大快活

營業中

休息中

中午接完仔仔放學過嚟食午餐，落單時我企喺仔仔身後，仔話唔該姨姨我要個學生餐，個收銀姨姨用了個好懷疑的眼神由頭到腳掃咗我仔幾眼，我當時心諗 使唔使呀？好明顯係個小學生啦。。。之後又唔出聲。我仔講多次唔該幫我落個學生餐得唔得啊姨姨，佢先至施施然咁揮動佢手上嘅神器大大力咁篤落部電腦度&，好似對我仔發脾氣咁。。。。。。其實學生叫學生餐有咩問題呢？定係啱啱俾老闆開完搵人出氣c。下次唔會再幫襯，我哋嚟消費，唔係俾你嚟發洩情緒囉！

細紫菜四寶丸米線下午茶下午茶$37，點咗個細紫菜四寶丸米線。加杯熱奶茶。紫菜好細碎，混入米線好好味。四寶丸有貢丸及魚蛋。好有咬勁。鮮甜好食。誠意推介一個好平民化既下午茶。

個餐我叫外賣。包芒果糯米飯加菠蘿椰子汁特飲。總價$59。個芧鴛鴦扒係雞扒加豬扒。4月22日開始全城走塑。食肆唔會都提供塑膠外賣餐具。宣傳牌已放置係食肆。註明外賣餐具要附加費。不鏽鋼餐具$2可以鋸扒。個鴛鴦扒餐，飯量少咗啲。個雞扒同埋豬扒都好美味。醬汁混入白飯，開胃。芒果糯米飯只可以當係甜品食。食得出係機械式製作。菠蘿椰子汁有兩種口味。當中有少量新鮮菓肉。開胃美味。

今天 早上， 我便走了過去長沙灣青山道喜薈地下大快活食早餐。 當時是早上11時 ，很容易找到位。 我叫了一份西式早餐 ，包括番茄腸通粉 、兩隻炒蛋、 一粒牛肉球 和一杯熱鴛鴦 。全部味道唔錯 ，特別是牛肉球。

中午就近去左快餐店, 快快手應該無咩人, 可以快手食完走。叫左個味菜牛柳絲脆脆麵, 嗰賣相可以。點知,  一放入口, 個麵唔脆不單只, 仲要部份係没有炒過;味菜没有味, 應該係洗到無晒味.... 牛肉一般.真係没有想過如始這般, 不過都可以叫做醫飽肚....衛生可以, 全埸得二十人都唔夠, 唔知解處理成噤, 下回唔會再叫呢個以上只是個人意見, 食物味道根據個人喜好落墨; 同時也受當日值班廚師及材料所影響。🐽

大快活既「焦香煲仔飯」，除左一般堂食，重可以原煲外賣自取翻屋企慢慢歎。雖然煲仔飯味道正常啦，但一煲份量都超多🤣但如住得遠就唔好買外賣啦，因我住附近，拎翻屋企都一定冇堂食咁熱辣辣🥹食煲仔飯一定要有飯焦，呢個既飯都有少少濕，所以飯焦就唔太多，但其實味道都唔錯既，平平地都算係咁🤣🤣

香港版既大叔的愛熱播，連大快活都唔放過抽水既機會～整個大粟的愛你嘆下！粟米肉粒飯$39晚餐時段，呢個價錢食個飯真係超平！晚市會有人送餐，比完錢搵位坐底擺底個牌就Ok！飯送到黎，賣相都幾吸引，夠多汁！肉粒爽口唔錯～至於上面兩舊西蘭花🥦就…算了吧！大快活既大粟的愛試一次就夠了😛回想粟米肉粒飯食得最多既時期，應該係迪士尼做散工個陣，因為係Canteen唯一比較正常既頹飯😛

唔落味精的，真心佩服，為食客，而且都好食，食野食味精先好食，我自己家煮味精吧，不用專業廚師做啦，現在食完，精神依然，又不口渴，而且味道也是好味，謝謝大快活良心唔加味精，真材實料

今日突然食邪惡飯，除了焗豬扒飯，咖喱牛腩也是個不錯的重口味之選。有不少同事和朋友也介紹過大快活的喱腩性價比高，所以今日特意一試。咖哩牛腩咖喱汁加辣，可能因為加左辣， 咖哩味椰香味都不突出，醬汁也較稀。除了牛腩， 還有牛筋， 但配料只有薯仔， 洋蔥和紅蘿蔔也欠奉。不過勝在薯仔夠大塊， 炆得不會太爛， 亦不會太硬。 只不過也不入味。牛腩方面， 一樣不入味， 不過夠軟腍， 肥瘦適中， 不會柴口，只欠牛味。牛筋很淋， 有點黐口。最出色的是其白飯， 有飯香， 粒粒分明，軟硬適中且煙韌口感，再配爽脆西蘭花👍🏽

