壹．咖啡店 (已結業)

沒想過食一餐飯都能這麼受氣！甫坐下 叫野食 個侍應黑口黑面好似得罪左佢咁問多兩句都唔想答你！未點飲品，但我地一下完單已經極速拿走張menu! 問返佢地拎黎睇，好似唔想比你咁，我地叫左兩個鐵板餐，落單時佢話鐵板會好煙會彈到 你確定用鐵板上？咁周圍食鐵板餐都係咁架啦，但佢講到無想令你唔想用鐵板咁，既然咁唔想，不如直播取消左個餐佢啦上前菜沙律及湯，我仲飲緊碗湯，我拎起左隻碗，佢已經收走左我個碟，我手仲揸住個匙更，佢就遞手叫我比佢。此舉完全係趕緊個客人。然後每上一碟菜都唔講野 全部黑口黑面 好似殺左佢父母咁款，我低頭睇緊餐牌，唔知佢靠近左要擺餐，佢用呼喝的態度去呼叫「小姐，小姐，小姐」 然後一副不耐煩的樣子！我忍⋯ 食食下，冇啦啦有另一女侍應比左兩張餐巾我同朋友，但咩都冇講，應該是比我地遮住鐵板， 而此舉後等左10分鍾都仲未上菜的！ 然後黑面眼鏡女侍應就拿來了兩個鐵板，我同朋友急忙用紙巾遮住 ，然後黑面女侍應二話不說淋左啲汁出黎，但啲汁係好似水咁，一淋就濺哂出桌面 ，一句唔好意思都沒有繼續淋！ 淋我的時候更是整張桌面都濺到，我的電話放左張椅上，全個電話都是汁！！！一個鐵版餐有冇咁誇張啊，令人覺

趕住去朗豪坊睇9:30, 就近晚膳, 本想去下一條街既越式餐廳晚飯的, 但因為要門外排隊加上路邊好熱, 所以作罷, 突然記起附近有呢間平日都有d人氣, 而且門口好多報章報導既西餐廳, 就過去睇睇, 居然有一半吉位咁好彩? 唔理咁多, 咁就試下佢先!套餐好多款式, 就選左貴d既穀飼西冷同黑松露大蝦帶子意粉。好快就上湯了, 只是茶記品質的羅宋湯, 蒜蓉包較好味, 沙律都好一般。主菜意粉松露d汁免強算ok, 但主角蝦同帶子就無味, 最大陣味就係雪藏味而西冷就近好多年來都未食過咁多筋既牛肉, 仲衰過茶記個d! , 係由頭到尾都好似香口膠咁, 仲要有1/4係肥膏, 換都哂氣! 連餐飲叫即磨咖啡都苦到嘔, 根本係大桶粉沖出黎個d味道......呢間真難食, 都唔明點解有咁多人食既? 唔通好似我咁係睇舖面個d報導而中伏? 總之, 絕對唔會有下次!!!

下午兩時多，都需要排隊入座，證明這餐廳質素不弱，入座環境比較細小，普通的茶餐廳。但我仔細一看，台上的花紋，應該經過店主精心選購，像似一些小花朵，再加上牆身的細小氣車擺設，的確有些不一樣，整個環境都變得有風格。首先，跟餐有紅白兩款湯選擇，我選了紅湯，味道普通，和一塊細小的蒜包。之後我和朋友分別點了，牛肉飯和牛肋條意粉，牛肉飯與吉野家分別不大，它特別的是醬汁，有可能是秘制的，其後就嘗牛肋條，十分軟，沒有牙的長者們都可以食，味道都十分夠，應該經過長時間慢煮，牛肋條我推薦。齊體除了餐廳比較細小，結帳時去收銀的位置都比較迫，不過食物都可以，牛肋條不錯。

行過食埋先返屋企😜食過超過好多次⋯次次都系午餐只因在油麻地買野超方便又ok既😬雖然座的位置非常迫但是在這裡叫做ok了🤫周邊多的是中式或連鎖餐廳沒有太大興趣🤷🏻‍♀️次次午餐我都欣賞焗飯😁今次晚餐又試試其他👀德國鹹豬手配薯粒外脆內嫩配了薯粒非常飽喔！西冷扒也剛剛好😝例湯完全唔掂的太多粟粉太稠尤其忌廉湯🤮餐包明顯隔夜超硬😪餐茶熱奶茶好好的茶香😙天使麵也很好不太硬也不太林味道好😉各人餐湯配的沙律🥗唔錯花心思切得很細粒☺️其實我覺得午餐比晚餐更好吃😜只希望有待改善再來光顧😎謝謝你們💪🏻💪🏻💪🏻💪🏻💕

