壽司郎 (已結業)

其實已經嚟過好多次，不嬲都覺得好好食。但係今次再食發覺啲質素差咗好多，舊飯又硬又散，啲魚好明顯係融雪過程出現問題，蝦同蟹嘅問題唔大，但嗰啲所有推薦嘅魚、包括極上厚切長期帶吞拿魚腩(白色嗰舊)、油甘魚天生，係完全無味！魚肉面又乾淨淨咁，超失望！明明之前喺其他分店食都唔係咁。好失望啊希望可以改進！

平日12點幾來到十分多人，取飛後到尖沙咀逛一會回來共等了約45分鐘，基本上壽司種類大多根據個人喜好，加上壽司郎大多種類都非常穩陣同好食，但今次反而係甜品比到好多驚喜我！卡達拉娜 $22話佢係壽司郎最正甜品都當之無愧！佢係一件好軟身creamy嘅cheese cake，但不會過甜，反而食到濃濃的奶香及雲尼拿香味，仲真係見到有粒粒雲尼拿籽，加上表面仲有一片焦糖，為蛋糕帶來香脆口感！呢件蛋糕絕對會令我下次再食！白桃味芭菲 $32期間限定的口味令我想一試，加上上年供應時錯過了，但可惜只有白桃雪芭及桃肉有較香白桃味，其餘雪糕，以及下層的忌廉和蛋糕卻只有單調甜味，相比一路都有供應的抹茶芭菲，白桃味無論在口感或味道上都較為單一，有點失望。整體是滿意的一餐！

壽司郎真係長期超多人排隊，每次想食都要排勁隊啊，上網預約嗰個成日都預約唔到，排隊就要預大約一個鐘左右今次去食嘅時候攞咗飛先，然後去行一陣街，再返返去就差唔多啦。款式比想像中幾多，所以食咗好多唔同嘅款式，佢唔同時間會有唔同嘅promotion，有啲會有季節性限定，咁起碼定期會轉下啲款。最正嘅就係入去點嘢食唔使諗唔使睇價錢可以狂點比較喜歡佢嘅拖羅，飛魚子，三文魚，蟹膏，然後一啲熟食都好正，蒸水蛋，雞軟骨.....平均叫十幾碟，埋單都係每人大約$200，所以性價比真係非常之高，因為佢啲魚生相對性係比較新鮮，肉質鮮美，但價錢講緊係大約元氣價錢.....餐廳亦都非常之闊落，座位好充足坐得好舒服，服務質素亦OK，整體而言非常之唔錯

次次想食壽司郎嘅壽司都揀黎依間，貪佢地理夠方便，又可以行吓尖沙咀。唔知係咪今次早咗嚟，冇乜人排隊，勁快就有得入去食啦😋😋隔咗幾排冇食，佢又出咗新野，除咗出咗海膽系列之外，仲有出咗標榜豐州市場嘅壽司，望落去勁吸引。海膽撈烏冬😛推薦指數👍🏻👍🏻個人覺得海膽可以再多啲，記住要撈勻食👍🏻食落冇乜特別，唔知係咪期望太大有反差。茶碗蒸🤩推薦指數👍🏻👍🏻👍🏻👍🏻次次嚟到一定會嗌嘅嘢，口感豐富，又足料。不過記得要趁熱食，咁樣先係最好食。蜜桃芭菲💓推薦指數👍🏻👍🏻👍🏻👍🏻👍🏻作為甜品控，一定唔會錯過佢新出嘅期間限定口味，超超超好食，雪糕軟滑加埋蜜桃冰，兩者融合，超級夾，仲有蜜桃點綴。最後埋單3百幾，超滿意

壽司郎黎左咁耐，由於港島區一直冇分店嘅關係，本人又太懶一直拖到今時今日終於肯出城過海排隊喇～～～12:30上到去已經叫飛叫到140幾號，而我哋拎飛係拎215號。上左YouTube睇住直播周圍行下😂仲係附近食左個米知蓮推介嘅小食檔狗尾粉😂一個鐘左右終於都差唔多排到我哋即刻狗衝返去，其實都唔算好耐嘅一個鐘可以去到70張飛！食咩冇需要詳細講啦基本上必食嘅都食咗，佢舊壽司飯d醋真係岩岩好而且唔會有之前食過其他壽司店有未解晒雪或d飯仲熱既情況出現。。

係你無睇錯我又去左排壽司郎😹.本人實在最愛日本野西餐固然唔錯但日本野係我心目中係永遠既no.1無野能代替無得去日本既時候就要食日本野cover 返我既思鄉情懷.首先收工去排隊真係排左成粒幾兩粒鐘因為飢餓感更強烈我同先生一人食左廿舊壽司無錯係廿件我自己睇返都驚😹+茶碗蒸同枝豆同雜錦天婦羅.當然保持一貫水準好食又唔錯既質素令人一再期待之後近近地葵芳準備開分店既興奮情緒🤩.最鐘意食蝦同蟹既我表示每i我都一定要嗌佢地呀🤡

