大漁屋台 (已結業)

上次帶亞仔過嚟附近playHouse玩,路過呢間日本餐廳已經想食,今次冇帶亞仔專登就過嚟試一試！餐廳位置於得寶商場裏便，交通方便亦都方便泊車！其實本身諗住嚟食魚生飯，因為見到佢哋介紹得好吸引，但係今日天氣太凍啦，見到隔離食火鍋就俾佢吸引左！不過日本食嘅火鍋的確有是一個不錯的選擇！唔使諗他們有個二人火鍋套餐$498！松葉蟹野菜沙律：蟹肉很多，沙律菜新鮮刺身盛： 包左五款刺身，三文魚，白身魚甜蝦八爪魚海膽！海鮮厚度適中，亦都好新鮮！特別係海膽，唔係普通貨色！火鍋湯底三選一，我哋揀咗赤雞火鍋，因為未食過，他們介紹係日本來的雞，雞肉比較多，夠大隻，淨係雞腿肉都已經咁大份！湯底係豆腐昆布清湯，夠晒清可以帶出雞嘅雞味！而且仲配左一啲蔬菜，整體上已經夠飽亦都夠健康！但係原來仲未完，食完之後加隻生雞蛋加埋啲飯，勁香蛋味，因為都係嚟自日本嘅雞蛋！加埋個飯熱辣辣香噴噴！配埋杯生啤，今餐的確不錯！

天氣清谅，想緊食咩好，心大心細係商場行行下時，看到這間餐廳門口餐牌，就走了入去。餐廳感覺好舒服，店内職員都好有禮，應該商場仔的優點。泡菜豚肉鍋烏冬，大大鍋材料又豐富，除了黑豚肉和泡菜，還有生滾雞蛋，和幾款菇做配菜。湯底味道剛好，不是太濃，烏冬煮得夠彈牙煙靭。吉列豆腐，吉列炸得鬆脆，而豆腐夠熱又好滑。炸雞炸到熱辣辣，加了檸檬汁，食時清新D無咁油，而且好香口。再叫了大根煮牛肋，牛腩炆得好淋，個汁好濃郁好香牛腩汁味，炆到冬菇都入晒味，應該配飯好好味。

餐廳裝修較為現代風，但餐廳內外都有好多日式擺設，顏色好搶眼，在商場內遠遠都看到這間日式餐廳。入到餐廳，已經見到廚師切刺身，看見好想食，所以先order 刺身和壽司。刺身是針魚，條魚比較細條，切出來比較細件，可能是新鮮，肉質好有彈性，而且好甜。第一次見到全條針魚，原來這種魚咁好味。刺身沙律都好好味，蔬菜勁爽口，沙津汁好開胃，蟹子多，蝦大隻又甜。壽司都order左蝦，一樣大隻又鮮甜。海膽軍艦，襯紫菜脆口，要快D食，海膽甘香又鮮甜。而帆立貝刺身壽司，又甜又張口。食材夠新鮮，真係好回味。

德寶中心係九龍灣站附近，平日都少啲經過，但知道有間日本野係度，所以去左試下。呢個二人餐睇落幾豐富，啲野幾岩食，而且價錢不算貴，所以就試下佢。日本蕃茄八爪魚沙律賣相一百分，分量幾大，一啖夾起有沙律菜、八爪魚同蕃茄，食落口充滿口腔，非常清新～刺身盛刺身盛質素都幾好，全部魚都好新鮮，由其鐘意帶子，大大隻，十分滿足。海膽蔥花拖羅蓉卷拖羅蓉一直係我最鐘意嘅日本野食之一，加上充滿鮮味嘅海膽係面，係我呢餐最鐘意嘅食物！豆乳雞軟骨丸子和紙火鍋乳白色的湯底充滿奶香，同軟骨丸子十分配合，加上火鍋底有薯粉，麵面沾上湯底食落好好味，而呢一個鍋好多菇，對於鐘意食菇嘅人來講一定滿足。今次來試左佢個餐，而我見佢仲有好多食物係menu上面，串燒都好似不俗，下次會再返來試下其他食物的～