價錢平  食物質素ok  服務不過不失店員態度係不錯，有卡位會叫你換去坐，又會提醒你食物選擇上的細節，午餐同下午茶價錢合理，附近不可多得的選擇。但有些食物同餐單圖片有落差，令人有啲失望。

員工態度非常惡劣,上個鐵板餐,可以整到我成條褲成張椅都係,同佢講,一句唔好意思都無,仲要一上鐵板餐放係檯之後,見到個員工做咗個動作好始覺得我個鐵板煙到佢同間鋪好臭咁,真的痴缐,咁唔想做張間鋪接瑪去嗎!食個lunch都咁勞氣,超不知所謂,講返個鐵板,油,咸,難食!重點再加瑪d垃圾員工,你執咗去吧啦!

星期六基本上食飯時間冇book位都預咗人頭湧湧或者要排隊👬👭👫。。放工同老公由佐敦行返屋企都未知有咩食。。食酒樓又唔掂好多人會食母親節飯實攞位。。一路行到出去油麻地。。就遇上呢間餐廳。。望入去有幾個卡位淨。。就唔理啦梗係即刻坐低先講🤣價錢又唔係貴。。份量都OK我哋就冇加＄35要前菜。。。叫咗兩個主菜試吓先🤔🤔🤔上枱啲製作都幾認真。。。不過塊牛柳。。就真係熟左啲。。我哋要七成。。完全唔流血水實在太熟了😅。。 另外我哋加左錢要左兩件蛋糕🍰。。。兩件都食出水準來👍

是日油麻地辦完正事 不欲轉站就在附近揾野食啦就咁睇名 以為只售咖啡 鬆餅一類 但原來像茶餐廳一樣 有多款主食選擇 環境也算舒適簡約而帶點色彩的用餐桌工業風的牆面 配上簡約裝飾 不落俗套餐湯 餐包 料頭不少 蒜蓉包也香熱芝士蘑菇釀雞翼蛋包飯 $52 賣相不俗 炒飯底 份量多 雞翼夠邪惡而不會過膩 蛋皮不夠嫩滑 但CP值仍高西西里芝士焗牛柳粒意粉 $52 老公大愛系列 可選珍珠飯或意粉 醬汁香口 牛柳粒也竟然不靭而有牛味 算是誠意美味的製作餐飲- 熱奶茶 OK餐飲- 西洋菜蜜 熱鬧的油尖旺區 既能避開重重人流 又算有舒適環境和不俗的食物 這間小店當之無愧 會再來的～

最近決定唔幫襯面鎖式餐廳， 多啲試下周圍嘅小店， 今日嚟到油麻地， 見到佢嘅裝修幾靚， 就試下佢啦！ 交通好方便， 地鐵站一出， 行兩步就到！set dinner大概一百蚊左右一位， 有湯有沙律有main dish有嘢飲 沙律同蒜蓉包好好味， 而且上菜嘅賣相睇得出花過心思 睇到都已經覺得好吸引呀叫咗一份西冷牛扒配飯， 一上枱真係畀佢嚇親， 塊西冷扒仲大過我個手板， 唔係大小小，係大好多呀 份量夠曬大之餘，味道仲要一流， 好耐冇試過食咁多肉喇！ 另外個黑松露意粉都唔錯， 意粉唔會太淋！誠意推介畀每一位， 大家多多支持小店

