大快活

營業中

休息中

落樓下食, 上次去過大家樂打邊爐, 今次試下大快活比較下都好~~~ 叫左一個肥牛單併 ($43) + 魚湯底, 一個肥牛黑豚雙拼 ($46) + 皮蛋芫茜湯底, 一杯可樂 ($5), 一杯酸梅冰 ($6)配料有: 魚蛋仔x2, 魚片角x2, 豆腐仔x2, chicken 肉3件仔, 芽菜, 粉絲, 烏冬, 面筋波波x2, 仲有好多唐生菜~ 其實湯底無咩味架, 不過, 都唔差~ 好過大家樂的湯~ 魚蛋仔同魚片角ok 啦, 豆腐仔就怪怪地, 無食, chicken 肉都幾好食, 芽菜有d 唔新鮮, 啡色的, 粉絲幾好, 烏冬好醉, 面筋波波ok, 唐生菜勁勁勁勁甜~~~ d 肉肉幾好食架~ 係少左d囉, 不過可以$18 買多碟, 加左, 食埋, 都幾飽。食完先諗起, 其實可以2 個人叫一個鍋, 另加肉肉 ($18), 同魚蛋片 ($16), 反正d 配料都唔係重點~~~~ ok啦, 過下癮都唔錯囉~

有我最愛的紅豆冰同雞脾雞脾亦是男朋友的最愛, 油了少少, 但好好味, 夠熟, 唔紅紅豆冰的豆是少了一點, 但夠冰凍既...

對上一次黎大快活食"唔落味精", 己是一個月的時間了上一次覺得好好味, 因為大份, 又好食...炒野應該係最好食...相比起蒸野但係估唔到今次點左佢個炒蝦仁配翠玉瓜洋蔥, 但勁唔得佢個餐都要30蚊左右, 送綠豆沙, 加7蚊有蘿蔔粟米湯, 加6蚊有欖油炒生菜(但無叫)估唔到既係...1. 多油得很(差不多20匙有多)2. 少瓜, 少蝦, 多配菜3. 份量少得可憐, 一個男人食一定唔夠!4. 蝦仁細又得個5小只5. 連個飯都唔熱, 只係暖!6. 綠豆沙雖然係送既, 但係d綠豆係碎濕濕, 可以講係綠豆水!

一直都好中意食佢果d炒蛋但係已經好耐冇食今日咁岩要幫呀妹訂校服佢間學校又o係附近所以就順便黎食個早餐啦~我要2號:炒蛋+多士+雞扒+熱檸水救命呀!全部野都縮晒水囉-_-不過味道都仲keep到 算你啦~炒蛋真係超級好味!好味到我連媽媽果份都食埋...雞扒都ok! 多士都唔錯~媽媽要炒蛋+豬仔包+麥皮佢食左半個豬仔包已經話飽=0=最尾個炒蛋由我搞掂...雖然凍左 但係都好好味daddy要1號餐火腿+炒蛋+熱奶茶 另外加腿通$3睇佢個滿意樣應該唔錯啦...妹妹要火腿蛋三文治+麥皮+熱coffee蛋治諗住佢即刻係廚房炒蛋再比我地點知佢一拎就拎左個整好既0_0雖然都仲微暖 但係印象就冇咁好囉...食到超飽!

落第一城,去大快活食tea千選萬選選了奶醬豬,熱咖啡,我等左好耐,點知佢一拎上黎係厚多士囉!明明張單係寫{奶醬豬仔包}囉好冇之後又等多2分鐘但係個豬仔包唔似烘過唔熱 唔排 只係{唔軟}煉油花生醬自己茶我唔夠用 問佢拎多2樣各1佢都制~味道呢 都ok啦(只係我茶奶醬既份量得宜-v-)coffee,唔係我飲的~overall,ok啦下次試試厚多士

媽要去一城打牌爸駕車去一城順便吃吃Tea爸點了雞脾+紅豆冰我點了奶油豬+凍奶茶*凍奶茶讓了給妹妹~奶油豬: 不好牛油所以只塗了煉奶包是剛烘的 微暖把一整盒的煉奶塗在其中一塊面包上 甜甜的 暖暖的 很棒煉奶吃完了 要再出去拿呀嬸也ok有禮貌的給了我一盒第二塊 一樣的棒就這2個set竟要37元太貴了吧

