大丸ラーメン

營業中

休息中

熱潮減退的拉麵關注組人氣店?!   •如果有加入拉麵關注組的話，應該知道呢間位於大角咀嘅大丸拉麵~ 我同朋友都想試好耐，之前見過關注組D人話要開門前一個鐘去排隊先食到～加上我哋每次去大角咀食飯都見到大排長龍，所以一路都未有機會試~ 
6月尾有日平日夜晚6點半左右經過竟然見到無人排隊🫨我同朋友即刻轉軚入去試一試~到底仲值唔值得排一個鐘呢?🧐•🥢 貝丸 (海鮮豚骨) / 特製鮮蛤海鮮豚骨拉麵 $118貝丸係特別限定嘅拉麵，湯底嘅係海鮮豬骨湯，但係又要另外再揀醬油味、鹽味或者蝦味~ 我就揀左醬油味貝丸~ 拉麵嘅賣相非常吸引，有5-6隻蜆、3片薄叉燒、半隻溏心蛋、木耳絲、紫菜同蔥花。每隻蜆都好肥美又無沙，叉燒都算嫩，唔會太肥～ 拉麵揀咗粗曲麵，口感軟硬適中，而且都幾掛湯👍🏼湯底幾竭身，但飲落就有少少失望喇，可能期望太高，或者係我揀嘅湯底配搭錯咗🥲因為湯底的海鮮味非常淡, 而醬油同豚骨味就比較濃郁同突出，整體味道都偏鹹。•🥢 蝦丸 / 蝦豚骨拉麵 $98蝦丸嘅配料都差唔多，大量櫻花蝦取代貝丸入面嘅蜆，同埋無紫菜～ 湯底係用北海道產嘅蝦特製海鮮味噌汁，再加埋豚骨湯底～蝦丸嘅湯底就比較balance

朋友推薦的呢間位於📍大角咀的拉麵小店，之前去見到門口長長人龍，冇勇氣排隊，一直未有機會食到，今次咁啱去開果頭見到冇人排隊，即刻入去😋小店由日本人主理🇯🇵環境簡約舒適，全部座位都係吧枱設計，可以讓客人一邊用餐一邊欣賞廚師👨🏻‍🍳煮拉麵的過程，令人感受到濃厚的日本風情。湯底有4款可以揀，「是日限定」貝丸賣曬🥺餐牌指不添加味精👍🏾讚！蝦丸🌸🦐揀咗粗麵，麵質有咬口同掛湯😻湯底蝦味濃而不油，好多櫻花蝦係面，視覺效果一流🫶🏻食完麵最後落埋昆布醋，味道更加升級，差啲飲曬成碗湯🤤黑丸⚫️🍜男朋友就揀咗幼麵，口感較普通，醬油湯底上不及蝦丸吸引，每碗都有3片簿簿的叉燒，糖心蛋🥚流心得嚟色澤呈橙紅色，真係好吸引😻最後我哋食完埋單，雖然唔洗排隊，但店內依然座無虛席✨經過又唔洗排隊的話會再食‼️

點解呢間《大丸ラーメン》會慢慢成為人氣排隊店，可能因為佢標榜“無化調”。無化調意思即係店家冇用任何化學調味，即係俗稱：味精 (MSG)。冇左化學調味，最大嘅挑戰係所有嘅旨味（うまみ umami）係來自食材本身，包括調味料，呢吓真係要比個 like 佢啦。《蝦丸🦐🍜》香味 (4/5) - 香味相當充足，不過都係嗰句，因為有櫻花蝦干，味道好鬼霸道，所以只能聞到櫻花蝦味，但算相當好聞。湯 (4/5) - 雖然話個香味比櫻花蝦味霸左，但飲落個湯，蝦味同個豚骨湯嘅味道係算平衡架喎，肉味同蔬菜味都算有，幾好飲！麵條 (4/5) - 佢比食客自己揀細麵定太麵，我就揀左太麵。看似佢又唔係真係太麵咁粗，似中太麵啦，少綣曲，麵嘅味道同咬口都相當好！配料 (3.5/5) - 既然叫得做《蝦丸🦐🍜》，蝦就當然係主角啦。蝦嘅部分只係用左櫻花蝦干，冇比隻鮮蝦，以佢個價錢定位我認為還可接受。豬叉燒就一般啦。首先佢嘅叉燒都頗薄，夾唔起，一夾就散散地，要夾起影相唔多可行。不過都有一塊係結實d嘅。肉味就一般啦。溏心蛋算幾好，蛋味香，夠入味，生熟度非常之理想，不過得半隻唔夠皮。木耳絲正常水準。見到店家好有心，有提示佢地有昆

