大勝丼 (已結業)

星期六大概5點到時間 原本諗住食同一幢樓其他食店 但因為嗰個場有包場活動 就轉去食大勝丼 點知去到門口 見佢地執緊野 set緊場 都差唔多set好 咁我地就問一問係咪未開門 跟住有個中年阿姐行過黎黑口黑面問 你地幾位 有冇book枱 跟住就用溫度槍量體溫 體溫岩岩好37.6度 黑面中年姐同我講 你唔入得 跟住轉身入返去 就算個客真係唔合符體溫要求咪好聲好氣講 唔使咁既態度

旺角黃既日本料理有唔少，其中打對面兩間丼飯都好抵食好吸引，平日夜晚黎到要等個半鐘先有得食 諗住分散投資下，不過見間間都咁好生意💛 變相行左陣街就返黎最想試既大勝丼，發現真係好值得等小店既裝修好講究，就算有文宣都唔係求其痴，其中open kitchen bar幅牆真係整得好靚 十一個月黎都不忘五大訴求，提醒大家初心不變，仲有就係手足會拖住手一齊行落去。每個丼飯會送麵豉湯同埋雪米糍做甜品，飲碗熱湯先食凍冰冰既刺身，簡單得黎又貼心。呢度既小食有好多選擇，其中炸蠔最吸引我地。$58估唔到有五大隻咁多，炸得香脆乾身，而且唔係放題好厚炸粉果種，呢個咬落去好多汁鮮味今晚三文魚腩同油甘魚腩賣哂，唔係腩既部位無咁肥美，但都新鮮。友人要左三文魚、劍魚腩、海腩同埋蔥花吞拿魚蓉。我就要左蔥花吞拿魚蓉、帆立貝同油甘魚。丼飯仲可以揀白米或赤米（醬油醋），不過我地都係簡單要左白飯。我地分享完之後變得非常豐富，咩都可以試下。 非常欣賞呢度既海膽，其貌不揚，但十分鮮甜、口感嫩滑，仲可以用紫菜包住黎食添。蔥花吞拿魚蓉望落無乜油脂，但食落去好香好滑，每次食丼飯我都一定會揀，令到每口飯都好滿足 熱辣辣既天氣最希望有涼浸浸既刺

旺角 #大勝丼呢間餐廳地方寬敞，坐得舒服。 💛坐低未叫野食，就比碗熱辣辣既miso soup同熱茶你先。落完單飲岩岩好。 😚😚除咗menu既指定丼飯，仲可以自選食材。 我就揀左甜蝦、鰻魚同芥辣八爪魚。甜蝦同八爪魚新鮮，唔係臨時臨急解凍比你果種。最欣賞佢個鰻魚，煮得好好味呀! 甜甜滑滑之餘又食得出魚味；眼見到骨但完全食唔出的。大勝丼既食物加埋環境絕對值回票價！而家堂食同外賣都有折(應該係88折或以上)，超抵食！係旺角返工既我應該會一個星期食一次。下次再報告！ 😋😋

鬧市之中當然要揀有質素嘅良心小店啦！呢間壽司店同一般日式壽司店相似。壽司、當飯、小食，全部都應有盡有。同朋友一齊去食嘅話可以好多選擇。今次我哋就揀咗自選丼飯，自選丼飯可以自己揀唔同種類嘅魚生😊唔使驚叫咗唔啱食😝咁多種自選配料裏面，我就最鍾意食蟹膏、三文魚，蟹膏味道非常甘香，入口即溶，送飯一流。🤩🤩🤩另外，三文魚尚算肥美，三文魚子入口後有爆水嘅感覺，三樣餸輪流食係最佳享受😻提提大家，下次你記得要預約啊！😛

呢度嘅丼飯可以自選材料, 變相樣樣野都係自己鍾意嘅. 魚生未食都知好食, 因為色澤靚又飽滿. 特別推薦蟹糕同魷魚, 蟹糕好幾鮮味蟹味濃. 魷魚好彈牙, 咬落去可以一啖咬穿層衣, 一個字 "鮮"!韓式豚王爆丼, 幾惹味, 瘦嘅五花肉, 但係豚肉太硬亦太嚡口, 唔算好食味噌湯味道一般 勝在夠熱同足料

