大喜屋日本料理 (已結業)

兩年前幫襯過一次，印象中刺身十分新鮮，所以今次一家人食飯，決定再返黎食。主打必食：象拔蚌-鮮甜爽脆鱆紅魚-新鮮甜美甜蝦-大隻肥美北寄貝-好食芝士年糕-名不虛傳，勁好食焗蠔-味道唔錯，但蠔比較細隻帶子壽司-帶子鮮，但細隻蟹子壽司-蟹子好食，紫菜脆口燒雞翼串-好細心將兩邊骨分開燒，易熟又容易食雞軟骨串-好味，唔太咸可以一試：三文魚-一般吞拿魚-似瘦肉，bad燒羊架-肉質靭海鰻壽司-一般天婦羅墨魚餅，蕃薯，蝦-粉漿比較厚冷烏冬-太淋，唔好食

唔好以為我話0分鍾等位時間就唔駛等呀!要等lift ga!D野ok好味刺身ok新鮮首堆象拔蚌刺身, 彈牙鮮美, 無得彈可惜既係刺身下的冰一路食一路溶....就變左'水浸魚' 應該加層保鮮紙漏單情況係零 反而有擺D我地冇嗌既嘢喺我地張檯壽司竟然係冇味既焗廣島蠔-都係淡口小型海胆手巻-呢個我最嬲小型既係海胆, 飯同海胆既比例係1:1000我都唔明點解D海胆可以咁細'peck'佢細'peck'都不特止, 仲要薄let's not forget the twin brother:小型吞拿魚碎手巻呢個睇圖都知嚇人啦好似仲少過海胆沙律-D醬唔夠, 又係淡口燒物: (應該係最好既)牛油雞脾菇-juicy, 一放入口就叫左一聲:'好味呀'燒羊鞍好好食燒牛舌-正, chewy牛油栗米-普通枝豆-普通最唔明就係食完成餐飯都係口淡淡, 好似求其食D嘢填飽個肚雖然有D野係好食, 但係唔會再去唔通淨係食個几樣?算吧啦

三文魚、甜蝦、榮螺片、象拔蚌超新鮮，首輪上枱的刺身特別裝飾給客人留下深刻印象，呢間食肆知道first impression is very important.👍👍👍酒煮螺好味，Mummy 食到lam lam脷，牛脷,燒雞翼，炸蝦天婦𡤢，南瓜及蕃薯天婦𡤢炸得好脆，漿粉薄薄的。沙律，生果，汽水有無糖可樂。是日各位客人吃得肚子滿滿的離開。總結：食物品質👍侍應的服務態度都Ichiban，接單、食物上枱至收回食物器皿都快手快腳，笑臉相迎。Very nice😍😘

there were altogether 10 of us going to this restaurant on a friday night. we called the restaurant to book in advance. but we were required to make deposit! we were a bit turned off in the beginning...but anyway we paid (via ATM transfer) as i heard that the food of the restaurant was nice... juz gave it a go...we chose the timeslot 1800-2030. the restaurant is small and packed. 10 of us had to squeeze together. it's not that enjoyable if you wanna have a relaxing friends gathering. about the f

之前, 我黎過大喜屋無數次,只因佢地方雖窄,但從不漏單,服務質素良好, 刺身熟食均有保證今日我再度光臨,價錢依舊, 未知質素如何?BOOK了位,一入到去,冇人招呼, 拍拍WAITRESS小姐,希望佢幫個忙比我地坐低先,WAITRESS小姐卻斜眼兼帶鄙視說:先生, 男女授授不親, 你唔好掂我!"哇, 服務態度非常差勁, 但因為同家人一齊,加上之後經理出面調停,我亦冇打算比呢種零服務態度既服務人員打擾我雅興食物方面,真係好失望,刺身唔新鮮,壽司細件, 亦好散,天婦羅不如以前用較新鮮肥美既食材,而家既細且唔新鮮,燒物退步較少, 盬燒雞翼保持水準, 但是之前既招牌芝麻雞翼消失了...羊鞍非常蘇, 不過是本人能接受既程序冷稻庭烏冬好難食, 太淋, 麵汁多薑味卻冇乜其他味牛柳粒, 開水煮熟一樣, 肉質UN, 肉汁滑失嚴重,豬頸肉炒菌又係用開水煮一樣...焗蠔D肉細到有兩隻唔見左隻蠔...其餘一般, 冇特色, 不贅

