大快活

營業中

休息中

吃過大快活下午茶的紅豆沙多次，由第一次吃的是濃濃的好味紅豆沙，到之後幾次吃都是希希的紅豆沙，今次吃的都如是。每次吃時都希望能重遇上第一次吃的好味版，但每次都教人失望！雖然不再好味但味道總算接受得到，但個飯就令我「大開眼界」了！下午茶餐：紅豆沙配菠蘿肉碎咖哩炒飯 $33，冇飲品。菠蘿肉碎炒飯：1. 如圖片中所見，有菠蘿粒在面。所有肉碎在面，真的很少肉碎，飯裡面完全冇。所有餸都放在飯面上面，還是炒飯嗎？2. 菠蘿冇乜菠蘿味。3. 只聞到和嘗到少得又少的咖哩味，如圖所見，上菜時竟然有一大舊白飯。真的！係一大大大舊硬掘掘的白飯，仲要放在面上！㕑師真的完全沒心機煮，可憐了我們這些食客！吃過紅豆沙和飯面上的冇味菠蘿後，完全吃不下整碗冇味冇餸的白飯。真的未試過在連鎖快餐店吃到如此強差人意的一碗飯！肚子不飽還一肚氣，白白浪費了$33 吃一碗希希紅豆沙。走時看見店內的牌寫著「承諾做到最好」，但我只吃到「冇心機」和看到「唔滿意」呢～

今晚食飯，竟然所有食客的餐具都放在水杯中，為什麼呢？忘了這叫什麼名字，雖然是普通的食材，汁好味，整體味道不錯。這是紅菜頭汁玉子豆腐野菜紅米飯。雖然是一個素食，但味道一點也不素！飯上的是熟悉的洋蔥汁，可以好好伴飯吃。但一點也吃不出紅菜頭味啊！好吃的食物，食晒！這款餐配涷低糖綠茶。所有食物都幾好味，晚飯時間竟然店內人不多，可以好好坐下來吃，滿意的一餐。平時有時候不太好吃，今次真的好好彩遇上好吃的食物，多謝今晚的㕑師啊～

點解次次食個上海幼麵都唔同味既😅連麵都好似有粗有幼咁 今次幼左又淡左又少左今次隻蛋燶邊架 好食👍🏻😘拎埋罐花生醬 一半牛油砂糖 一半花生醬😍好滿足既早餐😛😛

今次兩碗麵份量都多過上次 抵讚👍🏻我本來想拎花生醬 點知佢俾左煉奶結果我決定一塊多士三食😛牛油砂糖 花生醬 煉奶👈🏻排名分先後全部我都好滿意(除左咖啡依舊難飲☕️)五十幾蚊好抵食😘

拎左粒果jam 一半jam一半牛油砂糖 正😘個肉燥炒麵都唔錯 幾香 唔會一pat pat 但油左啲呢兩個餐都幾抵食 好過食有舊肉既多士細一半 冇左碗粉 貴多幾蚊🐒個粥足料過一粥麵好多👍🏻

好耐冇食大快活早餐多數都去一粥麵 因為佢有個珍寶魚柳好大塊但今日去竟然冇左變返普通魚柳😭------------------------------一粥麵啲咖啡已經唔好飲 大快活直頭係難飲💩但選擇就多啲 我都係為左塊砂糖牛油多士姐😶魚柳定豬扒都係配菜😛😛😛

今日病病地, 唔知食乜好,好耐無食大快活下午茶時間2點開始, 唔多人排隊而且大把位,用八達通俾錢好方便是但叫左個叉燒飯加熱檸水$28,抵食俾完錢拎單就可以排隊拎野食,服務好快叉燒睇落幾靚,肥瘦剛好,無胃口都變有胃口可惜個飯好難食,一pat pat,太多水,叉燒有少少燶邊夠脆口,如果個飯乾身少少就完美喇, 因為太難食, 食唔哂成個飯下次都係叫其他野食好D下午茶份量方面唔預期太大, 都夠飽既, 加2蚊雞有碗仔翅,但今次無試,最近大快活好似有個服務唔洗自己排隊拎野, 有人送埋黎,最岩一D自己黎食既人,唔怕拎完野食無位坐

週末大快活下午茶時段人流唔多，好易搵位。豬扒包焗得香脆，豬扒煎得金黃，但豬扒越黎越細塊，生菜亦都越黎越少。雞翼配咖哩魚蛋餐雞翼燒得好靚，魚蛋唔會太食粉漿feel。低糖凍綠茶微甜，甜度啱啱好。

