大家姐 (已結業)

上星期六要去荃灣學琴，上堂前有少少肚餓，所以打算去大家姐度今返碗兩溝，亦即係魚肉碗仔翅。作為香港人，呢啲係我嘅至愛，係大家姐食有個好處，就係地方雖然坐得迫，但係環境乾淨企理，坐低食都算ok,去開荃灣嘅，都應該知道大家姐係有兩三個舖位，一間主力賣湯麵，一間主要賣燒烤、煎釀三寶，同埋一間係賣飲品。如果你係打算坐低食，就要喺出面買齊晒嘢食，先至拎入去鋪頭坐低，因為嗰度啲姐姐，係唔會幫你將啲嘢食拎黎拎去㗎，有啲人可能覺得好麻煩，但係如果你當佢係mini foodcourt,其實都OK嘅。我嗰日就揀咗個細嘅兩溝，成為＄17 ,價錢都算幾平架，魚肉翅足料好味，我食魚肉就好似發脹左，鬆泡泡，無咩口感值得一讚嘅係佢嘅菜譜係任你食，有辣有唔辣，加左落似脆博博，好好咬口，唔錯食完有啲頸渴，喺佢度買多支椰汁， ＄8,又平又好飲又解渴🥥

叫2貳號餐~餐牌上面寫腸粉4條，燒賣8粒，我比左20元。1分鐘後上臺既係6粒燒賣同一堆剪好既腸粉。我食左2粒燒賣，開始懷疑，點解會靜返4粒，我明明叫8粒的。於是我問樓面，她說:「頭先亞姐話剪多咗1條腸粉比你，所以扣起你2粒燒賣。」我話咁都得，佢就冇理我。食完之後，我攞返碗食剩約十舊的腸粉給她，我說:「我比返一條腸粉你，我明明要8粒燒賣，你無端端扣起我2粒。咁你個餐牌要嚟做咩?」跟住，隔離另一個店員好正義咁講，你做咩扣起人地2粒燒賣呀?我因為趕時間唔同佢玩。就走左。我重來未見過這樣做飲食業的。奇聞。重點冇人同我講聲唔好意思，我心諗2粒燒賣係咪咁貴，你剪多咗你可以留比下個客，唔應該扣起我2粒燒賣，然後唔出聲，我問佢先講。

這間大家姐自己鋪生意態度先進，請D人係趕客走，叫野食已白鴿眼,D坐位細要D客人行幾次自己出去取囉！（都無理客人感受),比＄又話唔收大紙囉收皮啦！好似話我比唔起D態度差到極爆。

今日好晏先食下午茶，所以晚餐求其食少少嘢便算了，因為呢度近搭地鐵回家，朋友話附近有D小吃可以試下，便揀咗呢度試下。我地叫左1個腸粉、魚蛋、燒賣餐，一碗小的特級魚肉翅，加一杯檸蜜、夏枯草。腸粉、魚蛋、燒賣冇乜特別，一般啦，好似我每天在7-11買果D好食D，特級魚肉翅，雖然有魚肉、肉絲同冬菇絲，但我覺得吾好食，芡汁偏杰，冇乜翅(粉絲)，魚肉冇乜味，有損街頭小吃的形象，檸蜜就OK，其他小吃冇試就不知味道如何……這裡環境都OK，睇啱食乜，買完就坐低，食小吃有位坐很不錯，但店員禮貌麻麻……

今日行個荃灣大家姐，肚餓啦諗住食個碗仔翅，諗住食個細碗的，我見堂食冇乜位諗住外賣啦。排到埋去個阿姐問我響度食定攞走，我多口問句咁有無位，個阿姐答我咁有嘅。咁好啦咁我話坐喺度食啦。響嗰度食過嘅人都知幾亂駕啦。我之前係排一個男仔佢就買咗五個碗仔翅，我見第六碗出嚟啦咁我心諗係我架啦。其實我係第一次喺呢間度食嘢，咁我攞住個碗碗仔翅就坐喺度食啦。食食吓個就大大聲好惡咁話我，話我用咗＄15買細碗就攞錯個大碗嘅，叫我比番＄5。個態度令我覺得好似有心欺騙佢咁。比＄5唔係問題，問題係個態度唔使咁惡下丫。我第一次食邊度知道佢係大碗定細碗。食物又唔見得特別好味，態度又差，冇下次！

📍大家姐 荃豐中心第一間📍🍚魚香茄子飯$15🍚荃灣好出名嘅五度空間 第一檔就係佢😎老媽睇完<東張西望>買黎鑑定cp值👩女仔食勉強夠飽 男仔至少食兩碗🍚🍚好好味 有住家feel💓💓雖然肉碎唔多 不過好多茄子👍👍入味又唔咸 撈曬成碗飯都得🍚🍚cp值都ok嘅 不過當小食好啲😂😂老店還有賣其他港式小吃，煎讓三寶，碗仔翅，雞蛋仔，公仔餅等經常都客滿滿der

第一次寫食評不吐不快, 點解會出現呢種又貴又難食嘅港式小食店? 簡直影衰左啲小食.  第一次幫襯巳經決定唔會有下次. 一小紙碗豬油渣麵要$25以為會係好嘢, 搵來搵去唔見有豬油渣, 終於發現細細粒似菜甫的是豬油渣, 從來未食過味道咁難食又貴嘅.  

