大樹燒烤 (已結業)

呢日收工突然好想食串燒 但又唔想同人逼住食咁熱 就搵到呢間環境舒服既串燒店本身都冇抱好大期望 但估唔到又幾好食呢到選擇都唔少 想食既都有 飲品有特飲 睇落都唔錯 落完單之後等左陣就開始上食物每張枱上面都有個烤盤係一直都熱住 所以我地可以慢慢食佢都唔會凍可以chill住食首先上左雞肉串、雞軟骨同埋烤活蝦，我地叫左小辣，不過我覺得係微辣，朋友平時唔食辣話覺得夠，我就再加辣粉，整體黎講唔算辣。串燒好夠味，燒得岩岩好，表面微焦入面又唔會好乾，好味羊肉串都唔錯，有肥有瘦食落好正！呢到仲有燒魷魚鬚！不過魷魚燒完比較瘦，3條都唔夠喉另外仲試左薄切牛舌，呢個都有驚喜，因為照燒就唔會乾，惹味多汁仲有串燒必點燒茄子，煮得岩岩好又好入味，見到呢到啲人都有點鍋鍋燒既金針菇，聞到好香，下次要試！最後就係燒生蠔生蠔好新鮮好甜，加埋蒜蓉既香味，必點估唔到今次發掘到高質串燒，又好岩一路傾計一路食，會再黎

今日同朋友經過尖沙咀， 見到社交平台有人推介呢間餐廳就諗住一齊試吓。 一入到去個環境好舒適，座位好闊落，仲播住一啲好悠閒嘅音樂， 非常適合一大班朋友聚會。 咁見到佢個餐牌有非常多嘅款式，一次根本冇可能試晒， 望落去有太多吸引嘅串燒同小食。想講吓佢個炸燒賣， 個外皮非常之脆， 仲好惹味， 之前喺其他餐廳都試過炸燒賣， 但係好多都係得個脆字，食落冇咩味，而依個就唔同， 而且份量有好多，但係全部食完都唔會膩。另外佢啲串燒嘅款式非常之多， 我哋叫佢每一款都非常好食，份量又大價錢適中，仲可以根據自己口味揀小辣中辣或者大辣，而且仲有個爐幫你將啲串燒保持一定溫度，擺得耐都唔會凍晒，特別想講吓佢個渣男五花肉， 非常之有驚喜，唔會太肥，肥同瘦嘅比例完美， 食完忍唔住，我同朋友每人叫多三串， 不過唔係淨係個渣男五花肉吸引到我，其他串燒都非常之好食！

尖沙咀雖然好多串燒，但唔係間間都好乾淨，呢間就真係冇油煙，食完都唔會成身味!呢到係落完order，店員會擺D串燒去個爐仔到保溫，咁就唔怕同朋友傾耐左，D野凍曬啦!台上面仲有孜然粉同辣椒粉，可以自己加調味。大大大茄子，真係名副其實! 好大份! 而且孜然粉同埋蒜蓉味好突出，又唔會苦。中間茄子肉係燒到剛好，唔會乾曬! 豚肉韭菜花卷呢個配搭比較少見，而我本身係好鐘意食韭菜花，所以呢款好推介!! 出面既豚肉燒到微微焦香! 避風塘燒賣呢款一定要叫，燒賣炸得好香脆，避風塘口味好惹味，唔覺唔覺食左好多粒燒台灣腸入面好juicy! 唔會乾另外，霸王肥腸都好香，唔會有奇怪既內藏味。燒雞翼都好食，入面好入味。呢間真係幾好，下次會再黎!

每枱都有一個鐵板仔店員會將燒好既串燒放係鐵板仔上目的係保持串燒既溫度金牌烤豬手 $582大件脆皮豬手豬手皮外脆內軟 膠原蛋白渣男五花肉 $18@1薄切五花腩 肥而不膩但點解叫渣男呢？大大大茄子🍆 $38將茄子切開一半 擺至心形 再鋪上大量蒜蓉即開即燒大扇貝 $35@1蒜蓉燒扇貝 鮮滑爽嫩烤活蝦 x3 $38雖然唔知佢生前活唔活躍但烤完既蝦殼好容易剝簡單用筷子就成功脫殼新鮮魷魚鬚 x3 $38上菜時候放上鐵板仔 但冇保溫效果即食同後期食都係凍...墨魚汁香腸 $26細細條 黑monmon雖然外表唔太討好 但好好食路邊攤炒米粉 $78最後先上既炒米粉 份量超級多配料有蝦米八爪魚 少量片狀台灣腸雀巢檸檬茶 $12食完濃味串燒 急需要凍飲解渴

