大壹冰室 (已結業)

食材不錯，廚師有心煮，食物外觀做得不錯，但不知為何所有碗碟都係崩的，扣曬分牛油蒜蓉包，味道比較濃，但因為夠熱，所以不錯；羅宋湯，有小小辣都多材料，因為有一個湯要求酥皮，佢要整的時間比較長，意粉都食到一半先到；溫泉蛋沙律，冇乜特別，一早已經預備定；脆薯角，比較細粒，但是新鮮炸起非常脆；黑菘露意粉，有香濃黑菘露味，而且多汁，較creamy；德國豬手，外皮脆卜卜，都算多肉，同埋廚師有將豬手微微切開，方便食客；涷朱古力（加$5），好味道，用紫色果隻朱古力粉開。

增幾何時門口大擺長龍，估唔到而家d質素差左咁多，blacklist!點左個西冷牛扒，意式芝士焗豬扒飯原本都冇諗住要寫食評，點知食食下忍唔住食左一半都要影番張相哩個所謂豬扒意粉，意粉正常，但係d豬扒淋到用义吉會化開，食落口係一pat pat試問咩肉類會梅到咁？十居其九係平豬肉再落大量梳打粉！到底係咪豬黎架？！結果淨係食晒d意粉，$78食個淨意粉，無良奸商！好彩西冷扒唔係淋，但都只可以用一舊肉黎形容佢味道，冇牛味！BLACKLIST!

聖誕節個日 好多情侶都會book 自助餐大吃大喝 好好慶祝一返 而我同男朋友就揀左係荃灣大壩街個到嘅大壹冰室到食晚飯 又係西餐又唔係貴 靜靜享受我地一齊嘅時間呢間冰室嘅裝修好靚 佢張枱係有馬賽克圖案 同埋啲燈係暗黃色 幾有feel 我地個日就叫左個費城 烤A級穀飼西冷意粉配黑松露野菌汁 黑魚籽蟹肉闊條麵 加左個焗田螺同西蘭花 因為係聖誕佢先有個甜品係紅酒釀梨 講真 我對個闊條麵有啲失望 本身期待個麵好多蟹肉 點知黎到成碟綠色 冇咩料 食落去個汁又冇乜味 相比起我男朋友個個 我覺得自己中左伏 我男友個扒就勁 塊扒成隻手咁大 個黑松露醬雖然唔係好重黑松露味 但同塊扒都幾夾 食到佢好飽 味道都好唔錯 七成熟岩岩好 只於啲小食 田螺就冇咩特別 但個西蘭花黎到就出哂水 淡淡地又太'臨' 煮耐左 本身對個甜品有好大期望 因為個賣相好靚 但個紅酒味唔太出 得個酸字 麻麻地 雖然野食唔太好 但聖誕兩個人一齊 食咩都開心嘅：）

呢篇係我第一篇食評，就係希望大家唔好中伏 咁我就食咩松露汁牛扒有餐湯跟，無咩期望 稀Lau lau 都預左首先d汁，零松露味 根本就係無黑椒ge黑椒汁，都算牛扒叫五成，一出黎就有陣怪味 可能係d雪藏味。完全切唔開 咬就唔洗講啦，完全唔知自己食緊咩。食左半塊都覺得自己好野再者，普通一個飯都煮到生米。仲有女友個意大利飯就唔多講最後埋單二百八十幾，質素仲差過大家樂剧扒，點解仲有 xx男女 報導？完全俾佢門面呃左。

2017最後一餐，因夜晚10幾，好多都開始收，見佢寫收11:30, 就入去食。點餐時已有趕收工既感覺。點左份牛扒五成，一份菠菜帶子寬條麵。加配小食瑞士雞亦及薯角。上薯角時已有一大pat茄汁唧左係上面，對於唔係咁喜愛茄汁既我，唔係好想食。而瑞士雞亦太甜。到上主菜，先黎牛扒，賣相唔錯，但應該只得3成熟，同把刀唔夠利，根本切唔開，已另取2把所謂利啲既刀，都切唔開，最後要由厨房幫手切，un到不得了，姐姐話今批唔靚喎。到個寛條面，水汪汪，無咩味。到差不多10:55, 有人想入，已話收檔，唔比入。啲人趕住收檔，啲態度已開始差同唔記得上甜品。失望。。

星期日晚有西餐set又唔過一百嘅餐廳有幾多？尼到就有一間又平又好食由於早到（約六點十五分）嘅關係，所以等左兩三分鐘就有位基本上每個set都唔過一百，我同媽媽都想食意粉所以點左一個加勒比大蝦海鮮扁意粉（$89）同一個忌廉芝士焗海鮮意粉（$80）等左五分鐘左右餐湯同餐包就黎啦我嘅羅宋湯辣辣地好好飲，特別係天氣凍凍地時飲就更好味欣賞佢入面有好多菜（蕃茄、椰菜、西芹⋯）忌廉湯同蒜蓉包就普普通通正正常常意粉即叫即炒所以上枱時熱辣辣意粉內藏大量雞脾菇同蜆大蝦超超超爽同彈牙，大概有四五隻蝦一啲都唔吝嗇仲有少量八爪魚鬚仔同樣地有多隻爽口彈牙嘅大蝦仲有五、六舊魚柳，不過其中一舊懷疑廚師一時手快攞錯變左做雞肉anyway芝士味好香濃意粉份量頗多餐飲方面我地都點左熱檸茶檸檬新鮮茶又靚所以冇落糖都唔苦幾好飲，茶記有此質素實屬難得

