大榮華圍村菜 (已結業)

之前一直幫襯好多次呢間大榮華，但今次有滴不愉快。五點三十分落單之後其他菜都上左，只剩一個蔬菜等左一個鐘沒來，等到其他菜和飯涼透始終沒來。請服務員幫忙追下，服務員態度很差話沒來都好正常，慢慢等。我們兩次要求服務員幫忙追下，但一個蔬菜真的沒理由需要一個鐘，不如直接告訴我可能漏單。其實漏單都可以理解，但依舊覺得不愉快。其他臺比我們晚來的菜全部上齊，只剩我們一桌一直在空等，十分明顯了。但應該呢間鋪生意太好，不會在乎一兩個客是否滿意。

預訂了六點食晚飯，很快就可入座，點了6個小菜，除了燒鵝例牌$110，大部份每樣餸係$95，而客家小菜-梅菜扣肉就沒有，只有芋頭炆豬肉，一樣好味😋，但豬油渣炒通菜沒有豬油渣就有點失望😆 除了點菜外我們一定要頭抽豬油撈飯👍🏻😍才完滿啦！晚飯後酒樓還有甜品送👍🏻。

又係工作天，又要諗食咩做lunch，有同事話食粉面，有同事話想食少少就夠，又有同事話要食飯，唔食飯唔夠飽。我提議飲茶，其實我真係好鐘意飲茶，唔係鐘意飲果杯茶，而係食點心，我覺得點心個大細好啱我，一個就可以放入口食，唔會影響儀態。再加上飲茶又可以食飯又可以食粉面又可以飲杯茶食個包。聽講哩間係滔滔開唧茶樓，所以上黎試下。我地叫左好普通唧野食都係雞腳，包果d，食落同出面茶樓的味道無分別。我相住滔滔就唔會落場煮啦，佢做生招牌就有份。環境同其他茶樓都無分別，唔係特別靚。都係好吵，好多人。飲飲下就過左兩個鐘啦，又要番公司繼續努力工作。

係淘大經常飲茶飲到悶，所以轉戰廠區搵cp值高的茶樓。之後已經試過大榮華點心係高質，所以今次試食九大鬼。招牌五味雞唔差得去邊，之後的五花腩都叫肥瘦分明，煮過的芋頭非常入味，不過好菜太多，食唔哂。咕咾肉脆粉而且不厚，大家都食得津津有味，就連普通的炒米粉都比人清碟，真係樸實裡顯不凡。開頭見條烏頭白side side, 以為冇料到，點知食落竟然有淡淡烏頭香，絕對唔係雪貨。飯後仲有馬拉糕，紅豆沙，麥米粥做甜品，可謂非常完滿。埋單1000多dd, 8個人食，每人埋單130蚊

媽媽話呢兩日係我同細佬嘅舊曆生日，一如以往爸爸媽媽都會請我哋飲杯茶食個包🥰 咁霸位呢個重任梗係由我啲哋負責啦，可惜商場裡面嘅酒樓一早爆滿，我哋唯有行遠少少，過九龍灣工廠區嗰邊搵食。最終我哋揀咗 #大榮華 做生日基地😆 #小秘書 就最鍾意食呢度嘅 #奶黃馬拉糕，鬆軟幼滑充滿奶黃醬嘅香氣🥰 仲有佢嘅 #普洱茶 亦相當香濃☕️ 唔覺唔覺我哋又叫到一枱都係 #點心，鹹嘅甜嘅樣樣齊（可惜唔記得影抵😆）不過冇諗過今日係星期日都有下午茶，點心$15起咋😆 早知我都等到兩點先叫人落單啦😅🤣... 酒樓抽風系統極差，#小秘書 出到去全身油煙味😌 之後叫人點出去威先？！

已經連續三年嚟呢間大榮華食家庭聚餐！每年過時過節要去唸去邊食中菜都係一個難題，因為一過節每一間餐廳嘅套餐一定好貴😓雖然大榮華係過去果幾年都有加過價，但係佢嘅加幅一定冇其他餐廳咁多，而且個水準都keep得好好！佢唔係賣一啲名貴嘅食品，只係簡簡單單有肉有魚有雞，都已經好有屋企嘅味道，而且侍應嘅服務態度都好親切有善，好有過節個種溫馨既感覺！每次食完主菜必食馬拉糕，有蛋黃既香味又軟熟☺️以後節日聚餐，大榮華都會係我地既must go list之一！

