大榮華圍村菜 (已結業)

母親節晚飯順下母親要求，一早已經訂定大榮華圍村菜，食佢既九大簋set包括有：香茜燒米鴨圍頭五味雞白水浸烏頭盆菜豬肉陳皮豆豉蝦雜錦炒菜絲時菜鯪魚球蠔油蚊北菇糖醋酥肉青馬拉糕豬油撈飯另加一盅杏汁白肺湯成餐入面最好食嘅係杏汁白肺湯，佢係原盅上的，火候十足，仲十分足料，值得推介！但一定要預早訂圍頭五味雞就普普通通啦，唔太入味雜錦炒菜絲唔錯，炒得好乾身糖醋酥肉青其實係咕嚕肉，但呢碟炸粉多過肉，麻麻馬拉糕就一貫嘅水準，好軟滑，幾飽都要留肚食值得一讚嘅係呢間大榮華啲侍應服務十分殷勤，好難得

This is a popular restaurant that served few old fashioned dishes.Came on a Sat and brought my friend from USA to try the restaurant. We had 8 people in total and booked for 20:00, we didn’t need to wait and got our table right away. The restaurant was considered pretty full at 20:00.We ordered 6 dishes and 6 bowls of the restaurant signature pig oil mixed rice. Overall, I’ll rate this restaurant 4/5 and recommend people to must try the pig oil mixed rice. Will come again for the pig oil ric

每逢假日都會同家人飲茶，今日去到九龍大榮華，11點先開，真係勁！去到已經有人等位，但都算好快入坐，一行6人叫在鳳抓排骨飯，沙薑雞腳，當歸豬手，炸兩，春卷，糯米飽，雞札，麥米粥，芝麻糊。鳳抓排骨飯，好香，好多排骨，D飯軟硬適中，好快就被人食哂，想再叫，已經售罄，太誇張了！沙薑雞腳夠林，無牙爺爺都食倒，味道唔錯。當歸豬手都夠林，當歸味濃，喜歡當歸的朋友一定要試下。炸兩正常發揮，無乜特別，春卷即炸，涵料充足，好食。糯米飽，我最鐘意，一籠三粒，食淨一粒，第二日蒸食熱食，風味更佳。麥米粥，超多料，好食，芝麻糊，似係生磨既，唔會一舊舊，唔太甜，OK！總括來說，好食，值得推介！

雞丶鴨、蝦三個主菜都煮唔熟，下次不唔再來。周五晚飯吃的這三個菜是麥牙桂花雞丶鄉村南乳煎米鴨及頭抽蒜片大蝦四隻。前兩者更是餐牌特別推介的招牌菜。第一個餸叫過佢拿回去整熟啲，點知之後兩個餸也是唔熟。豬油撈飯也是此酒樓生招牌，原來只是比支豬油丶鼓油自己撈，完全沒有熱辣油香的感覺。我首次來吃，朋友說今次比幾年前來吃時差太遠，也有朋友說可能元朗那間好啲。食物咁差，唔明點解仲坐滿人。今次幾天前有訂位，去到毋須等位。

我約朋友食生日飯，佢知我收工不定時所以為咗遷就我，就過嚟九龍灣初初佢話食大榮華嘅時候，我以為要過元朗添，原來九龍灣都有一間大榮華真係孤陋寡聞😛我哋叫咗叉燒啦，豆豉鯪魚油麥菜，仲有蝦當然唔少得出名嘅豬油撈飯雖然係好邪惡又唔知要做幾多運動先可以減走不過呢個豬油撈飯加豉油，再配合佢嗰個兜，真係好想食兩碗😋我鍾意佢嗰啲飯一粒粒，硬硬地，豬油嘅香味，豉油嘅甜度，簡直係平民美食可惜一啲都唔係平民價🤣🤣🤣

