大利清湯腩 (已結業)

清湯如湯水, 可以話係無味.....賣相差.....全肉, 湯底透明牛腩無味, 又老, 係一啲未都無.....到白灼牛肉放入口無分別....仲收28蚊一碗.... .\ /. 當你食過呢間, 就知道咩叫全世界最難食既牛腩......超失望咁既質素, $14就差唔多....

Randomly pick this restaurant after soccer at Victoria Park. Saw an articale from "Ah So" and it should be a save pick. I ordered the clear broth beef Brisket with "Ho Fan". The broth is very sweet, in fact too sweet probably becasue of the MSG; don't get me wrong I am not against it and it is actually very tasty but I think they put too much MSG in it (I was very thirsty for the next couple hours). The beet brisket is tender and the ho fan is cooked perfectly. If you do not like MSG it is

行過天后電器道, 成條街都只得清湯牛腩既食店, 無時間選擇下, 見呢間門口有阿蘇既推介, 心想呢間一定最正, 梗係即刻走入去啦!　食評如下 ~清湯牛腩麵$28 ~ d 湯好清甜, 但味道唔似係純正, 估計有落味精, 麵好重鹼水味, 牛腩鞋鞋地唔腍, 好一般既貨色咋噃!墨魚丸鮮蝦雲舌雙拼河粉 $27 ~ 河粉好細滑, 墨魚丸亦幾彈牙幾有咬口, 但鮮蝦雲舌真係唔得, 細粒啦, 一咬開係變晒色既雪藏死蝦仔 + 豬肉, 咦...........勁唔好食!凍檸茶 $10 ~ 好香紅茶, 又夠凍, 唔錯!總括黎講, 以本人食牛腩既經驗, 呢間店既牛腩麵非常之一般, 唔明點解阿蘇要幫佢推介囉.服務方面, 不過不失, 無得罪客人, 又唔會好熱情,　普通啦!

經過天后，行了去大利清湯腩醫下肚～我叫了個清湯牛腩麵，牛腩食落都算夠淋，但係唔夠入味，麵食落真一般過一般，湯底亦沒特別．．．相對之前的印象退步了，希望下次會好ｄ啦~~~

o係附近學整完opera cake，又無食dinner，就去o左呢度o黎個宵夜先前食過旁邊o既華姐，今次就試o下呢個對手如何爽腩伊，盛惠$28湯係清甜，爽腩係爽，唔係廢話。味道口感俱佳只係個人地覺得伊麵少了點伊麵味印象，反而更比華姐高分少少咁

我覺得有少少名大於實, $42個咖哩腩撈, 好一般啫, 牛腩太淋份量又唔多..... 應該隔離果間好食D.好耐之前都食過佢D清湯腩, 普普通通, 有好多地方都比佢整得好食, 今次咁岩行過見唔係好多人諗住試下D咖哩啦, 都係冇驚喜~!! 分分鍾茶記都好食過佢 >"< 因為佢有咁上下名氣, 我預左係好食果隻, 如果唔係咁出名都唔講啦!

封筆多個月，一上來就氣憤難平，不寫個食評睡不著！大利清湯腩，聽過同事說九記以及這裡的清湯腩比華姐好，記得對上一次華姐試清湯腩時已覺水準很高，自然對大利的水平以及expectation都大。殊不知還未入口，筷子一夾牛腩已覺出事，問題是太韌、太硬，咬下去牛腩乾、炆得不夠腍，牛味不足、黏牙，可說是茶餐廳之中最劣質的水準，再試湯底，味精重，金錢肚欠缺味道，麵質一般，狠一點，幾乎可以用「垃圾」來形容，實在失望，大利清湯腩怎會聞名？？華姐清湯腩才是我那杯茶。

http://hk.myblog.yahoo.com/naodai09/article?mid=229成十幾年無食過大利清湯腩，也忘記他搬到那裏，咁啱今日走過見到，門口玻璃照例也貼住一個所謂食家 - 「阿蘇」。問一下有無坑腩，可惜沒有，叫咗碗清湯牛腩伊面，二十八圓，比起其他地方貴很多，食落是好腍也沒有渣， 但是不入味，湯底也沒特別，只是沒有油（如果另外買要5元，不值），伊面也是煮得不好。（50分）食家看來越來越不能信，要給會她一個交加手同NO NO NO。

今日等男朋友放工然後同佢d同事打羽毛球 諗住求其食小小野先 加上母校係天后 我對大利亦有唔少回憶 所以去懷緬下清湯腩麵可惜都幾難食 牛腩極鞋 乾到... 要趙好耐 麵亦太淋 最後食左細半碗就交比男朋友 失望又貴!!!

