墾丁茶房 (已結業)

今日叫左兩個餐，一個沙茶牛肉湯即食麵/新竹米粉 （揀左新竹米粉超好味）＋西煎雙蛋/鮮奶炒蛋/ 餐肉/ 火腿/培根/特色腸（選二）（楝左火腿煎雙蛋，不過不失＋ 牛油脆豬包，味道可以，另外叫左自家製香蒽芝士火腿蛋餅，都可以＋香辣肉碎榨菜/沙茶牛肉/香菇肉燥湯即食麵/新竹米粉（都係揀左米粉）加一杯熱奶茶，一杯熱華田，地方大，舒服嘅

由2020年開始，都冇再去到旅行，想食台灣野果陣，都只可以留係香港到食。係油塘呢間墾丁茶房既裝飾幾有台灣特色，講番野食先。叫左3樣野食小食：手搖脆雞翼味道正正常常，不過不失正餐：黃金醬百合蝦球滑雞鍋呢個有d失望，首先得2舊蝦仔，雞球都有5舊，但係好重雪味，色水方面都係好淡色，冇下次。花雕蜂蜜豬肉排肉排夠曬入味，幾好食，咬落去係冧口，都幾香。加埋罐頭桃肉，甜甜地，幾開胃。兩個餐都係香菇肉燥飯，都係果句，正正常常。

我今日在墾丁茶房食沙哆牛肉麵，我一食就見到有隻死蟑螂，我對墾丁茶房極之不滿，而且我哋即刻同一名職員講，職員即刻想取走碗麫，另我嚇一跳，還請貴公司睇到呢個投訴，可以跟進一下食物安全標準，這個年代，最重要的是食物安全，不論食物價格是否昂貴或便宜。🤮🤮🤮🤮

老友是一位管理高層，忘到食飯都無時間，呵呵🤭真難得竟然主動約我這個微不足道嘅熟齡女子食lunch,我當然樂意奉陪到底啦！一去就去了油塘地鐵站🚇嘅大本營商場，其實我係第一次去嗰邊食嘢，都唔知有乜好嘢食！朋友知我喜歡食台灣菜，就帶咗我去墾丁茶房，這裡座位都算坐得幾舒服，枱與枱之間算有距離感，不太逼夾，估唔到兩條友一叫就叫咗套餐再加小食仲有兩杯凍飲🥤成枱都係食物😄又等我逐樣講俾大家聽食物嘅味道啦！✅高雄香蔥肉牌配香菇肉燥飯～肉牌炸得夠香夠juicy不會乾爭爭☺️香菇肉操肉操飯OK啦！唔係話好突出🍲秘製紅燒牛肉麵可能唔夠時間煲林D紅燒牛肉，食落去好硬喜歡吃紅燒牛肉麵的我卻有點失望😞至於小食加配系列～魚茸粟米羹🥣同埋煎台式鍋貼🥟味道不過不失可以接受又唔算太難食😄台式珍珠奶茶，我叫少D珍珠，珍珠都有Q彈，有咬口，算好飲🧋✅服務態度一般，勝在坐得很舒服可以同朋友傾下計☺️價錢合理😊希望下次再去嘅話食物質素可以再好味D👍🏻

諗住是但食個飯，以為呢間台灣嘢應該有啲特別卦？但個餐牌好似同一葉小廚差不多咁？呢個豬排，都淋嘅，不過好普通。同埋啲蔬菜有啲多油。台式三寶肉燥飯，我揀咗糖醋雞柳，雞翼，同埋煎肉餅。佢嘅肉燥都幾好味，而且由於有好多餸菜，仲有啲酸菜同埋蛋俾你撈飯，所以覺得非常豐富。不過初初佢比錯咗豬軟骨，後尾就換返糖醋雞柳。如果有多啲菜就健康啲啦。因為全部都係肉都幾肥膩㗎。服務方面就不過不失啦。餐廳嘅座位都坐得幾舒服，而且都好多枱，所以都唔怕坐得耐或者要等位㗎。

來到油塘大本型，都有唔少比較少見既餐廳，墾丁茶房就係其中之一。就咁望個餐牌都算幾吸引，價錢適中，唔係貴又唔算平咁囉。叫左個鹽酥雞排+香菇肉燥飯。一上菜就嘩左聲，事關佢俾左好多調味粉自己落，都幾有趣。個飯對於男士黎講可能少左啲，不過其實真正係台灣食既肉燥飯會再細碗啲。呢個份量女士剛剛好，味道都唔錯！至於個雞排炸得都脆，不過美中不足係有骨，可能正宗嘅台灣雞排係應該連骨上埋，不過我自己覺得平時食開類似既都係無骨既，所以有少少失望。同場加映之前食過既晚餐味道都唔錯既。

肚餓諗住唔洗等就入去，叫左2個湯鍋+ 鹽酥雞，2杯無糖豆漿。同一個人送咗兩杯豆漿黎，但其中一杯水位相差甚遠，就好似俾人飲咗一口唔啱退貨.... 即時同個侍應反映，”嘩，乜差咁遠？好似俾人飲咗啖咁嘅” 唔知佢扮聽唔到定真係聽緊同事講嘢，直接無視走咗去。朋友為息事寧人，費事退返去飲品俾人加料，話算數。鹽酥雞送黎即食，唔脆嘅炸粉厚，味道真係一般... 豪大好食過佢... 兩個鍋，花膠雲腿雞鍋係抵食嘅，有成半隻雞，只係湯略嫌鹹咗啲，而配搭嘅菜飯無味嘅。另一個胡椒炸蒜薑片雞柳蜆鍋，價錢相若，雞柳欠奉，只係見到3,4隻細蜆，剩低全部薑片同3粒炸蒜... 得胡椒味，性價比低。CS方面，上菜之前，唔小心倒瀉浸餐具嘅水杯，侍應聽到睇到，都冇理過，繼續默默企埋一邊。