一大班朋友食飯，又想簡單又要豐富，最好就係叫套餐。個名都特別，叫即食迷你九大簋。即食意思應該係快，叫了立刻送上一桶豬油撈飯及蘋果醋。服務員好快手幫我地十位換了公雞碗。餸菜好快上齊，樣樣細細碗，咁多餸，飯都食多左，唔知係咪因為豬油香。陳皮豆豉蝦，好香好入味，雜錦炒菜絲，勁多粉絲，炒得乾身又香口。蠔油炆北菇，大大隻好有咬口，而且炆得好入味。其他都係一般酒家小菜，冇乜特別。雖然座位迫迫地，但服務好好，我地加了半打紅豆半打奶黃的水晶包，上菜前，服務員見蒸了一打都是紅豆，自動退回廚房做過，勁細心。

新年第一餐開年飯，上次去元朗分店還不錯，今次約返市區九龍灣，地點較為方便 今次同行7個人，一人點一個菜，大家沒有夾過，竟然3位朋友都揀左同芋頭有關的菜第1味菜，先上桂花雞，雞肉很滑亦入味第2味菜，花膠雞絲魚肚羹，配料充足，對得起價錢。主菜來了，3樣同芋頭有關的菜第3味菜，荔芋油鴨煲，煲的汁整得幾好，很適合配上這裡的豬油飯或白飯第4味菜，家鄉蒸芋泥，整得都幾有層次，外面芋頭爽脆而底層鬆軟入味但最後3味菜，開始有點失望第5味菜，金沙焗鮮魷，咸蛋味做得很好，但是鮮魷不夠脆，太軟第6味菜，韭菜花菜焗魚腸，餡料充足，但煎的脆度差少少，顯得蛋漿比餡料更多，食下去很飽第7味菜，臘味粒煎泥芋餅，同樣情況出現在這道菜身上，餡料不錯，但脆度都是差少少，蛋漿很厚。今晚這餐，比我感覺有點虎頭蛇尾，希望下次能再次嘗到好的煎餅。

今晚外家食飯, 揀左係九龍灣的大榮華吃圍村菜. 雖然幾年冇來呢間榮華完全無變, 依然係舊式的中菜館的裝修, 感覺份外親切. 面88蚊一個小菜亦絕對貼地.咁耐冇黎大榮華梗係叫返一定要叫嘅必食小菜啦, 鵝腸, 圍村雞, 牛肉現保持着高水準, 今次的意外發現就係炸軟殼蟹, 個軟殼蟹是即炸的而粉又不會太多所食落口比較不會太膩, 值得推介主食當然走唔甩係招牌豬油撈飯啦, 雖然去之前自己講過想食得健康啲你唔會食太多但係一食落口真係停唔到, 最後有食咗兩碗, 到而家個口仲有啲豬油香仲味, 真係回味無窮,要去多兩次gym都抵返晒 買單＄1000唔使真係好抵食, 絕對會再返嚟!!

成日食西餐，今日一班朋友提議轉下口味，食中餐。幾個女仔七咀八舌，最後揀左九龍灣嘅大榮華圍村菜。 招牌五味雞，原本都滿有期待。點知食落同一般鼓油雞無異。不過，雞肉都算嫩滑。椒鹽九肚魚，外層酥脆，內裏鮮滑。不消一會兒，已經清碟。蟲草花魚肚津白菜苗，清清爽爽嘅一道菜。魚肚好稔，索曬啲高湯，yummy。鴛鴦水晶包，奶王味好正，夠滑又有奶香。紫薯味食落有啲人造。個皮略嫌太厚，薄啲會好啲。呢度有一個名物，就係豬油撈飯。飯唔夠熱，帶唔起豬油嘅香味。