今日與家人到此食豬油飯，平日久唔久都有食，服務預左唔好，但始終佢食傳統菜，都對菜式懷有期望，點左什菜煲，小炒王/蝦醬蒸豬肉，每道菜承惠$92。首先，不知所謂的什菜煲，只有2款菜同一大pack粉絲，完全沒味的‘上湯’，要加佢支頭抽食，小炒王只有幾粒魚同幾粒蝦，全部都是西芹，真心覺，$92認真不超值，只是擺某君的牌頭出黎，比茶記還要差！能一讚的，是蝦醬蒸豬肉，有傳統的味道豬肉脆口，入味！仲有，5人等極都比4人枱，否則唔比枱，只能無限等，超迫！

元朗大榮華一直係老字號酒樓，以前好鍾意去食，但今次去佢九龍灣分店的確令人失望，完全無元朗既水準，連最出名既豬油撈飯都無香味...豬油撈飯一上枱已經打個突，點可能咁求其，比枝現成既豉油客人去撈飯？呢個可是佢手本名菜！無心機去自己較個醬油，都起碼做個樣，將啲豉油倒落個樽度唔好比客見到你咁求其...！至於個飯好無食，文章開首已經講過，一啲都唔香、無豬油味再講個咸檸烏頭，條烏頭梅梅地，條骨可以梅到好似罐頭沙甸魚咁，一夾就段開一截截... 唔新鮮既程度一望而知再黎個毫無誠意既雜菜煲，顧名思義雜菜煲梗係有雜菜，但數來數去個煲得兩款菜加一堆粉絲，加多少少菇或紅蘿蔔去吸引下食客都慳番，完全無誠意仲收$92一個！全餐最好食個圍村五味雞但都只係正常酒樓水準... 唉...

久違再次黎到食大榮華本身打電話黎話滿哂無得book好在黎到有一檯cancel左先有位目的當然係豬油撈飯睇下圍飯相先豐富啦直頭呢到上菜上得好快叫完等左5-6分鐘送就開始連住不斷送上檯上湯白菜仔叉燒推介超好食好軟熟真.半肥瘦好耐未食過甘好食鹹蛋黃炒魷魚推介蛋黃味好正唔太鹹外脆內軟龍蝦伊麵好食 調味幾好唔似平時酒樓食個d味龍蝦都好多肉烏頭都幾好食好多肉乳豬皮好脆五味雞都幾好食牛肉稍嫌有點少但蔥幾好食😂最後仲有紅豆沙

食左圍餐，餸菜逐一介紹：煙鴨胸 +頭抽吊桶 +豬仔腳鴨胸有煙味有鴨味甜甜地幾好，good豬仔腳皮包骨，好結實但也好入味。吊桶就冇乜特別了。頭威頭勢加上好肚餓，清曬。翡翠碧玉卷算是手工菜，薄片的瓜 （好似係）包魚肉饀，好清淡，冇乜味。鳳凰蟹肉炒長遠估左好耐什麼叫長遠，原來係粉絲。有蛋同蟹籽炒，夠乾身，幾好味架！不過唔覺有蟹肉濃湯雞煲翅冇特別，亦唔難食。蒜香金沙焗中蝦食得出D蝦唔係最新鮮果種，甩頭又有，痴殻又有，唔算大隻。但炒 （or 焗）得好惹味，都ok 啦。梅醬一字排叉燒D firend ， 多肉食，幾好味。白水浸烏頭烏頭勁大條，係我食過最大條的烏頭。魚肉唔會老，緊緊熟煮得幾好，其實唔係真係白水煮，食到有咸檸味。頭抽浸大米鴨又係 king size, 食到呢到大家已經飽飽地，我試左兩件收手。係完美的鴨，不過我飽了。最後好似俾人包起左帶走。韭菜花沙葛絲炒魚青菜好吖，菜好呀！呢餐好似冇乜蔬菜。韭菜配沙葛絲都唔錯喎。上海菜遠手打麵呢個我冇食過，飽飽了。馳名奶黃馬拉糕甜品又有另一個胃。掂！ 香鬆軟，甜度適中，大人細路都啱食。椰汁紅豆布甸唔係太多地方有呢味甜品，當然要整返碗。唔太甜，食得出各種配

元朗老店就幫襯過好多次，但九龍灣店開咗咁耐都未試過，所以咁次朋友飯局決定揀呢間。早一個星期前就已經訂咗四圍枱和訂埋菜，這間老字號出名食圍村菜嘅，所以我哋預定咗"加料九大簋"，再另外加多樣必食嘅''奶王馬拉糕"添。當日我哋訂咗六點半(限時兩個鐘)，可能係星期六，所以人客都好多。朋友們到齊時已經七點了，職員很好，没有催促我哋起菜，值得一讚，結果我們食到九點幾先埋單。無比較之下，呢間店啲出品都尚可，分量足夠。但我都係覺得元朗老店好味啲。

