大快活 (已結業)

繼續抗疫，繼續外賣，喺呢頭居住嘅我，真係好幸福，呢頭早餐選擇種類繁多！今日實在係太趕，選擇左街坊之選～大快活吉列豬扒～個吉列皮炸得好厚，而且睇嚟佢係炸定擺喺度嘅，所以由餐廳到返屋企都係3分鐘嘅路程，但食嘅時候已經覺得佢唔夠熱，只可以講得上係暖暖地佢個餐 配左 雪菜肉絲通粉～雪菜個份量好多，但肉絲應該只係搵到五條左右，而且比較鹹，我返到屋企仲要加啲滾水落去先至覺得個味道啱啱好，佢哋嘅早餐其實真係有待改善😅多士同綠茶🍵只可以講不過不失😅回頭率50%😅只有趕時間嘅時候先會幫襯

趁放假，落街食個豐富早餐，大快活早餐選擇都算多，最後叫左個西式早餐，有炒蛋、飛邊多士同埋蕃茄腸仔片通粉，腸仔片分量略嫌較少，但係香港黎講，30蚊食到呢份早餐都幾抵食。

在近年伏店處處情況下，又再次偶爾光顧連鎖快餐店，大快活是其中之一，有心做好的一條線。是夜點的是雜扒鐵板。豬扒牛扒都是鬆肉貨色，薄身，可幸調味尚可。落鬆肉粉也有高低之分，低者處理得有如肥肉沒口感，而大快活則控制得比不少茶記好。雞扒還好，一整塊之一半，有點鞋口。腸仔水煮，但不是廚師腸，皮不脆有點鹹。墊底是椰菜。配粟米肉粒飯，當然是雞粉貨式，但也不錯了。以前鐵板餐跟的是炒飯，現已絕跡。餐飲轉了中湯，當然也是急凍豬骨湯，有油有肥膏，但時間夠，味道也有，合格了。整體而言，這個價錢就超值了。晚市也安排送餐。雖然我的鐵板以及所有東西都不夠熱，服務人員說話不清也慢，但他們是有禮貌的，至少尊重工作，這個價錢，還可說啥？晚上九點三十分準時截單。

已經唔係第一次，諗住俾多次機會佢，點知一次比一次更過份！包外賣果個都唔知係唔識字定唔識睇D 野食係乜！！差！！！劣！！！亂！！！最慘堂食你都可以即刻同佢講，外賣你係返到屋企打個晒先知！！！無下次！！！

因為早食飯所以未到5點就已經肚餓,無計啦,咁只好去食個下午餐啦去左荃灣眾安街55號大鴻輝(荃灣)中心1樓大快活食TEA望左一陣個餐牌都算多野食既不過樣樣都好貴呀,依家食個TEA都30UP同食個正餐冇咩分別.我就叫左迷你餐肉煎蛋泡麵,蜜糖燒雞脾,飲凍綠茶個雞脾其實都正常既,燒出黎都算幾好食,因為有蜜糖所以甜甜地咁個迷你餐肉煎蛋泡麵D麵真係好鬼硬喎,唔知係咪D湯浸唔到定點,唔識講,硬到咁都唔好食既當然午餐肉同蛋係正常啦杯凍飲有一半都係雪

平日返工真係冇咩選擇,今日去咗大快活,其實平時都好少食大快活,因為分店真係唔多!今日見過見到,佢有好多新嘅餐牌,仲有好多健康之選!午餐想食light少少就整咗南瓜汁雞胸紅米飯take away, 咁就係$45仲包一杯飲品,我就叫咗即磨coffee!聽日去高級啲嘅西餐廳叫雞胸肉真係好少咁試吓大快活啦見40幾蚊一切落去,雞胸一啲都唔「鞋」，究竟點做到？南瓜汁加埋落去一啲都唔heavy,好夾！下次返工都可以再選番呢個，好似仲有豬扒飯選擇下次試試先！

今日食完飯四圍行黎行去,搞到未到5點就肚餓樓下有d姐姐派傳單,就係早市/茶市減3蚊咁就拎埋張傳單上2樓搵野食啦都幾多選擇最後我就選擇左午餐肉公仔麵加西多士,仲有紅豆冰邪惡組合午餐肉公仔麵--都就唔太多架喇,不過午餐肉都香口既西多士--蜜糖加埋牛油都唔錯,如果有埋煉奶就最好喇紅豆冰--都幾好飲,豆都夠淋