大樹先生的家 (皇室堡)

營業中

休息中

大樹先生的家係小朋友另一個家，之前喺長沙灣嘅第一間香港店，一直都好受小朋友同家長嘅歡迎成日都full Booking，近排原來係銅鑼灣開咗間，呢間平日晚上好易book，呢晚就大概有七成入座，所以可能walk-in都有位。一去到枱上已經有一包果蓉，仲有尿片，濕紙巾，即用即棄口水肩，唔夠可以問佢拎，因為本身小朋友要收用餐費，即使係bb都要比，平日就59，不過要再加一。出面遊戲區分左爬行區，玩水釣魚區，大波波池，煮飯洗衫區。係俾小朋友失控放電嘅好地方。今次豪食左鵝肝牛柳，仲有鰻魚飯，雖然好貴，但就係超水準，好好食，份量亦好夠大，鰻魚好厚好大條，飯好香，全部都沾上鰻魚醬汁！另外鵝肝有兩舊，又大又香。因為我地叫左combo，所以仲有湯同沙律，仲有飲品！但全部都真材實料，唔係hea。咁當然好食嘅餐廳有好多，不過又要係小朋友天地嘅，真係得大樹先生的家先做到！

I had heard about 大樹先生的家 for a long time before my first visit. My first visit didn't leave me a fully satisfactory impression because one of the appetiser dishes we ordered was not so good. However, this visit had totally changed my impression because all of the dishes I had ordered were very good.I don't think I need to talk more about the different playing corners for kids because there are so many detailed commentaries out there. I would like to talk more about the food today.We were welcome

一去到枱上有包果蓉，仲有尿片、濕紙巾、即用即棄口水肩唔夠可以refill但換片要去女廁，要推兩道門入去對於抱住bb嘅我泥講好困難爸爸又冇得幫手有啲麻煩應該喺出面有個換片區比較好遊戲區唔係話勁大但以一間餐廳泥講就好大可惜bb可能太細，佢怕波波池=.=“去到淨係肯玩爬行區嘅玩具同平的去會所冇分別有啲浪費不過個鰻魚飯都幾好食

台灣過江龍親子餐廳真係大人細路都開心有人話覺得地方唔算大我就認為岩岩好喇地方太大就好難睇到小朋友既行蹤喇始終放電既地方都有一定危險性係視線範圍安心d環境唔錯店舖地址非常方便食物質素唔錯分量適中岩曬一家大細、小朋友聚會

開學後帶小朋友一齊玩，約露天玩公園有時會落雨但有時又好曬，去附近玩具圖書館又玩得50分鐘，所以大家決定舒服地係大樹先生渡過舒適既一個下午。玩既係十二點至三點果場，原來呢個時候比較多學前既幼童，咁就岩哂喇因為我家小孩最鍾意同bb一齊玩。可惜一去到就有小朋友vv左係個波波池度，見到工作人員好快手細心咁拎波波出黎都清潔好，咁我地都玩得好安心。食物方面好豐富呀，兒童餐有貓造型既芝士飯，個魚肉去骨好滑，仲有水果粒，我比較欣賞呢度既兒童餐因為味唔重，同冇好甜既橙汁呀朱古力呀，令我放心order俾小朋友食。我同另一個媽媽就share左份牛肉菇五色飯，上面加左飯素勁正呀。牛肉粒份量好大份。仲叫左個蝦丸芝士小食，勁係趁小朋友自己玩果陣俾我地清哂喇。

自從台灣開了這間親子餐廳之後， 我一直都非常期待， 希望這間餐廳中有一天會在香港開分店， 願望終於達成了。這天剛剛經過，發現這間店舖原來真的在香港開業了，也令我十分期待他的表現。這對標榜的美食不止健康而且多款式， 我點了一款野菌扁意粉， 野菌味真的非常濃郁， 和扁意粉配搭得十分完美， 完全是飽肚又滿足。餐廳內的休憩設施也琳瑯滿目應有盡有， 波波池，玩具火車，積木，cosplay衣服 樣樣都應有盡有！ 這裏不只是大人進食美食的場所， 還是小朋友的玩樂天堂！最重要是他的收費絕不昂貴， 性價比十足， 想滿足小朋友的朋友一定要來試試。

