大家姐 (已結業)

今日行街見口痕..就近去左大家姐食小食..見到咁多人食諗住實冇死嫁啦..我嗌左煎釀三寶,燒賣,魚蛋同雞肉串..煎釀三寶係凍既..懶到唔番炸就咁凍冰冰俾人食..不過從個味道得出..就算佢新鮮熱辣都唔好食得去邊..燒賣一般..唔夠熱..蒸得唔夠林..魚蛋叫左辣既..點知佢黎左之後真係食唔出係辣魚蛋黎..雞肉串冇咩味..得D沙嗲汁味..雞肉本身唔夠熱..沙嗲汁仲要食凍凍地既..最後既結論係好失望..佢地連咁普通既地道小食都搞成咁下次真係唔會再去幫襯

今晚太太食完晚飯,突然想吃咖喱魚旦,於是就去現時覺得比較好吃的大家姐買外賣,講起咖喱魚旦都算係香港特式小食之一,可以講由細食到大,記得讀書時,學校小食部的魚旦好好味,當時只需$2就有6粒咖喱魚旦吃,每次一到小息,便要立即去買,因為好快就售罄,所以每次買到,都慢慢品嚐,可惜時代變遷,現在已沒有做了,想找一間好吃的咖喱魚旦,不是容易的事!因現在魚旦大多有陣"簡"水味,又或有腥味,一些咖喱汁又太辣或太濃味,個人認為咖喱魚旦要用外皮淡黃色炸過既細粒魚旦,還要彈牙,不可腍身,配以香而不辣的咖喱汁,這樣才算好吃,有人還喜歡加上甜醬或辣椒醬食,可以帶出更多辣味,但自己就不太喜歡,不過今次都加了甜醬因太太喜歡這樣食!咖喱魚旦>>就是用外皮淡黃色既細粒魚旦,好彈牙而且無"簡'水味及腥味,唯一美中不足是咖哩汁過辣,只有辣並無咖喱香味,但都幾好味,是目前我覺得好吃的咖喱魚旦

聽講呢度有粉仔食, 剛巧去開荃灣, 就黎一試.原來粉仔即係油渣面, 叫左一碗, 十七蚊, 但好細碗, 感覺唔太抵. 不過除左面同豬油渣, 仲有肉, 唔會好齋, 而且菜脯任食, 呢樣我鍾意! 味道ok, 都幾濃, 而且面唔會好"淋", 但坦白講, 因為太細碗, 食完都唔覺飽.....反而覺得跟餐個杯自搾椰汁唔錯, 清清地唔會好甜.

一直想重新開始打過我既食評,亦都有諗過放棄唔再打!最後,小女決定以近排最愛既魚肉翅作為我既重新開始之作,紀錄我覓食既新歷程愛上魚肉翅,亦彷彿由呢度開始...一碗$15左右既魚肉翅令我如此著迷...呢度既魚肉冇平時我食開既街邊宵夜檔咁好味,而且毫無魚味,更不用期望會有我一直鍾愛既果皮香,配搭落去只係為左個翅有d咬口!不過碗翅卻香甜無比,材料足,而且每一啖都係非常之甜,即使有味精,亦令小女甘願愛上!講到最吸引我既地方,都係桌上兩盒任落既菜甫,有辣有唔辣,由於辣菜甫辣味驚人,所以每次只會落少少,伴隨既係大量既唔辣菜甫,甜甜既味道令到成個魚肉翅生色不少!每次因為我隔離果位先生,都會令到盒任落既菜甫少左一半,哈哈如果要係鋪頭食魚肉翅,呢度係不二之選

有點事要在附近走走,見尚有少許時間,便重回舊地,大概這一類商場,有不少食店在艱苦經營,所售的食品,都是以種類多為主.看看檯上的點菜紙,車仔麵的配菜種類不多,自己亦沒甚興趣,就隨隨便便要了碗生菜魚肉湯.老實說,連燈油火蠟,賣十一二蚊,真的是純魚肉,有點天荒夜談,放在檯上的魚肉,嗅來帶點麻油味,雪白的魚肉形狀大小如一,師傅手勢真好,咬落毫無彈性,魚味輕清,師傅味突出,再加點菜圃粒,務求令味道多完化點,但效果亦令人搖搖頭,相比起附近另一檔專賣魚肉檔是失色得多,有機會是要介紹給大家試試.

食完乳酪次後番屋企,見到枱上係大家姐D野食大家姐態度唔好係人都知,但佢D串燒好就真係正到爆!牛肉,雞肉,豬頸肉,仲有一碗仔翅!哇!正呀!佢D汁好正,而佢D豬頸肉好滑,衰在雞肉鞋.碗仔翅就當然冇得彈啦~

今日入左荃灣搵個fd行街....其實對我來講都幾遠! 不過荃灣真係好平d野 之前有frd講過呢間好好食d 小食, 咁Q行到呢個商場當然要試試啦!! 我地叫左一串牛肉同一串豬頸肉 $ 7 @ 3串 $ 20因為唔知係咪真係咁好食, 只係買左2串!!首先講講個汁先, 個汁真係幾惹味!! 不過d肉就唔知係咪煮過頭...好鞋 如果d 肉都好soft就正啦!!下次有機會再試其他 重有丸呀 雞肉呀 個d串燒!

