外野手 (已結業)

一直於OPENRICE看到外野手的食評相當高評價，一直也沒機會一試~ 今天碰巧喜歡吃日本菜又很能吃的細佬獨個在家發呆，於是決定跟他一起來做白老鼠~先致電訂位，服務生也許太忙，於電話的對答對不上，幸好最後也訂了位。來到時實在很驚訝，為甚麼在星期天的下午時段這裡竟只有數枱客﹖也顧不及想這麼多，因為細佬的肚子餓了，坐下立刻看看有甚麼吃~ 分類分得很清楚，有刺身、壽司、天婦羅、小食等等，很可惜每種也只有數款可供選擇，最奇怪是壽司只有三文魚及蟹籽沙律不是火炙，其餘全是火炙 這碟刺身是全程最正常的食物，可惜魚生卻有根，蟹棒很水，但無可奈何地也要吃點~ 其餘的燒雞翼沒有味道、炸蠔皮太厚、手卷只看到飯卻看不到刺身．．．恕我直言，於這麼多笑的評價下，實在太失望了，連一向愛吃沒特別高要求的細佬也沒有胃口，這裡可真要好好檢討一下了

朋友話呢間OK, 所以去book 枱, book 左佢地話要3:30 先confirm 得, 有位 無位都會call back . Fine, 無問題明知食放題, 成日返工咩都無放入肚, 等開飯點知到我 6:00放工都未收到confirmation call . 朋友堅持食呢間, 我打多次, 仲話, 我地打多次唻就比個位我地啦 當正佢地" Si she" 比我地咁去到，好迫，好嘈，好似茶餐廰。張枱太細，根本放唔曬我地點既野食單點一樣歐陸海鮮盤（細）　張枱已經無曬位放其他野食　待應不停叫枱號， chit cher 咁轉deliever D dishes 刺身：不得不承認，係我食開放題以來最新鮮既炸物：厚，硬，唔熱汽水：唔凍壽司：紫菜淋，唔係地道日本米歐陸海鮮盤：最欣賞既係生蠔。不過唔太新鮮２人買單＄４１４　講真，咁既$，可以係ＳｏＨｏ區食餐好Ｄ，起碼唔會似茶餐廳呢間野只受Ｖｉｓａ，佢收唔收master 我唔知, 不過, 我想問比EPS 得唔得個陣, 佢以為我個張係銀聯囉!

我有朋友以前食過新蒲江個間今次為慶祝女友生曰黎左呢間食乜都叫齊咁濟個個都好評既 海鮮拼盤算對得起價錢 二百幾蚊你唔可以恨有超水準生蠔 但ok既軟腳蟹就真係咸嘩火炙三文魚壽司好難食凍既魚生其實超普通但無辦法勁少款式既情形下係要狂食生日有炸雪糕 真係幾好食值得一讚係完全無漏單好快添！只係無我朋友之前講甘誇 兩日前要留定肚姐

環境裝修一般, 飲食環境比較窄, 枱與枱之間的距離很窄, 尤其冬天比較多衫多袋, 很難處理。魚生好味, 選擇亦有10款左右, 最好味係三文魚, 甜蝦及希靈魚, 好肥美, 好鮮甜! 不過其實你落幾多件都好, 佢都係黎一個standard size (咩都有), 除非你係order 其中一兩款。海鮮拼盤係因為見到食評話正, 所以好快點左, 點知黎到令人有點失望, 完全沒有之前食家所說的生蠔, 長腳蟹勁鹹又沒有肉, 其他都好一般, 都冇食晒! 魚生黎得好快, 熱的食物要食左超過一個鐘才出! 其實當日氣溫好凍, 又食左成個鐘都係凍野, 加上嚴重漏單, 追極都話追緊, 出唔到野食!芝士餃子超好味, 仲有茄汁底, 醬汁好好味, 所以叫左兩次, 但第二次冇第一次咁熱 (可能係第一round一齊整既)燒牛舌, 雞軟骨同埋北海道牛乳窩都好好味!另外有驚喜既係, 因為有朋友生日, 佢送左一個炸雪糕俾我地, 呢個好好味! (只要有人在那個月內生日就有ga la)整體上食物質素不錯, 但服務態度就好麻麻, 包括嚴重漏單, 執枱面野時成日整跌汽水罐 (好彩冇汽水), 我們知道有下一場9點開始, 但請客人離開也

係觀塘匆忙的一個下午，不知不覺去左間很地道、平民式的和食店Lunch；由於時間不多，諗都唔諗就點了個鰻魚飯set (至愛 ) ！鰻魚飯上枱賣相好吸引，鰻魚頗大件，而且又肥美，口感和味道一流有水準；醬汁豐富，而唔會太甜，配以珍珠米簡直正！這兒的麵豉湯也不錯，可惜美中不足係隨set附上嘅沙津菜又苦又硬，勁差 這處地方比較逼，坐得不太comfort，但有幸Staff服務親切 ，可再來。

