大快活

營業中

休息中

估唔到今次竟然有2人梳化位, 雖然都知呢間大多數都有位, 但好多時坐2人梳化位果d, 都係有排吹水, 仲要係柱邊, 唔怕有人行來行去, 咁就冇咁騷擾啦~  今次唔叫兩個小菜, 叫咗1個中式1個西式~  吉列魚柳配咕嚕汁, 加肉燥唐生菜同中湯  吉列魚柳可以選咖哩汁同咕嚕汁, 但咖哩汁好似熱氣咗d, 所以選比較開胃的咕嚕汁, 個魚柳仲熱熱地, 唔知係咪即叫即炸? 又夠熱又夠脆, 再配埋個酸酸地的汁, 正~  因為呢個好似冇菜, 所以加錢選配肉燥唐生菜, 但個肉燥鹹咗d, 最終都係撥走哂d肉燥先食個唐生菜  是晚又係合掌瓜湯, 依然係不加味精, 食飯前飲都叫做夠味, 但食完d濃味嘢後, 就覺得個湯淡咗d  洋蔥炆豬軟骨配低糖綠茶  睇個名仲以為有洋蔥, 點知變咗紅蘿蔔同薯仔, 唔知d洋蔥係炆到溶哂, 定係改咗做紅蘿蔔薯仔炆呢? 睇佢個汁又黑又杰, 但味道啱啱好, 唔會好鹹, 雖然佢d餸同飯放埋同一碟, 但d汁可能杰咗d, 所以冇浸淋哂d飯, 可以一路撥d汁去d飯度, 至於個主角豬軟骨, 唔似出面街食開果d, 炆到d軟骨變哂透明, 冇哂咬口, 佢仲係白色, 但唔會硬到咬唔到, 係要

大快活d 野食一向都唔差，環境衛生都比另外果間好好多。夜晚特然慶起想食大快活，一入到去見到有豬頸肉叉燒飯。心入面即刻諗起周星馳係食神個幕，唔知係咩？睇標題啦！仲係唔知，睇多一次食神！快餐店入面既燒味就。。。你唔好預期咁高啦 不過有時會撞手神 食到d靚叉燒。但今次就撞唔中啦！d 豬頸肉呢，就無乜味既，如果有少少汁襯托下會好食dd。總括黎講，飽既！

估唔到只係遲咗少少返到嚟, 周圍都已經滿坐, 唯有選擇呢度, 因為連呢度都冇位的話, 你都唔駛諗其他, 但我地啱啱嚟到, 竟然冇位, 好彩行咗一個圈之後, 見到有人走咋~是晚唔想食扒, 於是叫咗兩個中式中菜, 因為可以加錢有湯飲~  紅燒獅子頭一大舊獅子頭, 好滑, 所以我相信溝咗好多肥膏, 如果唔係唔會咁滑, 同埋冇乜肉味, 又淡, 完全係靠佢個超杰的芡, 但個芡熱辣辣時都已經一pet嘢, 凍咗時就真係..............個湯話明唔落味精啫, 唔駛連鹽都唔係點落掛, 味道偏淡些, 雖然又有瓜又有肉又有果皮又有蜜棗~  美極魚柳一味就淡, 呢味就鹹, 唔通要溝埋一齊食? 香係幾香美極味, 但d魚真係好鬼死鹹, 我要用一大舊飯包住佢食先得, 又或者食完要即刻飲啖湯~

一早來到第一城，目的就是為了食早餐，因為食完早餐，便要獨自前往醫院，繼續治療...我是不會放棄治療的!!! 至於因什麼事我這一年來會常常進出專科，我可以透露一下，是眼疾。醫院的 appointment 是 9am，而我8點正已經來到了第一城，而且總有一個心理因素，就是一定要早到，早見完醫生早走。所以，我雖有一小時的早餐時間，但我都係選擇最快捷又不會不好味的快餐店。就在必經的商場內，有《大快活》，而早上想飽一點，暖一點，在城中三大快餐連鎖，我一定會想起大大隻糯米雞。就《大快活》而言，一隻米雞加一杯奶茶，30蚊都唔駛，實在是抵食。打開米雞，雪白食的，荷葉的香味其實是未完全滲透入米飯內，不過，內裡的肉醬餡，臘腸同雞翼，就帶出了糯米雞的肉香感，而糯米亦做得剛剛好，有粘性，但又不會太腍而變成一 pat 野咁，很是不錯。食快餐店早餐，其實我喜歡中式味道多於西式味道的，尤其是冬天，暖立立一隻糯米雞勝過西式扒餐。

下午茶餐, 豉油雞比, 本來配紅豆冰係好開心既事, 不過感冒未清, 唔敢飲凍野, 睇到呢度新意思, 有得配陳皮紅豆沙喎, 就試下啦! 點知一試就癩野啦! 唔單係紅豆沙, 連雞比都唔掂.. 雞比塊皮, 又靱又乾, D 肉勁鞋, 應該係响個保暖爐度放左好耐都冇人買所至.紅豆沙真係嚇死我, 一PAT PAT, 杰撻撻咁, 又甜到死, 唔熱唔凍, 係室溫既, 真係好難食!大家千其唔好試! 好彩佢個紅豆沙係限定, 唔會長期供應, 真係難食到嚇死人!