和朋友到了尖沙咀大樹燒烤吃晚飯，餐廳提供了豐富多樣的燒烤選擇。鮮烤白鱔和手切肥牛串是他們餐廳的招牌菜之一。鱔魚經過燒烤後，表面呈現金黃色，肉質鮮嫩，帶有微微的炭燒香氣。燒雞中翼醃得夠入味，經過炭火燒烤，外皮烤得香脆，帶有微微的炭燒味道。即開即燒生蠔絕對不容錯過。生蠔新鮮飽滿，加上蒜蓉等調味料烤熟，令人回味無窮。燒翠玉瓜清爽開胃，加上醬汁和孜然粉令味道更惹味。粒粒粟米串在火上烤熟後，保持了原有的甜味和脆度。粟米串使用了糯米粟，咬下去煙煙韌韌，吃起來口感十分豐富。台式香腸的和燒爆汁牛丸味道出眾，非常適合作為下酒菜。燒菠蘿在爐上烤熱後，散發出誘人的香氣，酸酸甜甜非常開胃。岩鹽安格斯和薄切照燒牛舌在火上烤熟後，鮮嫩多汁，肉質鬆化。彈牙墨魚丸口感Q彈，墨魚味香濃，加上醬汁去烤更添風味。手打鴨屎香檸茶味道清新怡人，檸檬的酸甜與香檸的香氣相得益彰，帶來一股清爽的口感。而芒果冰則是清涼解渴的最佳選擇，冰涼的冰沙絕對能讓你在燒烤後消暑解膩。

尖沙咀厚福街不嬲都出名多野食，今日經過H8樓下，見到呢間大樹燒烤個名好特別，原來呢到主打川式串燒，啱哂我呢啲唔想專登北上但又想喺香港食到風味串燒嘅懶人😋一上到去餐廳，發現呢到環境舒適，冇乜油煙，唔會煙霧離漫！最重要嘅係每張枱都有一個熱爐喺旁邊，可以令啲串燒保持溫熱唔會變凍！啱晒同朋友一邊慢慢傾計，一邊慢慢品嚐串燒！今次叫咗好多唔同類型嘅燒物同朋友一齊開心share🤤肉類🍖：秘製豬頸肉💰HK$18/串豬頸肉肥瘦均勻，好彈牙，醃得好入味～汁燒雞肉串💰HK$18/串雞肉唔會鞋～台式香腸💰HK$15/串台式香腸同孜然粉嘅味道好夾～燒雞中翼💰HK$20/串表皮充滿辣粉，燒完之後變到好脆～薄切照燒牛舌💰HK$38/份牛舌唔會太乾身～大樹雪花一口牛💰HK$46/份簡單咁樣用咗鹽嚟調味已經食到牛嘅鮮味~海鮮類🦐：開心花甲粉絲💰HK$68/鍋湯底係麻辣味，粉絲掛湯能力極高～即開即燒大扇貝💰HK$35/隻大大隻扇貝面頭鋪滿蒜蓉，扇貝味道新鮮～鮮烤白鱔💰HK$48/串第一次食烤白鱔，魚皮燒到好脆，魚肉肉質嫩滑得來夠紮實～蔬菜類🥬大大大茄子💰HK$38/份係燒烤鋪必食嘅茄子，面頭鋪滿蒜蓉蔥花仲有唔同香料～燒翠

耐冇食串燒，今次去咗尖沙咀呢間大樹燒烤，好啱三五知己一齊嚟飲住酒吹水呢度嘅串燒價錢都唔貴，大部份都係20幾蚊一串，而且每台都有一個爐黎擺串燒，keep住溫度，慢慢食都唔會變凍除咗串燒之外，都仲有好多唔同嘅熟食，我哋都嗌咗好多嚟試吓蒜蓉金針菇$42金針菇同蒜蓉簡直係絕配，呢度嘅蒜蓉金針菇蒜蓉味好濃，勁好食！薄切鹽烤牛舌$38呢個價錢勁抵，調味都唔錯，味道適中，不過燒得有啲乾黃金小饅頭$36饅頭炸得金黃酥脆，外脆內軟，點埋煉奶食簡直係一流淄博燒烤見到呢度有大陸最近好興嘅食法都特登嗌咗黎試，食嘅時候先將餅皮搽上辣醬，再將蔥同串燒放上去卷埋，食落有啲似墨西哥卷餅🤣驚唔夠飽可以咁食🤣百香果冰$36百香果味超級濃，而且平時飲嘅百香果飲品都會有核，但呢個係將佢加埋落去一齊打，飲落好方便唔使再嚼😂

