大漁屋台 (已結業)

之前已經食過幾次，覺得呢間日本餐廳好食又唔貴 ，所以今次生日飯我又揀咗黎呢度食喇😊😊豐洲丼($108):刺身好新鮮，連平時唔敢喺香港食嘅海膽我都覺得好鮮甜👍🏻👍🏻鰻魚丼($88): 鰻魚厚身多肉，但覺得有少少腥😅天婦羅~穴子(海鰻魚)($18/件): 今次好薄身，同埋已經凍咗😢甘栗薯餅($18/串): 一如既往咁好食❤吉列豆腐($12/串): 熱辣辣，朋友差啲淥親嘴唇😆串燒~鹿兒島黑豚肉($26/串):今次燒得乾得滯，無上次咁juicy😢蜜桃雪葩($48):好甜，唔係想像中嘅味道🤔好細個，食咗幾啖就無喇😂😂呢個一定無下次👎可能因為今日唔係好多食客，啲嘢食黎得好快， 仲要一次過黎曬 😂😂所以未食得切啲嘢食已經凍咗😅下次嘅話可能要逐樣叫😆係openrice訂枱仲有折👍👍

都好似好耐冇食過日本野，尤其是係魚生丼都好鍾意食但係比較少食諗返起以前去唱K都有得食。你九龍灣就嚟得多不過真係冇嚟過九龍灣呢個地方，係比較少人去囉。可能係屋村少少，就唔係鄰近咩大型商場但係其實我都覺得地點可以接受到，其實可以去，可能仲搵到隱世珍寶。我哋就一人帶咗一個魚生丼。我要左B餐，先係上咗拖羅蓉手卷，個拖羅都有幾多，唔錯。係幾鮮味嘅。配埋啲香蔥更加可以提升新鮮度。刺身有三文魚油甘魚同埋帆立貝各兩件。我覺得幾好因為有幾款配搭，咁就可以冇咁悶，又可以送飯。之後仲有個雜錦天婦羅添。仲有成四款添，南瓜，番薯，海老同茄子。個番薯都幾甜。另外我幾鍾意佢嗰個蕎麥麵，因為佢啲麵就係幾有咬口，特別有韌勁，食落唔同普通嘅麵。仲有個燉蛋擺到最後先食都保持到熱力，特別嘅係佢入邊有粒白果，不過有少少苦。同埋仲有啲雞肉添。不過我覺得d食物可以再俾多少少驚喜。其實我幾鍾意餐廳嘅設計，幾有日本感覺，即使是小店。如果係七點前入席仲可以有九折。其實即係免左加一服務費。早啲食仲健康啦！

今晚相約朋友在淘大，之後自己找餐廳食晚飯。在德寶商場選了大漁屋台，見餐牌多選擇，有刺身、有串燒、又有各款海鮮丼。見到一人餐好吸引，叫了J餐$128，包了味噌湯，茶碗蒸蛋和沙律。三文魚刺身厚切，魚油味香；吉列炸蠔脆口，喜歡店給予兩款醬，尤其是啡色個吉列醬，好味。主食的牛肉手打烏冬，份量好大碗，手打烏冬攪平時的粗身，食落更彈牙，更煙韌，而牛肉味道濃，又淋身，完全冇肥膏，高質的牛肉片。見到特式牆，充滿日本風情的掛飾，再見到推介菜牌有特色串燒，再問店員請佢推介吓，結果推薦新款串燒「雞胸軟骨丸」$24，真係好特別，雞肉丸，食落軟骨有嚼口，仲配了個整隻蛋黃醬食，口感複雜，但相當好味。

