大榮華圍村菜 (已結業)

呢班朋友，真係又愛又恨，如果唔係工作需要，都未必有機見到，但每次食飯，都總有講不完嘅話題，為左要傾好耐，所以就walk in去大榮華揾張大枱慢慢傾！其實係好多年之前，我都俾過機會呢間大榮華，但當時唔知係唔係走紅一時，食物質素確實有進步空間。N年之後重遊舊地，其實又‥‥‥‥‥！整體份量唔算多，所以我地七個人，最後叫左八碟菜。先上雞蛋魚腸，面算脆而且無咩苦味，不過我就會諗其實係唔係無咩魚腸，因為佢將魚腸切碎，唔似其他餐廳咁成條成條上，但味道係唔錯既！之後就係五味雞，同豉油雞完全無分別，所以都係一般，雞肉又無咩話特別嫩口，所以普通一道菜。另外兩三碟菜，菠菜清，油麥菜無想像中咁油，我會鍾意油麥菜多D，而西蘭花個蟹粉蛋白汁都OK，唔算話好特別，所以油麥菜贏！朋友鍾意食蝦，所以佢最鍾意，陳皮味就未必有，當豉油蝦食都可以既。而一字排就有西餐既感覺，但水準當然就無啦，但除魚腸，我都覺得一字排算好食。而最後，牛腩最唔得，太林，想做到西餐感覺但就做到不論不類，所以都食淨好多。酒樓當然一定係嘈既，不過琴晚星期五都九成FULL，算叫唔錯，但食物就普普通通囉！

同事退休，一行13人去大榮華幫佢farewell ，難得咁多人，梗係要叫一圍9大簋食吓侍應會收起原本嘅碗，每人派隻公雞碗先上一個木桶大嘅白飯，再自行加豬油同頭抽豉油，雖然明知豬油好肥，但實在太香，照加落白飯第一味上嘅係扣肉，用南乳醃過嘅腩肉煮得好淋，入口即融，仲配埋好淋嘅芋頭，之後嘅五味雞亦非常滑大大隻原隻燒鴨上大台幾嫩，但太大隻最後食淨打包有個同事食素，好彩都有蠔油冬菇同炒雜菜，冬菇非常大隻蒸烏頭唔會熟過頭，非常易拆骨比較差係個水晶飽，皮太厚，好彩另一樣甜品麥米粥足料呢圍菜14-15人食都夠，抵食

又是每月一餐的時候，繼上次在九龍灣食中菜，今次也是呢~似乎大家都愛上這個地點及中菜，揀了大榮華圍村菜，有興趣個豬油撈飯呢。 內堂面積不太大，裝潢是中式設計，紅色大禮堂及龍鳳呈祥，十分傳統之感。 有4人，每人叫負責點一道菜，大家也喜歡叫陌生名字的菜式。 豬油撈飯。 為了這個而來，用頭抽及豬油撈飯，香口又惹味呀。 是拉差酥石斑塊，$87，因為好奇是拉差的名字而叫了這道菜，石斑塊大大件份量多，口感酥脆，內裡的魚肉軟綿又滑，好味!再配合是拉差蛋黃醬，微辣醒胃的味道，更加滋味呀。 鳳凰蟹肉炒長遠，$87，見到炒長遠，初步估計是菜之類等，上菜才知炒長遠其實就是炒粉絲，份量不少呢，味道普通。 廣州大馬站煲，$87，有豆腐、冬菇、燒腩肉、韭菜及蝦醬等，蝦醬味道鹹香，豆腐入味，冬天食好暖身呀。 鄉村南乳煎米鴨(半隻)，$125， 米鴨好瘦，肉質有點韌，味道一般呀。 有南乳醬伴食味道惹味點。 食物水準普通，服務態度正常。

一年一度總會跟龍舟隊的隊友們來這裏食開年飯(雖然已無爬N年)，見到每年才見一次的老友齊齊整整健康康，已經夠快樂。盆菜，當中最特別是門鱔乾，好似話係要識得阿經理田哥先有得食，巧威威！有海味的鮮香但一啲都唔硬，輕輕一咬就開，仲保持魚肉一絲絲嘅質感。其他料有椒鹽大蝦、燒鴨、油雞、魚旦、豬皮、蘿白、土魷、腐竹。腐竹帶甜，好味。蘿白就唔夠入味。另外預訂咗盅燉湯，有螺頭，一如以往，非常優質。小菜即場點了胡椒豬肚湯，用黑椒，黑椒質其他食材像各自為政。兩個炸物, 椒鹽九肚魚同椒鹽鮮魷，前者比較優勝，炸乾身而且條條分明，送酒佳品。後者炸得無咁透，脆度略遜一籌。上圖是金沙蝦，咸蛋黃味不太突出，而且碟底好多油。甜品就預訂了蓮蓉焗西米布甸，好味。其實由第一次同屋企人嚟朝聖(當時轁轁拍電視電目好紅、阿爸當佢係偶像，買齊佢啲食譜)，已經有啲失望，記憶中以平取勝。老老竇竇，咁多年水準也沒有太大改進。平時我是不會選擇它的，只是一年一次，與隊友們指定地點的快樂聚會。