星期六日，通常都會同屋企人搭車去遠少少食午餐。之前晏左去元朗大榮華飲唔到茶，今次即管去九龍灣試試。搭車時碌碌openrice，見到點心紙，心入面已經睇中幾款點心，可惜去到發現部分已經轉左款，好似鴨腳扎、臘腸卷都冇左，有少少失望。不過第一次食到幾款懷舊點心，都算嚟得物有所值。首先上檯的係雞球大包。真係要拍埋個茶杯影相，先比較到佢有幾大！份！入面填左好多雞肉餡，食一碟真係會飽左大半。另一款比較滿意的，係同樣咁有懷舊feel的豬膶燒賣。豬膶質感夠粉，底下豬肉同蝦肉都唔死實，味道不錯；另外同平時食的燒賣有一個分別，就係佢唔會用黃色燒賣皮包住啲肉餡，真係要阿媽講到先知傳統係咁。另外都試左煎釀青椒，三片填滿魚肉，份量頗足。潮州粉果外皮太厚，同時厚皮唔代表包得好，有一個上檯時已經爆開。當歸豬腳不錯，有清淡的當歸味道。

同同事一大班人黎呢度飲茶，多款點心夠新鮮熱辣，上菜速度都幾快，唔使等好耐就已經上哂菜，點心當中鳳爪、咖哩牛筋嘅味道都好好！馬拉糕本來以為係古法嗰啲深啡色，原來係奶黃色嗰種。環境上唔夠冷氣，唔少同事都食到出汗

每一次問媽咪想食咩 佢每一次都會答我大榮華😂今日佢生日 一如以往又係大榮華啦🎂當日平日晚飯時間 餐廳都近乎滿座 所以到而家為止 餐廳都有一定嘅捧場客👍食咗咁多次 今次終於寫返篇食評 原因係今次好正當日雞超級新鮮 香滑叉燒肥瘦適中 叉燒汁調校得十分好 令人滿意👍另外今次鮮魷好新鮮 唔係好多地方可以食到新鮮鮮魷的黎到大榮華 一定要叫佢嘅馬拉糕同埋奶黃水晶包 馬拉糕軟綿綿而且熱辣辣 鍾意食馬拉糕嘅朋友一定唔可以錯過😋奶黃水晶包係我食過最好味嘅 水晶包皮厚薄適中 而且奶黃餡超多 一咬落口滿滿嘅奶黃湧出嚟 鍾意食奶黃嘅朋友仔一定一定要食

為豬油撈飯而來，悅媚從未品嚐過，推介推介。我每次都會自行先到達，打點所有、諗定菜色、開定靚茶，坐定定等美女降臨。竟然美女希望等埋一齊，希望接埋收工，才相相走去食飯。當然無問題，就由下次開始吧。大量懷舊菜色、大量圍村菜色、大量手功菜色，真係花多眼亂，全部都想試呢。對上一次幫襯已經係 4 年前，驟眼望望菜牌都大同小異，沒怎麼大變動。唯一驚奇的是無需等位，大量座位任君選擇，以前晚飯時段排晒長龍等到嘔架喎，此情不再。老牌酒樓侍應們都是叔叔、伯伯、嬸嬸，個個都對工作有熱誠，對食客有服務有招乎，雖然都是硬郎派，都滿意滿意啊。等我地兩口子，小試牛刀啦。藍妹，只有藍冰及藍妹供應，藍妹吧。依隻酒樓藍妹好濃好苦喎，頭幾口還落得肚，飲左半支越來越熱，頂唔順，放棄。砵仔豬油撈飯，熱燙燙送到，白煙輕飄，侍應隨即遞上豬油及頭抽。最初只落左小小，發覺好似唔多夠色喎，樂極忘形，落左兩次豬油同頭抽。搞到太過咸，太油淋淋，本應乾爽嚥韌香噴噴架，失敗了﹗入口太油太鹹，敗在我手中。幸好唔難食，還食得到。飯粒仍然嚥韌，飯味香醇，係較濃味及較油啫。所以美女覺得麻麻地，真係非常抱歉。砵仔豬油撈飯，再次挑戰 ﹗上次貪心地落太多豬油豉