影片
更多
2022-10-30
64 瀏覽
最近難得有機會同朋友聚埋一齊食飯，當然要揀番間靚嘅打卡餐廳。經過朋友嘅推介，最後我哋決定去咗位於中環嘅日式餐廳食晚餐。淨係個環境都夠晒啱打卡，我如果大家同我哋嗰陣一樣都係坐喺卡位嘅話，不妨試吓着埋和服。真係好有去旅行嘅感覺，望住側邊嘅日式design，真係食嘅時候都會投入啲。檸檬燒酒梳打我自己覺得呢個飲品嘅配搭都幾夾，無論係燒酒同梳打嘅比例，甚至係檸檬嘅味道，都一樣唔會搶到焦點。係一杯飲一啖就感受到唔同成份嘅飲品。雞肉丸子築前煮呢個築前煮，我自己覺得真係好值得一試。餐廳係用咗雞白湯嚟做個湯底，所以飲落都好清甜。雞肉丸子個口感都唔錯，再加埋有啲日本蔬果喺入面，都幾有誠意㗎。Shio卷呢個我覺得係必試之選，呢個卷物一共有三文魚、吞拿魚、蚧肉、帆立貝同埋炸蝦。所以如果係鍾意食日本海產嘅真係啱晒你，識落味道真係好新鮮。醬汁之間嘅配搭都升華咗成個卷物，同埋佢個賣相真係好啱影相㗎。三文魚子蝦肉角切丼呢個丼我同樣好滿意，因為餐廳嘅海產夠晒新鮮。所以做丼飯個效果自然都唔錯。切到一粒粒嘅口感好滿足，一啖可以同時食晒咁多款海產，真係好治癒。厚切日本煙燻豚最後要介紹就係呢個煙燻豚，就咁睇個賣相就已經覺得好吸
檸檬燒酒梳打
我自己覺得呢個飲品嘅配搭都幾夾，無論係燒酒同梳打嘅比例，甚至係檸檬嘅味道，都一樣唔會搶到焦點。係一杯飲一啖就感受到唔同成份嘅飲品。
雞肉丸子築前煮
呢個築前煮，我自己覺得真係好值得一試。餐廳係用咗雞白湯嚟做個湯底，所以飲落都好清甜。雞肉丸子個口感都唔錯，再加埋有啲日本蔬果喺入面，都幾有誠意㗎。
Shio卷
呢個我覺得係必試之選，呢個卷物一共有三文魚、吞拿魚、蚧肉、帆立貝同埋炸蝦。所以如果係鍾意食日本海產嘅真係啱晒你，識落味道真係好新鮮。醬汁之間嘅配搭都升華咗成個卷物，同埋佢個賣相真係好啱影相㗎。
三文魚子蝦肉角切丼
呢個丼我同樣好滿意，因為餐廳嘅海產夠晒新鮮。所以做丼飯個效果自然都唔錯。切到一粒粒嘅口感好滿足，一啖可以同時食晒咁多款海產，真係好治癒。
厚切日本煙燻豚
最後要介紹就係呢個煙燻豚，就咁睇個賣相就已經覺得好吸引。煙燻豚肉嘅坑紋好明顯，另外食落真係啖啖肉，煙燻嘅效果，亦都令豚肉本身嘅味道帶得更加出，做到提鮮嘅作用。
如果大家鍾意打卡嘅話，就一定要來呢間日本餐廳呀。傳統地道居酒屋嘅設計，真係好似去咗日本返鄉下㗎。如果同朋友一齊食嘅話，餐廳都設有幾個小包廂可以同朋友慢慢傾住食。
張貼
