外野手 (已結業)

我剛於上星期五晚九點半都入過去食野。我入到去時，有位女侍應問我幾多位、是否食放題，我話我係散叫既，咁佢就帶我埋位啦，埋位後佢同我講左一大輪放題既野，但我同佢講我係散叫……之後我叫左客天婦羅定食,,仲叫左罐美蓮達汽水，但個女侍應用d好奇怪既語氣同我講“果d汽水係放題先有得送，散叫冇架”，咁我話我知架喇，你照落單就得啦！！，然後佢答得我仲怪，“我問下經理收幾錢先啦”，但全場都寫住汽水$7.-罐喎。到天婦羅定食喇，麵豉湯有瘦肉，似呀媽既白菜仔滾瘦肉湯果d瘦肉既質感；炸物ok既，四隻蝦搭三件雜菜，夠熱又有夠脆，係件炸茄子差得很，咬落去成口油；到白飯喇，、佢真係比左碗絲苗白飯我，仲要係爛飯，真係“call now yeah~”..我夾起一舊仔食左之後就成碗冇食，(你地話我冇衣食都係咁話架喇)到最後既甜品，餐牌係雪糕，但奉上既係類似紅豆布甸既野，但又粒聲都冇交待轉左甜品喎！！不過佢又冇加一整體黎講，去過就算，總之呢間野都係有日式放題通病，“做得放題既，散叫唔好試”

今日去接愛人放工, 順便就去返工附近既外野手食~~新浦崗果邊就成日都食, 觀塘呢邊都係第一次來.入到去, 環境都不錯, 坐都幾舒服.叫左個三文魚魚生飯, 帶子三文魚魚生飯兩碗飯都大大碗, 而家魚生都係非常新鮮, 大大塊!!!兩個人食, 都係$102.!!好抵食呀真係....!!!!

同男友兩個人訂左6:45去食、一坐底我地就即刻落單叫刺身…嘻嘻~~當然要食番D回本野先喇鍾意呢度有黃金墨魚刺身提供、但味道就偏鹹…貝柱刺身就唔太新鮮、其實既三文魚、甜蝦、仿鮑魚片都OK而壽司卷物果方面佢地都做得唔錯、不過海膽手卷就有D搵笨囉…成舊手卷得果DD咁多海膽、擺左落口都唔覺,,炸物方面就叫左'汁燒牛舌'同'雞腎'黎食、味道冇乜特別、其他仲有天婦羅之類、我就覺得食唔食都擺…點左碟炸軟殼蟹黎食都係覺得唔得囉、好厚粉之餘、仲要好霉、NO GOOD而甜品方面點左個芝士年糕同紅豆涼粉…前者味道好怪、完全食唔到芝士味、食到成口粉、而紅豆涼粉就更加水滾滾唔知咩味…總括黎講今餐既食物質數都係剛岩合格…不過以$148加一既價黎評論的話就絕對唔值囉

友人請食生日飯~近近地所以簡左呢間價錢都0K一去到就有得嗌.服務生都好有禮貌野食都好味.無漏單.{有既話可能我唔記得-,-}總體我覺得可以去多次XD

超正超抵食！！唔知點解D人話難食？！刺身勁新鮮壽司都唔錯炸蝦天婦買㊣D野勁大碟，真係要有好好既胃口至食得完

因為之前食過新蒲崗分店, 食物及服務都唔錯的, 但今次食完觀塘分店, 真有點失望, 加上鋪位太細既關係, 二人枱同另一張二人枱要拍實, 連移開條隙既空間分開, 仲要隔離既食客將d 袋放哂係我地呢邊, 個人又挨過黎, 擺坐個身位..搞到忍唔住要求調去隔離再隔離坐刺身類都還可以, 但熟食就真係好一般, 叫了一口牛, 只有"鞋",沒有味, 炒菜亦好求其, 燒牛脷亦是沒有味道, 自問我跟朋友都不是濃味人, 但都覺得無味呢!仲要成日漏單, 一晚有共三張單都漏左, 真係無哂癮!我諗唯一可取的是, 生日月份幫襯會有炸雪糕食, 仲聽到d食客話幾好味, 不過我諗我生日唔會想食呢到呢!