喺九龍灣站附近周圍行 去到得寶商場發現呢間日本店有好多lunch set可以揀 仲要全部set都有相 睇到花多眼亂😋😍 日本嘢嚟講價錢都算平 每仲set有沙律 又有湯又有蒸蛋 淨係見到相都好吸引😍我點咗特選吉列盛定食 (有我鍾意食嘅蓮藕😍 炸粉唔會好厚 不過炸黑毛豬 同炸蠔都。。冇咩味😅 (點醬食 配沙律醬同燒肉汁) 蒸蛋配料好足😋 味噌湯唔會太鹹👍 lunch set飲品要加錢 我冇叫到飲品 淨係飲個湯都可以😉令人驚喜嘅係 埋單時先知道有雪糕送😂🙊。。 細細杯甜品 有個美好嘅ending😍總括嚟講 服務同環境都幾好 上菜速度快 雖然今次叫嘅炸物麻麻地 但佢啲魚生飯賣相好吸引😍 所以有機會會再嚟😋

朋友放工約出黎聚下，近排勁愛日本菜，就黎大漁屋台食dinner。 麻醬蕃茄豆腐沙律 $52 沙律菜加埋酸酸甜甜既蕃茄好開胃。豆腐口感頗軟滑，同麻醬既香味好夾。 三文魚刺身 $48 3切 三文魚厚切，鮮咪十足，3塊有d唔夠喉。 軟殼蟹水葉卷 $68 飯卷唔易散開，軟殼蟹口感鬆脆，相當惹味。 和紙豚肉火鍋 $96 紙火鍋第一次食，感覺好新鮮。豚肉肉質軟腍，配料豐富，有豆腐，重有溫泉蛋等。 大根煮牛助 $78 秋刀魚 $38 大大條好有份量，外皮煎香，魚肉有鮮味。讚！ 鰻魚丼 $88 鰻魚飯賣相好靚幾吸晴，鰻魚汁滲透飯粒，加埋煎蛋食完好滿足。

住係九龍灣已有十多年既我，一直都試唔晒附近既餐廳，不時都會發現有新食點，今次亦都發現了位於德寶商場一樓，比較隱蔽的日本餐廳-「大漁屋台」。店內環境充滿了大量日本風味。今次試了店員推薦既「大漁屋台二人前」一來前菜已經有驚喜，三款前菜都各有風味，最令我印象深刻既係中間既蒜，食起上來爽口又無重口味既感覺。日式蕃茄八爪魚沙津，八爪魚亦都好新鮮好爽口刺身亦完全反映了師傅既刀功，新鮮既材料配上獨特既醬汁，完全係另一個體驗拖羅蓉壽司，我今晚晚大推，香濃既魚油，加上粒粒飽滿既壽司米，其實真係停唔到口豆乳紙火鍋，雞肉軟骨丸子亦都做得好出色，配上豆乳既感覺都好新鮮再有四串日式串燒大大碗安格斯牛肉烏冬，牛肉量好多雪糕做甜品總結係，細細間既鋪，居然做到咁多種類既美食，下次要黎試埋其他

軟殼蟹水菜卷$68軟殻蟹仲好脆 又唔會炸到有陣油益味 炸得乾爽😍 飯卷住大大隻的軟殻蟹 大滿足🤩 黑豚肉蘆筍串燒$28原來蘆荀可以咁好食🤩黑豚肉包住 燒得超惹味 蘆筍本身都靚 比較粗 食落好鮮甜😆燒芝麻雞翼$20個皮燒得脆卜卜 金黃色 雞肉都好滑 👍雜錦天婦羅手打烏冬$78稻庭烏冬好彈牙有咬口 天婦羅有蝦、冬菇、南瓜、矮瓜，炸粉皮尊薄的，不過蝦肉就略嫌少少鞋口。大根煮牛柳$78大根蘿蔔好甜 牛柳好淋 用左牛腩汁煮好香。 關東煮 ： 山芋魚肉餅$12好彈牙 似淋D既魚蛋 又幾香芋頭味！雞胸軟骨丸$15特別在食落會咬到D雞胸軟 口感幾特別。食左3款魚生，全部都好新鮮！油金魚刺身$26鳥池魚$33赤身$30

