壹．咖啡店 (已結業)

呢間鋪頭我呢2年都去過幾次，今日心血來潮約朋友去食lunch。之前覺得d野食不過不失，水準都有時唔穩定，但有時經過又想食返，西式得黎價錢又大眾。 不過今次真係好嬲啊，我同朋友2人好早就黎，個陣午市剛開始，周圍冇咩人，所以一開始都係坐住4人位，食到一半，waitress 叫我地都坐一邊，我地照做，因就繁忙時間，我地都明，不過後尾d人就係甘走，成個場走左一半，我地對面繼續都冇人坐，又冇人等位，到我地差唔多食完，終於有人坐係地對面，幾分鐘後就叫我地埋單，話有人等緊位，好，冇問題，俾左張單我地，甘我地都要拎錢出黎，我拎張100蚊放左係枱面，朋友都要拎錢出黎，一分分鐘都唔夠，個waitress 即刻沖過黎，問都唔問拎起我個100蚊就話幫我地埋單，個刻我已經好火，我叫佢擺抵，未得，佢個行為俾我印象係似一個不問自取ge 人，未見過一個侍應係心急成甘 唔好俾呢間餐廳外表欺騙，實際仲慘過食快餐店，食得一個鐘就俾人吹埋單，未夾完錢，就已經俾人拎起d錢，好令人反感，唔知大家接唔接受到

因為睇醫生既關係，都會行過呢間餐廳。係呢個小區黎講，佢既店面都算特別，而且都幾多人排隊去食。所以我都係Peak Lunch Hour前食番個午餐。見到佢既午市套餐價錢，都算抵，40幾50蚊就有牛油蒜包、西湯、主菜加熱飲。入到去環境唔算闊落，始終香港地方，大家都係想以有限空間拼湊出最多既使用空間，所以係有少少狹窄，好容易掂到同對面或者後面既人。好彩我食既時間唔係午市最高鋒！如果係，我諗應該都食得幾辛苦。叫左餐冇耐，西湯同蒜蓉包就好快到啦。味道正正常常，唔會太咸又唔會太稀。平時去茶餐廳都得係蒜蓉包1片，呢到竟然有2片！都係一個小驚喜。未食主菜之前都食飽左一半了。蒜蓉包沾羅宋湯食係基本吧～我叫既主餐就係「香煎龍利柳配白酒蝦肉忌廉汁」～首先意粉量都幾多，完全夠普通人既食量。但比起佢既意粉，醬汁就相對唔夠了～想撈暈成個意粉就比較難了，可能係因為我本身係汁怪既問題啦。味道方面，白酒味唔係好突出，我連蝦肉味都食唔出。醬汁就真係麻麻地了。但，重點都係龍利柳！好長一塊，但比較薄身。同餐牌張相比較的話，係唔夠餐牌果張咁厚身咁飽滿。不過份量方面，絕對係夠的！！食完再飲番杯凍奶茶，成個午餐真係好！飽！啊！如果

午飯時間行到油麻地，見到這間小店，似乎在裝修上花了一點心思，想做有特式的食肆，便入内試試，算是對小店的一些支持。店舖很細，裝潢卻富有特色，牆上放了60年代的玩具及雕飾，很有懷舊Feel ! 👍🏻👍🏻👍🏻我尤其喜歡枱面色彩繽紛的瓷磚，美！餐牌選擇豐富，今天不太想食肉，所以選了蜆肉溫泉蛋忌廉天使麵。套餐包餐湯連蒜茸包及一杯熱飲，並無加一，超值。😍😍餐湯有2款可選：白和紅，我選了羅宋湯。湯料很足，蕃茄丶紅蘿蔔和洋蔥都有，只略嫌過酸，若能減少少醋會更佳。蒜茸包上枱已經不熱，亦較實，無蒜香及麵包的鬆軟。👎🏻天使麵上枱時樣子不錯，紅紅黃黃的甜椒加上中間的溫泉蛋，令妳即刻想食。（註：圖片是我已經把蛋撈了入麵，不是最初的樣子。）天使麵煑得啱啱好，不過腍亦不會糊口。麵也多蜆肉，加埋忌廉汁，味道ok! 始終用細隻的蜆，難有鮮甜美。以這個價錢，算是合格之上。離開時看到下午茶餐牌，價錢更優惠。