今日放lunch有d趕得半個鐘頭食野 冇計我唯有極速衝左去快餐店到是但買個飯順便買埋比同事食見到大快活就快快手入左去 邊排隊邊看menu 到我果時都已經想好要食咩啦我就要左個蝦仁栗米炒蛋飯 幫我frd要左個栗米忌廉飯 快快手返到公司已經得返15分鐘我原本以為得少少好快食得曬 點知一個37蚊既飯個分量都幾大下 最尾仲要食唔曬 有d side 下次會記得要少飯架啦不過一個飯 送既分量都幾多 飯都夠一個人食(如果唔係趕時間會食得曬) 都幾抵下

呢排放假 可以周圍食野啦 特別係下午茶 又低又好味大快㓉呢個餐又幾低禾一大件西多 一大碗雪菜肉絲米粉 再加一杯熱奶茶 都係$20 低雪菜肉絲米粉 好大碗 雖然雪菜通肉都唔係好多 D雪菜真係好入味 個湯底好濃 雖然知道係味精湯 但係幾好喎西多 單睇個樣再加牛油同練奶就幾靚仔 金黃色 但一D都唔好味 個飽唔脆 仲有D un 飽裏面亦冇花生醬 比較失敗熱奶茶 夠熱 茶味濃 花奶份量亦恰到好處$20一餐 都算物超所值啦

新年期間和老公出來行街，見到有favorite的豬仔包，自然要坐下來好好享受一下。話說這裡的豬仔包做得還算不過不失！ 外皮夠脆，麵包也還是熱的，內裡夠軟，， 再搽上花生醬、煉乳、黃油，，good！ 個下午茶set才20元，還包括一個蜜糖燒雞翼，我個人比較欣賞這個燒雞翼，皮脆多汁，外有蜜糖還很juice！ 相信這是大快活最多人叫的飲品，ok，我喜歡它的淡淡的甜味。

Ordered tomato sause beef spaghetti,  a bit salty but so many beef, portion of noodles are big, noodles are not too soft and not too hard,just right, one good thing is they have some vegetable by side...Ordered hot milk tea too, milk is smooth and tea taste is rich, it is hot enough tooCashier is polite and fast!

由於今日嚴重感冒零胃口，早餐都無食。Lunch Time 諗住食完飯小休返半個鐘，所以選擇速食快餐，揀咗斐聲國際嘅影視紅星杜汶澤先生代言嘅...大快活。廢話不多說，一望餐牌就比「雙拼燒味牛丸米粉」吸引到病入膏方嘅我。點知就咁中伏，佢個餐牌欺騙咗我嘅感情，枉我病咗都幫襯佢囉。一打開蓋，嚇見雙拼燒味唔見咗一味，只有叉燒。我當堂嚇左一跳啦，回過神來先意會到「牛丸」係雙拼中其中一拼，即係正確寫法應該係「雙拼.燒味牛丸米」而唔係餐牌既「雙拼燒味.牛丸米」，跟據最新生效既商品說明條例似乎有誤導之嫌喎。Focus 返係食物質素果度，份量少到連病重嘅我都唔夠食，米粉無乜特別，生菜唔知係唔新鮮啊，定係煮過龍，黃甘甘咁。牛丸就係打邊爐牛丸，好在叉燒爭番啖氣，反而有驚喜，估佢唔到瘦到無肥肉嘅叉燒都可以冧得黎又彈牙，且有口感。但一碗取巧叫雙拼既米粉於快餐店索價$32 唔跟飲品未免太進取！ 食品口味清淡，但伏味相當濃郁囉！

