大漁屋台 (已結業)

是日與友人於附近購置完新衣裳，便與他一同到大漁屋台享用晚餐。 首次到大漁屋台，與友人爭扎良久每人點一份定食還是點二人餐較好，最後見其他用餐人士大多點定食，便決定與友人每人點一份定食。本人點了定食J餐，定食包括麵豉湯、蒸蛋、三文魚剌身、吉列炸蠔、以及牛肉湯手打烏冬麵豉湯，溫度足夠牛肉湯手打烏冬的湯底很好，吃完不會覺得口乾，定食送的三文魚剌身夠新鮮，吉列炸蠔和蒸蛋也挺不錯 與友人每人花費大約150元，性價比不錯

這天我在淘大吃過晚餐後才回家，經過朋友的介紹，我決定來到這間日本料理試一試，店內環境寬敞，餐牌上的選擇很多，餐廳會播著柔和的日文歌，聽起來十分舒服，十分寫意壽司配迷你牛肉湯鳥冬定食($168)非常新鮮的三文魚，軟綿綿的白身魚，芝麻粒香稔軟嫩大條十分長十分新鮮的海鰻壽司，鰻魚汁不會太甜，應該是餐廳自己調教過的， 香稔軟嫩的左口魚邊，彈牙的八爪魚，從蟹中拆出的蟹肉蟹膏，非常新鮮，將拖羅打成蓉，再搓成壽司，用香蔥鋪面，十分黏口，口感十分特別，壽司的用料十分新鮮，爽口微彈的沙律菜，配上富有水份的番茄粒和清甜的栗米粒，味道酸酸甜甜，令人非常開冑，軟彈煙韌的菇，非常滑的雞蛋，香稔軟嫩的雞肉，味噌湯用海帶、魚乾和味噌的三種材料製成，七成熟香稔軟嫩的牛肉，十分煙韌的烏冬，彈牙的紅蘿蔔，軟彈煙韌的魚糕，細碎的蔥，非常豐富整體來說，食物的質素非常高，食物的選擇很多，食物的份量非常多，食物的用料非常新鮮，食物的賣相很不錯，食物是即點即製的，非常有誠意，食物的定價相當合理，是可以接受的，而店員亦有積極的服務態度和有禮貌，最後我認為這間餐廳是可以再去惠顧的

今日去左呢間食晚餐，因為見到賣相幾靚，同埋價錢唔算好貴，所以就決定試下，呢間上菜嘅速度一半，大約25-30分鐘先上齊所有野，但佢有個位好貼心，因為知道手卷上既紫菜好快淋，所以會先上左先。Set B因為個吞拿魚手卷分開上，所以我冇影到，我覺得幾好食。呢個套餐個茶碗蒸太淡味了，但個帶子刺身同蕎麥面都好食，其他就冇乜特別，還過得去。Set D呢個套餐就一般啦，最好食都係個吞拿魚壽司卷🍢串燒🍢食完兩個套餐個串燒先來，所以我都唔抱太大期望，但係令我出乎意料嘅竟然係串燒！我叫咗牛舌，雞腎同埋雞頸肉，因為雞頸肉太遲嚟，所以我冇影到相，但佢啲串燒無論係口感、味道都係值得一試！所以如果下次再嚟呢間嘅話，我係會叫一個丼，再加啲串燒，呢間其實仲有串揚，下次都可以試一試。