難得相約久違了的朋友食晚餐，但她逃不掉要帶小孩的命運，只好揀一間兒童餐廳，佢有佢玩時我地有我地傾，各自各精彩！西班牙黑毛豬火腿伴蜜瓜 138Parma ham油脂味濃不膩嘅鹹香同清甜爽口嘅蜜瓜融為一體，層次突出！煙三文魚忌廉汁意大利粉 236煙三文魚加上厚重忌廉，味道濃郁，每條意粉都沾滿香濃醬汁白松露惹菌忌廉汁意大利飯 226，粒粒飯粒都均勻沾上伴有黑松露味的香濃忌廉汁！套餐仲包左餐湯沙律同飲品嫁！加配左 忌廉蟹肉炸薯餅 68炸物永遠是現炸熱辣辣係最好食嘅！兒童餐大笑貓貓 配煎魚樓$158可愛貓咪，中間是南瓜汁，健康之選伴有水果、紅菜頭蔬菜湯，聽落都健康過人！看蟹寶寶會照燒雞扒 $158外觀可愛非常吸睛，份量適中，主打健康菜式適合小朋友！新鮮現打健康蘋果汁 68元氣滿分現打蘋果菠蘿汁 78果汁類飲品都以新鮮為主打，無添加！薄荷朱古力 68榛子朱古力 68兩杯朱古力都濃郁幼滑，不錯！

余媽媽很喜歡到親子餐廳, 因為可以有餐安樂茶飯食。。。平時在普通餐廳吃飯, 余小b一定會好快就嚷着要走呢, 想坐多陣都唔容易! 今次我地一家到訪位於銅鑼灣皇室堡的<大樹先生的家>, 感覺好大, 乾淨又光猛, 職員姐姐會幫手睇住啲小朋友; 進食區與遊戲區相鄰, 父母可以一邊用餐, 一邊睇住小朋友玩樂! 呢間被譽為台灣No. 1的親子餐廳的確名不虛傳, 場內提供多種益智好玩的遊戲, 例如: 網球戲水區, 波波池, 滑梯, 攀石, 野營體驗區, 男生最愛的車, 更有細b專區, 非常貼心! 是晚最吸睛一定係紫色的波波池, 超夢幻啊！完全切合紫色花季呢個主題, 打卡是必然的, 余媽媽都想玩埋一份呢！BabyTennis 網球戲水區 也是不能錯過的! 呢度有全港首創經過生飲等級逆滲透處理的戲水池, 就算小朋友唔小心飲左水都唔洗擔心, 因為整池嘅水都可以飲用的！ 價位方面: 0-6歲需付清潔費$59(平日)/$79(假日); 7歲或以上最低消費$120只要是6歲以下小朋友都可以到遊戲區任玩啊!雖說是親子餐廳, 但這裏的食物款式也很多元化, 普遍都很健康, 食物水準很

中秋節放假，之前囡囡一直都好想去大樹先生的家玩，今日就帶囡囡去銅鑼灣皇室堡玩，大樹先生的家位於皇室堡15樓。未開門，已經好多小朋友同家長排隊了，餐廳地方夠大，一邊用餐區，另一邊是玩樂區。小朋友未去到用餐區坐低，已經衝左去玩波波池，超級夢幻既紫色波波，好大個波波池玩完波波池，囡囡停留得最耐既地方就係釣魚區，因為有得玩水！！入面仲有煮飯仔區啦，露營區，換衫區，好多好多野玩，再細d既bb 可以去0-24個月既玩樂區玩玩到一半開始肚餓，開始食野啦黑松露雜菌忌廉湯（$68）黑松露好香濃，稠身左小小，如果稀返小小口感會更好煙三文魚忌廉汁意大利粉（$176）有一大塊煙三文魚，份量都幾大碟，除了有煙三文魚，仲有三色椒，顏色繽紛，而且好健康，意粉火喉適中，忌廉汁好香濃，口感Creamy 蜂蜜蛋糕（$78）蜂蜜蛋糕來自捷克，蛋糕口感與我們食開既完全唔同，蛋糕每一層之間夾著調味的奶油，上面灑著餅乾與核桃混合的碎粉，口感偏硬小小同略乾，食落有種獨特既蜂蜜味同堅果香氣大樹首選朱古力（$68）