一開lift門就比鋪天蓋地嘅文宣震懾住其實係佢變成深黃店前已經食過一次，而家超級無敵多人，真係要訂位先得上次食牛丼好食，今次試返魚生丼，望住張自選紙我又選擇困難症發作，所以揀menu上面併好左嘅丼～有三文魚子、帶子同三文魚刺身全部都好新鮮又厚肉，大大件勁開心食三文魚子最怕會腥，冇腥之餘咸度剛好。帶子雖然唔算甜但有鮮味，三文魚就非常肥美值得一讚嘅係佢嘅飯煙韌軟糯，仲落左d味素，冇吸取經驗少飯，飽到上心口啊，魚生都食淨一兩舊嘥左個餐仲跟一大碗味增湯同熱茶，不過食完肥美魚生再飲埋立即消一消濟

半年前食過覺得唔錯，今日再到店用餐，質素可謂大不如前。我老公食既係自選丼，三文魚+劍魚腩+吞拿魚+蟹柳，老公覺得除劍魚腩外，其他刺身都冇味。我食左一啖老公既吞拿魚刺身，入口梅既。我食帶子海膽丼，另外再加甜蝦刺身。甜蝦刺身一上枱就見到啲甜蝦頭黑晒，唔知放係水到浸左幾耐，夾起刺身滴晒水。入口唔凍，毫無刺身應有保鮮既基本凍感。非常後悔冇即時退貨。帶子海膽丼，帶子海膽可接受，正常水平，三文魚子鹹到不得了。老公同我碗飯係熱既，唔係暖，係熱，隔住個咁厚身既碗都摸到係熱。行到通達附近已經開始搞肚痛，返到屋企，老公同我輪流入廁所，兩個都腹瀉。提供如此劣質產品，煩請貴店能認真檢討。

幫襯同路店已經喺日常之前已經有食過大勝丼服務同食物都好好但今次真係唔掂，開門十二點去到門口妹妹有笑容服務好好但外場落單上年紀丫姐口黑面黑隔住口罩都感覺到佢怨氣落單無油甘魚腩同三文魚我同佢講唔好意思，我再睇下其他食物佢一句嘢都無講就轉頭就咗因為本身主打想食三文魚腩同油甘魚但兩樣都無，睇唔啱其他食物我就無勉強主動同丫姐講返唔好意思，我睇唔岩其他（當時未落廚房單）點知個丫姐西口又西面，睇到眼神都唔開胃以加係我要食材點餐，你地供應唔到我走果陣無講返句：唔好意思，下次再嚟都算啦仲要口黑面口，希望老闆為大局著想可以加強下外場基本服務態度，否則再好味的食材都唔會留低客人嘅胃！

哩一間其實我已經食左都五次以上每次黎都一定揀佢既自選丼飯 （送湯同甜品）佢+20蚊就直接有野飲同沙律前菜我次次都+我最鐘意食佢既三文魚腩 仲有海膽好好好新鮮！個飯今次食好似大碗左 比之前食更加飽肚！

無諗過喺旺角嘅鬧市入面都搵到咁高質嘅魚生飯，雖然要搭lift但上到去都勁爆場，一出lift就見到文宣牆，等位等到悶嘅話仲可以睇吓啲文宣。。。不過小編提提你最好就book咗位先去啦，慳返啲時間食完再去幫襯多幾間黃店嘛😝 嚟到大勝丼食飯，可以叫餐牌上面嘅丼飯，又可以嗌自選丼，仲有碗麵豉湯跟埋～餐牌入面仲有個$148嘅「厚切三文魚雙子丼」，同「北海道三式丼」一樣有三文魚同帶子，唔同嘅係雙子丼有三文魚子，但三式丼就有海膽，諗咗好耐加90蚊三文魚子轉海膽抵唔抵，好彩食落口發現自己無揀錯😆 海膽無苦味，好清甜勁新鮮，三文魚勁厚切，feel到啲魚油，帶子就好大粒好鮮甜，度過每粒有5cm😂 啲wasabi都係日本正宗嗰啲，但小心如果一大嚿啪入口都會好似食TG咁🙈 整體嚟講超高質，正到哇哇聲，唔夠飽仲可以加麵豉湯同加飯🥳

