大家姐 (已結業)

約了朋友在荃灣區吃晚飯，但由於早到了，肚子也不爭氣的不停叫，所以只好找一點小食來吃。男友在荃灣區讀書，說有一間串燒很好吃，從小吃到大，還說味道可以媲美好時沙嗲！好吧，我抱著半信半疑的心態走去試了！雞肉串燒（$11/串）雞肉嫩滑多汁，配上他的秘製沙嗲汁，更加提升了雞肉的味道，不錯！雖然叫沙嗲汁，但我感覺應該下了少許叻喱汁，另外也加了少許花生粒，這個配搭單想可能有點奇怪，但吃下去便會發覺一點也不奇怪，反而很夾很好味。

If I am in the area, I always come here for the fish shaomai and fried stuff.This time I got the fish shaomai and rice rolls.They were still good so towards the end I was feeling happy and my guard was down thinking how good the fish shaomai was because there were no bones.Then suddenly there was this sharp pain in my gum which was due to a damn sharp fish bone!Although the food is good, this is a lesson learned to take caution with any food at any time,

先講肉燥茄子飯先，佢細細碗份量好似屋但食飯碗份量（$15/1），但勝在夠多茄子而且茄子係煮成一粒粒好爽口果隻，而且個汁調得幾好👍🏻生菜魚肉翅天加唔駛講 ，好多人食完都會讚佢係荃灣差不多最好味既魚肉仲有個碗仔翅底即使佢冇乜配料，一樣好味道串燒叫了豬肉串，略為有些硬，但個自家串燒汁做得十分之出色，食得有椰汁的香味，這個加不少分

住係荃灣 食在荃灣💕💕 成日覺得荃灣有好多好野食 大家姐就係屬於我比較兒時既味道 所以今日晏晝就出咗去買碗外賣回憶下👀👀價錢其實變化唔大👅👅 由以前$13 到宜家既$15 大碗就$20 外賣同價 份量就算合理👌入面用料普通 都有幾多既冬菇絲👍 不過翅湯比例唔係太好 比較淡味同稀身🙅 我覺得就唔算稠密 食落口感冇乜🙈🙈 同事都買咗一碗 佢同樣都覺得好失望 雖然價錢算合理 但同以前好好味既大家姐就真係失色咗😔😔

碗 仔 翅！我至愛的街頭小食 食過不同地方的碗仔翅，「大家姐」是好食店之一。店舖以香港懷舊feel為設計元素，室內大約有十幾個坐位以供堂食。食街頭小食有冷氣，夏日炎炎，正呀！大碗金牌碗仔翅：堅料有肉絲，冬菇絲，木耳絲，啖啖有料；湯的稠度適中，色夠，食到尾都唔會變稀。 食碗仔翅加配料好重要，麻油，紅醋，有辣和唔的菜脯，放在枱面自已鍾意落幾多就幾多。提一提是辣菜脯好好味 但極辣，最好幾粒幾粒試試辣度先，我見有食客被辣到嗆喉 喔～

路過荃豐中心 突然好想懷舊一下於是幫襯一下長期都好多人幫襯嘅大家姐😋最近改左自助形式 入店前最好已經決定食咩個啲店員基本上唔會俾時間你考慮😅叫左碗大嘅豬油渣麵 其實都唔係好大碗😓濃濃嘅熱湯裝滿上海麵 香蔥 冬菇片同豬油渣麵條入口爽滑彈牙 冬菇片夠軟夠入味 主角豬油渣粒炸得夠脆有嚼頭👍🏼👍🏼👍🏼枱上有辣同唔辣嘅自家制菜脯提供作調味大家姐自家制嘅辣菜脯除左爽甜之餘 重要夠晒辣 溫馨提示唔食得好辣嘅朋友 落少少好啦😂

偶爾在附近經過，都會光顧一碗生菜魚肉，老實說，細數之下，荃灣又的確多同類小食店，姑勿論味道如何，單是沿通道往熊貓酒店，已經夠大家吃個飽了。大家姐的生菜魚肉其實毫無賣點，既不似附近另一檔標榜鯊魚骨湯，亦沒有大字標題的用上馳名兩字，說穿了，其實味道很像小時候在土瓜灣吃過的感覺。當年的老頭子蹲在地上，夾起柴魚用火燒香，然後放入熱水內，再加入味精，但已經令一眾小朋友吃得滿足。雖然不知大家姐的秘方，但魚肉鬆軟的質感，與及湯底的味道確實有七八成相似，小小的一碗份量不多，魚肉欠了魚味，軟趴趴的，提不起勁，生菜沾上了麻油更香口，馬馬虎虎的表現。

新既一年新既開始，行行下街口痕痕，見到間大家姐，原本冇諗住食。但見好多人排隊，羊群心態，我都走左埋去望下，唔望還可，一望就餓。就忍不住，心大心細就叫左1號餐(8粒燒賣+5條腸粉)，其實仲有其他combination有魚蛋，牛肉，腸粉，燒賣混合配搭。不過個人喜愛燒賣+腸粉。奇怪地店員都主張用八達通比錢。"嘟"完就從店員手上接過一碗熱到燙手既小食。再自行落醬。腸粉熱辣辣~燙口的, 軟軟的但又唔算滑，口感結實冇"傑tat tat"。其實同其他地方食果d腸粉冇咩大分別。燒賣都係熱辣辣，有陣燒賣味，口感就幾彈牙，不過d燒賣係平價果種，唔係魚肉燒賣。不過整體都幾大兜~但就係冇咩特別。

