩種口味都點咗。夠厚身，有咬口，燒得剛剛好，完全沒有過火。個人覺得辣係比較好食嘅！燒羊架，燒得剛剛好，不太熟也不生，咬落去肉嫩不乾，不錯！辣椒炒蜆，夠味夠辣夠香，但食吓食吓就覺得越食越咸，有一兩隻有沙。芝士炸雞，非常普通，唔香又冇味，對佢冇感覺😑煙肉，蒜蓉 焗蠔。兩隻口味都好好，蠔夠新鮮，煙肉脆香，蒜蓉更加唔洗講。小朋友唔食生蠔，呢個佢哋就好喜

最近朋友都說要一試這間海膽燒，聽說雜誌都有推介呢店內座位不多，老闆好細心，座位可以放東西海膽汁焗扇貝，金黃色的就是海膽汁，面層香香甜甜肉厚，新鮮，配上海膽汁，入口滋味無窮厚切生煎牛脷，好香，面燒得香口，牛味濃肉仍是嫩嫩的，燒的時間掌握得好好，否則不能有這效果，真的要再Order多過 Round 先得還有很多不同種類呢老闆娘介紹，這是自家㷛的紫貝天葵，入口酸酸甜甜，味道清新，好適合食串燒飲呢

塔門馳名的有海膽及鮑魚 , 佳佳甜品鄰旁的塔門仔也是馳名於海膽燒 海膽炸雞 $48四件新鮮炸好嘅雞件配上半溶芝士海膽汁 , 簡單四個字 : " 香脆惹味 " 是不能把邪惡度高的芝士海膽汁形容 ~ 鹹香酥脆的炸雞件及半溶芝士海膽汁 , 海膽汁延伸出它的甜味 , 味道出奇地夾 , 令人驚嘆 ~ 汁燒原隻大魷魚 $48魷魚肉燒得面面皆香 , 而且還很彈牙 , 汁燒的醬汁是帶甜味 ~ 辣汁金菇牛肉卷 $ 48燒至稍乾的薄牛肉帶有辣汁的惹味 , 金菇因為已燒熟而變軟有汁 , 食落是有中和的作用 ~本篇完 ~

放工走黎佐敦諗住食好西…見到有海膽食就入左去啦！叫左海膽多士蒜香炒花甲王燒牛脷&茄子海鮮炒烏冬真心好嬲…食花甲食7隻有6隻都有沙海鮮炒烏冬等左成粒鐘都未到吹左3次都吾黎…最後黎碟海鮮未熟…蜆都未開口既烏冬我…仲要有沙…炒到成碟烏冬都有沙燒嘢同海膽大至冇咩問題以後吾會再黎

我們兩口子都是不折不扣的海膽狂迷。無論淨食抑或是將之入饌，我倆都是對之愛不釋口，勢必要將它們完全幹掉....所以當一知道有這一間專吃海膽並以此來作主打的店子，小弟也就不顧目前的時間是如何的緊迫繁忙抽不下身，都要過來試一試她的出品....塔門可說是本地海膽的重鎮。聞說這裡的老闆是塔門人，海膽的來貨都是源自當地，吃到的都是最新鮮的貨色....餐紙上有一個所謂的"特色海膽類"。喵到了裡頭的各式各款有關海膽不同做法的小吃，登時口水就有如瀑布般流出來。此時，可恨的就只怪自己的荷包不夠腫漲....若果錢包及胃口容許的話，小弟真的想每一道都叫，但如今唯有只一兩種來小試牛刀....天時暑熱，先來一瓶冰涼到極點的紫貝天葵，簡直是妙到毫顛....由店家親手煲製的它具備消暑清熱的作用，味不太甜非常順喉自然。唯一要說的是這樽東西的定價是有點著實過份冒險，這麼一小樽就要索價至二十八大洋....由此小弟當自要惜之有如甘露了....今晚的主食是一大碗的海膽炒飯....海膽及飯是呈金黃近橙的顏色，視覺效果看起來十分悠和；海膽口感creamy軟滑之外內裡的顆粒結構非常分明；入口甜而不腥沒有劣等貨色會存在的那一股怪味，水

在廟街盡頭的暗角處，赫然發現一間燈火通明的餐廳，走近看原來是近期火熱的塔門仔海膽燒。甫進店內，四處也掛滿生活照，才得悉老闆是塔門人，因此每天也能夠拿到新鮮的塔門海膽塔門仔海膽燒位於佐敦寧波街，店面光猛，經過必定留意到食物選擇比較少，只有一張雙面紙，但常吃的串燒款式都會有誰說女生不可以麻甩，串燒當然要配啤酒天時暑熱，坐下先來杯Hoergaden解下渴🍻🍻🍻海膽焗多士 $38海膽味相對較淡，反而芝士與牛油味特出一點。多士脆卜卜又香口, 佐酒佳品注意: 多士易變"淋"需趁熱吃。海膽汁燒翠肉瓜 $48翠肉瓜伴以加了芝士的海膽汁，當堂香氣四溢，口感清爽，滋味難以抗拒鹽燒金蚌 $58原來想叫貴妃蚌，但店員說今天貴妃蚌質量不好，建議我們吃金蚌，味道會更佳那就試試看啦！金蚌甫上枱已被賣相吸引，燒得香噴噴之餘不會太乾身，立即先嚐一口蚌汁，甜到心心眼也出來了接下來再吃蚌肉，爽彈而不鯹，回味至極燒牛仔骨 $48接著是牛仔骨，肉質肥瘦均勻，呷下肉質嫩滑， 還有肉汁滲出，水準不錯燒雞軟骨 $28雞軟骨與啤酒永遠是最match的，咸咸脆脆不知不覺便ko全部了燒韮菜 $16沒有看錯，這麼大碟韮菜才$16！拌上炸蒜一