大樹先生在銅鑼灣位置位於皇室堡15樓。本身約左15:30，但頂唔到小朋友一路吱吱喳喳咁穩緊波波池，所以都早左上黎。正如所料，都需要在門口等一陣，因為入邊d工作人員都係度收拾咁d玩具之類。餐廳營業時間列表。我地就反小公主放學時間，選左平日人唔多既禮拜三下午15:30-18:00，每場兩個半鐘。兩場間隙會有半個時間既清潔時間。由出邊望入去都興奮不已，色彩繽紛。十分吸引眼球。煮飯仔、公主衫、波波池、野餐、釣魚……應有盡有。小公主急不及待咁一開門就沖左入玩樂區，差D唔記得除鞋同清潔手。遊樂區門口會有個笑容好好既姐姐溫柔細心提醒小朋友。我唸，點解間鋪叫大樹先生，多多少少都因為呢棵在餐廳中間既大樹而命名。乾淨明亮既臺凳，令大人坐得舒服。仲有好多BB凳，卑BB坐定定食嘢。哈哈。煙三文魚忌廉汁義大利粉Spaghetti In Cream Sauce With Somked Salmon黃咖哩忌廉汁義大利飯配扒海鮮Risotto In Curry Cream Sauce With Seafood 我同fd兩個叫左兩個餐，餐除左主食，仲包括餐飲，餐湯以及沙律。煙三文魚忌廉汁義大利粉都好食，但我更喜歡黃咖哩

約老友食飯，佢帶埋王子出來，我就提議去大樹先生的家，小朋友一定好開心！預先訂好檯，平日晚上都唔算多人，可以舒舒服服玩足3個鐘（18:30-21:30）。食物方面，主打健康套餐，例如四色糙米飯及蕎麥麵等等。低溫特製手撕雞肉糙米飯套餐（$178）配日式麵豉湯、水果醋雞肉低溫浸熟，非常嫩滑；味道有麻油香同椒鹽味，調味得剛剛好。主廚燉煮雞湯露荀雞肉卷，配蕎麥冷麵（$198），日式麵豉湯、水果醋雞肉卷一樣嫩滑，加入蔬菜味道更帶點甜味呢！至於小朋友，一樣有健康套餐，賣相仲非常可愛呢！小朋友指定要食的：螃蟹寶寶配照燒雞扒（$158）彷如一隻可愛的蟹寶寶，套餐仲有水果杯同紅菜頭蔬菜湯，營養均衡。瑞士雞翼（加配價$68）熱辣辣的瑞士雞翼，味道都幾入味。台灣風味芒果熱情果冰沙（$78）至於玩樂區，有個小水池玩釣魚，有個發泡膠池，積木玩具zone，幼兒zone，同小朋友最愛：波波池！呢度食得舒適，小朋友玩得好開心的一個好地方！

最近阿仔少咗扭計開咗學老師讚佢好乖👍所以應承佢帶佢嚟多次大樹先生的家至於點解大樹先生佢情有獨鍾？因為呢度有真水釣魚🐠🐠每次玩到樂而忘返 淨係玩釣魚都玩足成個鐘🙈仲有超大波波池 sir呢sir去顏色又靚十幾二十個小朋友喺入面玩都唔覺得迫入面有大量模型角色扮演 不過老實講我個仔唔係好感興趣佢最鍾意嘅就係入面有好多衫衫著 基本上見見男仔衫佢都試過曬話自己好叻叻😁特別鍾意呢度嘅就係連大人都好happy專登整咗個草地帳篷 扮野餐🤗仲有幾朵好大嘅花畀大家打卡唔係我樣衰衰我都想畀幾張大家睇下我幾開心.💟豬頸肉蕎麥麵蕎麥麵 煮到啱啱好又爽點冷麵汁非常舒服啱曬夏天食豬頸肉唔會油膩嘅感覺煮到啱啱好 點甜酸汁一流跟餐仲送蘋果醋 又健康又養顏💟黑松露野菌雜菇忌廉通粉分量好多 用咗好多野菌撈忌廉汁黑松露浸曬落啲通粉度非常之香不過可惜 黑松露汁唔夠多通粉偏硬少少 好在我鍾意硬質地對我嚟講冇問題但小朋友食可能要同職員講要軟少少嗌咗套餐 會從羅宋湯同沙律 沙律好新鮮配沙律醋 比沙律汁健康好多羅宋湯偏酸 非常開胃💟頭好壯壯兒童餐肉醬通心粉 味道酸咪咪小朋友啱曬選用咗比較細粒嘅通心粉唔會濁親 非常開胃自己一個人but曬成

