大快活

營業中

休息中

3點3下午茶，突然好想飲紅豆冰，就去了這間大快活，但是紅豆冰的餐下看到餐牌只是配雞髀或西多士，問了職員原來其他餐加$5都可以轉飲紅豆冰，咁又唔錯啵！於是我叫了一個雪菜米粉及熱狗的下午茶套餐，就加了$5飲紅豆冰，滿足了我的意欲！

刚打完十號風球，拿拿聲出街食個下午茶餐，大快活沙嗲牛肉面+熱奶茶 是我心爱之選。本餐34元配熱飲，價錢不是便宜，但個沙嗲牛肉的确是大快活的好味之選。可能是刚打完風，今日人不算多，環境尚可

同其他分店一樣，食物款式幾乎無分別，而味道亦都係正常發揮。 舖頭環境闊落坐得舒服，即使係早餐/午飯時間亦唔會太迫，出餐速度快，同附近餐廳比較之下唔會輸蝕。 出餐食物熱辣辣，蘿蔔糕配上辣椒醬冇得輸

① 三重芝士焗沙嗲汁牛肉長通粉 $49黃金芝焗系列全新出品，身為香港沙爹牛肉關注組成員，見到即刻忍唔住要試下。利申: 之前食過阿活出品既焗長通粉唔太掂，都預左係試伏心態。.揭開蓋個賣相好似唔錯，但個沙嗲汁其實就係得面頭少少，根本唔夠撈長通粉。牛肉大概有六塊，加埋車厘茄，四季豆以及芝士，本身唔算好豐富，重點係個長通粉焗到又乾又硬，加上食到後期無晒汁，我真係啃唔落。.其實前排下午茶時段，我都試過大快活個沙爹牛肉包，個包有埋生菜絲同隻全熟蛋都算係咁，但牛肉同沙爹汁都唔多。最後我唔想乾啃個包，就叫職員加啲沙爹汁，職員話個汁比較水（稀）所以唔敢落太多而另外比一碟仔我。.其實大快活個沙爹醬汁幾香花生味，但唔算好特別。而黃金芝焗系列我係建議返食焗豬扒飯，唔好搞咁多野啦。

趁11點前網上買份早餐， 之後就落去攞， 慳返啲時間， 早餐餐要烚蛋腸仔加份通粉， 要嘅野其實好簡單😒點知攞份早餐上門， 一大開。。。只見到3件蘿蔔糕😣😣😣真心嬲左，點解可以連蛋都無， 比3隻蛋都都好， 最怕食快餐店啲粉狀蘿蔔糕☹️

因為今晚做facial，所以無煮晚餐。大快活新出左白咖喱，一直想食但都無食過，今晚終於有機會網上外賣自取有折，呢個係自疫情以來既德政！老老實實因為外賣自取有折，所以我都食多左大快活。白咖喱當然最配香茅豬扒啦，主食就揀左要鴛鴦粉。摻摻呢類型2個粉加埋一齊食既麵類一直都有，但我就從來都不喜歡，所以我揀呢個粉既時候都係唔抱任何期望。返到屋企就開壇進食啦份量方面我個人就滿意，豬扒夠大塊，都可以平鋪到一個外賣膠盒。食落厚度都係正常，唔係揼到薄chichi個種，上面仲有淋到白咖喱。因為啲豬扒都有醃到，所以唔需要靠白咖喱先有味。肉質鬆軟夠曬熱，而且有芫茜！加分！另外仲有少少芽菜做配菜，雖然我就唔食既，但係好似愛吃芽菜既人好似好多。之後就係鴛鴦粉啦，係粉絲加米粉。呢個粉我覺得有驚喜，首先2種粉粗幼差唔多，所以食落口感就好似平時食麵咁，唔會又粗又幼。而且質感又差唔多，唔會有兀突既感覺。白咖喱湯底唔會好似醬汁咁厚，配埋炸蒜少少辣椒碎，味道好好。如果太厚身食落感覺好heavy好油膩，所以某著名食白咖喱既餐廳個款就唔係我杯茶。總括然而，大快活既白咖喱係啱我口味多d，味道夠又唔會太濃同厚身，豬扒醃夠味就咁食都好

開始有少少涼意，決定食煲仔飯，外賣！叫左一個五香雞翼配糯米飯，同臘腸豉汁排骨飯！外賣連煲仔用紙盒包裝，屋企距離餐廳大概5分鐘路程，煲仔到屋企打開時依然好熱，仲有煙出！糯米飯-有雞蛋絲，花生，食到有蝦米香，但其他配料比較少。有飯焦，整體口感唔錯，只係比較油。臘腸豉汁排骨飯- 呢個都有飯蕉，臘腸肥瘦均勻，不過豉汁排骨有醃製過，食落同煲仔飯鼓油唔係好夾。不過連鎖快餐食嘅煲仔飯黎講算不過不失。PS上網點餐有9折！

頹食都要食黃店食食大快活唔食大家樂(⁎⁍̴̛ᴗ⁍̴̛⁎)-鴨腿湯飯冇細個食嗰陣味冇陳皮味 好夾 落多咗好多鹽但係鴨髀都幾多肉 不過有d鞋但有冬瓜有菇都幾足料雖然個湯真係好咸 仲帶少少苦飲到會腎虧但係我同個friend都係咁飲係一種無形嘅魅力 不過唔會再食-焗豬扒飯偏酸但係幾開胃炒底好香好乾身 豬扒都好大塊仲有幾粒菠蘿開下胃-奶茶有少少似飲緊奶水嘅味應該係話茶水 唔夠奶味就係一杯奶茶溝左水嘅味道-不過依家個價錢其實真係幾抵仲要坐喺度有人送埋嘢食過嚟你度(⁎⁍̴̛ᴗ⁍̴̛⁎)