想去尖沙咀慢慢同朋友食個飯，但係又驚人多？講到尖沙咀餐廳集合之最，一定係厚福街H8莫屬，今次去了12樓的大樹燒烤食四川串燒。雖然係串燒店，不過餐廳會會預先燒好串燒，之後會放上客人枱上的鐵板保温，所以餐廳唔會周圍油煙，同朋友坐耐D傾下都唔驚成身油煙味。餐廳的食物選擇都唔少，除了有肉類、海鮮、蔬菜、丸類，仲有錢鍋鍋燒，價錢由10幾蚊起，係尖沙咀來講好抵食。「大大大茄子($38)」茄子切開後鋪滿厚厚的蒜蓉，再加上蔥花及辣椒粒，味道超級惹味。如果你驚蒜味，真係唔好叫，因為蒜味真係超級濃郁！「即開即燒大生蠔($35/隻、$188/半打)」燒蠔雖然唔係好大隻，不過粒粒蠔肉都好厚肉，蠔肉保持到鮮嫩，加埋蔥花、蒜蓉，及辣椒粒。「即開即燒大扇貝($35/隻、$188/半打)」扇貝同燒蠔一樣厚肉，如果有粉絲可以吸埋蒜香就會更正！「蒜蓉娃娃菜鍋鍋燒($43/鍋)」餐廳的鍋鍋燒好得我心，因為一般的燒烤店都只有乾燒蔬菜，而餐廳的鍋鍋燒都有幾款選擇，除了我點的娃娃菜外，仲有金針菇、鴨血粉絲、香辣酒花螺，及花甲粉絲。餐廳的鍋鍋燒，下面用的不只保温，而係會煲到微滾，熱辣辣的的蒜香湯加了辣椒粒，食落超級惹味。餐廳仲有不

想同朋友傾偈通常都係食打邊爐或者串燒，因為坐嘅時間較長，所以一定要揀一間環境舒服嘅地方，今日呢間大樹燒烤就係最好嘅選擇，地方闊落，冷氣足夠大樹燒全翼 23元,雞皮燒到啱啱好金黃色,雞肉仲係好嫩滑好juicy,用嚟配啤酒真係一流。燒雞軟骨 26元,雞軟骨燒到金黃色食落去脆卜卜非常惹味。紐西蘭羊骨扒 38元,羊肉好嫩滑,加咗啲孜然粉辣椒粉提升羊肉嘅香味。鹹燒安格斯 68元一份,牛肉味香濃,加上燒到啱啱好有入口即溶嘅感覺,最鍾意就有啲芝麻,令到口感同層次更加豐富。開心花甲粉絲 46元一鍋, 花甲鍋味道帶有一點辣,粉絲吸收曬鮮味同辣嘅香味。即開即燒大生蠔 188元半打,生蠔size勁大隻,加上蒜蓉,蔥,辣椒令到鮮味更加突出,蠔味香濃,口感爽脆鮮甜。鮮烤白鱔 48元, 白鱔真係好新鮮,白鱔燒到金黃色,魚皮燒到卜卜脆, 魚肉味鮮甜加上有少少油脂特別香口。Asahi 生啤一杯 78元,食串燒一定要飲返杯生啤又清涼又好味。

同朋友們尖沙咀行完街就去覓食，但已經好夜，行到去厚福街H8 就見到大樹燒烤 見到佢收凌晨一點，決定上去試吓。上到去，侍應安排我哋坐喺卡位，而每一張枱都有鐵板爐，主要係保持食物溫度，非常細心。我哋嗌咗以下食物，辣到可以選擇小辣，中辣，大辣大大大茄子（ $38 ）茄子燒得非常香，同蒜味好夾，唔會過燶，外脆內軟燒全翼（ $28 ）惹味雞翼，調味適中，唔會過鹹過淡，雞翼皮燒得非常脆，但又唔會好乾身金菇肥牛卷 （ $28 ）牛肉同金菇燒得啱啱好，非常Juicy，加上孜然粉配搭極佳大樹雪花一口牛（ $46 ）除咗串燒仲會有其他食物，例如一口牛，配上黑椒粒同芝麻。奶香牛油粒（ $28 ）呢個非常驚喜，食落非常香口，實在意想不到七味雞泡魚乾（ $43 ）類似韓式雞泡魚，再配上沙律醬七味粉，又係非常香口😋燒翠玉瓜 ($16)豚肉韭菜花卷 （ $28 ）燒雞皮（ $26/ 2）又係最愛嘅燒雞皮，雞皮燒得非常香脆，忍唔住再encore避風塘燒賣（ $38 ）熱愛燒賣嘅，我當然唔會錯過炸燒賣，每一粒都炸到金黃色，脹卜卜飲品方面私心推介手打鴨屎香😋😋下次絕對會再嚟幫襯