記得很久以前在這吃過，今次經過便跟朋友吃個午餐。我們先在餐廳外看一下餐牌，覺得食物挺合適我們口味，便內進用餐。朋友點了一個煙肉磨菇忌廉炒意大利粉，而我就點了一個海鮮香草忌廉燴意粉，大家都是點忌廉湯。餐廳環境並不寬敞，攜著背囊的我和友人坐得更是辛苦，座梳化位置的友人還可以放在一旁，我卻要抱著它吃。 餐廳設計是挺特別的，等待食物的同時除了玩手機，也可抬頭欣賞設計。檯面也很漂亮啊！忌廉湯質地厚。我們喝湯喝到一半，店員才走過來把麵包丟下，很奇怪。煙肉蘑菇忌廉炒意大利粉質地滑，夠creamy，汁比較多。我的海鮮香草忌廉燴意粉來了，看上去比友人的炒意粉要多。洋蔥很生很辣，意粉也有不少的小海鮮，吃得到有香草味，味道不錯，份量不少又比較膩所以很飽。汁十分多，我的是燴意粉友人的是炒意粉，但大家意粉的汁都泛濫了 我們吃的兩個餐都有一個共同並比較大的問題，就是溫度不夠。現在的天氣已經回暖，但送上只有微溫的食物讓我們有點驚訝，無論是味道還是衛生都不太好。一個簡單的意粉午餐，希望問題會有改進吧！

返工返到食晏都無時間～😫走來走去⋯偷左d時間去食個下午茶⋯見到呢間咖啡店就入去試下⋯⋯下午茶選擇好多⋯但由於我想有點飽肚感⋯所以揀左呢個多士！🍞🍞一黎到見到個樣燶燶地⋯😔😔有小小失望⋯不過切落去果下⋯好脆！😍😍個心重軟綿綿！好正呀～正宗外脆內軟！👍🏻👍🏻😋😋個肉醬味道岩岩好！唔會太咸⋯份量又夠！每一啖都可以有足夠既肉醬一齊食！重有芝士一齊添～❤️個溫泉蛋係錦上添花⋯流出黎既蛋汁同多士一齊食～正到爆呀！🤤🤤重配埋小小沙律菜添！立即變得好清新！😽😽忙裡偷閒食到好食既下午茶⋯

上周下午到此店外賣一個$39的pizza加上$5的一杯朱古力作下午茶。下單後，速度也算挺快的，差不多5分鐘就可以取走。回家後，先不說看到這塊pizza有多難堪，我馬先上來一口朱古力，不知道是不是他們忘記下少了一匙朱古力粉還是什麼，這味道跟水沒大分別，就像「朱古力味覺水」，再看那Pizza，份量小而且有夠難吃，同樣也是三十多元，Paisano's Pizzeria也大獲完勝。我也忍不住致電跟他們說一下這情況，不但道出心中不快，更希望他們會改善什麼。那一名女員工的態度真夠爛透，說：「我們的朱古力跟McDonalds的是不同，我們用粉沖出來，你喝不慣嗎！ 不爽就回來換，OK?」 我說這明顯是不夠朱古力粉吧。我覺得食品不令人滿意也不是重點，態度爛透就是令食客不爽，我也不是抱有吃着5星級的要求，為什麼搞得像我欠你一樣呢？最後，我也沒有回去店換，怕「加料」，反正以後不會再去了

其實幫襯咗好多次嘎啦，第一次寫評價，今日order咗下午茶既漢堡餐（豬柳包），份量ok，女仔一定夠食嘎啦，男仔可能差小小，不過$40，總體抵食嘎啦，平時都食扒餐，扒餐都抵食，同大家推介翻，$58，有嘢飲，午餐時候有湯，價錢不變，午餐食扒餐抵啲

走進餐廳裡像走進城市的森林 裝飾很別緻 最讚嘆的是桌上的磚也充滿著藝術氣息 這裡很適合 愛拍文青照的你們可是扣分的地方是食物的溫度從前菜的開胃湯至主菜的意粉對於愛拍照的博客來說也許拍照會讓食物變涼 或許上菜的時間也是一個問題前菜來很快 前菜沒吃完就來主菜...但是對於同行的友人來說他不愛拍照 食物一上菜他就開始開動吃對他來說我覺得他的意見最為中肯最基本的一杯熱檸水來的卻是一杯溫檸水.....希望他們能好好的改善 有這麼好的環境 若能配合高質素的食物

我是被這家店的裝修吸引進來的 食物的價格也不算太貴 就試一下吧這個蒜蓉包不過不失 是挺香挺脆的 但我覺得百分百的蒜蓉包更有口感忌廉堂香濃 不過有一些疙瘩熱咖啡不是用鮮奶沖的 不過挺香濃牛柳粒番茄芝士焗飯的牛柳不會硬 挺好吃 但茄汁不是用新鮮番茄熬成的 是茄醬裝修挺不錯 挺有味道