夏銘記

營業中

休息中

見附近開咗間新面譜成日排隊，所以就諗住試吓聽講以前好出名都排咗15分鐘先入到。。。一坐低就嗌咗個雲吞水餃撈粗同埋墨魚丸魚皮餃撈粗！第一碗上嚟本身係雲吞水餃，上平淨係俾咗睡覺，跟住同職員講返。都即刻改返，但係都好少碗嘢我撩過，然後佢本身入邊有三粒水餃正常你可以比多兩粒雲吞我就算，但係佢係我碗面倒抽走返一粒睡覺，然後放返三粒雲吞落去。正常疫情就算過咗去咁樣都唔係好衛生🥶🥶🥶之後，再上嚟墨丸魚皮餃撈麵，個面超級重鹼水味，就算食落口都係苦澀嘅， 即時同職員反映，今次態度超級差幾個沖埋你話你轉過都係一樣唔擔保會好過啲一碗當堂呆左😅😰真心你買雲吞麵起家。。。啲面有鹼水味，你唔係即時了解一個原因點解而係反過來叫過客換過第二樣嘢明明第一碗冇事但係第二碗有問題咁即係淥麵嗰個人出錯🥹而家就算去啲唔出名嘅麵譜食麵都好少食到有鹼水味咁重而令到個麵食唔到。人生咁多年都係第一次知道重要呢一個態度，希望你哋可以改善返你哋嘅水準如果唔係今時今日咁嘅服務態度同質素係呢個市場應該唔係好站得穩。另外水餃雲吞墨魚丸都唔係特別出色，都係好普通。。。而且水餃皮上面摺埋嗰個位仲要未熟我都唔計較冇再去反映，因為呢個真係好差嘅經歷。試

呢間西環老字號喺佐敦開店，上次經過好多人已經想試，點知佢多人排隊都要截龍，今次唔使排隊當然入去試❤️紫菜魚四寶魚片魚蛋好彈牙，魚皮餃同墨魚丸都唔差， 配埋紫菜湯就好夾😊魚蛋魚片河河粉份量足夠，一個人食就剛剛好，店舖有辣椒油提供，辣椒油加少少都辣，喜歡食辣嘅人可以來挑戰吓～鮮炸黃金魚片外面炸得酥脆，魚片好彈牙，喜歡食魚片嘅人就唔可以錯過啦～整體嚟講性價比高，價錢唔算貴，店舖好乾淨，坐得都算舒適，推薦喜歡食粉麵嘅你❤️

出名的魚片魚蛋保持到舊店的水準,今午和太太兩人,見全條街只有這家店在正午已有一條小人龍排隊,生意应该幾好,排了十幾分鐘,入內馬上叫了魚片魚蛋河和紫菜四宝河,廚房煮得甚快,轉眼食物上枱,好食！未食完已叫定外賣一條炸魚片帶走.賣真材實料魚片魚蛋的粉麵店買少見少,大家要多持這些小店,大家才有好嘢吃,話這家是普通粉麵店的人唔識宝,唔駛理佢

我試過以下的菜式：1. 紫菜三寶河：三寶河是這家餐廳的招牌菜之一。湯底鮮美，魚蛋、墨魚丸和魚餃都煮熟後保持了彈性和鮮嫩，充滿了魚肉的香氣。2. 雲吞水餃麵：麵條彈牙有嚼勁，雲吞和水餃皮薄而富有彈性，內餡鮮嫩多汁，讓人想一試再試。3. 炸魚片：這家舖子的炸魚片是我食過的最好吃的炸魚片之一！魚片外層酥脆金黃，內裡鮮嫩多汁，好像是魚味的豆腐，讓你回味無窮。總結：我認為這間舖頭性價比可以，特別是炸魚片味道和質感是一絕！