老同學升職加薪 (希望不是辛苦的辛啦 )， 任我選擇地點和食物種類。。。費煞思量後，決定重遊舊地， 再來尋＂日本"味, おいしい 好吃 (音 Oishi）呢度裝潢夠哂日本 feel, 店員服務媲美日本派， 有水準!簡單的點了晚市2人套餐，看得出厨司精心的安排，多元款式均衡營養吸收 有菜、有魚、有肉，烏冬屬五榖類，為低脂、低鈉歡呼!先來漬物3點，喚醒吧味蕾! 很多人都怕吃蒜頭，但這小蒜子經淹製，很好吃的 來一口試試吧！松葉蟹鉗野菜沙律 ~ 新鮮就是王道 精螢蟹子洒在綠悠悠的菜上，咬得卜卜脆!三文魚、油甘魚、八爪魚和甜蝦 ~ 就是新鮮甘簡單， 甜美可口海膽香葱拖羅蓉卷4件 ~ 最愛海膽和拖羅，最佳拍擋黑松露茶碗蒸 ~ 就如果皇一樣，你喜歡它的獨特喜味就會爱上，只要見到"黑松露"這3個字，便會欣喜若狂串燒牛肩胛肉 ~ 燒得香口，層次豐富，有筋又有油脂的部位，做串燒一流沖繩豬軟骨湯烏冬 >>> 撑住肚仔吃上這烏冬，麵條爽彈， d軟骨炆得軟林，咀說吃不下，但身體是誠實的，全吃光光 呵呵!

跟好朋友飯聚， 今次選在她家附近的日本餐廳， 這個商場裝修充滿懷舊， 直入擺個彎就到咗餐廳。好有日本居酒屋嘅感覺。兩個人選食晚市二人前， 熟食，刺身 ，烏冬 及甜品已有齊， 最啱我！漬物三點， 蒜頭漬物原先怕食完大口氣， 但食完又唔覺 ， 仲覺得好好味， 一直對蒜有誤會添😛！松葉蟹鉗野菜沙律，松葉蟹肉好鮮甜，食吓沙律開開胃先！海膽香蔥拖羅蓉卷， 每人兩件真係唔夠， 真想食多件🤗！四款刺身各2件 - 油甘魚，甜蝦，三文魚及八爪魚，好鮮味。清酒煮蜆， 清酒之外食到有小許薑味， 更令蜆肉鮮甜。串燒牛肩胛肉， 入口就嚐到牛肩胛肉灑上少少海鹽味道， 加上燒到恰到好處， 令人回味！沖繩豬軟骨烏冬， 豬軟骨煮得夠腍！黑松露碗蒸蛋，一開碗蓋即聞到好香松露味，蛋夠滑！豆腐雪糕， 這味道是我的至愛， 竟然食到， 非常滿足！

今日經過九龍灣個邊，見到大漁屋台，挑起想食日本菜的心就入左去食個靚飯。見到2人餐好想食，但一個人點食得哂。最後點左C 餐，應該是性價比最高的餐。隨餐附送的味噌湯。等左一陣，就已經上到菜。一個人食都夠飽的。壽司6件，時令刺身2件白身色壽司刺身2切，甜蝦2隻。這個真的夠鮮味蟹籽壽司雖然無魚子咁大粒，但口感、味道都非常好。芥辣八爪魚壽司不辣的，八爪魚很彈牙。不大不小的烏冬，食完就剛剛好飽哂。最後還有茶碗蒸作甜品收尾。

呢排牛頭角開咗唔少特色小店，所以特登去試吓呢間大漁屋台。食店裝修幾有日本特色我哋懶得諗，又見都幾啱食，所以就揀咗$398嘅二人套餐～漬物有三小碟，我係唔食蒜頭，其他都OK～松葉蟹沙律蔬菜幾新鮮、都好多蟹肉、細細份，但味道唔錯～刺身尚算新鮮～海膽拖羅卷壽司飯用咗醬油飯，不過就冇乜醬油味～黑松露茶碗蒸黑松露味重不過冇乜蛋味～串燒牛牛好好食！！燒得好，有牛味，又唔韌～清酒蜆蜆肉大隻，清酒湯底落咗好多蔥同有薑提味，幾好味～豬軟骨烏冬啲豬軟骨好韌好老！不過啲烏冬同個醬油湯底都OK～最後甜品有雪糕總括嚟講個套餐都幾多嘢食，以小店來講算唔錯，不過份量少貴咗啲。