雖然這裡賣著通街通巷的香港街頭小食,但坐落在商場入口,人來人往之處,常常有光顧之人流,名叫大家姐,就給我一個荃灣「街頭」的家姐風範。住荃灣咁耐,都未入去吃過。今晚與姊就來這,吃地道小食作晚餐。生菜魚肉湯$12x2。主要是上枱前放的麻油是主味,未至於不好吃,只是好淡囉。豬牛雞串燒,沙嗲正!炸魚蛋,化學材料得很!!!炸過,發得極大粒,送過來時,真是以為是墨魚丸!味道與生菜魚肉的魚肉同味。……味精!

和老公行完街, 想食少少野便來到大家姐食下啦.上次既沙爹牛麵同CHICKEN WINGS都唔錯, 今次試下其他野食睇下點 碗仔翅食出味精, 但真是好好味 車仔麵也是., 十分好味 豆漿出奇地D味唔淡, 且有D豆味WOR, 好飲 三竇, 魚肉小了點, 呢個扣緊D分

我一向鍾意食小食, 正餐反而麻麻地.有時夜晚男友問我食咩, 如果唔肚餓, 我第一時間諗到來大家姐難得男友肯就我, 俾我話晒事.兩人來到第一時間會叫碟腸粉加燒賣, 呢兩樣係我至愛. 其實我諗我最鍾意食的醬卦. 另外一人叫一碗車字麵, 估唔到呢間既車仔麵水準唔錯喎, 最鍾意個湯底清清地又夠味, 一路食一路笑住讚, 還有, 呢度既串燒又係唔錯, 我估我最欣賞既或者又係佢既醬卦男友鍾意見到我開心笑住食既樣, 我鍾意男友陪我試勻各式美食, 開心配搭---絕配!我預左俾佢見到笑我既~~哈哈~

大家姐已經開業多年,已經吃過很多次,今天,心癢癢的,又到此一遊.今次的選擇:腸粉,燒賣,煎釀三寶,雞蛋仔.腸粉,不夠滑,不夠薄,甜醬的味道有一點怪怪的.燒賣,有魚肉味,不只是一團粉團,驚喜.煎釀三寶:豆腐外脆內滑,豆味十足.番薯變薄了很多,很甜,外面的炸漿厚薄適中.魚丸必叫之選,爽滑彈牙.雞蛋仔,退步很多,不熱,表面也不脆.

認識我的朋友都知道, 我最喜歡吃的碗仔翅, 是油麻地的通達, 幫襯十多年之久, 仍然覺得無可替代!但自從年多前搬了去馬灣, 公司也搬了去荃灣之後, 我已經沒有機會食到我最愛的碗仔翅...大家姐其實也是荃灣的老店, 記得以前十來二十歲時有一段時間也經常出現在荃灣, 也幫襯她們好幾次. 但差不多十年前的味道, 我真的記不起來了...有天突然好想吃碗仔翅, 就跑去嚐嚐~ 看到桌上放着辣菜甫, 已經立時加分!碗仔翅上桌, 好香! 清清的不算料很多, 反而覺得是恰到好處. 不會太"杰"做到槳糊一樣, 用湯匙盛起來是流質可以順暢的流到碗裡卻又不能水汪汪的是為有水準, 這裡就做得到!加上辣菜甫後, 更是有點精之效! 一流!!!不是很多食店有辣菜甫供應的, 只為了這原因, 也值得一來再來!今天, 突然又心癮起. 放工後就來這裡止止癮~~~!

今次再回來, 仍舊3串串燒~其實本身已忘記了上次食完邊隻最好味......所以純粹放棄左牛肉...要左兩串雞肉+一串豬頸肉...仲要左一碗碗仔翅~雞肉串燒~與上次形容的差不多, 其實雞肉的軟硬程度和肥瘦程度冇咩問題, 唔會好似牛肉咁硬同咁難咬開...但同豬頸肉比, 又實在差左少少~豬頸肉串燒~只叫了一串, 實在唔抵, 一串裡面大概有4小片吧, 可能豬頸肉本身的軟硬度很好, 口感亦很好, 紋的分佈易被咬開, 所以特別香口的. 其實只要趁熱吃, 熱辣辣的沙嗲汁雖然表面上有一層油層, 但實在好香, 唔會話真係辣, 純粹只係果種沙嗲味的甜同香~3串其實唔會飽.......不過過下口癮未嘗不可~碗仔翅~當然唔會俾真翅你, 其實連假翅都冇...純粹只有粉絲....不過夠味道, 比起普通貨色的好, 但又未至於話好回味果種...笑面的分佈大概如上面所示那般~仍然想試沙嗲牛面~

同朋友打完機,佢帶左我黎呢度食野~呢度有好多小食同麵食~d價錢都好便宜~朋友話d勁辣魚蛋好辣,我又唔覺,不過講真,d魚蛋唔好味!因為煮得唔淋得黎又唔彈牙~仲要冇咩味咁??另外朋友叫左個牛腩麵,佢話ok~我就叫左個雞翼麵,因為隻雞翼另上,所以唔會淋曬,好好味~不過個麵就普普通通~冇咩特別~

今日(10-10-2009 Sat)同男友o係荃灣買完o野,佢話想食少少o野,於是o係o度坐低食,要o左一串唔辣魚蛋,男友要5條腸粉,同一人一杯豆漿.二姐會問我o地腸粉要唔要醬,我o地話要.之後,腸粉好快o黎到,我o地食喇,熱辣辣o架,而且係有麻醬同甜醬,好濃.而魚蛋呢,就只有豉油,男友話好正,食到有魚味.凍豆漿甜度適中,但唔夠凍,係美中不足.