塩 (已結業)

朋友黎開中環就同佢食呢間居酒屋。雖然我係同一條街返工，但都係而家先知原來有間咁日式的居酒屋喺呢度！預約咗一點半PEAK HOUR兩位，上到去竟然只得幾格客。令我驚喜既係餐廳的裝潢：木質地板、桌椅同古懷舊質感的牆身，搭配暗黃的燈光和街外自然的日光，四處都散發著濃厚的古日式風格。我點了午市定食柚子胡椒雞腿排配雞白湯炊飯，雞腿排極度鮮甜和脆香。平時吃得較多是雞白湯拉麵，第一次吃雞白湯炊飯，覺得非常特別，每一口珍珠米完全吸引晒湯的精華，好味為一美中不足是份量不多，若果是男生和大食少少的女生恐怕會唔夠飽～

門口喺地下，行樓梯上到去 好有日式小店嘅感覺，有傳統嘅廂房，但我哋嗰日就揀咗廳面枱坐，由於我哋食late lunch,過咗繁忙時段，立即有位，上菜速度亦順暢，但就係因為咁😮‍💨我原本想試嘅厚切黑豚井賣晒。員工見我惆悵之際，推介我試吓柚子胡椒雞腿排配雞白湯炊飯。所有定食都包括前菜，茶碗蒸及味噌湯，我有少少肚餓所以再加咗個三文魚刺身😜三文魚刺身～ 好肥美呀（食咗先醒起冇影相😅）😋😋茶碗蒸又香又滑，仲要熱辣辣😙正！雞腿排又滑又多汁，雞白湯炊飯清清地味道唔太濃，幾特別。😃

中環之前新開左一間復古和式居酒屋🏮但因為疫情關係停業左一排係ig見到佢地最近重開, 所以走左去食😗裝修真係好復古, 仲設有榻榻米座位, 一坐低即刻俾杯Welcome Drink🥛諗住應該唔錯😯點知食物質素真係有d強差人意..😟😟▶️雞肉親子丼 ($128)採用日本雞蛋, 所以幾有蛋香🥚不過好咸, 而且個飯太濕, 雞肉唔算好嫩滑, 所以一般🙈▶️三文魚柚庵燒 ($138)白飯係日本珍珠米, 幾香口既🍚不過三文魚就過熟, 亦都過咸😟同埋食唔出柚子既香味🍊▶️炭燒柚子胡椒雞扒配雞白湯炊飯 ($198)三個餐黎講, 雞扒算係最好食, 個皮燒得幾香脆😉但係無柚子味, 個份量亦都有d細........而炊飯係用雞白湯燴既~不過就無乜味...🙈🙈要加佢自製既昆布鹽先好食少少..😅另外, 每個lunch set都會配前菜, 味噌湯同茶碗蒸前菜得三粒醃製過既蒜頭😅味噌湯係幾足料既, 但有d太細碗, 同埋好咸🙈茶碗蒸幾有蛋香, 不過都係好咸, 同埋粒蝦勁細粒🧐整體來講所有野都好咸, 有d overpriced💸環境係唔錯既, 不過食物質素真係有待改善評分: ⭐️⭐️ (1⭐️係環境分)

用料上盛，份量足到食唔晒。雞肉好靚，仲有成個蘭王蛋黃，認真好食。前菜好有特色，期待開晚市應該會有更多好野食。環境都好日式，好有feel。人流未系好多，應該未正式大宣傳，值得一try.

冇誇張 坐落高臺榻榻米以為自己喺日本 感動到有啲想喊 聽到你的名字主題曲 差啲尖叫 我到底有幾壓抑🤣🍳蘭王親子丼💰HKD128 +30【轉keto🥗底】（Rating：7.4/10）個蛋黃見到已經心心眼😍買唔到日本雞蛋嘅我而家好掛住😂加$轉咗做沙律底 分開上 寫明係120g幾均真 親子丼食落鹹鹹甜甜 高湯味道突出 我喜歡食啲菇🍄另外小滑豆腐配魚子 麵豉湯裏面有雞肉粒都幾好👍缺點係個親子丼鍋裏面雞肉偏少 可能係得三四粒麥提莎大小 我覺得可以多少少🤣鍋裏超過一半以上都係洋蔥 特別我改咗唔係食飯 就覺得份量偏細🍣三文魚幽庵燒💰HKD198（Rating：8/10）朋友呢份個三文魚好飽滿好靚！試咗一啖個魚真係幾好食 係可encore嗰種 夠厚且飽滿 微脆身裏面啲肉紮實又帶滑 一定超好送飯😌另外都有跟沙律豆腐同雞肉麵豉湯 講真如果有穀米 我應該會叫呢個😎餐廳好新 中環中心地段地舖 一入舖踩木梯上二樓好闊落勁靚 早陣子去仲做緊新張期間全單85折 不過暫時休業🥺可以bookmark定遲啲去！

唔好介意小弟從來未寫過openrice食評, 中環新開日本餐廳竟然仲未有人講？一於試下😆同老婆行到去中環士丹利街， 徘徊過幾間西餐廳之後老婆都係想食日本嘢😅 行多兩步蒲驟見門面貼住soft opening, 有點神秘感的 Shio 塩！ 新開張八五折>>>好大推動力! 行上幾步梯級先有 reception, 在行上去一樓先去餐廳 (所以喺路口真係見吾到佢乜料) 嘩！ 成間餐廳都好woody, 你想像到(或者想像唔到嘅地方e.g. 窗台位) 都係由好 raw既原本構造 ( 想像唔到佢可以點打埋😆) 如果你預先book位的話我估應該可以揀廂房有Tatami 🧘🤓餐牌選擇唔算多，以便當為主 (main+ 麵豉湯+ 小side dish) 吾算好豐富，但係主菜質素就好高！ 我哋揀咗銀雪魚西京燒同魚生飯。 西京燒皮脆香濃入味之餘唔會有"死甜" 嘅感覺， 驟眼細碗嘅魚生飯其實魚生鮮味份量充足！ 值得一提既係珍珠米煮得恰到好處，有口感之餘亦唔會太硬。係中環食個好D既 lunch $200 up 唔算貴，Shio比我地 感受到嘅係佢著重體驗同佢材質素！