今日同仔仔去左驗眼，跟住諗住去睇下小提琴；事關仔要換琴呢。就係因為搵小提琴舖，比我地發現左間平靚正既Cafe。講真，間野好細間，枱放到好密，其實行出行入都唔太方便；不過佢真係好平，勁多人幫襯囉。就係經過門口，比佢依個餐牌吸引，價錢由50幾到90幾都有；都多選擇。餐湯跟包，初初以為只係普通法包片，重諗點解連牛油都冇。原來係蒜蓉法包，就咁食就夠好味，點湯更好味。個湯係勁多料，我真係成碗薯仔。西冷，雖然扒係薄左少少，但50幾蚊一個餐咋喎；算抵食架啦。勁多炸薯角依間野，比薯仔真係比得好誇張，碗湯有大半個薯仔，依度D薯角起碼有個半薯仔係度。西冷薄左少少，但係係好味既。仔仔叫既牛柳粒焗飯，依個其實差左少少，第一仔仔話牛柳粒冇西冷咁好食，第二佢個焗飯係白飯黎既？人地大家樂果D都會係炒飯底啦，依點真係弱左少少。不過個汁係OK既，同都幾多芝士，求番DD分咁啦。餐飲，熱飲唔駛加錢，凍飲加三蚊。所以叫左一杯奶茶一杯菜蜜；奶茶好味，係正常茶餐廳既奶茶，唔係果D又唔茶又唔奶冇味既怪茶囉。埋單好似113蚊，本來我想碌卡的。但一邊食一邊望到人比錢，個個都比現金。所以百幾蚊，都係唔好麻煩人，比現金就算囉。

我住旺角差唔多二十年，附近茶餐廳都去過，果日行過油麻地，見倒呢問野，外表幾四正，點知原來真係得個樣，食物完全係凍，係整定，落單後一兩分鐘即到再問個差D連廣東話都唔識聽的服務員，佢就話唔知了事都費事嘥時間寫太多，總之忠告大家唔好去了

途經油麻地一間餐廳，見到門口餐牌有好多款式，都頗吸引。咁咪入去試一試啦!餐廳大部份枱都係卡位，僅容納到一個身型中等嘅人坐，稍為肥少少就覺得好迫夾。 四人卡位係要同人哋搭枱，仲要坐埋一邊。 張枱嘅位置唔使講好細啦! 而且上菜又想得快，一個餐湯、蒜蓉包、跟住就到主菜啦! 如果再上埋餐飲根本就冇位擺。香煎雞扒配燒汁大盛盒雞扒好大浸雪味，只好靠嗰啲醬汁遮蓋咗個味道，薯條炸得都可以，起碼唔係只得油。沙律菜有芝麻醬伴埋好味，個蛋糕啲忌廉比較膩，檸水不過不失啦!法式慢煮煙燻鴨脾珍珠飯鴨脾唔夠熱，似乎係整定咗嘅，白飯嘅質感都可以，起碼唔會太爛。

一出油麻地A出口，見到呢個下午茶餐牌，門面又整得吸引，餐牌上比起普通茶記特別，價錢又差唔多，入去嘗試下。西班牙彩瓷檯面 增添歐陸風格本來想嗌嗰慢煮鴨脾，咁嘅價錢實在好抵，不過下午茶食light d，唯有留低d遺憾，下次再幫襯。我嗌左嗰墨魚籽吞拿魚金磚沙律，味道還可，嗰包有d硬，果然係金磚。我想如果夏天來會好些，因為冷氣都夠曬凍。服務殷切，可以彌補不足。整體來說都很滿意，款式夠多，夠新鮮。在鬧市中入來忙裡偷閒，係度靜落來諗吓嘢 都係唔錯的選擇。

今日星期三來到油麻地旺角行街，在旺角和油麻地之間有間kichen one cafe 外面裝修別緻，見門口餐牌不是太貴，就入去食個午餐。餐廳環境嚴重擠迫，中午十二點未到午飯時間不是太多人，如果坐滿人我想連轉身機會都沒有，餐牌上所有餐都不是太貴，約四十多元至六十元左右，還跟餐湯餐包、餐飲。我最後點了西西里焗牛柳粒飯，焗飯算是穩穩陣陣，來到後發現幾難食，醬汁很酸，牛柳粒極少，失望😞！餐湯和餐包都普普通通！凍檸茶淡如水，清澈見到杯外的環境。總評：食物質素低。

星期六有兩樣野要喺油麻地做，不過appointment時間相隔一個鐘，中間就喺附近搵下地方食lunch。行過呢間輕工廠風既小店，門外有幾棵小植物，咁岩一陣陽光灑過，好有生命力既感覺。再睇睇餐牌，好抵食喎，有湯有包有主菜有飲品，都係四十幾至六十幾蚊。我叫左//香煎墨西哥豬扒配意粉//、紅湯、凍檸茶少甜少冰。紅湯係茄膏味濃o個種，材料有甘荀粒、西芹、椰菜等，蒜蓉包係軟包，蒜蓉牛油搽得均勻，整得幾用心。檸茶茶底濃，檸檬片有三四塊，都唔錯。檯面既圖案好岩影相好上鏡！香煎墨西哥豬扒配意粉份量比想像中多，豬扒有兩塊，大致上都煎得幾淋，係比較瘦既部分硬少少，整體黎講都幾有豬味，唔會係雪藏豬扒既感覺。意粉係茄汁撈既，雖然唔濃味，但每條都掛汁。配菜製作幾認真，有青瓜、翠肉瓜同甘荀bb，有加左香草架。我坐近門口，望住綠油油既植物同埋街景，都幾寫意。埋單$44，食物質素絕對對得住價錢。雖然全店只有兩位女侍應，但都算照顧周到，亦都同客人有傾有講，氣氛唔錯。

