大利清湯腩 (已結業)

已經有一段時間沒來吃清湯腩了，一如以往不去在旁的華姐而來這邊的大利。我們一行三人要了一碗牛肚，清湯蘿蔔、兩碗腩河和一碟爽腩飯。(沒錯，爽腩飯就是我要的)今天的蘿蔔沒了那份甜味而有一點點澀味，應該是蘿蔔不靚的關係，但是還是入味而無渣的呢。而同事們的牛腩根據引述，她們都感到還不錯的樣子。而我的爽腩飯，腩邊很有咬口，爽口彈牙的橫膜煙煙韌韌的，很不錯的感覺。可惜筋膜的位置偏多，不怎樣吃到有肉的位置。而這碗清湯牛肚，全部的位置都是金錢肚來的。口感煙韌得宜入味腍身，說不上是極品，但是要找"對手"也不是一件易事呢。這兒的水準保持得不錯，或者是因為有競爭者在旁而沒有鬆懈下來的成果吧﹖

試食今站去到大利清湯腩,一試佢地個招牌牛腩河先講湯底,顏色係淺啡,清得嚟一啖dap落牛肉味幾香濃,牛腩五片大大件,有筋有肉煮得淋,易趙!筋位幾爽口,過癮!河粉份量適中,一碗已經夠飽肚下次同朋友再嚟食

與小二即慶約食lunch, 今次捨CWB取天后. 一出地鐵就見到華姐同大利, 兩間都想試, 最後試了後者貪其有位.點了牛腩米及牛肚河, 湯底清有牛味並不突出, 牛腩和牛肚都幾淋, 牛味亦不俗, 但見其他食評說沒有牛味, 也許是我們好彩呢 ^^後加的蘿蔔沒有渣 (又是好彩), 略帶甜味, 大大的一份, 比油菜抵吃!我覺得這裏的凍檸茶比很多茶記都好, 有茶味, 而且價錢亦算抵(熱飲$9, 凍飲$10), 不錯!不過見不少食評也說隔壁的更不錯, 要試試!

大利就在華姐側邊，下午時分竟然半滿，而隔壁卻沒有人，看來必有過人之處。沒吃清湯腩，叫了牛筋面，才18元；牛筋倒不少，燜得夠淋，面有咬口，不錯不錯。可惜湯底偏咸，也不香，沒有牛味，華姐勝一籌。湯底不好，看來也不用再試清湯腩，價錢倒算偏宜，OK啦。

昨天跟同事又去了天后吃午飯，除了附近的順壽司外，最常到的就是大利清湯腩~即使有很多食評說旁邊的華姐有多好，不過午飯時間講求的是不用等候又不太迫夾為首要考慮的條件，再加上兩位同事都反而覺得大利的味道比華姐的好，在民主社會之下我也只有小數服從多數(2對1)了....印象中，從前的大利是頗受歡迎的食店，到後來分店開多了，水準亦都下降了。清湯腩講求的是肉味不會被湯底蓋過，肉質一定要煮至淋而不會自己散開。因為早上只吃過了一份三文治，所以沒有點伊麵而改了配飯，雖然比麵食貴了十塊有多，但是牛腩的份量也有增加。在旁的有一碗清湯，它不時會傳來陣陣的高湯味道，令人食慾大增。牛腩尚算可以，肉味和柔軟度也算是合格，加上我點的是肥腩部份，肉質會比瘦腩更淋、更滑。清湯帶甜而濃，喝多了會有點口喝的感覺，該不會是味精的關係吧﹖﹖至於腩汁蘿蔔，入味而沒有渣，總是覺得蘿蔔有沒有渣講求一點運氣，始終能揀出來的也只是表面，內裡的怎樣也看不出來....價錢方面不算是大眾化，一碟腩飯要$35，比茶餐廳貴了三份一左右。各位在點菜的時候，是可以要求不同的部位的，例如:全瘦、肥腩、坑腩，爽腩等等

隔離店排長龍, 見到這店無咁多人等位, 所以諗住比次機會這店, 入去試下.點了招牌清湯牛腩河, 湯清得來夠濃味. 牛腩好"林", 一點都吾韌, 河粉粗幼適中. 腩汁羅白入味, 而且夠"林". 店員服務普通不算差.下次會試下咖哩牛腩呢.