上年8月試過尖沙咀分店. 一年後試試中環店.有驚喜喎!! 諗住星期一無咁旺. 錯晒…座無虛席. 我地五人安排坐大卡位. 好舒服. ( 可能係三星期前訂枱啦 ). 落單即叫飲品. 全部罐裝.食物黎得好快.凍品夠凍.熱食夠熱…這一点已扺讚! 刺生 - 三文魚,油甘魚.吞拿魚.甜蝦..全部夠凍.味鮮.炒雜菜 – 菜爽甜.炒得剛剛好枝豆- 好粉.認真麻麻. 不試也罷蟹子沙律 – 唔夠沙律醬. 店員立即送上沙律醬黑椒牛柳粒- 肉味豐厚.多汁煮牛舌 – 賣相和味道都係麻麻. 監燒牛舌 – 肉味香濃.有口感. 汁煑東風螺 – 螺肉清洗得好乾淨.汁清淡.螺肉夠爽甜.焗廣島蠔 – 好多白汁.蠔細細隻.好好食小型海胆手巻 –.飯少.海胆都少,因為紫菜夠脆.我地 order 咗兩次鹽燒鯖魚 – 熱.香.無鯹味 住食無映到以下食品:稻庭烏冬 – 太淋.不值推介蟹粥 – 鮮甜 埋單時,每位食客奉上雪糕一杯. 因只有朱古力味.我地五人只要咗一杯. 店員態度親切有禮. 仲幫我地映相添!! 令食客感覺舒服. 希望呢個水準能持續下去( 食品和店員服務). 我地比十個 good good good 佢地呀. 中環大喜屋.

放題之前都食過好多間,吉x,2000x,青x個d食過哂都覺得麻麻..入正題先!! 呢間真係唔錯~一行8人去食..成個星期之前bk左位,食845pm,要係樓下等成半個鐘先上到去~(指定動作)一開波就刺身,d三文魚幾厚又新鮮..象拔旁勁爽口..油甘魚好正.. total order 3 round!! 之前d人話第2rd開始會麻麻..但我又唔覺..之後都係炸物(天婦羅/生豪...)全部都係即炸..熱lala咁入口..好正!! d沙拉都好ok~凱撒唔錯!!其實食物方面真係好ok!!! 夠新鮮,夠熱,夠快,夠多choices!!! 吉x,2000x,青x個d真係冇得比~~價錢都算ok~208+1唔算貴~上次食吉x都要200留下~我請願比多40蚊食間好d既!!!環境都一般啦~坐得幾逼下~lift口位都用埋..坐正lift個位真係幾慘啦~有個差既係海膽!!因為有朋友生日月份所以送一客(要夠6位以上先送一板),不過真係唔得!!!上個陣有煙花都好靚!!但d 海膽真係差左小小~吸哂d木味!!!食落口個下好似食緊d木碎mix海膽咁..~食左半板都冇就唔要..and有d唔好既地方就係流單~叫左個d野有d冇黎

之前我曾去過尖沙咀大喜屋有一次不愉快經歷，但朋友說中環分店好味過尖沙咀分店，有朋友生日友人又提議吃中環大喜屋，我便抱著比多次機會你的心態去一試。跟中環吉壽一樣，都是要排隊撘電梯上樓，吃8:30分第二輪但8:15才可以撘電梯上去。上到去一樣的放題格局 - 逼逼逼，但不及中環吉壽擠迫，但令人驚訝的是有一張枱竟然位於reception 電梯大堂旁邊 幸好我們是安排到一張6人望窗的卡位坐下便看看點菜單，食物跟尖沙咀站一樣，雖然選擇很多，但揀得落手想吃的並不多，我們點了刺身，壽司，炸物和一個牛肉鍋。　大概等了十五分鐘刺身便來了，一樣又是顏色很新鮮而且冰震上菜賣相很吸引，可惜，可惜，又是金肉其外敗絮其中的刺身。沒有鮮味魚味的刺身，即使吃了很多也沒有享受的感覺。好像隨便吃些東西填飽肚子一樣。壽司，我點了芝士反卷，加州卷和軟殼蟹反卷。飯太冧身了，但醋味不夠，應該是煲飯的時候過了火，芝士反卷不錯，但芝士味不重，加州卷味道正常，但軟殼蟹反卷既吃不到蟹味也吃不到蟹肉，感覺上好像吃炸粉加壽司飯一樣。炸物我們點了雞翼，蝦天婦羅和雞軟骨。雞翼是暫時吃過的食物入面最好的，所以我們再點了一round。燒得香但不乾身。