今晚同個朋友去開九龍灣行街，佢提議夜晚去附近一間日本餐廳食，原來間餐廳係得寶商場，其實喺淘大商場附近，人流比較少食飯都唔使等位去到門口見到有個宣傳，話晚上7點前或者9點後入座食滿$200都可以有九折優惠，我地剛好7點前到，咁就可以慳返啲錢餐廳裏面都有幾多日式風格嘅裝修，幾特別餐牌有單點嘅選擇，亦有一款二人餐，都幾多嘢食我哋就揀咗餐廳新推出嘅晚市定食，選擇都幾多，全部套餐都有刺身或者壽司🍣，而且全部定食都會包味噌湯、沙律同埋茶碗蒸我揀咗個定食A餐，佢有五種刺身、雜錦天婦羅同埋白飯，賣相好豐富，見到個定食都胃口大增刺身有拖羅、白身魚、三文魚、油甘魚同埋蝦，每一樣都好新鮮，我最鍾意就係蝦同埋拖羅，因為蝦好鮮甜，而拖羅就好肥美雜錦天婦羅就有炸蝦🍤、茄子🍆、蕃薯🍠同埋南瓜🎃，點埋醬汁食酸酸地好夾，蔬菜天婦羅夠新鮮茶碗蒸嘅雞蛋蒸得剛剛好，唔會過熟，裏面嘅材料都豐富餐廳嘅招呼唔錯，而且好有日式風格，坐得舒舒服服，其實餐廳嘅位置都冇想像中咁遠，九龍灣地鐵站行過嚟大約10分鐘左右，可以算係一間隱世嘅日式小店

今日去九龍灣德寶探朋友，一同到樓下的德寶商場午餐。現在德寶商場翻新後食肆林立，選擇繁多，朋友說這日式餐廳相當抵食，我們就入座午膳。我們各點了一份午市套餐。我點了刺身盛定食，刺身有三文魚，我最愛的油甘魚、鮮甜的帆立貝、鮮味十足的甜蝦、及有咬勁的八爪魚，每款刺身有兩大件，非常滿足。套餐配以前菜、中華沙律、麵豉湯及日式蒸蛋，而餐後更有雪糕奉上。我們也點了個甘栗薯餅小食分享，外脆內軟，薯味十足香口。套餐份量豐富，食客一定飽肚而回，價錢也相當大眾化，實在是街坊日式食堂。

落雨天，最好的聚腳點當然首選商場，今日來到得寶商場逛逛，想不到下午2 點的大漁屋台，門前仍有多人等候，趁未入座就先看看餐牌吧！午市定食有14種款式可供選擇，令有選擇困難的我有點眼花繚亂。價格介乎$58-$88，以週未的午餐來說，算是相當花算。海幸丼有二件三文魚、二件白身魚、蔥花吞拿魚及海膽刺身。飯是預先以赤醋調味，帶點酸味及略帶點淡啡色。甘栗薯餅、 一口芝士及炸蓮藕餅炸芝士的外層香脆，內裏軟綿綿。甘栗薯餅則是紫薯蓉包著粒粒栗子，甜中帶點咬口。午市套餐的雪糕也有三種選擇，紅豆、抹茶及豆腐。我點了的紅豆味雪糕，帶有粒粒紅豆，甜度適中，是典型的日式雪糕。

除了觀塘，牛頭角也有價錢親民的餐廳。而最近同事介紹《大漁屋台》位於九龍灣地鐵站步行約10分鐘的得寶商場內。 《海葡萄 $42》朋友注重健康而點了一客海葡萄，有多種維生素、礦物質、不飽和脂肪酸，口感爽味道清。《黑松露帆立貝油甘丼 $108》份量很大！ 有多種海鮮 油甘魚、黑松露帆立貝、蟹籽。 油甘魚紅肉鮮甜，帆立貝肉質結實，好吃。《炸物 鵪春蛋 $18》餐牌上看見，又幾得意所以點了一份 ！ 口感好脆不厚粉！《炸物 洋蔥 $12》另一炸物，有洋蔥圈的食物份外好味，香口又清甜。《炸物 一口芝士 $26》脆皮包著溶溶地芝士好香又熱辣辣。

想吃日本菜，又沒有時間去日本，這一家可能可以滿足你店size 不大，食物種類很多，大根煮牛肋，好好味，串燒牛舌厚切，串燒黑豚肉，雞翼，関東煮，舫鮄魚刺身，拍得住很多日本的日本料理