終於來到這間元朗聞名的酒樓，無奈元朗太遠了，唯有先來九龍灣試試傳說中的豬油撈飯聽名字已夠驚，不夠瘦的不敢試幸好是自己決定加多少豬油多少豉油，而且蒸飯當然比電飯煲飯美味多了小試牛刀，味道不錯，有種香味不是普通飯有的朋友想吃燒鵝，但侍應說燒雞好好吃，就試試吧 🍗 沒有騙我必吃的魚腸，差不多每枱都會order，結果輛不到我們，但又不是沒有魚腸，只是沒有焗魚腸，但有煎魚腸不明白為什麼不能焗呢⁉️⁉️ anyway，也不錯蒸沙巴龍躉，夠新鮮龍蝦伊麵，有湯的，好奇怪，浸到麵都林晒但龍蝦是🆗一打鴛鴦水晶包，芋蓉及奶黃，超大個的，愛甜的，吃兩個都不是問題

今天ordered 漁腸焗蛋，素菜，扒鵝掌好難食毫無驚喜之前都聽朋友講都要值得一試，今天試過了晚飯後，好難食。食了幾口，完全並沒有食慾再嘗試。不會再來食夜晚會考慮早茶

頭抽蒜片煎大蝦四隻80元其中一隻半隻手指咁長都冇非常失望。 其他 三隻都只可以叫做中蝦。 可以睇睇圖片..............................

與家人共聚吃飯總是走著中菜路線，大家圍枱共享，感覺更為親近，樂也融融 平日每每提著要嚐鮮，要有新意，即使是飲茶小會亦想去未曾吃過的店家 先前路過見到大榮華圍村菜的招牌，大榮華一名吸引我們注意，即是韜韜在元朗開那家？ 確實如此，而且九龍灣分店已經開業逾十年，但地理位置並非我們常走的道路而已 誤以為店址不顯眼就沒有預先訂座，失敗；知客其實幾親切，好似街坊咁提我地下次早訂 好在最後我們只等了十多分鐘就有位，座位有少許窄使，不過不打緊，重點只是相聚一刻 一般飲茶見有的款式均齊全，驟眼望落都過七十款；茶位費每人$8，另計加一 首發蒜茸蒸鮮魷 $29意外地味清而簡單，蒜香溫和無辣嗆，甚至略嫌淡口 只是厚薄合宜的鮮魷帶嫩腍肉感，吃起來略有彈性亦頗好嚼 還有綿身吸汁的豆卜相伴，不過對比之下，酸醋鮮魷會開胃好吃得多 百花釀魚肚 $34也是難得的清新，不過有點文不對題，那是分離的蒸而不是釀 加入蝦膠多一分彈身帶甜的食味，魚肚細件腍綿帶少許膠質 以雜豆點綴，只是沒有太大特色加成，實在平平無奇可跳過 咖喱牛筋肚 $29聞落重咖哩香，不過明顯有粉感，吃到最後甚至帶苦 就著用料方面又沒有太大問題，牛筋透亮

今日放假，冇乜嘢做呀！突然間想去飲茶，就去咗大榮華飲茶。兩個人，叫咗四個點心，一碟炒麵。都好飽㗎啦！如叫多樣就飽到上心口。環境方面，空調就真係唔夠凍，坐喺度都仲要開風扇吹。服務方面，開頭就都有差，帶位嘅時候黑哂面，之後就感覺得冇乜特別。食物方面，算抵食下午茶點心即叫即蒸魚肉燒賣王，最啱我唔食得蝦！圍村小籠包，其實即係粉果皮小籠包餡。香煎西刀魚餅，食落去即係泰式魚餅。黑椒肉眼筋炒麵，肉眼筋比想像中硬咗少少！香煎蝦米腸幾好味，份量都大碟！

今晚9個人，食咗1500元，包括豬肺湯，蝦，烏頭，盤菜豬肉，豆腐肉碎，鴨胸拼乳豬，鮮淮山木耳百合，一隻雞，豬油撈飯，紫薯壽飽，之前以為好好食，但是真的很失望，除了豬肺湯外，所有餸菜都是一般，很多大牌檔都好味過，嗰個豬油撈飯，一啲豬油香味都冇，我都唔明有咩咁特別，條烏頭浸到鞋哂