大壹冰室 (已結業)

9點幾係荃灣廣場睇完戲，諗住係商場搵野食，點知每一間餐廳都要等位，仲要好多人等，唯有行出去商場附近嘅餐廳啦，見到間叫大壹冰室，望一望餐廳裡面，裝修幾懷舊，幾靚，所以就入左去食。叫咗個意大利芝士焗鮮茄豬扒飯，先上個餐湯，雜菜湯，味道酸酸甜甜，又夠熱，配埋蒜蓉飽，都幾好飲，跟住焗豬扒飯都到咗，個樣ok，豬扒都夠淋，又大件，味道唔錯。烤A級榖飼西冷配黑松露野箘汁跟薯菜，不過店員話今天薯條冇貨，可以只要蔬菜，ok都無乜所謂，清清地仲好，牛扒叫咗七成熟，但係我諗佢過咗火，差唔多全熟，牛扒本身已經薄切，全熟後好乾好硬，野菌汁好淡，有少少黑松露味，全碟最好都係d蔬菜，用蒜蓉去炒嘅四季豆，茄子，紅蘿蔔，清清地，好快比我食晒，而牛扒因為唔想浪費，所以都食晒。餐飲凍檸茶，都有茶味，又唔太甜。老實講，下次如再去嘅話，都係食焗飯穩陣，牛扒要諗諗先。

行完街,望到對面有幾間野食。這間見到窗門貼晒雜誌介紹的紙張,諗著應該幾好食。不過價錢都幾貴,但見未食過就排隊食。入到去坐位☆唉…有d唔好意思,而且也冇諗過。講真,肥人真係唔好去食。我唔係歧視,因我本身都肥,佢地每張桌與桌之間的距離實在太窄!!!張桌也好細張,放唔到太多野食。一句講晒≈好迫! 你唔好話我,瘦的人都話迫。唉…我覺得搵錢都唔好set到d位甘樣, 趕客咩～講番野食,我地叫左98元法式煎大蝦香辣墨魚麵 同另一豬扒餐。加左29元要小食。我那個墨魚麵好食,好香。不過得一條大蝦未免太少掛。而且有些煮到過熟,蝦難咬。但整體味道不錯。豬扒餐也好食,夠香夠冧。小食都好食。整體味道不錯, 環境懷舊 ,但通風比較差,食完飯,頭髮+衫成陣油煙味。每張桌空間太窄。下次去搵其他空間大的食店會比較適合我。哈哈～

經家人介紹來這間餐廳吃下午茶，真的不枉此行喔！餐廳提供的不只是普普通通的港式料理，而是每個下什茶選擇都很特別的，點了個西多士，六七片又不太小的多士疊在一起賣相的確不錯，另外還有個蛋包海鮮炒飯，我在香港其他地方都很少見到蛋包飯喔。看到餐聽外牆貼滿不同傳媒的採訪，可以見得這的確是間值得吃的餐廳喔。

今日心血來潮去荃灣，中午睇完戲，個肚餓餓地就去對面街搵野食。見到大壹冰室門口有好多人排隊，又有好多美食節目都介紹佢，就同男朋友入去食番個下午茶餐，排隊冇想像中甘耐。我同男朋友叫左個忌廉煙肉蘑菇意粉同茄汁肉醬焗薯蓉，兩杯凍奶茶多奶。個忌廉煙肉蘑菇意粉味道還好，同其他餐廳差5多，但比較少煙肉，對喜歡食肉既人就5係好夠。而茄汁肉醬焗薯蓉上菜果陣仲係滾，一個字，見到個樣就覺得好好食，但一食落就覺得個味道還是一般，茄汁肉醬味道不濃。最後就係杯凍奶茶多奶，茶味都係太重，如果中意凍茶多奶既人會覺得5好飲。如果以一般心態泥食，都接受到。但如果因為好評多and有節目介紹既心態泥食，就會覺得5夠喉