九龍灣的食肆越來越多，除了德福淘大之外得寶商場也開了不少新食肆。所以就同老婆係情人節前一日食定大餐先，免得佢到時話我無同佢慶祝😂😂😂我個肚係玻璃肚，只要食物唔新鮮或好油膩，就會肚痛。但今餐一啲事都無，證明所有食物都好新鮮。刺身季沙律好新鮮，而且侍應好細心，問我有啲咩唔食。我話唔食得沙律醬，所以佢將沙律和醬汁分開上，非常貼心。鰻魚飯的醬汁是我的最愛，只用鰻魚汁拌飯，我食兩碗都得呢！八點壽司🍣盛頗特別，飯是淺啡色，原來壽司飯已經加左醬油，而且味道調校得恰到好處。壽司之中以帶子、甜蝦、油甘魚，最鮮甜美味。煎沖繩豚肉餃子煎得香脆可口，肉嫩多汁又唔乾大根牛肋肉煮得好淋，加堆蘿蔔和香蔥，令味道更立體突出。唐揚炸雞熱騰騰，灑點檸檬汁，感覺上無咁熱氣。

這個商場如同一座迷宮，比我發現了一家和味十足的日式餐廳。餐廳的裝修和室內設計非常有日本特色，相信在裝修上花了不少心思，食物品質也不會太差吧！刺身季節沙律🥗:沙律菜十分新鮮爽脆，刺身也不是馬虎之作，有原隻甜蝦、肥美的三文魚和油甘魚。特選八點壽司🍣：這間居酒屋的壽司頗有特色，壽司飯已經調了醬油，故此不用點醬油，即吃便可。大根煮牛肋：蘿蔔和牛肋非常入味，而且煮得好淋。唐揚炸雞🍗：炸雞即點即炸，新鮮熱辣。粉漿脆薄可口，雞肉鮮嫩多汁。煎沖繩豚肉餃子：餃子有一面煎得金黃脆口，另一面則軟熟可口，而且唔會煎得太乾。如果再多三隻就更加好啦！鰻魚丼：有兩塊鰻魚，用料十足！加上鰻魚汁、白飯、蛋絲和紫菜絲同吃，更是滋味。

人越大，身子越多問題....面色差、氣虛、起身見頭暈等等，在朋友介紹下去睇中醫調理一下。來到得寶商場，一個陌生的地方，決定先覓食後睇醫生，免得中醫師講一大堆要戎的食物，到時都唔知點忍好。原來這裡都有很多食肆，仲有街食街，各式各樣，不過我還是想吃日本菜。最後發現了一間拉麵店和一間居酒屋，當然揀後者。門面的裝潢已很吸引，掛上色彩繽紛的日式布廉，而內裏就更有特式。牆身掛上多塊色彩繽紛的旗幡，店頂掛上魚網和魚旗等等，全店裝潢充滿着日本的傳統色彩，好有feel。一邊是師傅的製作場地，而另一邊是 “L”型的用膳區，一排靠牆的木座位配二至四人枱，再走入一點還有數張二至四人枱。看看枱上的餐牌和餐簿，分別有三款二人前、丼和飛機刺身魚，而餐簿就分有前菜、沙律、刺身、壽司、、卷物、串燒、天婦羅、揚物、關東煮、漁師料理、食事、飲品和甜品，還有牆上黑板的本日推介，選擇很多。**************************先點一碗北海蟹丼 Hokkaido Crab Don ($98)，用料有鮮甜的松葉蟹肉、爽嫩鮮味的蟹鉗3只、脆卜卜的蟹籽、甘香的蟹膏和油潤的蔥花吞拿魚蓉。米飯粒粒飽滿圓潤，已調味，味道剛好，