難得收工，同朋友好耐冇見，大家又住得近呢頭，就決定一齊食大漁屋台，第一次食晚市, 都幾多人下。我地叫左軟殼蟹水菜卷$68軟殼蟹好有口感，炸得唔錯，一咬落爆晒汁。壽司仲有沙律醬。和紙火鍋 豚肉$96呢個十分特別，真係第一次見火鍋可以用紙上，仲要唔著火!有好多蔬菜，湯底都唔錯，仲有溫泉蛋Tim, 好健康。麻醬番茄豆腐沙律$52前菜黎講十分開胃，加左麻醬味道好出。鰻魚丼$88呢個飯夠晒足料，鰻魚燒得唔錯，冇乜骨，加埋燒汁好惹味。

喜愛食日本嘢，今日就來到牛頭角大漁台屋，餐廳主打有:刺身，爐端燒及串揚...等，都很多款式。餐廳不是很大間，但整潔舒適，裝修充滿了日本氣息。極上花魚生丼這個丼有不同的刺身，有三文魚、吞拿魚、立魚、海膽、八爪魚、三文魚子等，分量不俗，而且味道非常鮮甜，尢其是海膽特別出色。一啖刺身一啖飯，再簡單醮上wasabi 及醬油，已經美味非常。幻彩海鮮杯海鮮杯滿佈不同的刺身並分層排列，有海膽、黑鬆露、三文魚、拖羅魚蓉、蟹籽、三文魚子、蟹肉、蟹膏豆腐等，頂層再加一塊雪魚片干，整杯東西極富藝術美感，美得自己差點也不想吃。最後我將刺身用紫菜包著當手卷吃，每一口也充滿不同刺身的味道，真的很滿足。味噌煮大根豬軟骨豬軟骨就煮得正常，不過不失，反而我最喜愛的卻是配料蘿蔔。蘿蔔炆得很淋，而且煮很入味，盡吸味噌及豬肉的精華，有如吃牛雜時那舊蘿蔔一樣。關東煮關東煮有好多款選擇，我們揀了黑蒟蒻、椰菜卷、魚餅，配合醬汁醮來吃，味道不錯。朋友最喜歡黑蒟蒻的質感，膠膠的但卻很彈，有點像啫喱。燒魷魚魷魚燒得剛剛好，外脆內軟，再配上燒汁一起吃，更將魷魚的鮮味進一步提升，如果用來佐酒就一流呢！

呢間餐廳已經食左唔止一次。約左朋友食飯，難得佢又過左黎九龍灣做嘢，梗係要帶佢黎試下！蔬菜好新鮮同甜但蟹膏就好失望好食，軟殼蟹脆卜卜年糕福袋無乜味😅羅白好入味😋😋串燒 :豚肉好厚，咬落竟然好juicy，有驚喜😍露荀卷啲露荀好嫩，不過塊肉無乜味，成件食落口好淡味炸物:全部都係即叫即炸，熱辣辣炸海鰻，好嫩滑，1份有2件炸海老，脆卜卜炸豆腐，無乜味，但內脆外軟，要小心食炸紫薯餅，好好食😍我同朋友都大讚👍👍忍唔止要叫多件牛肉烏冬，普普通通，無乜特別，下次會叫番丼食

朋友最近搬左去九龍灣，佢話一個小型商場入面，有間都幾高質既日本餐廳🎏去到見到門面佈置得好東瀛風🎎而且晚餐時間都幾爆-🔹特選壽司八點盛($198)有我鍾意既呑拿魚蓉、甜蝦、帆立貝😍甜蝦仲要好大好厚肉，同埋帆立貝下面舊飯都係圓形，超得意🤣另外赤身都唔會好腥🍣▫️我地仲試左海葡萄🍇我地第一次食，爽爽脆脆咁😳本身無乜味，要沾埋啲酸汁一齊食先得-串燒我地叫左幾串，全部都唔錯，價錢亦都唔貴👍🏻我一向都好喜歡揀菇類串燒，因為外層燒得好香，內裡就好juicy💦🔹鹿兒島黑豚肉($26)🔹鯖魚($18)🔹雞尾($22)🔹杏鮑菇($16)-仲食左關東煮🍢係自己揀自己鍾意既，自己配搭✍🏻(逐樣計錢)，我地就揀左竹輪、豆腐、八爪魚呢啲基本野🐙-🔹滑蛋吉列黑豚丼($88)我地怕唔夠飽，叫左個飯share😋塊吉列豚就算同滑蛋一齊煮都可以keep到好脆，塊肉又好淋，整體都唔錯👍🏻-