我很喜歡海膽的菜式，尤其新鮮的海膽更是美味無窮，，所以看到店名就急不及待前往試食。準時預約的時間到達食店，等待大概十分鐘安排入座，在門外等待的時候已決定全選海膽燒系列，等了大概十分鐘，第一道海膽系列菜式上到，外表很討好，微焦的海膽在扇貝上，真的想立刻送到咀裡，一入口就出事，是沙律醬味，原來海膽全混入沙律醬，完全沒有海膽味，入口只是酸酸的沙律醬口味，大失所望！開始後悔中，還叫了全部都是海膽燒，中伏了.....每一道菜只好把那個醬汁弄走之後叫了幾個正常的海鮮燒，鮑魚和蚌都很新鮮，燒得剛好，完全沒有過火，十分鮮味銀針粉還以為會有特色，可是味道太淡，我只吃了兩口就放棄了....總結就是招牌菜的海膽系列並不出色，如要的一般燒海鮮的話卻不錯。

近七時來到，全場滿座，訂了枱也得有心理準備要等位。雖然天色轉暗，氣溫稍降，但又焗又熱仍等到汗流浹背，門外卻不乏等位的人，看來大家為了美食也意志堅定。座位放得密密的，數目不多。圓柱形的座位內可以放袋，體貼的做法讓食客在逼窄的座位上盡量坐得舒適。人人對海膽充滿期待，氣氛熱鬧。簡單的兩頁紙，有齊各款海鮮、各式丸、腸、肉類、蔬菜的串燒、小吃、日式冷盤和飽肚的炒飯炒烏冬。塔門紫貝天葵清熱消暑解渴的紫貝天葵，配串燒一流，而且酸酸甜甜的，十分開胃。流心海膽大啡菇大啡菇上面鋪滿淺黃色的忌廉汁，中間有慷慨的金黃色海膽。雖然表面燒乾，裡面鎖著大量水份，邊切邊溢出汁。厚身的大啡菇，入口滑溜，咬下去軟而不腍。鋪在上面的忌廉汁有清甜軟腍的洋蔥，跟大啡菇的菌味互相襯托。汁的厚稠跟菇稀清的汁形成對比。雖然肥美的海膽是整道菜的焦點，但汁和菇已夠好吃，鮮甜稍被菇和汁蓋過的海膽反而可有可無。海膽炸雞幻想海膽是混在炸漿，或是釀在雞肉裡，結果都猜錯了。原來是混在醬汁，淋在炸雞上。剛炸起，熱辣辣，外層炸得鬆脆可口。薄薄一層已作調味的炸粉，包著嫩滑帶少許脂肪的雞肉，比一般韓式炸雞滋味。淋在上面的沙律醬，被海膽染成淺黃，上面輕輕燒

諗住Happy Friday試下新野，咪book左枱9點去食，去塔門試過當地食店不錯，其實都唔係要求佢有返一樣水準，只係當回味一下咁。舖仔細細，8:55到左，報左到，等到9:10佢再問返我地係乜水⋯其實當時得3-4枱人等，算，新店唔好咁快要求咁多，至少佢都比左個位我地坐。坐落，要自己搵佢張order紙同筆order，㨂左幾樣，都冇乜心機再㨂，因為店內已經不下3-4次有人叫佢開大冷氣，適逢今日37度高溫，熱到向店內都係呼吸都焗促，只好自己開把芭蕉扇⋯重要攪亂我地同另一張枱既單要我地再reconfirm我地同一齊入坐既情侶一齊等左45分鐘先開始上菜，我地當中有叫一個係海胆多士，呢d自己焗都唔駛5分鐘啦！叫左6樣野前前後後來左3樣，羊架不夠熱一上已經放到入口，重要冇味，豚肉蘆筍就過鹹，貴些少既燒虎蝦係「鞋」既！奇喎！明明虎蝦係我地遲一步加既單到來左，其他野食呢？之後就見遲我地半小時先入坐既情侶已經不停上晒成枱菜😡問個待應，重冇乜反應咁話跟進，我已經餓到糖糖低胃痛加發火😡😡😡要叫個老細來問，佢先拎張單來對⋯有2樣未來有1樣落漏！重同我地講個大菇要耐既⋯我BBQ燒開架，好快就食得啦！嗰一刻先同我