是晚遲咗收工, 返到屋企放低d嘢就即刻出去搵食, 估唔到已經周圍都係人, 間間舖頭都已經企滿人等位, 所以唯一選擇就係呢度...............今日做嘢實在太辛苦, 所以為咗奬勵自己, 所以同老公一人一個鐵板餐, "咋............"下先~ 鐵板芝士魚什扒餐 炸芝士魚有一大塊, 佢係魚柳上面放塊芝士, 再沾炸漿去炸, 所以一切開就會見到d芝士係夾在炸漿皮同魚之間, 不過我覺得唔係好夠芝士, 唔係好勁芝士味lor~~ 超薄豬扒一小塊, 薄到透光, 而且只有小朋友手掌咁大, 又冇乜味 雞全翼一隻, 好夠味, 係鹹果隻 司華力腸一條, 但唔係好肥大果只, 我食落覺得有少少酸酸地, 但它公話唔覺, 所以佢幫我食哂 配菜+薯條, 都係得少少咁 鐵板什扒餐唯一唔同的地方就係由芝士魚變成牛扒, 不過又係超薄果只, 又係冇乜味 俄羅斯什菜湯好大兜湯, 而且好多菜,有椰菜、西芹、紅蘿蔔、蕃茄、洋蔥等, 我老公竟然話食到類似金華火腿的物體tim~~ 牛油餐包係暖暖地的, 因為"叮"返熱, 所以個包會un un地唔知個廚房搞乜? 我果個牛扒什扒餐竟然執漏咗薯條, 我個餐貴d架嘛,

瞓醒晏覺, 個肚又餓餓地, 但已經差不多四點, 所以要搵D唔會食得好飽的下午茶, 大快活係首選................. 春卷雞翼碗仔翅 春卷有3條, 全部細細條, 但佢個春卷好似同平時酒樓食開果D唔同, 係厚身少少, 唔係紙咁薄果只, 咁樣反而好似冇咁吸油, 仲好................餡就好似有D菜絲咁啦~~ 雞翼係全翼, 但燒得唔夠香, 個皮唔夠脆, 又好似冇乜味咁............... 碗仔翅超杰身, 漿住哂, 料就嚟嚟去去都係粉絲、冬菇絲、蛋絲咁啦, 肉絲都好似唔多覺, 就算有都好細掛

食開果門茶餐廳執咗, 其他茶餐廳又冇哂卡位, 想坐得舒服少少, 呢度係一個唔錯的選擇, 冷氣夠凍, 人流唔多(晚飯時段), 上菜極快, 價錢就周圍都差不多.........是晚叫咗個中式小菜套餐+台式小菜套餐............. 中式小菜套餐有1個主菜+1碗白飯+1盅老火湯+1杯中國茶 主菜係霧蓮柚子蜜味魚塊, 入面有蓮霧、薯仔、洋蔥、魚柳、青/紅椒, 味道酸酸甜甜, 唔錯 老火湯係章魚湯, 但竟然唔係好濃, 唔似茶餐廳果d濃到鹹, 佢都係真材實料, 冇加味精, 所以可以咁清 白飯同中國冇乜特別, 唔多講 台式小菜套餐有1個主菜+1碗白飯+1碟菜+1碟鹵味+1杯飲品 主菜炸雞扒, 但已經係凍哂, 個皮勉強叫做有少少脆, d雞肉冇乜味, 但叫做唔鞋 肉燥A菜, 份量超細, 得幾條仔, 肉燥又係得少少, 同埋味道唔濃, 又只入暖 鹵味有幾樣, 但樣樣細細粒, 有金錢肚、豆腐、鴨胸、鴨腎、蛋, 全部都唔夠入味, 同埋係凍的 飲品選擇咗熱檸茶, 茶味夠濃, 反而檸味不足

這份早餐的份量也真是大得驚人，相當抵吃！多士烘得很脆，炒蛋香滑，還加了片火腿，夾起來吃，味道非常合拍．還配上一碗通粉，通粉因為放在湯中大久而變得很軟，也是不可避免的情況呢．加上即磨咖啡一材，香濃！

自從佢裝修完之後都冇幫襯過, 因為細咗好多, 但人又多咗好多, 次次經過都見d人排隊排到出門口, 今次無意中行過, 都冇諗住入去食, 但見佢竟然有位, 所以入去high咗個tea~~唔知係咪過哂下午茶時段, 而又未夠鐘食晚飯, 所以叫做有d位, 但排隊買飛同拎嘢都要等, 不過前後加埋都唔駛10分鐘~~ 香草燒雞脾+紅荳冰 香草燒雞脾 : 雞脾size好細隻, 個皮有少許香草, 但食落唔覺有香草味, 又冇乜雞味.............. 紅荳冰 : 紅荳好大粒, 又夠林, 但甜咗d~ 細叉燒飯+咖哩角+紅荳沙 細叉燒飯 : 個飯係正常份量, 不過煮得爛咗d, 同埋冇飯香, 至於叉燒就真係少, 得4-5小片, 係就係幾林, 但冇乜味呢~~ 咖哩角 : 係冇乜咖哩味同餡, 同埋油咗d 紅荳沙 : 熱辣辣, 煲到好沙, d紅荳又大粒, 又唔係好甜, 正wor~~