終於可以一家三口出去食飯大家係醫院探完病之後去左九龍灣 本身係話睇傢私但係基於大家都累 所以淨係食飯就算-細佬無食過豬油撈飯而我媽對中菜無抗拒 所以就揀左大榮華係路上打俾鋪頭 姐姐都親切回應話而家都唔算多人-一去到見到人唔算多姐姐都話好多人拎左飛就行開左我諗大概等左三四個字左右就已經有枱-頭先係出面睇左菜單決定左一人叫一個小菜首先有媽媽揀既圍頭五味雞($85)隨碟附上薑蓉一小碟五味雞用大公雞碗盛裝就甘睇有d油 雞肉嫩口 係優質雞肉質都豐厚 肉多過骨之後兩樣野就催左兩次先到我估應該係漏左單 不過我地無特別唔禮貌好享受一家人同枱食飯傾計既時間第二碟係細佬揀既淮山咸排骨煲($85)揀呢個原因係媽話呢個自己煮唔到完全無諗過係湯 好有驚喜以為白色係蘿白 一食先知係淮山因為我未食過淮山係呢個形狀淮山本身無味 但吸收左湯既味個湯好清甜 好多舊排骨係入面第三碟係清炒菜心($65)阿媽話係用豬油炒 所以係甘香條條菜都係翠綠色 好快就俾我地清哂飯我地梗係揀豬油撈飯侍應會拎埋豬油同頭抽撈落個飯到 味道真係無得輸每枱都會送糖水果日食係紅豆沙/麥米粥我揀左麥米粥 因為唔係度度都有細細個食過 想食返個味道好足料

今日打算帶囡囡去揾返10年前去大榮華食過好好味嘅豬油撈飯和焗魚腸！知道星期日會多人，所以我哋一家三口未夠五點就係德福行去睇吓有冇得早啲坐低！好唔好彩，我哋4:45已行到門口。我就膽粗粗行去問吓門口個侍應姐姐可不可以早少少入坐！但佢嘅態度好唔掂，黑口黑面地回答我說：5點至開！嗰吓我都好奇怪，五點就五點開囉，但唔使黑面呀嘛！再問佢攞張菜單睇睇啦，佢仲犀利，淨係指住，示意我自己攞，好嘢！今時今日咁嘅服務態度，都好難會遇到！但係我哋一心嚟試吓，於是無可奈何地等多15分鐘啦！終於入到茶樓，唔知係未太早的關係，佢哋仲係到食緊晚飯！這都明白，人家要吃飯才開工，但唔使食飯的還在看跑馬，沒人來招呼！就算來招呼的，都係咁嘅樣囉！真奇怪！點了菜，不用兩分鐘，期望一嘅焗魚腸出來了！心想：這麼快的！果然，唔夠熱，一啲辣咀嘅感覺都沒有！十分失望！亦因為唔夠熱，缽魚腸好快就凍，食落好鯹！之後到期望二嘅豬油撈飯！同樣，不用等很久，一缺無煙、唔夠熱嘅飯出場！但又係令人失望的！跟著上枱嘅魚肚浸菜，可以話係全枱上最熱的一碟餸，但味道冇咩特別！最後一碟餸係支竹焗蠔！味道還可以，但略喊了少許，而且啲蠔較細，冇咩驚喜！總括而言，

又到一年一度爸爸生日的大日子，當然要好好慶祝一番！由於爸爸比較傳統，不喜歡生冷食物，也不喜歡西餐，為穩陣起見，還是吃中菜好了！最後我們選擇主要供應圍頭菜的大榮華。第一道菜是五味雞，五味雞是以前圍村人招待客人的指定菜式，用花椒、八角、桔皮、桂皮及草果，加上頭抽和糖煮滷水，做出來的滷水雞就叫「五味雞」。雞皮薄薄的，不膩口；而且雞肉嫩滑惹味，爸爸大讚這個好吃！第二個菜是木耳炒鮮百合淮山，坦白說，這是我人生第一次吃炒百合淮山，想不到原來炒起來，也蠻好吃的！感覺清新爽口，而且營養價值豐富，適合一家大小吃。再來是這個碧綠花膠仔鵝掌煲，花膠、冬菇和鵝掌均炆得非常入味，而且煮得很腍身，有入口即溶的感覺，不錯！最後是魚香豆腐煲，這個菜不過不失，沒有什麼特別！介紹完餸菜，戲肉來了！來到大榮華吃飯，怎可以不介紹他們的招牌「豬油撈飯」。將少許頭抽及豬油伴在飯內，馬上令普通白飯變得又香又惹味，雖然不太健康，但又不是經常吃，由他吧！爸爸期後也說道，上一輩環境不好，食豬油撈飯便是一頓飯了，那會有其他配菜。想不到時至今日，竟會升格變做人人追捧的美食。所以說，未來的事有誰會知道！

