壹．咖啡店 (已結業)

放lunch時間到，經過壹•咖啡店，門口大大餐牌比人睇，有圖有價錢，賣相非常吸引！lunch價錢也不貴，於是決定一試入去座位不算多，環境有點狹窄肚子餓先點菜~費城紅酒燴牛肋條 配薯菜 $48有跟餐湯，蒜蓉包同飲品湯係意大利菜湯 正常貨色 聽到隔離枱的點了忌廉湯，調味非常咸，要求更換幸好我點菜湯。蒜蓉包味道還可以 脆脆的到主角 牛肋條了！一上枱 真係幾失望 餐牌的份量真係多好多同靚好多雖然同樣係三舊 但大小也差太遠了吧 有點被騙的感覺個醬似肉醬多d 何來的紅酒味？賣相都有點差三條所謂的牛肋條 有一舊是全肥膏！沒有肉的！把醬淋在上面就可以瞞天過海嗎？客人不是傻的三條都沒有什麼肉，全是肥膏！薯角調味很咸！整體食物質素有待改善！希望以後來的時候會令人驚喜，但不要有驚無喜。

今日介紹的是一家又平又抵食的 - 西餐廳~~ 每個lunch set都有(餐湯 蒜蓉包 主食 同野飲)跟, 所以一定食得飽而家食除左飯之外, 還可選擇意粉及薯菜~~餐廳佈置很有特色 , 好有風格今日揀了白湯 - 忌廉粟米火腿湯  好香的忌廉味 , 正!主食 - 燒汁豬柳食, 味道唔錯, 不過略嫌佢唔夠熱, 所以影響了味道最後, 上餐飲喇~檸檬茶...  荼味好香

今天很遲吃中午飯。 又食他們的下午茶餐。有很多選擇。 坐位OK，牆上有很靚的裝飾。很有性格。 餐枱也有精心設計。 肉醬意粉味道不錯。唯一要改善的我想是服務吧！

G/F., 35 Pitt Street, Yau Ma Tei 今天很遲吃中午飯，差不多4時了。 又食他們的下午茶餐。有很多選擇，約20款。有意粉，也有多士等。 坐位OK，牆上有很靚的裝飾，有火車模型，卡在牆上。很有性格。餐廳的招牌用燈在裡面照射出來，幾有特色。 餐枱也有精心設計。 肉醬意粉味道不錯。唯一要改善的我想是服務吧！走廊有點窄，所以不能同時有多個服務員一起工作，其中一張卡位是供員工休息的，因為已經沒有其他吉枱，也沒有指示是員工的。我過去坐的時候被阻止。之後我見那張枱在其他人工作時，經常有人坐在那裡休息。而等開水的時間也有點久，大概是其他人在休息，得一個人在工作。

一個人經過呢間cafe， 見選擇頗多入去試試，叫左個美國西冷dinner set $118，連沙律，湯同包，加一共$132。沙律用上芝麻沙律醬，配雜菜青瓜，味道清爽。蒜蓉包熱同脆，配香滑忌廉湯是不錯的說。主菜到了，見到西冷份量頗大，有焗薯粒做薯菜伴碟，跟蒜蓉汁，惜西冷肉質雖稔，但味道不佳，有很重鬆肉粉味，是很一般的茶餐廳貨色，很失望，蒜蓉汁用上生蒜，味道帶重蒜辣，亦不合個人口味，可能有人會喜歡吧，最後餐茶用檸茶作結，味道反而不錯，覺得自己是踏進了茶餐廳了。

已黑名單，食物擺出黎就靚，味就無乜，不過見門面幾靚幫襯幾次，有次星期日諗住舒舒服服食餐晏，明明幾張枱有位，都仲係一個一個咁搭枱，塞滿一張先開另一張枱，衰過茶餐廳，平日個個趕返工返學多客就無所謂，星期日都要咁，門面幾靚都無用。有兩個客入黎叫佢搭枱，仲有幾張空枱，兩個坐左陣，諗諗下走埋。食物都算大碟，但咁既服務質素，完全唔識留客，失敗，以後唔會去。油麻地算多野食，附近都好多選擇，如果繼續咁既服務好快玩完

未食之前，已經俾餐廳某戴眼鏡女員工鬧左一餐係因為一個小小嘅誤會今日我同一個同伴一齊去間餐廳食野，其中一個落單先，另一個因為未諗到食咩所以遲d落，之後，就叫左某職員幫我地落單：唔該，要一個意粉……某職員問：係咪叫一個餐啊：係啊某職員：因為我地餐廳平均消費係每人叫一個餐，你地要唔要加杯野飲，加個餐？：哦，因為佢之前已經叫左喇：我之前都已經叫左個餐喇某職員突然之間好嬲嬲豬，破口大鬧：之前問你，係咪叫一個餐，你話係！我地都唔識反應啊，就問職員：你見到有第三個人咩某職員返到收銀位，好大聲咁自言自語,語氣好惡：我點知之前已經叫左啊！無幾耐，有另外一批人入黎食野，某職員又開始鬧人某職員對其他客人：你地坐入去啦，陣間多人，自己好好衡量啦！語氣好似恐嚇咁人咁我去左咩地方食野啊，狗都不如啊