今日去油麻地睇中醫。落緊雨唔想行咁遠。去了醫師下面間咖啡店食個午餐。睇網上評論天與地。有人話臭服務，好難食。亦有人說好好食。好好服務。我唔相信一間舖可以咁極端。裝修心意見到有心思。餐桌的花亦好靚。叫了個焗牛粒意粉餐..餐湯真比較咸。好訓容易食出係茄膏煮出來的紅湯。咖啡不算好差。主菜牛肉粒算不錯。但個茄醬比較偏多。其實不致於好差.。

28/11當晚同朋友行到攰 搵到呢間餐廳食飯問店員有咩好介紹 店員態度都好好一大甘為我地推介有咩好食我地亦信任店員既介紹食物黎到 賣相同品質都好好環境都好好 價錢亦都合適一定會再幫襯！

我唔知點解佢會有咁多負評可能同其中一個戴眼鏡嘅叔叔有關態度唔係好好 但係如果你對佢有禮貌嘅話 你會有返相對嘅同等待遇啲後生仔女態度就非常好講番啲嘢食先佢啲焗飯真係幾好味份量好大沙律如果你係遲咗嚟嘅話 就會賣曬搞到我真係好想試下紅白湯都係翠華水平佢嘅蒜蓉包真係幾好味當天因為我真係好肚餓嘅關係冇叫佢扣底點知真係食唔曬佢嘅雞扒汁真係好好味我唔知佢係 乜嘢味道餐單上寫嘅係照燒汁佢嘅咖啡都好有水準不過海鮮焗飯就淡味咗少少

之前嚟過幾次，頭一兩次感覺唔錯，但後尾發覺越黎越差。近日再嚟食，不知是否換咗廚師還是食物質素真的差了？味道尚算可以，但意大利粉一叉就斷.......而飯就有點飯焦在裡頭。向侍應反映，他們的反應好似已經早就習慣了的樣子.........個羅宋湯真係好難飲，不知是添加了什麼，紅得有點似加了色素.......味道也非常奇怪！以前嚟食感覺真係不錯，但經過今次之後應該以後也很少再嚟侍應也感覺好像心不在焉地工作，企響度傾偈其實也傾得好大聲........不過尚算有禮貌

有時去開油麻地呢頭睇醫生等嘅時候無無聊聊就會去附近搵嘢醫下肚呢邊一兩條街冇咩西餐廳見呢間野門面四四正正一心入去食一食就中伏啦一入去店員知道我係一位就安排左個半邊卡位我坐即係望住張凳背嗰隻自閉位坐落去張枱就嚟頂到心口禁制其實如果多客我都可以接受但係其實我食埋碟野都係得個兩三台客點解唔可以比我坐個舒服啲嘅位呢嘢食就只係不過不失但係間Cafe成日播埋晒啲老土音樂係又嘈又老土嗰隻根本就係趕客Cafe唔係應該俾人慢活慢慢坐享受下你嘅意粉或者咖啡㗎咩喺呢度完全冇呢種感覺店員都係一副西面口真係唔好睇佢門面OK就比佢呃到啊

14:27hrs來到壹咖啡，入門問今日有冇下午餐，待應姐姐不是回答「有」、「冇」或「14:30開始」，佢竟然係話未開始，要睇我錶，要食就門口等⋯ 咁我唯有耐心等候，本人真係犯賤⋯之後有其他客人黎到，待應姐姐問佢：「食午餐定下午茶？」，客人就話：「冇所謂。」 咁待應就立刻安排該客人入座。再過左5分鐘終於到我入座就見到待應姐姐都係遞上下午茶餐牌俾剛剛那位客人，咁樣我在門究竟等緊咩？我繼續按著自己心情，繼續點餐⋯ 之後待應姐姐來到後，我就講出我想要咩，佢就話：「重出緊午餐，未到下午茶。」我問：「唔可以落左單先咩？」佢答：「唔可以。」之後就轉身離去⋯ 我本身想立即離去，不過我老婆話好想食依到既西多，好！咁我忍。不到1分鐘，廚房就大叫：「轉下午茶！」，待應們就開始連忙幫客人落單，不過就冇理會我這枱⋯ 等到終於可以點餐時，我想點熱咖啡，待應姐姐話：「咖啡機壞左。」我心諗：「頂！係咪玩野呀！壹·咖啡店 冇咖啡！？咁Neway冇K唱都可以繼續開門啦！咖啡機係咪真係貴到唔可以買多部做後備呀！？」 好！我再忍⋯為左老婆想食既西多，我要再忍！ 咁我笑住又問：「你地有咩飲呀？」待應姐姐就話：「除左咖啡之外