一間曾經屹立中上環數十年老字號粉麵鋪,而家重新開業喺佐敦,今日路過佐敦入去有試嗌咗一碗四寶紫菜河 不過今日魚餃就賣晒 選擇轉做雲吞魚蛋 中規中矩有魚既鮮味 不過質感偏向淋身魚皮 食落味道只多左一層外皮既魚蛋墨魚丸 食落質感都係偏淋 冇外面爽彈既質感 不過佢溝左少量芹菜落去 增添香氣 味道亦有墨魚鮮味雲吞 呢到雲吞外形好靚 食落有原整蝦 而蝦亦食得岀新鮮爽彈 不過豬肉餡就少左啲紫菜 食落冇沙 有紫菜應有既味同質感 幾好至於湯底飲落冇乜特別好在有紫菜輔助下 而河粉夠原整唔會碎曬食落亦幾滑總結 如果大家路過不妨入去一試 我都會想再試下今日食唔到既魚餃

見有媒體報導所以黎試下。店鋪唔算大，同一般麵店差不多。不過都算光猛乾淨。要排一陣隊先有位。先講野食，叫咗個四寶河，油菜同炸魚片。唯一算好味d係個炸魚片。不過d 魚蛋真係麻麻地，散得黎又冇魚味。四寶冇魚餃變左雲吞，相比隔離麥文記當然差一截。不過最不愉快都係因為個女侍應。其實原本叫做手撕雞泡飯，點知過咗成10分鐘先話原來冇。態度麻麻之餘，又漏單。明明幾分鐘前落左單，轉頭又話冇落過。結果一碗麵等左15分鐘。價錢唔算特別抵。可一不可再。唔覺得有咩原因值得排隊去食。

上網睇到好多人介紹呢間老字號，話魚蛋一d粉都唔落，只用魚同冰製。咁魚蛋粉係我既至愛，就一定要黎試下係咪真係咁好食啦～可能因為多人講又係紅日既關係，要係門口排隊，排左大約半個鐘。入到去間舖其實好細，得五、六張台，張四人台其實係二人台大少少，就剛好夠你放兩碗粉一碟炸魚片兩支汽水。兩碗粉叫左魚旦魚片河同紫菜三寶河。粉先到，飲湯，好淡。明既，冇味精，不過又唔係好濃魚味。河粉薄身，魚蛋，一d都唔彈牙。明既，唔落粉，所以好淋身，但又冇乜魚味。反而墨丸幾好食，可能有溝粉，彈牙d又有墨魚味，紫菜都幾好幾新鮮。期待既黃金炸魚片後到，放低見到有油出但唔算熱，夾起一食，都係貫徹淋身口感，新鮮但唔香，炸得唔香，可能係健康做法。因為湯淡，所以落左少少辣椒油，一食，辣到噴火，建議唔食得辣嘅人一滴都唔好掂。其實大致上都問題不大，只係如果要排隊我應該就唔會排。佢地個冷氣又極度唔夠，係門口熱住排隊果時已經出晒汗，入到去食粉仲要繼續流汗。成個體驗既總結係：攞苦黎辛左。

要講魚蛋粉好食唔輪到呢間，間舖頭細，又唔俾外賣，咪營造到個感覺好多人排隊去食，其實根本未至於忙到做唔到外賣，奉勸各位真係唔好特登大費周章去排隊食，小弟都係見到唔使排隊咁啱入去試吓，都唔會有下次。

新開期間堂食仲要排隊魚蛋水餃河魚蛋得2小粒，有魚香但好軟腍。水餃幾好食，蝦、筍、木耳食落爽脆，蝦有鮮味。餸料唔錯，河粉同湯底完全唔掂湯係淥麵水，麵粉水加淡鹽味河粉好腍，碎濕濕辣椒油普普通通諗住食回憶先去，呢個價錢同質素，唔係咁值得咁遠走去排隊食

由以前九龍勝利道開始已幫襯呢間店，之後搬咗去中西環區,到第二代接手時，食物品質水準都可保持到。現搬到佐敦，或者係第三代接手，裝修升格，但食物水準下降! 可能D老師傅走哂! 服務水平亦需要提高!