我同男朋友補祝情人節. 佢話呢間O係OPENRICE都幾多好評. 所以就去試下.入到去個格局一般..最重要係D野勁難食刺身唔新鮮, 冇光澤個師傅好似唔識握壽司, 搞到壽司舊飯勁核突, 仲係唔係都加D芒果汁O係上面, 勁唔MATCH一口牛太熟太重黑椒味.八爪魚丸成舊粉咁.手捲冇料到.螺肉等前菜連冰都未融晒.總之樣樣野都唔好食.我地係咁2食左D就走左.. 食到成肚氣…咁樣仲要$185一位 (放題). 我覺得佢O既質素只係比任食明將好少少SERVICE都好麻麻我以後唔會再去架喇 !!

本身老公book左位7:00pm我地早左去,6:35pm就到店員都為我地安排座位因為第一次去,冇諗過d位係咁迫,要同另一對情侶搭檯佢有限時間,比我地食1小時15分鐘7:45pm last order,8:15pm要埋單雖然都夠時間食,不過時間算小,一般放題好似都可以食2小時由於好肚餓,所以一開波刺身,炸物,壽司樣樣都有落單,食得好冇次序刺身 : 貝柱,三文魚,八爪魚,黃金墨魚,蝦,飽魚片 (竟然冇我最鐘意食既北寄貝?!)壽司 : 八爪魚壽司,蟹子壽司,甜蝦壽司,玉子壽司(嚴重漏單,本身仲點左幾客和牛,黃金蝦,全部都冇到)串燒 : 雞翼串燒,雞肉串燒 (雞肉唔好食,肉質好鞋)炸物 : 魷魚鬚,蝦球,海老天婦羅,炸餃子(魷魚鬚最好味又唔厚粉. 炸蝦天婦羅都唔錯,蝦肉唔霉,炸粉厚度都ok,接受到)其他 : 八爪魚丸,一口牛,迷你冷茶麵,豬軟骨(八爪魚丸最好味! 燒得剛剛好,裡面熱辣辣又帶點流質狀態. 豬軟骨都好味)甜品 : 是日甜品 - 紅豆糕(疑似紅豆布甸,都食到有少少紅豆味,但好溶好淋pat pat既感覺,未至於難食,但味道一般)雖然上菜速度都好快,一上就差唔多全部跟住上但講真食物選擇唔

本來諗住同老婆好好慶祝情人節及拍拖紀念, 上openrice搵日本放題, 好似係觀塘的外野手好好咁, 就訂左8.30pm, 點知換尼一肚火…話說我地果晚响apm行左一輪又買左好多年貨, 拎住幾大袋野, 好重, 諗住早d去坐低休息下, 8.05pm就去到, 點知個四眼女侍應話一定要8.30pm先可以入座, 叫我地出去四圍行下先, 我地出左去行唔夠1分鐘見到周圍都係工廠大廈, 點行25分鐘呀??? 唯有再入去問下可唔可以坐低但唔落order住啦, 入到門口我地都未出聲, 個四眼女侍應就已經話:“真係未夠鐘入得, 你地8.30pm先再尼啦!”“你地間舖周圍乜都無, 我地點行25分鐘呢? 我地仲拎住幾大袋野喎, 你地睇下, 好重喎…”“我地未清場喎…”“成間舖得一枱客, 其他位碗筷都放好晒, 你地仲清咩野場? 我地只係想坐低, 唔落order住未得囉.”“我地真係要清場喎…” (望都唔望我地, 扮執枱, 其實張枱上面的碗筷已經放得好整齊, 枱面亦好乾淨)“我地只係坐低都唔得???” (完全唔明理由)“你地自己去問經理…” (要客人自己去問, 邊位係經理呢???? 而佢繼續扮執枱)“我自己去問?