舊地重遊，有點掛住豬油撈飯添。都有幾年無黎喇，主要都係想食魚腸蒸蛋同豬油撈飯啫。驚見 menu 上有奇怪的菜色，各位食家請問咩叫做炒長遠呀？又長又軟既是什麼來頭呢？五味雞，新嘗試招牌菜，超讚！香味十分，煨得入味之餘，雞肉仲非常嫩滑，堅係皮香肉嫩又唔肥。雞皮滑滑微黏，豉油味清香無比，加上不知名香香醃料，使我越食越想食，骨頭都損到唔肯放口。應該係三杯雞既加強版，必食！紅燒排翅，非常強差人意，比預期中相差甚遠。以為魚翅會滿滿的，但竟然一半係生芽菜墊底，係全生囉！搞到碗翅又淡又稀而水汪汪，湯汁散發著極濃芽菜草青味呢，吃不消！諗住勁落醋蓋過陣味，但完全無效，點解唔將芽菜分開上呢？唔想浪費，挑走晒生芽菜後，唯有硬著頭皮灌落肚啦。砵仔雞蛋焗魚腸，魚腸真係唔係人人啱食，只加上芫茜、芹菜及大量胡椒粉蒸蛋，難免有點腥。熱辣辣新鮮出爐還可以，但一凍左，魚腥味提升百倍，完全入唔到呢。都係爆炒或打邊爐好食好多，下次未必會再叫喇。梅醬一字排，比燒排骨更出色，因為肉多骨少啖啖肉，不乾不鞋又不硬，軟棉彈牙既質地充滿肉汁，梅醬芳香飄飄，味道濃而香甜。一定要趁熱食，食快一點，凍左變得咸了。豬油撈飯，主角進場，我為左您先山

食過好多次都幾好，尋日媽咪生日一行7人再食， 叫多個龍蝦伊麵賀下，之前都有叫過， 點知就中伏了，$208 得中間身呢一舊肉， 全部都係蝦殼 ，身同鉗都無晒肉。同職員講， 佢笑笑口走左， 伊麵底仲燶左。另外，平時湯羹都一煲上先，佢分，仲有兩碗剩， 今次一上就果7碗， 話得咁多， 煲都見唔到。所有餸都細份量左， 如果唔係生日飯一定會同佢理論， 最慘就平時無所謂嘅媽咪都話唔下次唔好再幫襯。

大榮華?滔哥久仰大名真係好想見下真人,可惜緣份未到,今晚到來是老婆介紹既,因老婆係個周圍搵野食既人,所以加埋滔哥個名就不用再想了裝修應該都好耐歷史了，我好喜歡,因為現在真係賣少見少了,蟲草花浸魚肚:味道普通,其實這道菜靈魂係蟲草花,但可能蟲草花浸水太耐流失了應有既味道如果做得好既話呢個係上等菜豬油撈飯:唔使講啦兩個字-情懷-豆豉果皮炒蝦:其實道菜也設計不錯,食落香口豆豉味夠香不過果皮味就只有少少,可能師傅炒時落得唔夠,如果我做的話我會將果浸到淋身打溶爆香連水一起炒至乾身乳豬:燒得非常好豬又會太肥大佬乳豬醬也直得一讚,因平時出面食既只係得個甜既味道,而呢個係有麵豉既味道相信出面酒樓唔會間間有燒米鴨用心之作咬落傳統既香料味道全部有齊,因為如果冇心做既師傅係唔會咁足料既,佢個梅醬也非常之不錯甜酸既味道做得好好又夠濃,市面好多什麼名牌老字號得個名得個人氣,絕對做唔倒呢個效果,所以師傅好野,最後甜品:紅豆沙/麥米黃豆,紅豆沙水準平均,約果可以再稠密多少少就更佳啦，麥米黃豆其實做得幾好因食落有清淡既感覺同埋有口感,只係差少少温度,整體來講都算係唔錯,有空會再來,因為相信有更好菜式係度,冇理由唔再來

估唔到要收切餅費$20，數目唔大，但感覺有啲小家，食物中規中矩，無特別難食嘅嘢，亦無特別好食嘅嘢。豬油撈飯嘅豬油講真唔香，喺大冷氣環境下都無凝固，小妹其實有懷疑是否純豬油？