最近係FB見到有飲食專頁介紹大快活的即刨肥牛火煱，所以同女皇及家人一試，點知....首先去到先排10分鐘購票，買左4個火煱，之後回座位等，一座就座左20分鐘都無任何動靜，咁我就出去檯面問下，店員只係講左句“等陣，未得”, 如是者等到40min都無野送過黎！今次忍唔住去左收銀要求退錢，點知收銀極不禮貌咁去左櫃檯大叫“個客要退錢呀，快d做呀”，之後20分鐘又過去.....終於見到食物，做左幾十年人真係首次到快餐店食野竟然要等1小時！而且所謂手刨肥牛，只係一早刨定而且完全唔挺身既肥牛，完全無牛味！真係第一次食飯食到咁嬲！希望大快活既管理層可正視這個問題，否則拎幾錢去做廣告都無用！

我食野都算挑剔，好多食物對我來講，如果第一印象麻麻地，我係唔會食嘅。譬如小火鍋。日間多食多餐的我們，到夜晚又不爭氣地想食野。幾經思想掙扎我地決定去樓下食小火鍋。我食呢樣野的次數真係一隻手都數得過黎😂其實就一次咁大把。幾間連鎖快餐都有sell火鍋，最後都係入咗大快活，因為近排成日有廣告😂大快活人工送餐唔洗自己拎。感應器都幾得意。兩個人扮細食要咗一個牛肉鍋，4 oz. only。灼咗兩片牛肉之後，發覺又幾好味喎，湯頭ok清甜。本身唔算太餓的我們又被刺激到追加咗一份牛肉同一份豚肉。早知頭先要大份餐啦，正價廿幾蚊肉都係得個4 oz.😕好彩蔬菜多。我個人就覺得豚肉好食過牛肉。雖然都係急凍肉，豚肉肉身會厚過牛肉，灼起身啲肥油都會香一些。煲到最後湯都變精華，烏冬都解凍了，餘溫剛剛好灼熟烏冬，正！我好鐘意食大快活的下午茶餐，永遠只點一個，就係雞腺紅豆冰。無論係油雞脾又好，燒雞脾又好，全部都够大隻，够入味。啖啖肉配紅豆冰，認真一流。真係愈來愈愛大快活啦！

前日同個仔去完玩具展，然後返第一城晚饍。我地去左大快活，叫左份咕嚕肉飯，咕噜肉炸得好香口，肉味好香，而D汁加左山渣甜而不溜，幾有水準；而D例湯幾清甜，無味精，都算幾足料啦

$24下午茶精選紅豆冰的紅豆溶左7成，奶味完全不濃。西多士勁淋，多油！配上糖醬或鍊奶，令面包更濕。反而雞翼餐ok,雞翼長度長過個餐具，而且脆口 環境衛生，清潔姐姐行動好快。

今晚屋企無飯食， 就去左大快活食個晚餐。點左個牛扒配法蘭克福腸， 快餐店的牛扒較為平宜， 但是味道，質感較差。 牛扒份量需然比我的手掌還要大， 但是較為薄， 肉汁也可很快地完全流失。口感鬆散， 專心也感覺不到肉汁的美味，於口中用心的吸， 只是配汁的味道成個餐比較釨味既係條腸同粟米，腸皮都脆同埋彈牙。 粟米粒粒鮮甜。算挽回啲分數。

咖喱雞飯，真係好難食。首先d醬汁本身以為好鹹，點知無咩味，系覺得好多油。雞肉有d硬，醬汁又唔好味，白飯又多，無其他野送。唔通真係餐飲送飯咩？入面有舊馬鈴薯，馬鈴薯好似唔系好熟咁樣，要到入面比較硬，又有中生馬鈴薯既味道。唉，負評。其實大快活d野食次次去都幾ok，今次應該系失準，但都無辦法啦，今次焗住要扣分。

厚切黑豚扒飯係咖喱汁嫁！d黑豚真係都幾厚，無呃稱。出面炸得好脆，本身預計佢入面應該好老，啊，但又唔系wo。無想象中咁老或者咁硬。係幾好食既。但係咖喱汁就太少啦。同埋吉列豬扒唔知點解我硬系覺得應該配沙律醬多過咖喱汁。通常大快活都有既，可以問佢拎來點。D咖喱汁入面d蘿蔔唔系好夾，同埋冧冧地咁樣，口感好奇怪….叫埋一口黑豚拼脆炸青衣魚柳滑蛋鍋。系幾好既，但係實在太豐富啦個鍋。首先個鍋唔夠熱，d蛋變左真係長期滑蛋。一口黑豚都真係幾迷你。魚柳又唔kaam食，於是滑蛋先變主菜，笑左。青衣魚柳睇poster我第一眼以為系麥樂雞 xdd btw， 食落口，我覺得魚柳包入面舊魚柳好味過佢。出面有d硬，入面又唔夠軟。Ummm…. 不予置評。