平時食開 "灣仔大利清湯腩" 及 "華姐" 都非常好味, 但今晚一條友心思思想飲碗牛肉湯, 我食開灣仔大利, 以為價錢同份量都一樣, 咁就叫咗碟"牛腩撈粗", 點知發現佢寫 $42 蚊, 心諗算啦唔同區, 灣仔係三十幾蚊之麻!碟麵一黎就後悔死, 牛肉湯細碗到死, d牛腩妖, 3份2係柴皮牛腩, 痴晒牙, 簡直影衰晒大利個名, 浪費錢, 以後列入黑名單, Bye Bye ! ! !

成兩個月無食過清湯腩，咁啱今日去開附近咪心思思行去食囉，坐低叫咗碗「坑腩米」，個黑面阿姐 (其實佢哋服務不嬲都差嘅！) 掉低張單時見佢寫咗 28 蚊，咦食開不嬲 25 蚊吖嘛，阿姐寫錯價？我望吓個餐牌，嘩…真係又加價…？最後嚟咗碗肥腩米，個黑面阿姐話無坑腩，所以同我揸主意食肥瘦腩……我一路食一路諗「唉…又加價…又受氣…」當快快食完離開後，見隔離…咦？「華姐清湯腩」無加價嘅…嬲嬲哋同「華姐」買碗「坑腩米」外賣，個湯分開上都係收我 26蚊咋！ 咁「大利」你就實在過份啦，門口玻璃貼住「阿蘇」前排响「蘇GOOD」嘅推介，你被人推介吓就招招績、得得戚？你隔離「華姐清湯腩」好食過你啦，平時見你唔使等咁耐至幫襯你啫；你就咁巴閉？介紹吓就人唔加你加？ 最過份係一加就加成三個大洋，各位評吓加得係咪過份先，加成個波蘿包價錢呀… 係你係有權加幾多都得，我都有權唔幫襯你啫，所以從今以後，就算「華姐」都加到 28 蚊我幫襯「華姐」都唔再幫襯你「大利」呀。 帶頭加價不特止仲要加咁多…你不如改名叫「暴利清湯腩」吖笨！！

之前成日去灣仔嗰間大利食, 覺得好好食(坑腩).以為呢間都有番咁上下, 點知早排同老豆去食, 佢比埋d牛腩似煲湯肉. 喂, 用得呢個名,係咪應該比番d好少少部位? 上星期冬至行完工展會, 諗住試多次啦, 點知同上次一樣, 個撈面仲衰, 話用清湯撈, 真係清, 清到冇味, 成$40碗, 呢d質素, 呢個價錢, 食鋪租囉!我諗好多唔出名嘅舖頭好過佢.

食過幾次,成年先幫趁一次,印像中上次冇咁貴,食物亦較美味..只能說,大不如前..和九記一樣..唔憂做了牛腩河----不夠腍,又不香,河粉比牛腩好吃多了,未了河粉我吃光了,但牛腩我留下三塊沒吃,可想而知牛腩有多好吃...$28元是不值的咖哩牛腩飯$42-----除了水水的咖喱汁外,是又乾又瘦又少的牛腩..置在彷如酒樓的白色小碗上...唉!是那麽矜貴嗎??吃落口的咖哩牛腩,滿口鞋肉,一口是渣...值40元??不太像吧!!十一元一杯的凍檸荼倒是值得一讚,荼色靚,有荼香,又不太甜,配著檸檬太美味了..可惜我不可能為了這杯荼再幫櫬...浪費了一個好的荼檔喊面比得不後悔..

呢間咁歷史悠久由細食得大嘅清湯腩, 咁耐無黎難得今日黎開天后買拿破崙, 咁當然要食番碗先啦 ! 見距隔離有間叫華姐清湯腩, 排晒長龍咼, 又帖晒D名人光顧嘅相, 都有心思思想試呢間喇, 但一黎自己好討厭等位, 二黎一心諗住回味大利, 咁就走入去啦 ! 叫碗好簡單嘅清湯腩河, 一黎到見到D牛腩個心已經講 "吓? 唔係啊嘛? 屋企煲湯D肉都係咁上下款咼 !" D 牛腩肉係乾的, 食落我唔使多講大家都想像到有幾好"趙"頭啦 !! 唉....眼見隔離排晒大隊, 早知真係試隔離啦 !! 徙咗我個胃D位喇 !!

今天晚上0丅完,想食D嘢先返屋企o行到呢兩間清漡腩門口,不如就食吧!兩間我都在門外看過,華姐坐滿人,呢間就大把位任坐,自己一個人梗係唔等,食完就走啦!我叫了一碗清湯腩湯河,$25。個湯望落去好肥“利”咁,牛腩排得又唔整齊,賣相唔靚。飮啖湯,好似飮緊油清湯,湯底都唔夠味,都幾淡,仲好油呀!牛腩係好〝淋〞, 但好〝鞋〞呢!食咗大半碗已覺好〝油利〞,痴晒牙,周身唔舒服!D女伙記同煮麵D大叔又大聲傾計,好煩呀!快D埋單走人。有一段時間都不會食清湯腩住!下次應該會試華姐呢!