喂！「大家姐」等啦！佢不知不覺間已成為荃灣地標近呢年從新裝修過，不過無論堂食定外賣都係用即棄餐具，好唔環保囉！今日尊登帶定飯盒去買煎釀三寶，當我攞個餐盒俾男店員時佢有少少愕然，我諗真係好少客咁做，其實香港餐廳、外賣店同食客嘅環保意式都需要大大提升。不過該男員工好有禮貌。十蚊四件，叫咗魚旦、矮瓜、紅腸同韮菜角，件件都幾有份量，而且唔似用萬年油，唔會炸到黑麻麻，感覺比較健康，唔會滴油，都幾難得。魚旦足料密度高且彈牙，矮瓜多汁厚身、紅腸脆皮、韮菜角餡料不多但炸得香脆，全部唔加鼓油都好夠味。其實大家姐喺荃灣小食界價位算偏貴，路德圍龍津同東京站普遍平啲，而且質素同服務都唔錯，所以其實我比較少幫襯大家姐，但呢個三寶真係物有所值，值得encore之前都食過佢個串燒，個沙爹汁好好味，好多花生粒，$10~12一串，同樣值得推介。

十年前開始食呢間野，每次一定叫碗仔翅，覺得足料好味，尤其加埋辣菜脯，好好味！今時今日再食，$13一碗細既，以為自己食緊鼻涕成碗只有1.5條冬茹絲，木耳數條，碎粉絲一堆，啖啖鼻涕冇口感，老人家常言道，以前d野好食好多，小妹今天深同感受了

煎釀三寶乃香港特色小食，惟又平又好食既煎釀三寶越來越少。位於荃豐的大家姐多年來屹立不倒，阿豬行過荃豐定必來買炸魚蛋食。煎釀三寶 $10/4件今次唸住買多幾樣黎分享下，點知都係失水準。炸腸仔炸得過火，既乾又實。茄子整口都是油，絲毫茄子香味及甜味也沒有。而且呢舊既魚肉更加唔見左。炸豆腐算是不錯，外脆內軟。惟有炸魚蛋依然keep到，魚蛋剛炸起脹卜卜，好大粒，聞落好香，咬下更是柔軟且富有彈性，比起外面炸得硬實的已是十分好！由於炸豆腐及炸魚蛋算是不錯，今次就俾ok啦！不過阿豬又會變返以前咁只會買$10/4件炸魚蛋算啦！

今日要去荃灣做嘢，經過荃豐呢一間大家姐，佢真係有十幾年歷史啦，有我十年前係荃灣返工開始已經見到有佢存在，當時仲未裝修，比較簡陋啲。你一間大家姐又係出名食d平民野...例如豬油渣麵碗仔翅燒賣魚蛋腸粉糯米雞串燒炸雞翼之類，好似聽人講佢嘅串燒有秒製嘅醬汁，好似話加左椰汁，所以係荃灣嗰啲天橋行過都會聞到好大陣串燒嘅香味，我相信呢一個係佢吸引客人嘅原因囉！老實講果班阿姐態度就唔會係非常好...我都明白嘅咁嘅價錢仲想點呀。今日我收工嘅時候order左一個魚肉翅同埋一個燒賣，魚肉翅非常好味..但由於太肚餓啦我唔記得影相，燒賣我有影相，味道都非常正撈左豉油同埋辣椒油，呢啲香港先有嘅食物根本就係香港嘅核心價值！

呢度既炸魷魚鬚帶著漆黑色既外皮,堅挺地向上申展,好似要告訴你,唔插死你,都要你咬嘣牙.無錯,其強壯既肉質就如腎石般,用來當哥爾夫球都還行.我想信能夠進化到呢個境界,係要用下乘既鮮魷魚鬚番炸三五七次先得,一般廚房真係未必做得到.再加上都只係得四五條,好似知道我會食唔哂呢個時候我再望一望店名   大家姐....我真係服了你.值得一讚係椒鹽味好椒鹽

尋日(1-1-2015 Thur)朝要出旺角整電話,同男友出去前食早餐,咁o岩呢到荃豐,男友話o係o度食啲o野先,由於的唔太餓,就由佢發板,佢要o左一碗魚肉翅兩溝,兩個$20.00o既經典組合四號.我o地坐低後,”發現”有豆漿飲,就一人一杯,我要熱,男友要凍.冇耐,所有o野食有齊,共$59.00.我o地開餐喇,我先食魚肉翅兩溝,一食,木耳味好濃,口感爽,材料重有冬菇,肉絲,算多料.魚肉就正常冇問題.食o左半碗後,就食我o既經典組合四號,有腸粉3條,牛肉球1個,燒賣4粒同魚蛋5粒.腸粉,燒賣,魚蛋同腸粉味道同口感都冇乜問題,牛肉球口感鬆軟,味道比起其他四樣可以話係最好,最突出,但又不至於可以俾滿分.而原來佢o地會幫客人加o左豉油同甜醬.至於豆漿,味道唔太甜,都幾舒服,不過點解凍飲會大杯啲?味道係3.67分, 抵食係2.8分環境:用晒方枱,比以前圓枱更整齊,但都好迫吓.

每遊車河到荃灣,都會經過荃豐,但現時荃豐的食肆已經歷了一次的大清洗,以往光顧的華記已經倒閉,而處於人流最多的地方的大家姐雖然沒有了一個鋪位,但依然迄立不倒.說回正題,今日我又去光顧大家姐的沙嗲串燒($10/串),串燒的種類比裝修前的多,而其中一種便是我最愛的豬頸肉,因此買了兩串豬頸肉和一串吃開的豬肉串豬肉串非常鬆軟,咬的時候會有沙嗲汁和肉汁,頗彈牙,值得一試豬頸肉串肉汁不多,而且非常韌,整體來說強差人意最後還是舊有的比新口味令人滿意,不過如過經過荃灣都會再買來吃,特別是城市廣場的Labmade開張後