是咁的，呢間店因為有個網紅介紹過，加上係一位日本廚師主理，已經符合左必試嘅條件。好啦，去 try try 啦！貝丸（海鮮豚骨）🍜香味 (4/5) - 夠香，海水味嘅味道撲鼻而來麵條 (3/5) - 佢有得揀細麵定太麵，我揀左幼。麵本身都 ok, 明顯係用左全粒粉嘅小麥粉去造，吸湯能力強。湯頭 (1/5) - 一個字，差，兩個字，好差，三個字，好叉差。我叫嘅係貝丸，佢比人選三種口味，醬油味，鹽味，同蝦味，我就揀左鹽味，因為我以為，貝類配鹽味最理想，貝嘅味道易比醬油同蝦味蓋過左。基本上，一啖入口，feel到嘅只有兩樣野，一，太死鹹，二，除左鹹味，就只有豬骨味，完全冇加入貝湯。簡單講，佢係將海鮮直接於碗麵上面，再加過量嘅鹽調味。個麵本身真係好盡責，一路吸湯，食到臨尾，個麵鹹到一個點，令到我有生以來，第一次食拉麵食到尾會有抗拒感，食唔晒收場。配料 (4.5/5) - 主角，應該叫做沙白，味道非常鮮甜，似係蒸熟去保留鮮味。第二主角我認為係塊豬叉燒。應該係豬肩肉或梅花肉，薄切，口感爽。最驚喜係，佢有陣西班牙火腿嘅風味，明顯地有特別處理過。其他配料呢，中規中矩啦 。餃子方面，個網紅聲稱話好好食，食落

這間堪稱是大角咀區內得到最多好評，由日籍師傅主理的日本拉麵店，每次我晚上經過，總是見到一條或長或短的人龍在排隊等候入內吃麵。這一晚，難得地店外竟然沒有人在排隊等候，便決定與太太入內食返碗拉麵。我吃的「黑丸」（$88）是醬油豚骨湯底，太太吃的「白丸」（$88）則是鹽味豚骨湯底。我們都揀了較為掛湯的粗身麵條。兩款拉麵，除了湯底不同之外，配料都是三片薄片叉燒、半隻溏心蛋、一塊紫菜和大量的木耳絲與青蔥，唯一的分別就是她的「白丸」比我的「黑丸」多了一片提味的檸檬。兩款拉麵，兩款湯底，其實水準都不錯，味道適中而不過濃，不過我就覺得「白丸」的湯頭與從前我在北海道函館吃過的鹽味拉麵的湯底還有一段距離，沒有那麼清新。至於配料方面，半隻溏心蛋是好的，色澤鮮明而好味道，木耳絲也夠多，不過那三片日式叉燒就顯得太過單薄，肉味也欠香濃，較為遜色。不過這只得十二個座位的小店，一碗非特別版的拉麵只售八十多元一碗，而且不收加一，拉麵水準也算中上，要是不用排隊等候的話，還是值得一試。

星期日，來到大角嘴博文街，打算踫踫運氣，希望可以品嘗大丸拉麵。我和朋友未六時已到大丸拉麵，眼見只有兩三人在排隊，於是決定今晚一定要食到大丸。等了不一會就到我們了，我點了白丸，朋友點了蝦丸，我們還點了柚子soda. 湯底是我喜歡的那種，不鹹，味道剛剛好，豚肉很腍，拉麵也是新鮮的那種。店員似乎都是日本人，他們都以日文溝通。柚子梳打很重柚子味，好像有汽鮮果汁一樣。另外，還有儲分咭，下次再來便有小食贈送。今晚真的很幸福，能吃到這樣美味的拉麵。

由日本師傅主理，呢間人氣拉麵店喺好多群組都被熱推，之前經過呢間店都見到好多人排隊，今晚竟然只係等一張枱就有得食，一於試吓啦！🐚貝丸 $118貝丸係每日限定㗎，所以如果想食要早啲去排隊！我當日其實係晚上7:30pm 去食，好好彩order 到最後一碗，但我見其他comments 話佢地12:30/1pm 去已經會售罄！貝丸有好4隻大蜆，肉質肥美，好鮮甜juicy，超正 啊！湯底有得揀醬油味/ 塩味/ 蝦味，我就揀了蝦味。湯底好濃郁，有好香嘅蝦味同鮮味，會不自覺不停飲個湯！拉麵本身配料有薄切叉燒、溏心蛋同木耳絲。叉燒有三大塊，唔會太肥但好嫩😳溏心蛋亦都好入味，值得一試！黑丸 $88黑丸湯底係醬油豚骨味湯底，豬骨湯味都幾香濃，同樣有薄切叉燒、溏心蛋同木耳絲作為配料。雖然貝丸會更加有特色，但黑丸都已經好好味，亦都幾啱重口味人士！