唔記得幾多號,只係記得係5月尾的一個星期日同女朋友去食生日飯!諗黎諗去都諗唔到食d咩好見佢鐘意食魚生,咁就book大喜屋啦!!7點的時段已經full晒,只好book8點半啦8點幾去到已經好多人,個個企晒係電梯口排好隊,等左一陣就有得上去了~上去到,見到環境都唔錯!,不過門口d位好似有d迫囉店員好快就安排我地入位坐一張係走廊既2人台!(有d迫)我地第一轉叫左好多魚生黎到真係覺得物有所值!你寫10塊佢真係會出10塊比你(平時d放題不會的!)甜蝦真係好鮮,冇咩溶雪味,相信真係新鮮野!!!吞拿魚:入口即溶,又係好鮮,應該係魚腩位置!!!其他既希靈魚,章紅都好好味!!!之後叫左一d熱食!牛肉鍋好鮮,個湯好清清地幾好串燒都好食,不過唔係好熱只係暖暖地!後來叫第2轉魚生,感覺冇咁好,好似冇咁新鮮咁希望佢地會改善下,唔好只係得一轉好食啦叫左手卷同壽司!全部都係細細舊,食左都唔會好飽食唔落其他!!!仲有d料都好多!!!!!!加分!!!!!食到尾每人仲有一個雪糕送XD不過如果可以任食就好了依餐真係幾好!食得幾開心要keep住落去呀!

失望一，定位6:00pm，本人一家大細5:55pm到，算早到嗎?我應為合理， 但係一出電梯，連電梯口都放了枱椅，一大班飢民約30人在100呎地方等入座， 電梯一直有人上來，有人迫到返落地下等，早5-10分入座都唔得。 等位10分得0分。失望二，地方都算迫，初時心存出名多人就必然，但係其後覺得迫得不合理， 電梯口個枱已經差，有D位實在要佩服老板對空間的利用，賺得一位得一位， 雖然利用空間讚，但餐廳環境10分得3分。失望三，食物質素，第一輪刺身又靚又新鮮，但係第二輪就差好多，係咪希望客人唔好叫第三輪? 我哋都叫了第三輪，嘩，甜蝦奶白色仲要梅，所以奉勸大家第一輪就要叫足，勿過三輪。 其他食物燒蠔，東風螺好食，其他都係一般。 食物方面10分有6分。失望三，服務態度好差，亦係最致命，Book位時，態度好好，比足10分添， 等位時D職員唔安排入座，叫人落樓下等，但都OK， 但入座後發現D態度極差，尤其D男職員，仲係著恤衫西褲應該係高級職員，

大喜屋這家人氣放題其實是有2間, 本人2間都已經試過!!不知是什麼原因, 總是覺得中環這邊的比較好, 可能刺身比較新鮮, 熱食水準也比較好!!這天跟一位喜愛日本放題的瘋女子和友人再次來到中環的大喜屋!! 再次感受又厚又新鮮的刺身!! 大喜屋內的放題紙, 顏色花多眼亂, 款式也是來過數次也沒辦法吃得完的!!刺身的厚度得以維持, 但水準卻下降了一點!! 三文魚油脂感重, 數件刺身入口後, 飽的感覺就出來了!!甜蝦仍是大大隻的, 但鮮度有減...吞拿魚有點多根!! 油甘魚那些都還可以的...還有新朋友到來--象拔蚌, 新鮮爽口, 不錯!! 壽司飯依舊用小粒的形態, 特別的軍艦款式仍可維持!!大部份包手卷的紙菜已經腍了, 少了脆度跟有點難咬開...但蔥吞拿魚和海膽的份量也很好, 而且飯少, 體積少!!就算像我們這位瘋女子亂點了這麼多件手卷後, 三個人努力地吃著, 最後也只是剩下一個算有過關!! 蟹粥味道很不錯, 粥內也有蟹的部份存在著,而且粥底又軟又棉, 是蟹的鮮甜味少了點!!但總括是不錯的... 牛脷的形狀切我有點奇怪, 過於大件, 失卻了"一口牛脷"的意義!!牛脷雖大但腍身, 不夠爽口..