入到店，好舒服，雖然鋪仔細細，但係好骨紙！佢既裝飾品都好俾心機！同埋服務員態度好好，即刻斟茶俾你，同埋忙緊都會話唔好意思等一等！服務好！佢呢度嘅食物品種好多，除咗有正常嘅壽司刺身天婦羅之外，仲有產地直送刺身魚，當然清酒嗰啲一定有啦！最好嘅事佢有好多set俾你地叫！最啱我呢啲成日樣樣都想食嘅人啊！————山葵八爪魚$38好特別！入面充滿醬汁！係鹹左啲啲！但係質感好特別！————極上六點刺$288每款兩件！岩岩好！唔好太飽，又夠口痕！仲要佢既刺身好新鮮丫！好味！推！————和紙火鍋（牛肉）$96一上黎時，牛肉未熟晒！所以就到食時岩岩好！佢真係用紙裝住啲野食！好得意！都幾特別！———什錦天婦羅手打烏冬$78烏冬好彈牙！天婦羅都係即炸！好味！總結：服務好！食物質素高！價錢很合理！

係呢個平民商場發現到有間CP值高的日本餐廳！裝潢仲好似去左日本咁！好有特色呀！😻野食選擇好多，睇到我花多眼亂。最後唔想煩，就決定食佢個二人餐喇，見都幾豐富幾抵喎！先來三式前菜😋食完都幾開胃，尤其中間的辣味魷魚🦑食落爽口又惹味！日本蕃茄八爪魚🐙沙律🥗日本蕃茄真係唔同d,特別鮮甜，好多汁，加上蟹籽八爪魚一齊食，口感豐富又爽口🤤好清新既口感！一盤既刺身😻時令刺身有 左口魚刺身，味道幾好味，帶淡淡既魚香味，再沾上酸汁，令到魚香味調出，更好味！三文魚🍣帶子，鮮甜肥美，好新鮮🤤油甘魚好靚，食落甘香味濃郁，好多魚油鮮甜！海膽蔥花拖蘿蓉卷🤩賣上好吸引！舖上海膽拖蘿蓉，呢個配搭幾match，海膽濃郁既海水味，好creamy!帶上鹹鹹的拖蘿，食落好好味，不用沾豉油都夠哂味！豆乳雞軟骨丸子和紙火鍋🍲呢個夠哂特別，好少食到和紙火鍋。湯底係濃郁既豆乳湯，好香而且味道不會很鹹。清清地，配料非常豐富，豆腐，粉絲，金菇，雜菜，冬菇等等。而雞軟骨丸子都係第一次食，口感幾好，食落會食到雞軟骨肉，好爽脆。串燒拼盤，煙肉廣島蠔，又幾好味，海水味重，夠鮮味。翠肉瓜好清甜多汁，解膩。鯖魚肉厚，再沾上酸汁，魚香味更出，好惹味！黑豚

由於男朋友係九龍灣返工，我地經常都會係附近搵地方食飯。係openrice發現得寶商場有間新日本餐廳好似好靚，我地就黎左試下環境真係好靚呀！裝修得好有心思，好似真係去左日本旅行咁。食物方面亦好驚喜！山葵八瓜魚八瓜魚好新鮮而且伴有山葵，兩者味道都好出，當中更帶有芥辣，口感非常正。作為前菜，十分開胃。日本直送三點盛三款魚生各有千秋，味道的確係三重享受，有不同嘅肉質、口感和味道，而且塊塊魚生都好新鮮和厚切。碎三文魚蟹肉卷外觀已經相當吸引。三文魚同蟹肉搭配好夾，好好味！燒日本原隻魷魚平時食日本餐唔多叫魷魚。今日男朋友想食，我地就叫左隻黎食。隻魷魚真係好大隻！一上枱就已經聞到好香。無諗過會咁好味每塊魷魚都好彈牙，咬落啖啖肉，火喉把握得好好，配上醬汁真係好正。日本沖繩豬手第一次食日本豬手，感覺幾唔同。睇落感覺有啲似關東煮，有蘿蔔、香菇襯托，肉汁鮮甜，而豬手啲肉質好軟腍。鰻魚丼作為鰻魚的fans，當然少不了鰻魚丼啦。食過唔少餐廳啲鰻魚飯都燒到有啲焦味，而呢到完全冇。火喉控制得剛剛好，好有質素！鰻魚仲好大塊添！作為日本菜愛好者，今餐真係絕對值得比like，滿足感十足