三人行去吃午餐，油麻地食肆多，朋友介紹了這間意大利餐廳，座位不多，佈置懷舊，有特色，特別喜歡桌上的瓷磚圖案，很別致！我選的午餐是羅宋湯跟茄汁海鮮長通粉！濃郁的羅宋湯，出色之餘又有料，份量也足，好好味！主菜的長通粉，有沙律菜裝飾，厨師果然有心思，豐富的蕃茄醬汁，長通粉軟硬剛合，海鮮有鱿魚和蜆肉，味鮮，不過略咸。最後來一杯熱菜蜜，飽飽的一餐，只是45元，抵食之餘，服務員的態度很好。我在油麻地找午餐食肆又多了一個選擇！

本身同啲fd食飯慶生日，開開心心，買埋蛋糕過黎，一黎到叫店員幫手雪住蛋糕先，佢個時冇講要收任何費用，隔左唔夠一分鐘，佢同我講：唔好意思，我地切餅費同「雪餅費」都要收$50。我即刻話：下？真係未聽過。無奈啲fd已經叫曬野食，只好繼續食，唯有係咁熱既天氣底下由得個蛋糕溶。切餅費要收$50我明白，完全冇問題，你齋雪個蛋糕，唔切都淨收$50所謂「雪餅費」?簡直離譜！仲有個忌廉湯成碗粉水咁，傑撻撻，超難飲！其他食物水準普通。但一定唔會再幫襯！

今日帶埋BB車去吃飯，車泊在門口空位盡量唔影響人。滴女侍應都幾好人，架車會有少少阻住收銀櫃亦不介意。念住快快翠翠吃完走，结果牛肋條咬唔動，杯野飲又好遲先來，便提前埋单，邊飲邊睇吓新闻又哄下bb。这时有个男人行埋來瞥下bb車，話你都埋咗單啦，这個櫃我地經常用架！即是赶客啫！其實我入去總共不超過半個锺，杯野仲有大半杯！真是以後都唔會再去！

我入去坐底時，本抱不太期望，只諗住食飽就算，點知侍應問我西冷要幾多成，咁好啦，我話五成，抱住期望既心態等待，點知黎到熟哂，我要求換，點知黎兩成。其實我本身冇諗過要求多多，但侍應比我要求得，就一定要做到，做唔到，就唔好問我要幾多成！最後食得個小小就比錢了事。

跟朋友係油麻地想搵間環境唔錯既食個下午茶，行行下就入左黎呢間。首先餐廳環境的確唔錯，牆上掛左唔同既畫作，配上彩色歐陸風既瓷磚，價錢就比一般茶餐廳貴少少，以環境黎計都算係咁。下午茶選擇都幾多元化，窩思熱狗薯角等不同既小食又有，意粉飯果啲都有，大約都係三十至五十蚊不等，同朋友傾左好耐叫咩，不過決定左叫窩夫同蒜蓉包都賣哂喎，唯有再揀過啦最後叫左德國腸pizza同芝士肉醬焗薯角德國腸pizza:影出黎幾大，但其實係勁細，大概4 5寸咁大啦，同塊面差唔多，如果同朋友share真係一人一啖咁濟茄汁底偏酸但尚算開胃，德國腸有幾塊仔，加埋三色椒碎，面少少芝士，都叫交到貨，但如果三十幾蚊料可以比多少少...芝士肉醬焗薯角：首先個汁真係勁多，但可惜多到浸哂啲薯角，所以啲薯角係全部都係林哂囉-_-芝士量唔少，但痴埋哂一舊咁，無得撈埋啲薯角食，仲要淨返一堆油淋淋既汁，成件事係fail lol

午市，叫牛肋條，上就上牛腩，我食碗牛腩河都係＄30，簡直就係奸商！我平時都好少寫食評，真係燥到我特登要上來寫，真係好難食，因為牛腩唔可以咁樣煮，講咗好多粗口！！以後都唔食呢間野！

入面裝修好靚layout 好聰明用最少嘅地方 安置最多嘅客人亦唔會覺得迫夾咖啡蛋糕好食夠creamy可惜賣相一般奶茶亦都水滾茶靚不過好濃成杯飲完可能會瞓唔著service算係唔錯

話說上次試左下午茶之後，一直都想來試下晚餐，一於今次一行三人來試試口味夜晚餐牌同下午茶大不同，扒類意粉珍珠飯，一樣選擇多多我地分別點左肉眼，西冷同豬手餐試下.前菜分別有沙律，牛油餐包同忌廉湯，食完都五成飽啦，沙律酸酸甜甜，食完確實好開胃，忌廉湯濃稠而唔膩，份量都好足料呀之後見D小食都幾吸引下，於是點埋兩份小食試下，溫泉蛋同沙律魚柳，估唔到撈勻沙律同溫泉蛋食又幾好味道（我原本唔鍾意食溫泉蛋架）終於主菜來啦其實上菜都幾快下的，主菜份量真係無得輸大到咧～不過朋友點既西冷可能因為大而韌得滯，見到切得幾辛苦，店長見到二話不說就幫我地換過，抵讚啦豬手，皮脆肉香，點住D微辣的介辣燒汁，口感唔錯，十分推介之後仲有甜品呀不得不提係尼個什果啫喱，以為會好甜，點知一D都唔會，配住花奶一起入口，滑得來D啫喱都幾有咬口而望落簡單的Tiramisu 一D都唔簡單，層次豐富，口感突出，算得上有水準整體來講，尼餐晚餐有前菜，份量足夠的主菜又有好味的甜品，仲有野飲送，人均都係百幾蚊，抵食又好食！btw,小小不足係光線偏暗,或者換來的係想製造浪漫比客人吧