有圖有真相，蓮藕雙冬柱候牛腩煲牛腩鍋兩粒牛腩。山長水遠特登揸車去大本營，之前食過都無咩大問題，打算再去食。叫左個$72蚊牛腩鍋兩粒牛比起日式A5和牛還要貴，真係想請問這是什麼極品牛腩？當你放工叫外賣返屋企打開見到甘，真係即時嬲左。價錢可以媲美銅鑼灣，呃錢！離哂譜。永遠都唔會再幫襯！

我哋去食嘅時候都唔係午餐高峰時，點咗兩個餐啦，其中一個餐就快食完啦第二個都仲未上，後邊俾我哋遲嚟嘅都已經開始食啦😡 同埋我個人覺得服務態度唔好囉，既然我選擇堂食咁肯定係想得到服務先會選擇，但係咁Hea既係點啊🤷🏻‍♀️ 啲嘢除咗話大份少少之外呢都冇咩特別之處

台式早餐有個特色就係有蛋餅食 今日一晨早嚟到油塘 見到有呢間台式餐廳 早餐除咗有港式嘅選擇 都有台式可以揀 所以就入咗去試一試🤪香蔥芝士火腿蛋餅材料都好豐富 幾足料 芝士味好香🧀 加埋沙律醬 令蛋餅更加多層次細肉燥新竹米粉肉燥雖然唔多 但係都好夠味 新竹米粉非常好食🥰 唔係好多地方有得食㗎 所以一定要試吓佢牛油脆豬包配煎雙蛋 煙肉片賣相好豐富🐷 豬仔包如果加啲煉奶會更加正 估唔到煎蛋同煙肉都有兩片 呢份早餐真係好抵呀☺️細雪菜肉絲新竹米粉雪菜肉絲唔係好鹹 配埋新竹米粉都真係幾夾😝飲品方面嗌咗熱奶茶同埋熱檸茶 熱奶茶就幾有台灣特色🙊

我同先生同小朋友一齊黎，到處都唔俾我地坐，最後坐左係一個好唔岩小朋友坐既位，當時5:20，6:00堂食完，所以我哋被迫坐果個位.. 5:30食緊野兩個waitress輪流收我地個位d野，最憎人係我地食緊野時係我地頭上講野，又係到收野，好污糟，一路食一路收我地既碗碟，好討厭，5:40、5:45、5:50都催我地出去cashier埋單，食都未食完點出去埋單，同埋佢地成日煩我地攪到我地食唔到😅一陣又問枱上張紙要唔要，一陣又問個碗要唔要… 真係無奈到嘔.. 野食麻麻兼好細份，一定唔會再黎

午飯時間見不用排隊，便入去吃個午餐，空間感係幾好，選擇也多，我便order了孖寶肉躁飯，好快就送到，但一看賣相就點解咁講？莫非是一口豬軟骨？細到一口就冇…而脆雞翼是不脆的，飯又少，失敗這間好耐之前來試過都沒有這麼差，是否疫情關系？希望可以改善一下吧！

星期日下午時份, 算多人食, 要拎飛等位。入坐後叫左兩個餐, 不過當日送食物時間較耐, 可能唔夠員工。兩個餐分別係鹵水拼盤鹵肉飯餐, 及風沙脆雞鹵肉飯餐, 鹵水拼盤有蘿蔔, 豬耳, 鴨胸,雞翼,加埋個鹵肉飯, 食物好入味, 正； 但個風沙脆雞唔夠脆, 如果炸耐點會好好多, 但味道好味的；有免費飲品或加錢飲特飲, 我哋叫左一杯免費的熱柚子蜜同加錢的爆珠柚子綠茶, 兩杯都好飲。價錢合理, 仲做緊價惠, 食滿$100有9折, 唔錯, 可以再去。

星期一中午2點至墾丁吃飯，向服務員要餐具，回答是［得，得，得］，語速急速且不耐煩！叫餐後食物很快到，但叫的飲品等我們吃完了還遲遲未上，跟服務員反應，又是知道了已經跟進，比我們後來的那些都已經上了飲品但獨漏我們的。於是去吧檯看看，見水吧的小伙子像吃了火藥似的，把冲好的飲料重重的放在吧台上，嚇我一跳！整間鋪子的服務員像貞子，像怨婦！其實以前這家的服務態度也不怎麼好的，許多未去以為會🈶️改變，改是改了，不過是越來越差！

路過大本型，突然想飲珍珠奶茶，諗起有間價錢相宜既台灣快餐，就過去睇下。咁啱係食飯時間7點左右，門口都算多人等緊位...可能有d 人唔等走左，大約等10mins 左右就有位！3個人食，點左二人套餐$173。套餐跟既飲品，當然要點珍珠奶茶。但上枱時發覺有半杯係泡黎...但珍珠味道OK, 另外有糖水，甜味自己調教！仲有杯凍蜂蜜紅茶，不過就甜左少少... 點左二人餐：蝦醬排骨三鮮肉餅煲仔飯 ＋ 枝竹羊腩煲配白飯～今次阿姐落錯左單，本來叫左雞，點知黎左排骨及肉餅 😅...都唔緊要可以照食～食落都夠味，羊腩煲唔太羶，呢個價錢算唔錯！再加多個餐：特色滷水拼盤餐 $67，本來揀左配菜飯，但都係黎左肉燥飯..😅 唔緊要，都可以照食..呢個價錢有咁多野食，仲包埋飲品，抵食！