前排忽然好想食壽司，但又唔想元氣，板長，超市果d食到口都歪。諗起好hit嘅壽司郎，知道book位都要等以月計剛好果時疫症，仲停埋book位，簡直崩潰為食嘅我地唯有去碰下運氣，睇下有冇外賣自取，原來係有嘅！太好了！上到去，超級多人，完全唔似疫症期間嘅餐廳，order左要食嘅野，等左大概45分鐘先拎到餐。總括黎講食物好食，價錢唔貴，性價比非常高！美中不足係泊車唔太方便，都係泊街，等外賣時間又長，心驚膽跳驚抄牌😂

壽司郎係香港既魅力真係唔洗多講，每日都長期有人係門口排隊👍🏻證明左香港人真係好鐘意食壽司，今次黎到佐敦呢間香港第一間分店，一定要食夠本😋😋今次係第三次黎食，吸取左之前嚟食既經驗，今次學識左要早啲嚟拎位，今次大概5點15分就黎拎位，只係等左20分鐘就有位，雖然早就早左啲食晚餐，但係食壽司郎只需要等20分鐘咁少絕對係奇蹟😂😂😂因為當食完走果時門口已經逼爆人等位😂所以依度個貼士比大家就係，即使用個app睇已經無哂位，有時早啲啲黎即刻攞飛等位，其實個等候時間亦唔算係認真太長👍🏻👍🏻一入到去就即刻用平板電腦叫野食，每次order最多只能落4碟嘢食，咁當然係嗌完一轉又一轉啦😋魷魚壽司😋😋魷魚質素幾靚，夠薄亦有切坑，中間亦有片應該係紫蘇葉黎，味道頗為清新👍🏻帶子壽司😋😋呢款帶子雖然比較細舊，但$17有兩件性價比算高，而帶子味道算鮮甜，可以一試👍🏻炸雞軟骨😋😋炸得十分脆，份量亦夠，最重要有舊檸檬比你擠落啲雞軟骨度，特別好食👍🏻海膽壽司😋😋呢款海膽既份量比較少，同埋塊紫菜比較淋，食落就唔太感受到有海膽既味道，反而青瓜個味仲出，呢碟就未必要嗌啦～豐洲竹蝦壽司😋😋😋呢碟壽司質素十分高，作為佢地呢期既推介，首

🇭🇰壽司郎 Sushiro🍣經常大排長龍 開多啲分店希望唔洗等咁耐😂😂長假期預左多人 12點拎籌大約100張飛👩🏻行下街等左2個鐘頭入座建議大家唔會企係到呆等 會好痛苦🥳2人有大卡位坐係幾開心😆🤭店員都會細心同你解釋一下餐具🥢放邊同點落單等等間唔中都有staff行黎比你揀下今期當造的魚生壽司疫情下都提供膠袋仔比大家放口罩 但衛生有待改善水杯spoon wasabi會放係輸送帶上邊自取其中拎左幾隻匙羹🥄都有明顯污漬😖😖所以建議大家要消毒水杯餐具同埋醬汁樽身食物素質對得住價錢 有好多款式揀😋熱食炸物甜品都有唔少 相信都係吸引大家去既原因基本上大部分魚生都新鮮 價錢都相宜✔️✔️比較鐘意既有🍣特選大吞拿魚腩🍣炙燒芝士三文魚🍣壽喜燒牛排🍣松葉蟹茶碗蒸🍣玉子🍣甜蝦

為咗朝聖壽司郎, 預早兩個鐘去攞飛, 差唔多時間朋友就來了, 剛剛好入座。$27拖羅 質素算唔錯 抵食確實係好新鮮新鮮 咁多人幫襯 不無道理兩個女人好似放監咁 食咗429🤭質素好過元X 板X 不妨再來!

今日生日, 好朋友就問我食唔食壽司郎, 朋友就用APPS睇下邊間有位, 咁我地就去左佐敦分店排隊食期待以久既壽司郎, 朋友去到拎飛先, 我去到個時已經過左我地個no. 好彩冇過3張唔洗重新排, 咁等多一陣就入得去啦, 入到去都幾大幾闊。店入面坐既位置係卡位都好闊坐得好舒服, 同其他壽司店大同少異都係用平板電腦黎點食物,比平時D壽司店多好多唔同既款式, 但每次只可點5碟, 咁我地都係樣樣點下, 食物好快就經旁邊既運輸帶送到黎我地眼前, 極體食物都好食, 值得推介, 遲下屯門開分店再去食下先。 係到多謝返我好朋友請左我食呢餐生日飯, MANY THANKS