本來都叫魚肉翅，但是阿姐應該沒有聽見，所以第一次就只是來了一碗碗仔翅。所謂的「大碗」，原來只是比起小碗高一厘米左右，實在令人發笑，後來叫阿姐再加魚肉，魚肉就放在翅的上方。油渣麵的油渣不見得特別多，只是碎濕濕的油渣粒放在麵條上面。麵條軟林，有一些還好像變了灰黑色的麵條，味道認真一般般。要不是方便在荃豐中心下面的巴士站乘車離開，吾等絕對不會光顧。以往小時候在這店吃過好吃的串燒，品質也沒有那麼差，立誓以後不會光顧。

為串燒的汁醬而來。今天沒有雞亦，非常失望。點了牛肉和雞肉串燒，油渣麵和三寶。三寶不過不失，油渣麵多油渣，不過麵有點過淋。而串燒的沙爹花生醬很香甜，有少許花生碎，令平平無奇的串燒生色不少。整体中上。

上次去荃昌搵餃子屋（詳看我另一食評），見到有串燒食，又香又吸引，剛剛食晏走左去買左兩串，一串全翼，一串豬肉，$20兩串既，但雞翼加$2，要22蚊。串燒好多汁，唔會乾晒柴，個咖哩汁又好食，買多啲仲平啲添，值得推薦。另外，我去左華都買左杯野飲（詳看另一編食評），咁就係我個午餐啦呢排都會寫好多食評，因為之前影落好多相未寫，而呢排好得閒。大家有興趣可以click我個名睇下。呢篇剛剛食完就坐低寫既，多謝支持！

全日都無食過野，決定嚟個速食快閃啦！荃灣呢個商場係好多餐廳仔嘅，今次就試下呢檔小店啦！點了一份秘制咖哩雞翼飯$25，其實今時今日呢個價錢真係好少有啦！但竟然可以係度見到喎，很難得的。如果你不算大食嘅朋友，相信都幾岩係度食，因為份量不多，岩下午茶或者細食嘅朋友！秘制咖哩同平時食開果種印度咖哩唔一樣，個味有少少似咖哩炒蟹果種咖哩，好滑不辣但好香！而雞翼都唔少嘅，都有三大隻嫁，而且每隻都係炸過嘅，所以好香口。但當然因為淋左汁嘅關係，所以就唔再脆啦！小食店來說已經好好

經過荃豐中心，忍唔住入去大家姐食個餐。環境有黑白色為主既壁畫，有唔少木枱，環境簡潔。油渣面叫咗一碗中size嘅油渣麵，油渣麵上面有啲黃色嘅一粒粒嘅脆肉粒，呢個係肥豬肉油炸過，好香脆，浸落去湯底度，就會變軟，有少少似魚皮，入面仲有冬菇，麵條係厚身偏硬質感。枱上有炸菜，有辣有唔辣，試咗辣既，真係好辣。不過放入油渣面，浸下佢就冇咁辣同好襯。

記得之前喺荃灣補習嘅時候，喺等補習嘅期間都好容易會肚餓，而呢間大家姐就係我經常食嘅鋪頭之一啦，又平又飽肚。鋪頭主打香港傳統小食，所以內部裝修都好有香港風味，有一大幅卡通漫畫，顯示香港舊時街景。除咗堂食，趕時間都可以係鋪面直接落單，快靚正，依家仲有八達通比，夠哂方便。今次，我就冇食平時食開嘅魚蛋燒賣，試咗另一個平價之選，輕量版嘅魚香茄子飯，味道香濃，茄子唔會因爲煮得太耐而變色，能夠保持到茄子獨有嘅鮮紫色。另外，以套餐價加嘅竹蔗馬蹄汁就令我有啲失望，超甜，好似飲緊糖水咁。

之前上網見到介紹荃灣老牌餐廳嘅文章，就心郁郁想咩都試下，其中呢間大家姐就比較吸引我。餐廳裡面有一大幅香港街景漫畫牆，上面印咗好多各式各樣嘅招牌，凸顯咗香港街道一大特色，幾符合餐廳香港傳統小食嘅主題。豬油渣麵由肥豬油炸油所剩嘅肉碎，微脆，有咬口，麵條偏軟身和淡味，中和咗豬油渣嘅油膩感。除咗豬油肉碎，仲有冬菇、香蔥、榨菜同冬菜等配料調味。當中，榨菜同冬菜係放咗係每張枱上面，客人可以按自己喜好，鍾意落幾多就落幾多。而榨菜就偏辣，幾爽口。

當晚係荃灣覆完診，一直行一邊睇下有咩食做晚餐，見到呢間有碗仔翅同燒賣等等，而且都唔少人食，於是就坐低試下。我地兩個人，叫了碗仔翅、油渣面、燒賣腸粉同埋一支椰汁share，咪睇落好似好少野咁，食完都好夠飽啊！碗仔翅：真的夠足料，雖然有少少傑但好夠味！未落麻油都已夠好濃味，而且不會太過咸，味道和份量都剛好。椰汁：店員姐姐說是自家製，椰汁味道夠，不會有椰腥味，也不會很假（應該是用真椰子製成的）。甜度剛好，不會太過甜溜。燒賣腸粉：魚肉燒賣，比起便利店吃的好吃，不會像只有吃面粉團的感覺。腸粉也夠香滑，份量都唔少架。油渣面：面條幾好食，湯底也夠濃味（傑身左少少）不會怕淡口。至於油渣是炸過的，好香脆！小女個人比較喜歡吃到這口味的油渣面呢幾樣野加埋約$80元,初時睇落怕唔夠吃，但係到咁上下都開始見飽了，份量都唔少！而且味道又唔錯！下次經過的話都可能會外賣一些小食回家吃～