⚑⚐ 大丸ラーメン @ramendaimaru /『大角嘴』 終於來朝聖一下 晚上排了快一個小時…因為是晚上來 所以限定的貝丸拉麵已經賣完了🥹所以想吃貝丸的朋友們可能就要在中午那輪去吃咯個人覺得他們的湯底整體偏鹹 麵體也不是我自己喜歡的叉燒和配料其實就中規中矩的整體來說沒有很驚豔 我覺得不需要特意排隊去吃🤣𖧷白丸拉麵𖧷黑丸來麵𖧷赤丸拉麵𖧷原味餃子📌@ramendaimaru 大角咀博文街22號地下B舖

呢間餐廳人氣爆燈，最深印象係疫情禁堂食果排，都可以有勁長龍條隊等買外賣。本身想試貝丸，可惜是日售罄。蝦丸粗麵 $98賣相好靚，勁多櫻花蝦勁震憾。啖湯好香濃，充滿住櫻花蝦味。塊叉燒比普通嘅日本叉燒好食，薄身成4 - 5 塊， 大塊嘅，我加埋枱面上嘅蒜泥食，即刻變埋蒜泥白肉咁，仲好食！另係隻溏心蛋，比普通嘅深色，好有蛋香同好滑。另外，將麵條同木耳絲一齊食，提升埋個口感，加上麵條掛埋啖啖湯汁，完美。餐廳好貼心咁預備埋昆布醋，可以溝落d湯到，等你飲埋d湯，因為餐廳主打無味精架！辛丸幼麵 $88叫咗中辣，味道啱啱好。湯底係豬骨湯底，好香濃，味道其實似出前一丁豬骨味，不過再次強調返，佢係無味精但做到出前一丁效果喎！原味餃子 （山椒及餃子汁）$35五隻餃子一上枱痴埋，但你食一舊又唔會好難撕開喎。想講佢連係餃子皮都好食！表面煎到金黃色，食落去成塊薯片咁，有埋肉汁味，勁香口。佢唔算多饀，但做到恰如其分。就算唔係點汁都已經好好食。

如果你係拉麵迷，一定有聽過大丸❤️由日本師傅主理既拉麵店，經常經過都大排長龍，店内位置大概有十個，注重品質，店員都十分nice。🍜黑丸醬油豚骨拉麵落單時可以自選粗麵/幼麵，如對麵軟硬度有要求，可落單前提前講聲。湯底非常香濃，黑丸係人氣湯底之一，果然無令我失望。豚肉叉燒好嫩滑，好有係日本食拉麵既感覺。🍜蝦丸豚骨拉麵拉麵超多櫻花蝦，湯底超級濃味但又唔會覺得油膩，比較少嘗試蝦湯底，覺得很有新鮮感。值得一提，溏心蛋超好食，蛋黃濃郁。總結而言，餐廳用餐體驗100分，員工服務態度非常好，建議大家都去try try❤️

拉麵控要注意啦!! 呢間係最近人氣拉麵之一, 由日本人主理夠正宗, 裝修具有滿滿既日本風每次經過大角嘴都見到呢間KEEP住有人龍, 小編今次就黎試試~🍜 白丸 (鹽豬骨拉麵) $88湯底係用豬骨熬成, 再加上鹽調味, 湯面仲有片檸檬比你調味, 麵底揀左幼麵, 夠清爽🍜 蝦丸 (蝦豬骨拉麵) $98呢個湯底好濃郁, 表面鋪滿晒櫻花蝦, 而麵底揀左粗麵, 麵底掛晒湯汁好好食🍜 自家製豚肉(3片) +$18🍜 關西風味日式餃子 +$40餃子上面鋪滿木魚絲同大阪燒醬, 再加埋沙律醬, 超夾～～～～～～～～～～～～～～～～～～～～～～📍 大丸ラーメンDaimaru Ramen地址:大角咀博文街22號地下B號舖※※※※※※※※※※※※※※※※※※※※※※※※※※※ 