考完試約埋幾個朋友食飯慶祝下唔係第一次食大喜屋但so far食過咁多間 大喜屋算係唔錯既一間(可能係我比較重視刺身既質素)碗屋同吉壽係會多啲熟食但刺身就一定係大喜屋好有個朋友記錯時間 遲佐少少先黎到所以今次食起上黎有少少趕而且廚房話唔見佐我地某幾張Order Form 搞到我地又要再點過又唔知邊啲有邊啲冇除佐刺身之外 焗蠔係必食item每次都食差不多十隻其實我都唔係好記得其他熟食有咩好味食完有個雀巢雪糕送不過好早就送上枱搞到我無啦啦食個雪糕之後又食番熟食補番以前食大喜屋既相:

刺身大家都俾左好多好評, 正如大家所講：新鮮、唔錯!d甜虾好大隻~~不過有幾隻有好多黑色點點...唔知咩黎, 另人有d冇乜胃口!同埋感覺上, 食第一輪新鮮一點!1反而燒物有驚喜：1. 焗蠔 (我平時唔食蠔都覺得好正)2. 茄子天婦羅3. 芝士年糕 (好勁芝士味!!)4. 海胆尤魚壽司5. 火灸壽司不過刺身的質素好似第一輪比較好，第二輪開始冇咁新鮮(不過唔知係咪因為太飽呢...)值得一試!!

食物款少,味道總括嚟講普通,其他服務員好好,唯獨一個著西裝褸嘅經理我order 除左相個d 外,仲有雞軟骨,汁煮東風螺,汽水,之後都係order 左2~3次刺身首先從刺身方面,都有好幾款: 好食嘅有榮螺同,油甘魚, , 難食嘅有三文魚(一d三文魚魚味都無),甜蝦(唔係好新鮮),帶子(有腥味),希靈魚(好鹹又細件),北寄貝無咩特別)海膽手卷好苦,手卷d紫菜淋哂,好似放左好耐咁之前聽同事講話要必食凍蕃茄,點知d 蕃茄好似無雪過咁,唔好食囉蟹子沙律味道普通,牛肉鍋好食燒物: 燒蠔都可以.燒雞翼同羊鞍好好食炸物: 芝士年糕好好食,吉列蠔好食,雞軟骨普通啦最後有雪糕,朱古力味同紅豆味以呢個價錢呢講絕對唔抵,因為食物好少款式,味道又唔係十分好食,就算係平時$218一位都唔會再食.因之前食過2000円同石澗都好食過今次而且個經理態度非常惡劣~

近來經常食放題, 因為生了小朋友之後, 兩個家庭聚會最好就是去吃buffet或放題, 所以對放題都有點心得研究大喜屋規定80cm以上的小朋友就要收費了, 所以一直都沒有帶小朋友到此站吃放題不過聽同事介紹, 說魚生很好質素, 所以就即日打電話到中環/ 尖沙咀, 希望有位, 當然是要WAITING LIST, 最後既然中環那間有位, 我極度興奮, 未夠6時就到了垣白說, 可能期望太多, 所以有點失望失望一:同事說魚生是多麼的厚切, 所以好好吃--> 對我來說厚切不厚切沒關係, 因為我本身覺得食魚生不應該厚切的, 就算要食厚切, 多吃兩片也成, 所以我著重是魚生本身質素, 但百多兩百元的放題, 其實間間魚生我都覺得好好, 又不覺得大喜屋的好吃, 唯一要讚就是他們有油甘魚, 其他地方唔會供應貴價的油甘魚, 呢個係佢賣點, 不過其他的蝦, 三文魚, 等等跟其他餐廳我又吃不出有什麼分別失望二:熱食種類太少了, 可能我之前一星期去了平成22, 平時也會去大吉/ 吉壽同埋和味館, 所以有得比較, 我不吃牛的, 在大喜屋吃了兩轉已經沒有什麼可以再點吃了, 串燒很很很少, 不過我都明白, 因為對付