呢間大壹冰室開係荃灣廣場對面都好耐喇但一直冇去食 係類似皇后冰室的類型一入到去, 發現裝修好靚好有格調 一種既懷舊又時尚既感覺至於呢碟意粉真係要讚一讚好 好 食 🍅🍅🍅!!!!辣辣地勁惹味, 意粉偏幼仲有彈性有咬口 食得出墨魚汁味而非僅有顏色配上番茄醬，西蘭花，洋蔥等蔬菜，感覺更健康連唔多餓既Cress我都食晒成碟😋

個日同我女人係荃灣行街街，行到咁上下肚仔餓，見到成條街得呢間排長龍，等左十幾分鐘，終於入得去，侍應生帶到我坐既位置，雖然係午餐時間好忙，但都好好人帶我埋位，可能驚我迷路😝睇睇餐牌，款唔算太多，所以好快就唸好叫乜食，我自已叫左個西冷扒，而我女人就叫左個煙肉忌廉意粉，同一個羅宋湯同磨菇忌廉湯，點餐後無耐，湯已經放係枱面，對於肚仔餓既我黎講，就唔講咁多，菜湯夠多料，夠酸夠辣，都幾開胃，而女人個磨菇湯都幾重菇味，但就好似稀左啲，之後個扒同意粉都好快就到，西冷扒個肉質都幾好，唔會太乾，仲有肉汁，配埋個黑松露菌汁都幾夾，我偷食左我女入幾啖意粉，意粉夠林身，味道ok，鐘意食忌廉既都唔會失望，午餐幾十蚊，叫有交代，難怪咁多人排隊，下次有機會路過可以再試。😆

和男友看完戲，已經差不多10點，早已餓得飢腸轆轆。馬上隨便找家餐廳填一下正在抗議的肚子。晚市套餐的選擇比較多，價格合理，可以隨套餐再加小食。酥皮忌廉湯表面的酥皮，口感香脆，裡面的忌廉湯散發著陣陣的奶油味。鵝肝牛扒配薯菜鵝肝雖然小小一塊，但細膩滑潤,入口即化,帶一點淡淡的鵝肝香。牛扒煎得太久，肉太老了，咬不動，刀叉切都很費工夫。豬扒配薯菜兩塊大大的豬扒，光是份量就嚇到人，兩個人吃都足夠了。豬扒比牛扒好吃，肉质比较厚實，配上黑椒汁，還是不錯。另加的兩款小食，一般吧...

星期六日經過見到排哂隊，今次平日食試下個下午茶，中哂伏💀個意粉真係咸到阿媽都唔認得，飲哂成杯凍檸茶介覺得好咸，真係冇下次！冇服務可言職員黑黑地面好似有人得罪左佢咁，平日就唔洗等位，但預左會搭枱。

好耐無寫食評～今日食完呢間嘢真係不吐不快～話說之前經過呢間嘢～見都有人排隊～今日就去試下啦～等左五分鐘就有位入座～其實入面好細，D位好迫～睇餐牌其實都覺得只係普通西餐廳～但估唔到真係咁難食～我叫左一個白汁龍脷柳意粉＋白湯＋熱朱古力老公叫左蜆肉溫泉蛋意粉＋紅湯＋熱咖啡～先尼0既係老公叫既紅湯＋蒜蓉包～佢話淡而無味～！waitor 上菜時個包仲係掉落枱的～個包就只係包～一D都食唔出有蒜蓉0既～跟住等左陣先再上我個白湯～ 所謂既白湯係忌廉湯～但竟然一D味都無～似係麵粉溝水咁～杰撻撻～放棄無飲～跟住個意粉仲過份～個龍脷柳個汁同個白湯係一樣樣的～食落仲一樣味tim~結果成個意粉都無味～！老公個意粉就正常的～！成餐個感覺勁似中學時候食0既快餐碟頭飯～！味道仲差十皮～最後結論係個蜆肉意粉同兩杯飲品係正常的～！真係食一次都浪費左個胃既空間～好後悔～