經過這家小店很多次了，總是看到有10個人以上排隊等候。 今天終於在傍晚六點多一點去到，看到只有6個人排隊，就趕緊過去試試看吧！ 排隊時，服務人員已經出來給餐牌點餐，她有特別聲明點餐只能點一次，不可以加點，所以坐下來之前就要決定吃什麼了哦。 進去裡面，望了一眼，整間店只有12個座位，所以屬於小吃快餐店。 適合速戰速決的一餐。 如果要和朋友吃飯聊天，這裏不會是首選。海鮮豬骨湯拉麵 - 我喜歡蚌殼的味道，四粒大大的蚌殼很新鮮，湯也有蚌殼的甜味。 粗麵咬勁十足，麵很Q，好吃😋！ 湯對我來說有一點偏鹹，但是日式拉麵一般都比較鹹一點，我就不會把湯喝完，女生還是會怕明天起床水腫呀！

本人不是太熱衷於拉麵，我覺得再好食嘅拉麵都唔會有驚喜。上次去日本朋友堅持要排隊食嗰間拉麵，食完我一樣覺得咪又係拉麵。通常可能得兩塊叉燒，跟住就係啲筍同埋木耳絲攝下牙啦，啲湯夠熱又夠味，好啲嗰啲隻溏心蛋都可能會好食嘅，面就咪又係拉麵咁囉。不過，呢間係例外。我真係覺得好味。我真係會嚟完又嚟。唔係因為諗唔到食乜先嚟嗰種，而係覺得對自己嘅一種優待。曾經食過蝦丸。今日食個勁啲嘅$118。（唔記得叫咩名,每日限定嘅,有肥蜆嘅,都係睇開飯有人講好味就試下囉）結果，堅有滿足感。啲蜆肉漲卜卜，碗麵啱啱嚟嗰時我個人覺得係未熟嘅，仲食到少少腥味，食到最尾啲湯熱到啲蜆就啱啱好熟喇（途中我喺啲蜆肉度食到一粒好大嘅沙定係貝殼嘅嘢，銀色嘅，但係好好彩我冇咬崩牙）然後，仲要有三塊叉燒！！湯好夠味，有蝦味，又有豚骨味。啱味👏🏻👏🏻啱曬我。（雖然食到尾係覺得鹹嘅，不過佢又免費提供茶，咁我就覺得冇問題。）溏心蛋整得好靚，味道都ok。紫菜亦都唔會好寒酸咁得一塊，而係有三。大。塊！！！今次好貪心咁試埋餃子。但係，我覺得都係拉麵比較出色，而且搞到我食唔曬碗麵,下次都係淨係食麵算喇🩷

餐廳老闆係日本人，環境氣氛好好，拉麵嘅湯非常之熱，好心蛋嘅質量係日本蛋，好好食㗎，湯底更標榜係冇MSG，食完又唔會覺得頸渴，店入面嘅員工都好有禮貌，又設有八達通系統，水吧亦提供免費嘅茶。黑丸同蝦丸之間嘅分別，就係表面多咗啲蝦，湯底嘅味道亦都有少少唔同，我見老闆係落咗兩種唔同嘅粉，所以就會有唔同嘅味道啦。 食完碗麵會覺得好飽，男士都唔使擔心㗎，我仲叫咗1份$35嘅煎餃子，餃子嘅質量好高，因為餃子嘅面一邊係脆嘅一邊係軟的。

📍大角咀 𝚃𝚊𝚒 𝙺𝚘𝚔 𝚃𝚜𝚞𝚒❝拉麵關注組人氣之一🔥長期有人龍! 由日本人主理🇯🇵最近食過挺滿意的拉麵!🍜❞拉麵關注組人氣拉麵店之一 店內幾位師傅都係日本人 夠晒正宗！平時每次經過都有人龍 店舖細細 好似去咗日本咁🙌🏻🥰呢度既拉麵足料又大碗 性價比不錯！🥳🐚🍜貝丸 $118 （4/5)🦐🍜蝦丸 $98 (4/5)每款拉麵都有3塊慢煮薄叉燒 糖心蛋 木耳✨貝丸係新推出 每日限定 嗰日咁啱order到最後一碗✌🏻(當時12:30pm炸!😳)湯底以海鮮熬製 多份鹹鮮 有5隻大蜆 肉質肥美新鮮!😍至於蝦丸既湯底豬骨湯 濃郁厚稠 配大量櫻花蝦～食到最後會有啲膩不過好滿足!😬꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍大丸ラーメン大角咀博文街22號地下B號舖🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_大角咀🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦 /𝘧𝘰𝘰𝘥…#joys_日本菜 #joys_ramen