近日看電視都不難發現，大快活推出印度乾咖喱春雞，片中食客拿著那外表看似皮香肉厚兼份量十足的春雞，然後用手撕開雞脾，肉汁就不停地滲出，令人看得垂涎三尺，有一種恨不得快點衝落街，大快朵頤一餐不可，卒之小弟按奈不住跑往一試，雖然賣三十二元一客，表面唔算貴，但其實只得個Maincourse，無湯或飲品，而且份量少得很，算起來唔多抵吃，咖喱味就一般，只有很重的茴香味和指天椒的辣，我隨即用手撕開那雞脾之時，頓時大失所望，不但沒有半點肉汁，反而仲乾骾骾的，好像把乾柴放進口般，口感奇差。吃罷隨即覺得又被廣告傳媒騙了一騙，小弟終於了解「眼看未為真」的固中道理了。

日前因為有coupon,一家四口來了吃dinner=)食左3個餐-咖哩牛楠-栗米班腩-橄欖油雞扒意粉我淨係試左我自己個意粉一拎就比舊雞上面d油嚇親!!水浸咁!所以樣衰都唔理,拎張紙巾吸吸佢先,吸完好樣好多!唔會少少油光都冇,但又唔至於水浸!如果d員工都咁就好啦!食落去,好好食呀!!!意粉加燒汁,第一啖有d怪,不過食下食下又ok~餐湯同蒜蓉包我都冇食...如果佢整多d西式野就好..我真係好唔中意中餐!

今日經過順便食..排隊個收銀員化妝化到好核突..望住我時都不敢望佢..唔知係咪無人教佢..一接近落完order時.我錢都未拎.佢就竟然比你快一步90度攤直隻手板等你放錢..十足十細路仔女問家長拎零用錢咁..第1次見真係..原來會感覺無禮貌..好啦..落左order去到排隊個度.有個肥婆同有個叫咪合共兩個職員..肥婆最近我..佢只係等廚房.但竟然唔留意我做梗乜..我誤會左以為中間係隊尾....我企左1分鐘左右..忍唔住問佢係咪要比飛..佢先冷淡話:係呀..後面排呀..仲有叫咪個職員又係好似讀梗書..叫得好傲慢..開飯喇!首先有幾塊蝦片都唔會望好食..結果真係硬到食唔落..由佢..主菜係d飯同豬姐..oh~~my god!好似西炒飯d味咁..仲要唔夠鍋氣.有d軟左..不過夠熱..塊豬扒就得一塊真係好小..咬落去..好軟熟..但唔夠豬肉味..再飲啖青檸梳打..幾好飲..諗住都ok...但食到接近底部時..出事啦..廚c落太多油啦!攪到油淋淋..35$成個餐..就變得唔抵食啦..之前係九龍城蘭英小食..22$左右有雞比炒飯+野飲..正幾多呀!真係呀!

到現在的食評好像沒有提過阿活，就今趟一評這裡吧！這裡的快餐已幫襯不下十數次，總覺有兩樣食品是不錯的，肉醬意粉及咖哩牛腩；前者的意粉確實夠彈牙及香味，不腍身之餘配合勁味茄汁肉醬，比起很多標榜正宗西餐廳的好得多。咖哩不是港式的，是濃濃辣辣的咖哩味道，不會分辨是印式或坡式或是泰式，但以阿活咖哩來作招來的是做到了；是趟幫襯的咖哩牛腩，根腩各半，腍身之餘又不多渣，配上白飯是一絕；唯一敗筆是內裡的薯仔尺寸太大，不夠入味。其他的燒臘、炒飯、吉列什麼什麼不敢恭維，若下次想食咖哩又要快手的話，這裡的是不錯的選擇。另外這集團近年的Marketing著實做得不錯，起用一個另類風格的Actor 及全新的Logo、裝修、出品，現在勝負未分但戰況頗為吸引！

都開左兩個月倒，岩岩開Ｏ個陣質素好ｄ。而家去覺得廚房同出面唔協調，好多時都聽錯單～要等好耐先有。ｏverall o黎講食物唔錯，味道同賣相都得！先後食過原茄豬扒意〔推介！ｄ汁有成個蕃茄架！〕燒味雙拚同咕嚕雞飯。我覺得西式飯／意粉好味ｄ，特別係ｄ意粉幼好滑，好似天使麵喎！但中式ｏ野就整得一般～都企理過對面大家樂ｏ既。除ｏ左阿活奶茶好滑好靚之外，其他ｏ野飲完全唔得！試過飲紅豆冰，紅豆好少，飲到底ｏ個陣好似飲緊蒸餾水咁～唔知佢點樣溝！低糖綠茶完全冇綠茶味，似係水加少量糖水咁！食物絕對高分～但飲品可以改善就好喇！