個日好夜差唔多10點先去到.我同男友原本打算食放題ga~ 因為我地都好肚餓la~點知夜左..d職員唔俾我地order放題.... 有點失望~ 眼見隔離d人都大吃大渴中~之後我地就叫左個大大gei刺身拼盤~同一個豬扒鍋定食~個刺身拼盤個size~大到嚇親~件件都好厚~ 仲有帶子同海瞻tim^~三文魚刺身好鮮甜bor~帶子刺身同甜蝦就細左d~ 個豬扒鍋定食原來都跟4片三文魚刺身~仲有一湯一飯~不過個豬扒鍋無跟爐上~無咁好~ d皮好快就唔脆lu~開頭以為我地咁餓~一定食得晒有la~點知都係食唔晒~埋單仲平過食放題tim^

今年三月份幫同事搞 farewell 時黎過呢間度食刺身放題, 果陣覺得呢度整體上都唔錯, 所以想再搵機會黎食多次.就係前排朋友幫我搞生日飯時, 咁啱有得俾我揀呢間食肆, 所以我提議朋友們一齊黎食放題~朋友 book 左星期日 08:30pm 入坐 (6 位), 係當日下晝 d 職員已經再打黎 confirm 多一次, 話遲過 15 分鐘就冇得留位, 不過我地都好準時咁去到~因為差 1 位朋友未黎, 所以我地都食住等. 一開始叫左大約廿件刺身左右, 黎到時, 唔洗一分鐘大家已經清哂........第1 round 清完後, 遲到的朋友都到了, 所以大家立即就叫第 2 round, 我地係刺身果張紙上寫左 4 ~ 5 款, 各 10 ( x 2 件), 同埋幾件天婦羅, 壽司, 同熟食等等. 點知等左好耐, d 壽司, 熟食同天婦羅都已經食完, 但都唔見刺身黎到, 追過 d 待應又冇反應, 果刻真係火都黎埋........走單漏單一句唔好意思都冇 我地即刻再用另一張刺身紙再點, 今次只係寫甜蝦 x 30 同埋珍珠帶子 x 10, 睇住 d 職員交入刺身吧, 冇耐就送到上黎.......

其實都唔係慶祝生日,只係咁岩我係依個月生日,記得要book位,我去果日星期五,無book就無得食,6點開始,食到8點3,宜家好似做緊兩個人去1人半價地方唔係好大,同埋坐地鐵要行一陣,廁所又要去工業中心停車場入面,廁所環境好差刺身雖然唔係好多,都係普通果d,但係幾新鮮,真係叫幾多黎幾多,唔似有d你叫幾多,再睇你人數黎幾多炸蝦都幾好,不如炸軟殼蟹就d粉太多,仲有炸豆腐都好味ps:因為佢有生日優惠,但係唔可以同埋兩人一人半價優惠一齊用,可能言語上搞錯左,生日優惠就係送個炸雪糕蛋糕,我地最後先知,最後因為我地四個人,應該一個唔駛錢,所以只係收返我地果個炸雪糕蛋糕既錢

黎得li度多數都係食任食(放題)既~最近既價錢好似係$168一個~野食都好多選擇, 魚生, 壽司, 炸物, li度做得最好既就係佢既魚生~真係好新鮮~特別係三文魚~又大件, 色澤亦都好好~而且li度絕對唔會好似其他食放題既日本餐廳咁, 半個鐘先上1, 2碟野食俾你li度好快就會有野食~絕對值得一試丫~不過weekend會比較多人, 最好都係訂左位先~同埋坐得唔太舒服, 少人去既多數都要搭檯~...

價錢平,但食物質素認真麻麻...壽司d飯好似煮定好耐, 好硬串燒只是微暖,又係燒定,牛舌,豬軟骨都係好硬...又唔熱...天婦羅都係唔熱.....唉........d嘢好難食....服務態度就ok 啦...d嘢難食都無咪心機理其他嘢...我同男朋友兩個都要$281.6...食埋d垃圾,我就覺得好唔抵

因為我朋友生日,所以見放假就搵佢食午餐,咁我地一行3人叫左一個海膽三文魚飯,一個帶子三文魚飯,一個雜錦魚生飯,咁我食果個海膽三文魚飯內面有海膽,三文魚,蝦啦......因為我整親隻腳關係,唔可以食蝦,D海膽算係新鮮啦,三文魚都唔錯,其實我最欣賞都係我朋友果個雜錦飯,真係好足料,非常抵食,下次有機會就試下佢個放題先......