不知不覺又辛勞地工作了一年，又到公司派花紅既日子，最開心就當然係約埋成班好同事去食餐好既。住公司附近既一位同事帶我哋去得寶商場搵咗間幾有日本風味既餐廳。一來到門口，就覺得有日本屋台既影子，裝修都睇得出有花盡心思去設計。見到晚市有呢個定食套餐幾吸引，最後決定㨂J餐$128有吉列炸蠔，食落好香夠熱，蠔亦夠鮮味。三文魚刺身🍣，非常新鮮，色澤光亮沙律清新好開胃牛肉湯手打烏東，牛肉好嫩滑，仲有冬菇，金菇等材料。烏東韌度適中，是手打的口感。定食當然有碗日式麵豉湯仲有日式蒸蛋，好滑，食完一碗仲想食多碗😅呢餐真係大滿足呀，價錢仲要咁親民，下次真係要來試其他菜式。

朋友住喺得寶花園，去拎完野之後，佢帶咗我落樓下個商場，原來裏邊有好多食肆，佢特別介紹其中一間，話好有日式風格，叫「大漁屋台」，門面幾靚，即管試吓先我叫咗個晚市定食， $178 ，食物豐富，有刺身，天婦羅，茶碗蒸，蕎麥面，沙律，味噌湯，仲有拖羅手卷三點刺身刺身有帆立貝，三文魚同埋油甘魚，三文魚鮮紅，有光澤，厚切之下，食落好有口感油甘魚肉質爽口，魚味重，魚油甘香可口，三文魚嘅甜，配油甘魚嘅香，各有特色帆立貝睇見都知道夠新鮮，同樣地係厚切，入口鮮甜無比香蔥拖羅蓉手卷滿滿嘅拖羅蓉，入口即化，魚油香味十足，魚香同油甘魚難分高下，幼幼的香蔥，更能突顯拖羅的鮮味雜錦天婦羅一碟有四個唔同款式，天婦羅嘅炸漿夠晒薄，炸得好鬆脆，上枱的時候，熱度十足，熱度對天婦羅來說，非常重要。蝦天婦羅肉質彈牙，茄子炸得外脆內嫩茶壺蒸新鮮滾熱辣嘅茶壺蒸，絕對係最好食的。蒸蛋入口幼滑，唔會蒸得過老，絕對係恰到好處沙律和沙律嘅菜夠新鮮，每塊都入口爽脆，配合埋沙律醋，絕對係開胃之選迷你冷蕎麥面蕎麥面麵質口感「煙靭」，浸住冷麵汁，凍食風味一流餐牌仲有好多款唔同嘅晚市定食室內嘅裝修都充滿日式嘅風格花百零蚊嘅一餐，就食到一餐日本地道風

有的刺身成定食跟餐麵豉湯走唔甩!啲食材刺身每件兩舊，有三文魚，吞拿魚，八爪魚，魷魚，甜蝦，食材新鮮再加埋配料，就唔算太搶口，啱一啲新手食，沙律一碗仔加中華海蜇，一個餐食材新鮮點直都咁靚， 燉蛋一杯跟餐必有。滿意價錢超值。手握壽司御膳加手打烏冬三文魚，日式蛋，吞拿魚，甜蝦，青魚，鱈魚，手握壽司各一件，加埋配料食埋都已經差唔多，手打烏冬 清清哋，食落唔會太咸口，爽滑可口!追加天婦羅有金菇，冬菇，南瓜，蕃瓜，兩隻大蝦，師傅手勢咋啱啱好，別有一定的水準食落非常滿意!最後兩杯雪糕，一個白桃雪糕，一個芝麻雪糕，就係我哋嘅甜品呀!綠茶清清口腔，完了一餐!飽飽。

開飯訂位，地方都舒適，座位之間不會迫夾，可能平日關係，兩個人坐四人座位。今次第一次一人叫一個定食，沙律菜都新鮮，日式蒸蛋料也十足及滑。壽司十分好吃，尤其是蟹肉及蟹膏軍艦有驚喜！吞拿魚卷物非常好，加上紫菜新鮮香脆，一下子全部食晒。滿300仲有九折加開飯訂位送25亞洲萬里通，抵呀！牛肉湯烏冬好夠熱，牛肉味亦很濃，加上熟透程度剛剛好，不會令牛肉太老太硬。最後問店員平日下午可唔可以訂座，佢話得，咁可以多一個好去處了！