今日lunch同同事買咗大快活外賣食，因為網上落單有九折，又可以慳返少少。.大快活幾好可以轉紅米飯，又有配菜，感覺上健康啲，有菜有肉，唔係間間快餐店有。我哋揀咗多飯多菜，餐廳一啲都唔吝嗇，每樣俾咗一小盒。.啊活忌廉粟米肉粒飯忌廉粟米汁幾濃，都重粟米味，肉粒肥瘦適中，而且數量都唔少。最特別係佢入邊有煙肉粒，令個汁感覺上香左。.沙礓豬扒飯-精選特價餐 每星期都有唔同款嘅精選特價餐，仲包埋餐飲，幾抵食!豬扒雖然唔係好厚，但係都有兩大塊，上面仲有啲蔥油可以撈埋飯一齊食唔錯。餐飲叫左熱奶茶，都幾香滑，不過不失。.五指毛桃粟米唐排湯呢個係另外加錢配，因為都想飲啖湯滋潤吓。湯入邊都有排骨同粟米嘅湯渣，雖然味道唔係好濃，不過都算ok，幾蚊碗湯，唔要求得太高。

Home Office又唔想煮，所以都要落街買餸同埋醫肚，大快活真係平民食堂之選，下午茶真係好抵，今期我最中意佢呢個咖哩魚蛋撈麵+西多士+燒雞翼。咖哩好香濃，魚蛋爽口彈牙，重要有好多粒，西多士我唔中意落糖漿，所以會叫侍應換花生醬比我，真係好邪惡好好味啊！燒雞翼燒得好香，呢間分店特別好係問佢會比手套，唔怕揸住雞翼會整污糟隻手，呢間舖位都算多，平日下午茶搵位算容易星期六、日就會比較難搵位。40蚊內食到飽飽真係要比讚

已經又再半年時間的觀察, 這店嘅套路及材料大概已經掌握了, 入冬就稍為加一些煲仔飯(08/Nov.) , 唔建議叫因為做得不太好, 例如排骨只有骨多, 而咖哩雞則是這店的扺食夾大件之選, 總共試咗三次, 兩次在10月頭同11月中, 而另一次在1月底最尾呢日, 兩次同樣係多雞件多薯仔多汁, 多汁嘅情度係原本的白飯份量食完都會剩下一半汁左右所以要大飯(即係俾多另一小半碗飯, 咁就剛剛好醮晒D汁"雞肉無炸過所以表皮係滑溜, 雞肉保持到嫩滑但雞味一早已經走晒因為係雪雞只能依賴個汁, 還好個汁似模似樣, 但千萬不要同印度式或者巴基斯坦式去比因為這是刻意遷就本地人口味的版本, 只是有小辣椒半隻左右嘅辣度, 另外這店嘅白飯較有粘性同咖哩汁完美配合, 而跟飯嘅炒雜菜也特多, 而這店嘅咖哩牛腩飯算是三種咖哩之中最貴的一種了$57在8月頭試咗, 感覺只是一般, 亦有試過麻婆豆腐紅米飯$41 連飲品(22/Nov.), 相當飽肚的飯, 麻婆汁唔太辣, 泰式甜酸醬豬扒飯(15/Nov.) 輕走油豬扒配甜酸醬味道一般, 肉醬炸雞脾飯優惠套餐連熱飲$39 社會企業價錢質量麻麻地, 炸脾過咗籠炸乾咗, 鮮茄豬扒飯$

好久冇來大快活食嘢了，打算入去飲下，下午茶點知道出事了，因為見到有個新出品未打算試吓囉，...個買相已經好差，早D 就唔來食啦！我叫個鐵板黑椒牛肉炒烏冬，烏冬質地好差唔彈牙，牛肉冇牛肉味棉都冇口感，只食到黑椒味，好失敗！！！

作為70/80年代生存下來的三大快餐集團之一的大快活,從來都比較上低調, 近十年亦走健康路線, 如果從以前角度去睇依家嘅大快活會覺得品種好少, 不過從另一角度去睇又感覺佢將精力集中喺一主些佢地認為應該做嘅食材上, 去蕪存菁都係一個順應時勢靈活經營的生存之道, 而自己用咗兩個月時間的星期五午餐, 試咗兩間大快活比較餐廳的服務態度同出品質素, 兩間都在長沙灣(喜薈) / 荔枝角(長沙灣廣場地鋪), 明顯地長沙灣廣場地鋪午市繁忙, 所有人都比較燥, 份量亦比較小,  喜薈的店面積其實也差不多大, 學生占一半, 工作的人比較從容, 沒有緊張嘅表情, 食物份量相對較寬鬆, 午餐在四十之內的選擇係有嘅但只有在 "喜薈分店"可能因為體量學生同家長啩?! 只一個選擇"咸蛋肉餅飯"$38 賣晒就無, 肉餅係一件丁方形的切件肉餅, 上面有咸蛋黃, 肉餅唔係乾硬化嗰隻, 有肉汁但唔鬆散, 肉餅嘅軟硬度係剛剛好用筷子稍稍用力就可以夾開佢嗰種, 食唔出用咗太多調味料嘅味道但又唔係淡而無味的肉渣, 估佢唔到全店最平的食物可以咁有水準, 重會旁邊有一小堆蒜茸白椰菜夠貼心, 另外重有食過咕嚕肉/ 咖哩牛/ 咸魚肉餅價

早晨起身食返個豐富早餐真係人都開心一點,至少個胃係咁諗叫左個餐,有恰蛋,牛奶麥皮,火腿通粉,多士,熱咖啡恰蛋就正常,都有蛋味都OK的牛奶麥皮有奶係香口好味道的多士唔夠香口,可以再香口一點就會比較上好味火腿通粉湯唔夠,如果加多一點湯會比較易入口同好味一點咖啡都OK,幾香咖啡味道