九龍灣得寶商場入面裝修過，有一堆餐廳進駐，今次午飯時間去到，見到有間日本餐廳好多人排隊，我咩都唔多，就係時間多，所以就排埋一份🚶🏻‍♀️喺門口見到lunch set普遍價錢都好優惠👍🏻今次同屋企人嚟食，佢哋叫咗兩個海幸丼set $88，跟set包咗沙律、前菜、茶碗蒸、味增湯同雪糕，加$5仲可以加配汽水😋海幸丼好豐富。有三文魚、白身魚、蔥吞拿魚腩蓉、牡丹蝦同海膽，我偷食咗幾啖，啲魚生都好鮮，特別係海膽，唔會話臭，唯一缺點係吞拿魚蓉同海膽份量都比較少。我自己散叫咗黑鮪二重丼 $158，入面包咗赤身、中拖羅、蔥吞拿魚腩蓉，赤身同中拖羅都嘛嘛哋，食落唔算好新鮮，亦都有啲筋，魚蓉就ok，肥美🤤

今日往朋友家小聚，之後一起到附近商場吃晚飯，我很少來牛頭角這邊，平時最多也是往淘大方向走，閒逛了幾間食店，路經這家日本餐廳，門外看見裝修不錯，朋友又說也想一試，所以就選了這裡，想不到質素也很好，吃得滋味。“針魚刺身” 果然小魚特別甜，這條確實很新鮮，魚味也很突出，肉質有口感，有時就是喜歡這類小店，總有驚喜。“滑蛋吉列黑豚丼” 滑蛋加上洋葱是很好的配搭，洋葱煮熟後的甜味溶入滑蛋中配白飯吃一流，而且這件黑豚肉厚切的，超有口感。另外，還點了兩款小食，“炸雞” 熱騰騰又啖啖肉，外面很香口，雖然怕熱氣，但忍不住吃了兩件；“吉列豆腐” 因我個人喜好，不管如何制作(火鍋還是吉列)都一樣滑滑的，好像豆腐花一樣，不吃不快，超鐘意。

食日本菜通常會去到旺角或者尖沙咀的地區，但是食物的質素不一定好，價錢都會很貴，今日去到牛頭角得寶商場（大漁屋台）餐廳地方不算大，但設計好有日本風，食飯後覺得食物質素很高所以地區不是代表一定可找到高質的美食，估唔到係牛頭角這個區都會找到驚喜。刺身季節沙律$58，牡丹蝦好鮮甜，沙律菜夠爽口，加上沙律醬汁，十分醒胃。島池魚刺身薄切$118，池魚肉質鮮嫩味美，池魚切到透光度像玻璃一樣。芝士虎蝦卷$68，大塊的芝士再加上鮮甜的虎蝦同配菜，好有層次感，兩者都是我的至愛。泡菜黑豚鍋烏冬$78份量十足，材料有主角黑豚肉、烏冬、冬菇、泡菜等，湯底味濃厚，帶出了煙韌彈牙的烏冬及配菜入哂味。鹿兒島黑豚肉串燒，燒得好入味肉質仲好有口感。唐揚炸雞$58熱辣辣，十分香脆。

最近很鍾情日本風的室內設計，尤其這店內掛滿特色門簾同鯉魚旗幟，就好像日本魚市場般很有色彩。看到餐牌上的食物很多選擇，勁吸引。同朋友來聚下，這裡也是不個好選擇，環境會太嘈雜。今晚揀選了很多我喜歡的食物，先來一客刺身季節沙律：沙律菜爽口又清新，刺身又多又鮮甜，尤其是牡丹蝦刺身，食過返尋味，忍不住再點了一件牡丹蝦壽司。三文魚籽壽司也很鮮味，有些鹹鹹地紫菜很脆，即製果然不同。第一次食串燒雞尾，外表看來像雞軟骨，內裡口感是軟軟的，很特別；還有我至愛雞腎及安格斯牛肉，兩款都燒得剛剛好，口感不會硬實實，加上配有少許辣味的調味粉，確實有風味。最後還有一個關東煮，其中一款芝士魚餅口感不錯，這款我也是第一次見。