今日大除夕為了慶祝妹頭生日已個多星期前預訂座位﹐ 服務員禮貌很好, 是日價錢唔算貴, 我地選擇左9:00-11:00呢個時段 $178+10%, 一行6人8:50便到達~門口已企滿食客, 等了10分鐘便安排入座。一座低即是采取連環攻勢剔食物, 佢有個拼盤係我地今次黎既重頭戲, 先黎一個大既~拼盤: 4隻生蠔 (不錯, 肥美+鮮味) 2隻翡翠螺 (很細心, 肉已挑出, 很彈牙~正) 數隻蝦 (OK..) 2隻長腳蟹 (好咸呀......救命) 2隻青口 (我本人唔鐘意食青口,所以無咩意見)壽司也有很多選擇:不過飯就大了一點。。。。吃不消刺身有好多款式可以選擇, 但刺身我覺得麻麻, 不是很靚很新鮮,但不算很差。 特別是馬刀貝,是我吃過最差的一間, 碎濕濕+沒有口感開頭食物都上得很快,但後來要追CALL, 服務員的態度也沒有訂位時咁好...但還可以的。嘢飲方面有D失望, 忌廉竟然係新奇士出個隻........其他炸物, 燒物等不錯吧~~但是落得太多味粉..晚上Zzzzzz得不好, 對味粉有敏感反應的人少吃為妙!!

午飯時間大約1點3左右過到嚟, 入面夠大唔駛等位..好多同事都點中午既魚生飯Set, 但本人對魚生飯無乜興趣..所以叫咗一個天婦羅蝦拉麵.. 新鮮炸出, 有3隻蝦, 南瓜同番薯.. 其實都OK大份..但拉麵湯底完全淡而無味既! 一碗咁既麵就$52...仲要無野飲包... 真係貴得離譜!

生豪有少少苦苦味, 明顯不新鮮.蟹腳, 超咸.嚴重流單. 天婦羅蝦落了兩次單都唔黎.款式根本並不多.飯, 散及過酸.環境, 空氣唔流通.之前食客讚過既食物, 好多都冇左.三文魚, 新鮮牛, 好味178+1 實在不值.明顯愈來愈退步.

因為臨時來食。。無BOOK到位。。都幾多人！！不過服務員都幾好服務。。。老公本身唔中意食放題！！但哩次佢都讚！！因為有生蠔食。。水準都OK！、歐陸海鮮拼盤。。原來可以任食哦！！生蠔。肥美！長腳蟹。好咸！！翡翠螺OK！！青口普通！！凍蝦OK！刺身：三文魚～新鮮！，馬刀貝。甜蝦。八爪魚。希靈魚。。。。。熟食：烏冬好食。。。。麵士湯都好味!壽司：鰻魚。燒牛肉。。GOOD！炸物：天婦羅蝦/番薯/芝士年糕。。。都好食！仲有其他食物都未食。。。飽啦。。。。不過哩間食物種類唔算十分多。但質數OK～～比MK D放題都好！！

星期日訓到晏一晏起身, 最想就係快快趣有餐好既食一開openrice見到呢間既食評都唔錯, 就試下啦, 由寶林搭小巴來到都唔駛15分中, 又唔駛等位, 正!呢個lunch放題係由12點至2:45, 時間上非常充裕, 而且選擇非常多, 由前菜到飲品, 天婦羅, 鐵版燒, 刺身壽司都齊基本上真係食得幾開心蒜片牛聊粒, 叫左2 round, 非常好食有牛味~天婦羅, ok~燒魚, 味道比賣相好, HAHA燒牛舌, 好厚身, 正芝士餃子, 老公最愛, 叫左2 ROUND壽司, 都幾好, 不過飯有D散刺身, 新鮮~~甜蝦好甜^^總括來講我自己中意刺身同鐵版燒多D, 下次會再來的~而且星期日無咩人, 慢慢食好RELAX~~, 侍應亦禮貌周到, 經常加茶, GOOD~~