垃圾餐廳，廢物管理，點心要追足30分鐘，早就該倒細。服務態度冷淡愛理不理，一班垃圾服務人員只在私談，完全不professional. 連自己有什麼點心賣完也不清不楚。味道非常一般，賣相不佳。菜又乾又黃，牛肉沒有肉味，吃了一口麵粉。什麼切肉燒賣難吃，不值一提。還要客戶面對他們愛理不理的態度。

年初一全家一齊去九龍灣睇戲，睇戲前順便去大榮華飲茶試吓，好彩早去攞位，早上10時半已冇大枱，坐低叫左茶後睇吓有乜食，見到餐牌都有幾張，裡面有很多嘢食，而且還有幾張點心纸，除便點左十幾樣食吓，等待時飲吓茶，d茶都幾靚幾甘醇，首先來到係鳳瓜排骨飯和皮疍瘦肉粥鳳瓜排骨算多,味道適中好有肉,飯幾靚不太爛,但有部份太多汁比較濕軟d,個粥好綿不太味精味,薄脆好脆,跟住上馬拉糕口感軟绵绵,有好香蛋味,不過不太大件蝦腸d蝦原隻中蝦好爽,外皮滑,厚薄適中蘿白糕就不過不失春卷和芝麻煎堆仔,真係不可不試兩樣都好脆,咬落去咯咯聲,春卷入面好多肉不林,煎堆仔入面有黑芝麻蓉沙薑雞腳可以唔試,雞腳和沙薑粉冇味,而且d粉變左漿好實還有其他蝦餃、燒買、糥米包、蒸鮮鱿、叉燒包、臘腸卷和菜心,蝦餃、燒買水準中上糥米包好大件飽肚,鮮鱿就味道好不過細碟叉燒包臘裏面d料味道好好,臘腸卷條臘腸就好正,因為係榮華臘腸不過兩樣包d麵粉唔得好乾好硬,尤其是臘腸卷要好大力咬,最終冇食最後碟菜心可能之前天氣太凍和落雨,變左冇靚菜來,又大條又老又通心,不過煮得幾林都可以食

去大榮華就想起滔滔同豬油撈飯，今次唔係晚飯，係食點心。奶黃馬拉糕，豬潤燒賣，百花釀魚肚，叉燒餐包，叉燒包，白灼芥蘭，白灼菜心，雞札，鯪魚球，鯪魚肉釀茄子，鯪魚肉釀青椒，紅豆沙，芝麻糊。除豬潤燒賣外，各款點心味道都係大路貨，正正常常。豬潤燒賣雖然係比較特別，但係亦唔見得佢做得好好，豬潤有少少乾同柴！最好味是奶黃馬拉糕：好香的奶黃味，鬆軟，但係我覺得佢做傳統菜既，係咪應該提供古法馬拉糕呢？鯪魚肉釀茄子：多汁，鹹甜適中，不過鯪魚唔彈牙，好求其下！叉燒包﹕包皮都係做得麻麻，有少少實同乾，唔夠香。其實出面好多普通酒樓包皮都比佢做得好。釀茄子﹕油淋淋係正常…但係凍冰冰．．．．．．．最難食是芝麻糊，非常稀，唔滑，好甜，好可能係開粉貨色！一分錢，一分貨，總的來說，咁既收費，都係不能太過要求呢！

這家圍村菜相信大家都唔會唔識，元朗店及九龍灣店都食過晚飯，甚有特色，就是未食過點心。這酒家特色菜比較多人談論，但點心就無咩咁特別，所以亦都無甚期望。釀茄子多油實屬一般水準，魚肉調味夠但唔彈牙。中式叉燒包包皮香甜，餡料叉料不多但粒粒分明，唔會得叉燒醬及肥肉，如餡料再多一點就好了！叉燒餐包皮做得未夠香甜，包底唔夠香口，又係唔夠餡，失望！古怪在這裏沒有我喜愛的古法馬拉榚，換的卻是奶黃馬拉榚，不是我杯茶。而且得個甜字，吉士唔夠香！鯪魚球同釀茄子相信用同一個鯪魚餡，做得唔夠彈牙，但味道不錯！甜品點了芝麻糊及紅豆沙，其實芝麻糊都不敢寄望了，不過還是口痕，果然疑似開粉口感…食到一半就要停手。紅豆沙不過不失，沒有起沙亦不香陳皮味。其實現在很多中式酒樓的紅豆沙也做得頗為出色呢。咁既價錢，食左咁多野…雖然無值得推介既地方，但都無咩投訴，畢竟一分錢一分貨，今次飲茶為主，唔係食佢既拿手菜色呢！