剛完了暑假，小朋友剛開學放早，襯呢個時間帶佢嚟親子餐廳盡情地玩。一開𨋢，小朋友遠處望到環境已經好興奮，位置在銅鑼灣非常方便。點了雞扒意粉餐，配沙律．餐湯．仲可以加$68配小食。小朋友揀咗芒果熱情果沙冰，好好飲，好濃郁芒果味，黃咖哩海鮮飯配大大粒帶子．青口．海蝦，好足料，份量仲比預期中大。整間餐廳同遊戲區好乾淨整潔，設施好安全，好放心比小朋友自由地玩，大人又可以坐埋一邊專心地吃😋呢個就係我選擇親子餐廳嘅主要原因。原來可以在大樹先生的家舉辦生日會，小朋友就快生日，呢度都係我選擇生日會場地嘅目標之一。成班小朋友一定會玩得好開心，唔捨得走。食飽飽離開時，阿囝不斷講：下次要再嚟過呢度玩，總括嚟講呢度好抵玩，因為有得食有得玩，價錢大眾化。最緊要小朋友喜歡😍大人就開心🥰

今晚J帶埋仔女一齊同我食dinner, 最好緊係揀一D親子餐廳la!因為佢地有佢地玩，我地有我地食，真係一舉兩得！J揀左來自台灣的大樹先生，餐廳有一半位置用作小朋友玩樂區，9成以上的遊玩設施都需要脫鞋進行，脫鞋後噴消毒藥水洗手才可以進場，非常衛生！家長絕對可以放心！這裏的波波池超大，放眼一片紫色泡沫，還有滑梯增加趣味，我都想玩埋一份呀！還有很多其他玩意，如砌積木、畫畫和扮公主，還有露營和煮飯仔遊戲 小朋友黎到可以放下電，大人又可以透吓氣，好爽！今晚我和J order咗一個"照燒頂級銀雪魚配黑松露薯蓉" $328、"慢煮特級牛柳伴鵝乾配黑松露醬燒肉汁"（套餐$316 ), 另外叫咗兩個兒童餐，大笑貓貓配煎魚柳 $158 和"螃蟹寶寶配照燒雞扒" $158 。照燒頂級銀雪魚配黑松露薯蓉~銀雪魚煎得皮脆肉嫩，非常滑溜！黑松露薯蓉黑松露味濃郁，口感綿密細滑，好美味！慢煮特級牛柳伴鵝肝配黑松露醬燒肉汁(套餐)~包蟹籽沙律和羅宋湯。鵝肝肥美，外脆內軟，非常美味，牛柳牛味濃郁，肉質鮮嫩軟腍，肉汁充盈，配菜有梛菜花，西蘭花，薯條和薯蓉，非常豐富，整體質素不錯，頗有驚喜！螃蟹宝宝配照燒雞扒~除了有螃蟹造

大樹先生的家 (銅鑼灣店)       地址：    銅鑼灣告士打道311號皇室堡15樓1501-1505號舖       有小朋友架媽媽一定聽過大樹先生的家，是兒童餐廳，有兒童餐供應外，更有很多遊戲設施，家長帶小朋友來食同完，會讓小朋友放電樂上一天波波池，cosplay 公主服務道具，如果小朋友要玩付費就ok中午來食野，手撕雞肉秋葵salad ,天氣仲好熱都係食salad , 清爽希望提升胃口，salad dressing 畫龍點睛。除了salad 我點多份小食 $79 瑞士雞翼，煮得入味，甜甜豉油，皮都好腍。假日同暑假超多一家人來玩，氣氛很好。雖然單以食物計定價略高，但有小朋友當上play group 就比較化算。