一嘗高CP值壽司Sushiro壽司郎為連鎖迴轉壽司專賣店，傳聞以品質穩定，價值親民做賣點，今次我就來一探究竟!入座情況: 在假日12點取籌，約2個小時後入座，輪侯時間稍為偏耐。大熱天氣下要搵方等2個小時，真的很考驗耐性，更加會開始諗，這間店到底是否值得排足2個小時隊呢?環境: 店舖以簡約搭配很多木的元素為主要設計，與傳統日本壽司店差別不大。 座位尚算寬敞，每張檯相隔非常遠，冷氣及換氣量足夠，在疫情下也可以放心用餐。整體的潔淨整還算可以。食物: 醋飯: 壽司的靈魂在於那份醋飯，否則直接食刺身便可以了。壽司郎的醋飯只有一個味道，是白色的原味醋飯。飯的溫度比起室溫高一點點，比起冰冷的壽司飯高班一百倍，以迴轉壽司專賣店而言已經是非常不錯了，我必須重申，對控制醋飯溫度的注意度就代表了壽司店的級數。醋飯味道比市面的壽市飯味道更濃，甜和酸都能在相互平衝中各自再帶出味道。醋飯粒粒分明，米飯有彈性，但粘性稍為有一點強，有少少融在一團的感覺，各人的偏好有不同，故不多作評論。但醋飯的整體質素比起價位再高一級的壽司店相若，CP價很高。店入面的刺身用料質素與市面上的迴轉壽司專賣店相比，不過不失。每間生存到的迴轉

第一次去呢間日本好出名既連鎖迴轉壽司11點開門，我11:40到已經排緊30幾個🤦🏼‍♀️好彩企左一陣有位坐，等左35分鐘左右就有位✌🏻✌🏻野食好新鮮，價錢亦唔貴好食過元X,板X壽司🍣好多，重點係新鮮難怪咁多人排隊滿足既Lunch😋😋😋😋😋

近期台灣之「鮭魚之亂」， 令香港人突然又排隊食壽司郎， 星期六10：48早上到佐敦， 取票已是85號， 以為12點才開， 原來10：30早上已營業， 食客10：15已在彌敦道地下排。 85號票， 要排到12：15分才入到去食， 真係人山人海。第一次食， 員工有禮詳盡講解～＞如何取杯碟醬油芥辣茶等，如何自助下單， order特別壽司會由運送壽司的軌道送上。菜單除了壽司外，炸物，甜品， 各種果汁、酒、連拉麵與烏龍麵都有！！灸燒， 厚切鰻魚， 鰻魚卷都非常厚及滑， 真抵食。螢光尤魚沖漬。 好新奇， 滑而不苦吞拿魚， 鯖魚，海螺， 蝶魚鰭。。。樣樣好味。 唔怪之得時時多人排隊。 好食。好食。炸章魚塊不硬， 脆而香， 好炸物可以一試。甜品推介＞卡達拉娜， 口感似雪糕、芝士蛋糕及焦糖布丁既混合板，上層的黃金硬脆焦糖，令口感變化層次好特別， 好好味。😄😛第一次幫襯，非常有趣！簡直係平價好味壽司店的享受，只是要排長龍就不太享受了， 人多擠在店門外等實在辛苦。食物質素我比8分，唔駛排咁耐便食到就比9分。

這間店最近在香港10分火紅，每一間店都大排長龍，一直都係我想試嘅迴轉壽司店之一。今天因工作關係，要去佐敦一趟，順便試一試這間過江龍有幾好食。吃過這間餐廳後，總體有以下評價：第一、排隊安排中午12:45去到，環境10分混亂，一大堆人坐喺兩邊，另外一對人排隊攞飛，仲有好大堆人喺度排隊買外賣。我的籌號是327 ，但當時還在叫180號， 十分誇張。結果我要喺出面遊蕩左兩小時， 3:00先至可以入座！第二、環境總體是可以接受。一間迴轉壽司應該有嘅粉茶，杯、小碟，筷子，而且還有檸檬汁。芥辣也不是出面食到的膏狀，是略帶粉狀的。第三、食物質素這間過江龍最吸引我的壽司是特大吞拿魚腩，以我平時食開放題的習慣，我會留在壓軸先至點。所以先順次序有淡食到濃味魚。首先食蝦、左口魚、真鯛、油甘魚。全部都合乎預期，味道合格。甚至比城中大型連鎖店好食。左口、油甘魚甚至吃到魚香。接着吃池魚、沙甸魚。這兩款都是大型連鎖店沒有供應的，性價比都高。接着就是三文魚、中吞拿魚腩，兩款魚都新鮮，有魚香。接着，到壓軸的特大吞拿魚腩就真係出咗事。就正如相片中一樣，成舊吞拿魚腩是滿佈網紋的筋，賣相非常奇怪，一點也不是正常的雪花紋。於是，向