成班同事話想食日本放題, 有人話呢間好,大家決定一試~之前訂枱話要waiting list, 諗住book定第二間, 點知嗰日又話有位我哋訂咗6:00嗰場, 去到已經有好多人食物方面如果以放題嚟講唔算有太多選擇, 之前嘅羊架, 章紅魚...都冇晒踪影漏單情況嚴重, 燒雞翼,豚肉鍋, 海鮮卷....等,由一開始落單至埋單都唔見出現送嚟嘅食物份量好奇怪, 寫多嗰啲就得好少, 寫少嗰啲又會多, 真係好難"解"首先叫咗啲刺身翡翠螺(好大隻), 蠔(唔新鮮), 青口(好乾)醋青魚(好好味), 三文魚,甜蝦, 榮螺(掂)其實重有其他刺身, 可惜就........炸物方面唔係太油, 都ok之後叫咗啲燒物啲蝦燒得太乾, 牛肉就好好, 好juicy粟米, 菠蘿(正~), 燒魚係三文魚鮫(唔腥)炸蠔(唔錯, 炸粉唔厚), 芝士年糕(外個面脆入面軟, 幾特別), 殞石蝦球(唔油) 壽司就.....好唔掂, 火焰天使蝦變咗蝦乾, 沙沙三文米紙卷入面啲魚唔新鮮甜品有3款選擇, 雪糕係"炭燒雪糕", 啫哩, 百福豆腐花(原來有薄盒裝)呢間試過就算, 下次要試過第2間先得~

已經第n次黎食喇~終於決定要為佢寫篇食評多次揀佢既原因係價錢公道，食物有質素(款多，新鮮)，同地點就腳~服務不錯。沒有欠單，tick左既食物全都有來，數量冇錯!!! ~汽水甜品仲任飲任食~~!!對上一次去已經係一年前既事，今次去到，喜出望外的是加多了海鮮拼盆 (可選大或細碟)，內有生蠔，青口，prawns~~而且仲好新鮮呀，好過去d話專食生蠔餐，結果要排長龍先得幾隻蠔仔食果D 餐廳啦~今次去係為左同男友慶生，本來我地食到好飽，唸住唔要個雪糕CAKE，就叫了埋單，點知WAITER都拿了CAKE 來，而且因我們兩人，所以給了半個CAKE ONLY，我地見仲有誠意同好味~~最後都係食埋先走~~~打打下又想去食多次喇....黎緊聖誕再去啦

又去呢度食午餐啦, 都係返開呢頭先識搵到響好多工廠夾住既呢間日本野呢度都可以話係同事們都好鍾意既”飯堂”, 呢日又再次黎呢度食, 食佢既午餐刺身飯……我叫左三文魚拼蟹子魷魚 (仲可以揀蟹柳呀, 甜蝦呀, 咩馬刀貝嗰d既……)其實平時都唔會乜都影囉, 但今日真係要影下……三文魚厚切+蟹子魷魚(爆多)份量真係好多, 仲有湯, 但其實呢……個新鮮度同鮮味度呢…..都ok la…..份量取勝囉……或者下次試下佢夜晚個放題, 睇下個味道會唔會好dd…..食飽又返公司繼續做野lu~~~

燒烤還可以,刺身- 質數一般，麻麻地,衰過market place,完全無味,2個鍾舌頭沒感覺.只此一次,唔會再去.汽水任飲。單看一面以為舖面很小，原來內有乾坤。7:45pm到達，舖面已坐滿人客，我們三人入場時是要經過他們的廚房，才去到「內廳」。而我們三人更被安排到「類似」vip房的板間房。「坐」得蠻舒適的。他們舖頭還有一個特色，就是每個角落都看到電視機。好，坐下，點菜。就是沒有「帶子刺身」。炸物、天婦羅，算是標準。炸軟殼蟹好味道。壽司size剛好，不會是那些大大件，想食「飽」你讓你不要叫其他的那種。燒物麻麻，燒雞翼很乾、很韌，咬不開。「可樂骨」沒有做了。汽水任飲，但一開始便沒有蜂蜜綠茶，去到九時正連檸檬茶也沒有了。牛舌超正，超肥美，但兩塊便夠，多吃會肥膩。那在這裡怎樣衡量「抵食」與「唔抵食」呢？可能答案就在於你吃得多與少的關係。在這裡，你一定會吃得飽。但如果，你是吃4塊三文魚就會飽的人，你不要來這裡，因為這裡你會覺得「唔抵」。但如果你是「小林尊」弟子，你會喜歡來這裡。順帶一提，我朋友叫這裡做「細路場」因為這裡沒酒賣的; 有燒物、炸物，沒酒賣，實在失色「萬分」。

這天是朋友的生日, .選擇去了外野手,打電話訂位, 不需等位...去了3..4...次不要希望有驚喜, 但一大班人聚餐尚可, 有房間提供.最好是平日去, 不會太多人...刺身: 款式不多, 海鮮拼盤炸物 : 海老天婦羅, 芝士餃子, 軟殼蟹:好脆好好味漏單情況需改善.整體來講算唔錯，係觀塘食野一個唔差既選擇