遲左收工，但又肚子餓晚上十點幾好多餐廳都已經關門大吉，行行下見到呢間「大壹冰室」，門面唔錯，亦算多野食，仲要營業至十一點半添！餐牌上有哂圖片，抵讚忌廉湯比較稀，而且冇乜料係入面，成碗湯只有兩小塊煙肉，亦唔夠味，有d 失望個包亦都係不過不失啦。我揀左費城烤A 級穀飼西冷，肉都算厚，而家都幾稔身，伴隨住一大舊脂肪，略嫌唔夠香，意粉煮得岩岩好，唔會黏埋一pat 野或太硬身。不過伴菜嘅茄子同翠玉瓜就比較油身了。友人揀左呢款牛柳，牛柳被酥皮包住，中間仲有一陣類似松露菌的醬，都幾香，但牛柳口感有點奇怪，好似未咬就已經爛左咁，好鬆散的感覺。比較唔推介呢款。整體黎講不過不失啦，不過未必會食第二次了

睇門面好似幾好食咁就入左黎。點知入左黎冇人帶位，咁就自己揀位坐啦。坐好之後有個待應走埋黎細細聲咁講，係要坐張大枱。（我地2人坐左4人枱）佢就收走兩份餐具，其實成間鋪得個5～6枱客。食物都算ok係服務質素需要重點咁改善一下。

今日放假又落黎荃灣大壹下午茶，唔知做乜今日個水吧出品差到暈，凍奶茶就變奶水，凍0茶就變黑色凍0茶，換過都係咁，個經理跟本就無留意出品，原來依家做經理咁易做架？亦可能好多客唔出聲下次都唔黎😓😓😓

食物質素還okay，但服務就差到不得了，舉手舉咗三分鐘冇人理，詐睇唔到，幾個侍應都係咁。特別係兩個戴眼鏡的男侍應，行過都兩轉當睇唔見，不可思議，不建議大家來受氣。

又約家姐食下午茶，就喺荃灣廣場附近近近地，見到大壹冰室門口價錢大眾化，便去試一試！家姐要減肥，叫咗一個香草雞扒凱撒沙律，我就叫左一個吞拿魚海鮮忌廉長通粉。個雞扒沙律賣相一般，但味道都唔錯，可惜個白汁長通粉令人失望，個汁勁喊，而且又係冇掛汁，最怕湯還湯，粉還粉嘅白汁！下次都係唔叫呢類白汁通粉，好彩杯即磨咖啡質素唔差，下次都可考慮再嚟。

今日去荃灣見客，對方非常客氣招呼我到附近餐廳飲下午茶， 這裡比較傳統周遭都是一般舊式餐廳，這間大喜冰室，名字就比較懷舊，門口卻好有格調黑黑的。芝士吞拿魚蒜蓉包蒜蓉包香脆可口，芝士吞拿魚醬汁比較多，味道整體算不錯。香草燒雞凱薩沙律冰室不一定奶茶菠蘿油，清新可口凱薩沙律都可以是夏日下午茶首選簡單的下午茶都不簡單，琳琅滿目款式多樣化！牆上的裝飾有點配合舊日荃灣工業區的特色，具懷舊感覺

之前已經黎過兩三次，今晚再黎一嘗「第一次」既菜式，依然能保持水準，無令我失望！ 烤焗威靈頓牛柳 配野菌燒汁 (跟意粉) - 厚度適中既酥皮包住嫩嫰多肉汁既牛柳，仲要加左d黑松露醬，令件牛更加香，真係一試難忘！不過個燒汁就真係hea左少少，唔夠熱又太杰，好彩件牛夠晒味，唔需要用汁。我個餐跟左意粉，個意粉又係唔夠熱，同埋無味，建議落少少鹽去吊味，所以唯有用佢個燒汁去混，咁先無咁齋。 餐湯揀左羅宋湯 - 無乜特別，不過個蒜蓉包完全唔熱唔脆，好似無焗過咁......

今日下午一班同事去食LUNCH, 有兩個女同事都不食牛肉, 她們食量也少, 夾份叫了一個茄汁焗豬扒飯, 餐廳環境又比較陰暗, 她們不幸食了兩啖, 發覺唔多對路, 原來來了焗牛肉飯, 她們立即反胃, 想嘔...真係好差...請這間餐廳下次真係要留意下~ 

店內佈置幾有特色，枱面都係懷舊磁磚，而裝飾都係懷舊味，但d 碗碟好多都崩左，食野時要特別小心，怕會整親。食物既味道都唔錯，餐湯飲左紅湯（羅宋湯）味道ok，而主菜既牛扒肉質好好，但熟度要再改進。而意粉就淡味左少少。餐飲方面，叫左杯紅牛（利賓納 + 草莓雪糕），個人覺得利賓納同草莓味唔太夾😅黑松露什菌意粉聞到好香既黑松露味，但食落口味道就比較淡，個汁都比較稀，如果可以濃d 就更好～粉就煮得岩岩好，軟硬適中。黑椒西冷配飯叫左5成熟，但煮出來係7 成熟，雖然唔想理想既熟度，但肉質都唔會好硬，個黑椒汁味道唔多好，而但個牛扒平身個味道都幾好，所以無沾到汁食。