夏銘記在油麻地開業時很喜歡這裏出品的魚蛋及墨魚丸，曾經見過創店老闆拿著盛有剛打好的墨魚丸的水桶回店舖補充貨源，可見當時出品相當新鮮；又試過想買墨魚丸回家烹調被拒，因為要留貨煮粉麪給食客。及後得知夏銘記結業，覺得相當可惜。魚四寶上枱時真的眼前一亮，綠悠悠的生菜及豐富的魚四寶令食慾大增。雖然湯底有點鹹，但魚蛋和魚片的口感十分鬆化，絕不像坊間有些彈力如塑膠的魚蛋，墨魚丸覺得有些退步，但仍在水平之上。深墨綠的紫菜也很爽脆，一咬即斷，非一般啞紫色紫菜可比。由於已肚飽卻又想嘗試炸魚片，因此外賣了回家享用。隔天入焗爐輕輕加熱，魚片便回復美味。

同屋企人行過佐敦見到新開好近地鐵站上網睇又見佢同米芝蓮扯得上少少關係（請左曾經做過米芝蓮餐廳既師傅、不是師傅拎過米芝蓮）見乾乾淨淨就入去試下價錢係港式粉麵同地段黎講偏貴少少見有兩三台都叫炸魚皮點知普通其實賣相好金黃色、食落口感都好鬆化但有少少燶，而且調味不足豬手撈麵個汁都算香，但未去到非常惹味勝在豬手抵食夾大件，一碗有三大舊燘得好冧而且多肉魚餃麵魚餃細舊，一碗四粒皮夠煙韌，但內餡麻麻有時食粉麵會飲埋個湯但呢間湯底非常普通秘製辣椒油亦名過其實主要得個辣字拯救唔到碗湯不用再試主角炸魚片的確好出色，魚片好彈牙又帶少少軟糯感而且好有肉汁同魚味炸皮唔會太厚，少少脆身翻熱時間耐左少少但值得等待總括而言除咗魚片其他野普通

看到其他食評說夏銘記重開,看到食評都很正面幾好,便约朋友去試試,我們叫了紫菜四寶,雲吞麵,招牌魚片頭, 紫菜四寶裏面最好的是墨魚丸,但是這家不是賣魚蛋的嗎,魚蛋完全是冧,一點也不彈牙,如果是魚蛋做招牌那就可以不用去試了,朋友吃的雲吞麵簡直就是差中之差,個面底又是冧,吃了幾口已經不想吃,魚片頭有比較下係全部食物裡最好吃,但是也不是超好

叫咗個四寶同炸魚片，四寶湯頭清淡但有魚味，魚蛋魚片彈牙味濃，都冇咩好投訴。鎮店之寶炸魚片非常香口彈牙，成條厚切放入口極過癮。炸魚片配埋辣醬食更加係一絕，夠辣同香口，食落又係另一番滋味。價錢都相宜，係炸魚片剩係得成條叫，一個人食嘅話會有啲飽。樓面快手有效率，好快落到單，廚房老師傅做慣做熟，出餐都係非常快手。Even係星期六日多人嘅時候都係好有效率，井井有條，老細都在場幫手。繁忙時間大約要等十五至二十分鐘。鋪面雖然比較細，但整體而言都算舒適。

睇到宣傳老字號再新開舖,心想支持一下傳統小店特意由元朗出到佐敦幫襯,入到食店後沒有細枱,只有四張打橫座座位.我見有位老伯已打算結帳離開於是就想等一下,等伯伯結帳才座,因為我二人身上有很多東西,三大袋,如果座橫枱會霸佔了其他位.所以就等細2人枱.那時老闆就叫樓面招呼我2人座橫位.我入舖時已話給樓面知等一等位,於是樓面回答老闆佢2個要等位禾！跟住這老闆反白眼,甚麼意思呢？一個樓面講2個要等位禾,語氣甚不禮貌,一個就反白眼這樣對待顧客態度？顧客都只是唔想霸佔你其他位才等位,可否睇諒下顧客多東西呢？香港飲食真係自己搞死自己,真的不願意再在香港飲食用多一分錢去買氣受！