今日黎到牛頭角一間日本餐廳,叫大漁屋台。鋪面裝修好有心思,整到真係好似日本咁,座位都算闊落。北海道生蠔$68(買2送1)所以我地就叫左2隻,再叫左個極選十二點盛,什錦天婦羅手打烏冬。生蠔大大隻非常肥美新鮮,12件壽司亦都好靚,有吞拿魚腩,油甘魚,立魚,三文魚,加拿大海膽,三文魚籽,牡丹蚸,帶子,赤貝,深海池魚,左口魚,金目鯛。件件都好好味,我自己就最鐘意海膽同三文魚籽,天婦羅手打烏冬入面有蚸,冬姑,南瓜,番薯,我叫左冷烏冬配左冷麵汁非常好食烏冬好彈牙。

三八婦女節🙆老公話由我決定食乜嘢 ！吃喝玩樂 ，開心死，想起幾個月前晚餐來過大漁屋台食過，到現在還很回味個餐鮮味套餐二人世界，由於是下午兩點了，不如先去食個下午茶餐，老公當然就晒我啦！咁就去呢度食了， 原來還是午餐呢！都照叫喇，我哋就揀咗 a)刺身盛定食和 b)手握壽司御膳手打烏冬，加多天婦羅一碟添。 哈哈😀其實係我們嘅下午茶餐嚟㗎！竟然可以食咁多嘢 ，因為味道真係一流夠鮮味 午餐一點也不遜色，選食材也很新鮮啊！價錢又不算貴呢！ 而且呢段時間又不算人多，最啱慢慢食慢慢享受，女侍應生依然很有禮貌和好好笑容， 同上次招待客人冇乜分別老細請著佢哋可以放心晒！午餐有好多款㗎一坐下女侍應生便給我們兩碗麵豉湯好窩心啊！a餐)刺身盛定食好新鮮 $78而且有十件咁多和一碗飯套餐當然仲有沙律燉蛋海藻跟啦 幾鮮b餐) 手握壽司御膳+手打烏冬一碗$78其實食呢幾件壽司已經好飽了天婦羅$72有海老蝦 南瓜番薯冬菇和金菇最後當然唔少得雪糕球甜品啦紅豆雪糕紅豆味好濃 芝麻雪糕芝麻好香鴛鴦每人都可以食到 兩種味道

去九龍灣德福那邊太多人，今日特登去附近都好多食肆的德寶商場食晚餐。見到一人餐牌，樣樣有啲，岩晒我鐘意咩都試下的人，點了三點刺身餐，刺身有三文魚，油甘魚、和彈牙的帆立貝、每款刺身有兩大件。配菜有沙律和日式蒸蛋。還有拖羅蓉手卷，面灑了芝麻，更香。唔少得指定的麵豉湯。還有什錦天婦羅，有大蝦、南瓜、蕃薯、茄子，好脆口。我們也點了個甘栗薯餅小食分享，外脆內軟，薯味十足香口。套餐份量豐富，但一場來到，想試多啲款式，店員推介，精心泡製的大根煮牛肋$78，蘿蔔滲透牛的精華，好清甜，牛肋超濃牛香味，超淋身，好入味。還有二人套餐，下次試下先。

九龍灣德寶商場開了很多小食店及餐廳，揀了大漁屋台，這日式餐廳都算多款，有刺身、串燒、海鮮丼等，黑板上寫了本日推介，很多種類，店員還介紹，有些款式不能盡錄，我點了一份一人套餐五點刺身$208，主要是刺身盛定食，刺身有三文魚、油甘魚、白身魚薄切、牡丹蝦、拖羅、鮮味的甜蝦、每款刺身有一兩件。還有一大碟天婦羅、沙律和茶碗蒸蛋，非常滿足。店員推介是日串燒，有雞腿肉串$22和雞胸軟骨丸$24，還特別的配了溫泉蛋加醬油，蘸上蛋汁食雞胸軟骨丸，好香蛋黃味，而且好有咬口，軟骨卜卜脆的。套餐份量夠大，又有新款串燒，同朋友聚會傾計的好地方。