一坐低發現張櫈濕的，仲有啲痴立立，應該係倒瀉野冇抹。 好耐冇泥，感覺水準下降。叫左一紅一白湯，紅湯正常，白湯好多粉，飲完都飽左半。蒜蓉包唔熱，仲濕濕地，好似放左好耐。叫左凍菜蜜少冰, 點知一泥得反7成, 早知唔叫少冰。漢堡扒加薯菜，3塊迷你漢堡扒，好的色。食落過林，可能入面加左好多肥豬肉，咬開見到洋蔥碎。白汁温泉蛋意粉(唔記得影相)，意粉比較硬身，食落好咬口。個汁既質感好似水咁，個味係唔錯的，只係有啲似食湯意，温泉蛋係9成生，一整爛左就同啲汁溶合左，食唔出有咩特別。

初先見到好多人排隊以為好好食，終於有日去到唔使排即入，叫咗焗豬扒飯凍奶茶，非一般焗飯用珍珠米以為好特別無炒底仲衰過大家X凍奶茶無甜味豬扒有雪味羅宋湯好明顯加水得酸味同辣味服務態度：無 ，以後請都唔去

其實一路都想試呢一間嘢，但次次都咁鬼多人排隊，今次去咗荃灣食lunch，就試等一吓。照舊地，都係等呀等，但或者因為返工日子，等咗15分鐘到就有位。佢都好多選擇，我就揀咗黑椒豬扒炒幼意粉。本人好鍾意幼嘅意粉，仲要炒底，成件事已經好開心。個黑椒味好重，所以個味道都可以話幾夾。可惜，佢服務態度確係需要改善一吓，同個湯都太酸喇.......

同女朋友食lunch, 我叫左個西冷扒配薯菜。個扒一般，薯條番炸，好硬好多油。我女朋友叫左鐵板牛肉飯。我差唔多食完，女朋友個碟先黎。慢少少都唔緊要， 啲飯裡面竟然藏鐵絲。見到後即刻叫個待應黎cancel order同埋單，個待應比張單我，仲要收我女朋友個餐杯餐飲凍o茶。唔會再黎。

法式煎大蝦香辣野菌墨魚麵 $98 + 紅牛 $9近年越嚟越多新式冰室, 荃灣嘅大壹都唔例外. 一見冰室都以為食茶餐廳菜式, 點不知係偏向西式,我就叫左一個法式煎大蝦香辣野菌墨魚麵, Set dinner嚟, 有菜湯或者忌廉湯, 我就叫左個忌廉湯, 湯無粉, 味道夠, 唔算太特別, OK. 主菜墨魚麵呢, 賣相好好, 對男仔嚟講份量都算夠, 大蝦夠大隻, 入味, 雖然得一隻但都値回票價, 而墨魚麵就有少少失望, 味道比辣味蓋過, 但麵唔會話太乾或者濕, 整體嚟講味道好好. 而成餐最特別就係飲品, 黑牛就飲過, 難得見到有紅牛就膽粗粗試下, 唔知會唔會送我一對翼. 一嚟到, 送比我嘅係失望, 紅牛其實係利賓納上面加個士多啤梨雪糕, 賣相都唔算差, 但利賓納未凍, 加上雪糕, 飲上嚟實在有啲怪, 都係叫返黑牛穩陣啲.整體嚟講算唔錯, 價錢係貴啲但都值嘅, 環境係有少少逼但裝修有心思, 比到舊冰室感覺. 排隊有啲耐, 最好約齊人先去等位！

荃灣大壩街近年被附近的荃灣廣場間接帶旺，成功轉型為區內新一代的小食街。隨着以往的車房陸續遷出後，換上的是一間間擁有獨特個性的小店，大壹冰室便是其中之一。大壹冰室的名字大有懷舊冰室的暗示，但從內在環境所見，卻比很多新派咖啡室更加摩登。餐牌全是港人的集團回憶，先點的一款西多士，香口酥脆，不過配搭朱古力醬，口感較溜，始終不及與糖漿的那種默契 (2.5/5分)。相反鹹點卡邦尼意粉做得更出色。平常在地道小店吃意粉，麵條老是煮得太腍太軟，想不到這裡的廚師竟能做到有少許 al dente，彈牙的口感跟滑溜的卡邦尼汁、火腿和野菌合作無間，成功給了我們一個小驚喜 (3.5/5分)。