今日去到尖沙咀厚福街，想食串燒，所以同一班朋友去到下福佳H8度搵嘢食，結果比我搵到一間人細小店，呢一間傳銷店真係好好食，食咗一次真係要推介俾大家，而家做嘅餐廳好方便，厚福街出名多嘢食，一定要識嚟呢一間啊，因為呢一間餐廳裝修整潔，衛生程度很高，且坐得好書房，好闊落，所以好適合一家大細，唔同嘅朋友仔嚟食呀，啊，價錢合理，唔會好貴，市區真係好難搵到，呢度嘅食物推介一定要叫金菇肥牛卷，蒜蓉娃娃菜，仲有羊肉啊，我鍾意食呀，羊肉鮮嫩多汁，最近呢度有雞翼，錶面仲加埋孜然粉，真係好惹味，鍾意食辣嘅朋友一定好開胃，阿里食咗舔舔脷，而且佢哋呢度嘅食物種類都好多，飲品都好多選擇，仲有一定要推介呢一度嘅小饅頭，因為真係好好食❤️❤️❤️

琴日好開心同屋企人去咗尖沙咀厚福街度搵好細食，竟然俾我搵到一間細小店，係超級推介的傳銷店，如果鍾意食串燒嘅朋友，或者鍾意食樣，又想搵地方傾吓偈嘅地方，一定要嚟呢一間大樹燒烤啊，真係實至名歸，冇介紹錯，因為餐廳裏面嘅空間感好大，坐得好舒服，可以枱之間嘅距離都好大，好闊落，衛生環境都好企理，好乾淨，仲有獨立廁所，所以真係好適合一大班朋友或者一家人嚟食飯啊，咪質素都好高，我哋叫咗雞串，羊扒，一啲都唔羶，做好濃郁，鮮嫩多汁，我鍾意食羊嘅朋友一定要黎試吓啊，而且呢度嘅侍應服務都好好，大聲，因為呢度客人都好多，好受歡迎，但係全部嘅師兄都係好好服務，親自，所以我覺得呢度食嘢好書房，而且呢度推介黃饅頭，因為饅頭外脆內軟，加埋煉奶，真係好好食，而且賣相好靚，好有心機呀，所以推介俾大家

串燒燒好之後就會放係熱爐上，唔怕掛住傾計令到食物凍哂！就算唔太食到辣，可以先揀串燒做唔辣，再加上枱上嘅孜然粉同辣椒粉，調配自己的口味。⭐️新疆羊肉串 $19⭐️渣男五花肉 $18個名好有趣🤣，唔知同渣男有咩關係，不過五花肉比預期的薄了一點，少了一點五花肉嘅滋味！⭐️開心花甲粉絲 $68花甲粉量超足料，有少少辣，係屬於好香個種，食得很過癮！⭐️紐西蘭羊骨扒 $38私心覺得羊骨扒比羊肉串好食，帶點脂肪及羊羶味，而且羊肉很嫩！⭐️魷魚鬚 $38/3串⭐️粒粒粟米串🌽 $28/10串

今日小弟同女友人黎左厚福街覓食, 佢話好掛住大陸既既燒物店。 佢最同我都最愛孜然粉既燒物. 咁岩呢頭原來又有呢類食店咁我地就二話不說沖上去試下啦。佢呢度門面都幾靚， 有內地燒烤店既味道食物我地就點左羊肉串，肥牛串，燒翠肉瓜同燒大鮮冬菇。d羊肉串好彈牙又唔so.個大冬菇好juicy,撈埋d孜然粉食好濃味個燒菠蘿爆多汁同埋好fresh一d都唔酸叫叫下原來都好多野呢個5花肉燒得都🆗, 唔太乾又唔太肥呢個台灣腸簡直係我至愛， 左邊嗰個黑色墨魚汁香腸真係不得了，好香燒娃娃菜同燒韭菜都係我同女友人既至愛, 其實呢類菜加滿滿既孜然粉真係好難唔好食.我自己就叫左隻燒雞翼， 肥瘦均衡孜然風十足好味兒整體黎講， 其實呢間燒店水準都直逼內地既燒烤店 牛逼哦！

上次同朋友傾開串燒就一直好想食，要搵到性價比高、油煙少、環境舒服嘅就要下一番苦工啦。今次去尖沙咀行街街，就專程食左位於尖沙咀厚福街嘅大樹燒烤。好食到癲！！一到步店員就會幫手點着個爐，食物唔係你自己烤，而係佢地烤完之後放喺台面嘅熱爐上保溫，此舉大好呀！意味住基本上係無油煙。茄子：一個字大，兩個字超好食，調味一流，多汁惹味。即開即燒生蠔：繼續頂級調味，生蠔燒完仍然嫩滑多汁，正。鮮烤白鱔：肥美，肉質厚實彈牙。其實仲叫左好多款，牛丸多汁到爛，沙冰重本足料，羊骨扒風味一流。回味無窮！