大勝丼食過好多次，每一次食仍然保持水準，所以出旺角諗起日本嘢都一定必食😋主打係壽司丼飯，另外都會有小食，如果食完我當飯仍然覺得唔夠飽可以試吓，但係呢度啲刺身丼飯抵食夾大碗，可能要大食積先食到喇😜😜刺身丼飯選擇很多，但我比較喜歡好似車仔麵咁擇餸，每次食我都會揀四樣餸今次我揀咗三文魚，蟹膏，左口魚邊，同埋吞拿魚腩茸！係逐樣餸計錢大致上飯很大碗，最值得推薦係蟹膏同左口魚邊, 蟹膏份量勁多可以同朋友share，容易送飯♥️左口魚邊火炙用火槍燒過，入口甘香即溶，必食之選！另外每碗飯都會附送麵豉湯一碗，及返後會送雪糕糯米糍一粒，晚市比較多人記得預約

等位途中見到有位食客量體溫不達標，仲要量左兩次仲係發燒，但之後店舖仍然比佢入座😰雖然每人體溫不一，有人可能會體溫熱d，但而家疫情期間，係咪應該嚴謹d呢？食物方面，質素正常，但等得比較耐。用餐時間只有一個鐘，但有廿幾分鐘都等緊食物、等緊餐具😓😓😓 正式食既時間都係得廿分鐘鬆d，趕頭趕命⋯ 上次黎已經係咁，以為咁岩得咁橋，但今次又再等咁耐，忍唔住要寫食評😑😑門口貼住不接待有症狀人士⋯⋯ 但事實係體溫過高都可以入座

自選丼 至少要揀三款揀左帶子 辣味三文魚 刺身蝦食材都新鮮 食落幾好有湯又有野飲價錢正常啦 但勝在openrice bk位有88折不過服務實在有點差黑晒面咁 心諗 我得罪你呀？環境方面 普通 有啲嘈同埋冇乜日本餐廳既感覺

味噌湯好多蘿蔔魚生丼好似車仔麵咁揀餸，唔一定叫default嘅set我揀左紅醋飯+蟹糕+油甘魚腩+芥末八爪魚+灸燒左口魚，特別推介油甘魚腩同左口魚另外試左個炸雞，熱辣辣，即叫即整埋單仲送你Yell Card!!!

魚生丼可以自己揀配料，設計貼心。好鍾意食日本嘢，特別係魚生丼！一碗過，啖啖肉咁食，嗰種感覺真係好頂癮！ 其中，旺角大勝丼就係我至愛嘅飯堂之一！ 三文魚＋吞拿魚＋玉子＋蟹籽魷魚，都係我至愛！ 套餐附送嘅沙律，有蟹柳、青瓜絲同蟹籽，好大份！我鍾意呢度嘅丼飯款式夠多！提供咗熟食丼、魚生丼、自選魚生丼，以及一系列小食，價錢都係百零蚊左右，唔算貴。我今次就揀咗自選魚生丼，呢度至少要揀三款餸，款款餸唔同價錢，再另加飯底、轉套餐，可以freestyle想要咩就要咩，感覺巧開心。 我呢碗係三文魚＋吞拿魚＋玉子＋ 蟹籽魷魚；朋友那碗係三文魚＋吞拿魚＋帆立貝＋劍魚腩，整體海鮮都好高質，鮮甜肥美，雖然唔算好厚切，但質素對得住個價錢。 芝士年糕比出面嘅好食得多！外面好薄，內餡熔熔的，好正！我另order咗炸芝士年糕、炸雞軟骨，我好鍾意呢度嘅芝左年糕，對比出面個皮無咁硬同厚，外脆內軟，好正！ 炸雞軟骨酥脆可口，幾有口感。雞軟骨就正常水準，好酥脆爽口，同沙律醬好夾！ 門口紅燈籠就係大勝丼嘅標誌。附上menu部分節錄：