我明白測量體溫係負責任，不過想提醒下記得清潔個測溫計，因為今日俾部野掂到，唔係咁好～我確信自己無擺頭搖頭，因為大多數店鋪都係比較小心保持距離的，如果量唔到都唔好係咁懟過哩……

同屋企人落街食晚飯，揀咗去大快活食鐵板餐，之前我都食過一次，不過佢係配粟米肉粒飯。今次再去食，佢轉咗做蕃茄汁腸仔飯。呢個餐有齊牛扒，雞扒，豬扒，正常雜扒嘅扒類，仲有好大條嘅司華力腸，包一碗仔飯，包飲品🥤啲料分量都幾多下，而且3種扒都好好食，牛扒整得好林，雞扒系煎雞扒，好香口，豬扒醃得好入味，唔會一啲味都無。而且跟咗一個飯，蕃茄汁都係鮮蕃茄汁🍅味道都唔差。以晚餐嚟講，價錢算正常，如果食哂其實都真系好飽下，呢個價錢有咁多嘢食，性價比算高喇👍🏻

同朋友睇完戲，黎大快活食tea醫一醫肚，假日非常人多，坐滿全場。下午茶餐廿十幾至三十幾蚊，咁嘅價錢其實真係唔好有咩要求，賣相？無。味道？無。態度？無。有位你坐有野你食就唔好問咁多…自己點左熱狗加炸雞塊同熱奶茶（$26），朋友叫左熱狗加迷你餐蛋麵同紅豆冰（$39），價錢上真係無敵平嘅。忘記影個近鏡，朋友隻熱狗係無左條香腸，原因係賣晒，出去問下後就唔知係邊度搵到一條擺番落去…好懸疑？餐蛋麵係一個麵餅落滾水，都好均真，一定碗碗有同一樣嘅麵條份量，哈哈。自己呢份幾正常，除左啲雞塊樣衰啲，乾啲同未炸熟外，其實隻熱狗幾好食，多沙律醬正喎。熱奶茶ok嘅，可以多多啲奶更好飲。沒有期望就沒有失望，呵呵。

呢間大快活衛生好好 環境都好好價錢唔算太貴通常晏晝夜晚都會去食 夜晚火鍋都好出色好足料材料新鮮唔係啲低級野CP值好高成日同一大班friend一齊去食嘢都坐得好舒服 good

今天是公眾假期。早上外出購物，由黃埔新天地逛往紅磡方向。不經不覺又到中午吃飯時間，只得一個人心想不如簡簡單單吃個快餐。見「大快店」就入去看餐牌點餐。因為早餐吃得太飽，所以我只點吉烈咖哩魚柳飯。派餐的侍應的態度有點怠慢及語氣不太好。可能太多顧客在排隊應接不暇。吉烈咖喱魚柳飯有炸魚柳，薯仔，椰菜及白飯。炸魚柳不夠脆口之餘，炸粉層厚，又軟又腍。估計在製作魚柳沖洗後，沒有吸取多餘的水分直接搽上炸粉落鑊油炸。魚肉質感很差，不新鮮，鮮味欠奉。椰菜，煮得太耐，菜葉"黃黃熟熟"。又好油，味道欠奉。白飯的口感粗糙，心想不如用咖哩汁來撈飯蓋過粗嚡的白飯。誰知道？出事了。咖哩汁味道好咸，應該是咖哩汁煮好後，不斷地加熱加劇了醬汁的綿密度及蒸乾了水份。以前很有名的"阿活咖哩"，當時味道調教得很好，現在就每況愈下...薯仔的口感不俗，又軟又腍，質感綿密，好像薯蓉的感覺。總體而言，咖哩魚柳飯，口感一般和味道超咸。

行下先發覺黃埔冇咩粥鋪,早左出門口就去公司附近大快活求其嘆個早餐;靚粥有皮蛋瘦肉粥同大白菜豬骨粥2款選擇,仲可以配肉燥銀芽撈麵/肉燥銀芽米粉/煎羅白糕,仲送1杯熱飲都係$27;我叫左大白菜豬骨粥配肉燥銀芽撈麵,如果有腸粉就好了;大白菜豬骨粥;真係好多大白菜,但豬骨就無啦,豬肉都有3-4塊,粥都好棉重點唔會食落好重味精,大碗多少少就好啦肉燥銀芽撈麵;上面真係滿滿好多既肉燥,但食粥其實係想清清地,真係寧願佢多芽菜少點肉,然後個麵真係好油,多油到食完個盒上面D油可以煎2隻蛋OMG,以後不食依個了,有冇淨粥呀LOL

忽然餓到胃有少少痛，附近無乜好食下，又食大快活。水餃叉瀨淨食37唔平份量普通，水餃今日無咁易一夾就爛，但d叉燒就勁唔掂囉，真係對佢個燒美太失望喇，除左得五小片外，賣相刺隔夜咁，同深圳嗰d叉唔多貨仔，明明擺係櫃嗰條唔曳，咁咪中伏囉，不好食但又健康d，咁我寧願食難消化d既當當新包好過啦，唔健康但好味d，薯條仲可free轉粟米tim，仲有飲品熱朱都ok，今次嚇到我不想再食大快活的燒美了。