相比起隔離華姐, 呢間野真係不知所謂牛腩瘦位無味又唔淋, 肥位好膻, 湯底叫做不錯, 但河粉好厚, 又煮得過火. 蘿蔔好多渣! 辣椒油又唔香. 咁叫名店? 咪話同九記華姐群記比, 一般好少少既清湯腩都好過佢. D 人又無禮貌, 野又唔係平. 係環境叫做唔算好逼好污糟- 之但係, 如果D 腩係得既話, 相信無人會介意呢D野掛.

好遠去天后, 一心想去華姐度食野, 差不多到11:00, 佢仲未開, 所以咪俾多次機會永利囉, 點知佢d牛腩真係好唔得, 又鞋又無味, 好似食緊d凍肉咁, d 菜煮到淋晒,我唔會再貪一時方便啦, 唔會再心軟俾機會佢. 仲有, d 女人(應該係老闆), 講是非好大声, 好嘈好煩.

本來嚟呢頭食上海野,點知經過又想入嚟食,唯有下次先食上海野啦!牛腩-唔夠腍,哂牙,而且有少少肥膏,啲肥膏有陣味,所以我都係鍾意食炆牛腩嗰啲腩(係未即係白腩?)多過清湯腩.碟油菜得八條,將四條切開一半,唔底!

成日睇openrice講食牛腩都會去華姐/大利食清湯腩...前一陣子搵左個星期日走左去試吓啦..基本上星期日3時左右2間都要排隊, 自己一個人見到大利店無咁多人就走左入去坐..當然咁多人坐位都好迫吓..無所謂啦為左試吓佢地既牛腩係咪真係咁正..叫左碗牛腩麵...老實講真係食唔出有咩咁正要賣成20多元..佢只不過比起一般既牛腩淋d...唉..我真係一個唔識食好野既人

這裏環境尚算干淨,點了牛腩撈粗跟一碗清湯!湯我覺得咸左少少，但係飲落又覺得好有牛肉味..麵質好像很乾，但係原來加少少湯就會變得很鬆軟，牛腩很林但又不是一夾就散個隻，林得黎又有咬口，與坊間求其的不一樣，有牛肉味，彈牙鬆軟，牛腩好食!

專程再會華姐，可是今天剛巧是華姐的新年補假。好意外，想也想不到。只好踏失望加沉重加懷疑的腳步，慢慢的來到此店。其實之前都來過大利，只是沒有深刻難忘之記憶。今天吃了爽腩金錢肚尹麵、腩汁蘿蔔、汽水。蘿蔔外脆內硬，因還未完全熟透，還差五分鐘罷。爽腩還是可以，但硬了一點。金錢肚不好也不差，只是一般。最重要的湯底，比一般好，但沒有一飲再飲的衝動。至於服務，只是聽到店員不停埋怨自己很忙，嘴裏就埋怨顧客坐了一會還未落單，我想大家心中有數。若果不是遇上華姐休息，我想，我是不會再來。

專程到老銅華姐吃牛爽腩,點知今日華姐補新年假,重門深鎖.無奈到隔離的大利.中午十二點十五分,店內不到十個客.叫了牛腩撈麵,起了價,要三十五元.可幸份量依舊.十分鐘有得食.腩是半肥瘦,淋度剛好,不痴牙.麵的份量比華姐稍多,爽口而無梘水味.很好.遜色的是湯底.有牛味和骨味,但郤欠華姐湯底的香氣和味道.和回甘的感覺.服務方面亦沒有華姐的親切感,只是純食客與食店的交易.沒有賓至如歸的感覺.沒有再回來的必要.因為沒理由放棄更好的東西吧!

行過見到呢兩間都好多人，但大利門口無人等，即入o黎啦！當然叫招牌菜：牛腩河。見到Ｄ湯咁清，正！牛腩都好清爽，但略韌。可能呢區都叫近銅鑼灣，呢個價錢食一碗唔係咁夠飽O既粉麵呢！

見話出名米試下o羅. 清湯牛腩麵, 麵條係極度普通貨色. 算啦, 個湯同牛腩好味就夠. 但係湯底淡而無乜味, 好唔得. 牛腩又黐牙. 嗜辣的我唯有狂加辣椒油食埋碗麵去